#الحب-والاعراف

وداع

فتحت الباب شفت امير ومها...
امير...من شفت وضعها وهاي متحسنة وهيج جاشلون جانت كان من ودي اطلع املخ باسم...ورد ندري ماشفتي هنا الراحة ...بس تبقين بنت عمنا ودمنا ويعز علينا فراكج ...اي شي تحتاجين حاضرين
مها...ورد انا اعتذرلج ...الصار من تحت راسي...بس قسم بالله ماهكيت التلفون يطلع عندج ولا شكيت بيج لحظة...خيتي عذريني...كامت تبجي
ورد...حظنت مها ...مالها ذنب ...الذنب باختي الي لا راعت اخوة ولا عشرة كظتها وياهم...سلموا علي وراحوا...
امير...شكد كلبها طيب...رغم كل الي صار ماشايلة على احد...اخخخ ياكلبي شلون بيك ...كافي مو نصيبك...لا تكولي تعشكها ومو بيدك العشك ..جا شكدر اسويلك...وصلت مها وطلعت بوجهي على اصدقاىي ماريدن اشوفها من تطلع....كافي اخذت كليبي ...
اغلب ولد عمي وبناتهم اجوي سلموا علي ماعدا باسم
علي...جا خيتي على منو اجرب ادويتي
رؤى...صخام جنت تجرب بيها
علي...جاصدكتي انا دكتور
ضحكنا سلموا...وراحو...بس عيني على الباب..ردته يجي ...
رؤى...ورد مو تنسيني
ورد...جاعيب عليج هالحجي ...انسى خيتي...وين قاسم
قاسم..موجود...خيرج خيتي
ورد...ابو عباس امانة عليك...تجيب رؤى النا نشوفها..
خلي تتواصل وية امي
قاسم...انتي تامريني ياورد جوري
ورد...قربت منه..وبسته بخده...انت اخوي...من طلع رؤى وين باسم
رؤى...شلج بيه
ورد...مالج شغل ...بس دليني...
رؤى...يم البستان تندلين مو
ورد...اي.
رؤى..واذا سألت امي...جانت متردد تكول الكلمة
ورد...اتصرفي
رؤى...شلون ترحين وانت كوة تمشين خلي اوصلج وهو يرجعج
وصلتني ومسافة شفته كاعد صافن والجكارة بيده بس ظهره لنا...اشرت لرؤى ترجع...وتمشيت قريب عليه...رغم كل الي سواه ماردت اروح بدون ماشوفه لاخر مرة...ردت اقهره مثل ماقهرني وذلني بضربه وبالكلام الجارح...
ورد..هيج كبرياء عندك رغم انت غلطان ماتعترف وتعتذر علي سويته
باسم....بعد ماعرفت الصدك ظليت لا ليلي ليل ولا نهاري نهار...اول مرة اخطأ هيج ...حكمت على البنية مو بعقلي لا بمشاعري ...عشكتها وكرهت هالعشك...لان شفت نفسي ضعيف...وشفتها ميالة لامير...وماردت اعيد مأساة عمي...ليش مااعترف...خفت لا ماتعشكني ...وهالحب والغيرة عليها طلع بشكل غضب ...اليوم امها اجت تاخذها...جان بودي امنعنها ...بس ماكدرن بعد الصار...ماشافت هين غير الأذية ...خلها تروح ...
باسم...ورد شجابج الحين...ردي بنت عمي
ورد...ردت اشوفك قبل ماروح ..واسلم عليك...ردتكم حزام ظهري...بس شبعت ضيم وقهر... ومحد نصفني بيكم...ردت اكلك ماتربيت  هنا وماعرف عوايدكم مامعناها فالتة ...واكلك يابن عمي .الاعتراف بالخطأ فضيلة ...بطل من هالكبرياء...انت مو منزه عن الغلط ...وانت انسان المفروض مثقف لعد شبيقيت للجاهل
باسم...كام والتفت علي... شجم مرة كتلج ضبي لسانج وتحجي عدل...لارويج
ورد...راويتني ماقصرت...وتركت اثار مانساها لعمر كله...تقرب علي...
باسم..حا انا تركتلج شي تذكرني بيه...تركيلي مايذكرني بيج
ورد..مافهمت عليك
باسم ...جريتها علي وحظنتها وبعدت شاله وخليت وجهي بركبتها..تركيلي شمة من عطرج ...يوانسني بليل البعد...خليني اشمنج حيل ...واشهك باأنفاسج...سكت بغصة
ورد...رجف حيلي بحضنه وزادت دكات كلبي من شمني حيل...ردت ابعده بس ماتت ايدية
باسم...بست راسها...مودعة باالله بنت عمي
عافني وراح ودموعي تجري ...شنو بيك محيرني لا انك قاسي واكرهك ولا انك طيب واحبك...اخافك بس اتمنى اشوفك...رجعت للبيت ورحت سلمت عل بيبيتي رغم ماشفت عمي ومرته ماطلعت حتى ماتشوفني...
ولا لمى اجت سلمت علي ...من ركبت السيارة التفت على البيت ...اجيت طفلة ماعرف شي بهالحياة خلال ٣ سنوات كبرت مال عشر سنين وا اكثر ...شفت وعشت اشكال...من تحركت شفت باسم من بعيد واكف ومكتف ايديه يباوع على السيارة..
باسم...ردت بس ابرد النار الي بداخلي بشبكتي لها بس مادريت زادت ماطفت ناري ...بقيت اتمشى بالبستان وبرجعتي شفتها من صعدت للسيارة...بكيت اتفرج علسيارة وهي تبعد وتاخذ روحي وياها...
• داريتك بروحي ومانفع وياك

ومايحتاج اكلك عيني التكلك

بجت يوم الرحت عنهه بلايه وداع

ماكدرت تصدلك ودعت ظلك

موآنه الاسولف لا لسان الحال

عيوني على الدرب هي التسولفلك

ماصبن دمع عكبك تصب جروح

وعلى اوراق الصبر مشتاكه تكتيبلك

بجه عليه الصبر وانه الاون آهات

وتعدي سنين عمري وآنه احسبلك

يالوحه وصرت مرسومه وسط العين

برمش عيني ابتسامه طيوفي ترسملك

اكولن هم ترد لو ماترد فد نوب

حتى اشعل سنيني شمعه واصبرلك

شايف لوترد شنذر الك شوباش

باقي ايام عمري حالف انثرلك

منقول الشعر...وللحكاية تكملة