#الحب-والاعراف

ظالم وقلب رقيق

باسم ...رحت للشركة بنيتي اخذ اجازة وارجع ..ردت اعرف منو الي خله الموبايل بهدوم ورد..وشنو قصده من هاللعبة ...صدكن مو ورد الي سوت هيج لان امير جان جدامها وتكدر تخليه يعادي اهله وياخذها...بس من وصلت للشركة ..المدير طلب اخلص شغلات يلا.... يومين ودك عمي علي...كال ارجع رايديك ...رجعت وتفاجأت كالوا ورد شردت ...شلون شردت وية منو محد يعرف...بس احنة بارياف المحافظة ناس تعرف ناس ...يعني متكدر تطلع اذا مو متفقة ويةاحد..زين ممكن جان ظني خطا وفعلا الموبايل لها...والنوب امير راجع قبل يوم من شردتها من تركيا ونفس اليوم الي شردت بي طالع لبغداد كايل لهم عندي شغل...انا اول واحد خطر ابالي هو بيت خالها...اخذت العنوان وولد عمي ورحنا ومن كال خالها ابن عمكم جابها ربطت السالفة وعرفت امير له ظلع بالموضوع...روحي شاغت وشفت نفسي شكد غبي صدكتها ...مودي اسحلها بالشارع من طلعت ...نامت بالطريق...اباوع عليها معقولة كل هالبراءة يطلع هيج منج...عمرج ١٧ سنة ولعبتي فلك...
علي...على كيفك باسم...راح يجرالك شي
باسم...لك شنو زلم احنة لو لا صغيرة لعبت بينا لعب
علي..مااكلت شي
باسم...يطبها مرض
علي...باسم تتوقع امير هو الي جابها
باسم...منو غيره..نوصل ونخابره يجي...بس لا تتحجى شي انتة
وصلنا..وهي بكل عين قبيحة ترادد عمي...من جرالعكال....ماقبلت كلت بلكت تحجي ونتجنب الضرب...بس هي ظلت مصممة  ماتحجي وترادد وتتجاوز ..ماحسيت على نفسي الا واكعلها دك طلعت كل قهري..مو طبعي امد يدي على مرة...بس بلحظتهة شيطان ركبني ...ومن شفت مظهرها شلون صار من الضرب...تندمت ...طلعت كعدت بالداير واني تعبان ..فزيت على صوت رؤى تصيح...اجيت اركض واني ابالي موتتها ...لكيتها متمددة بالكاع لا حس ولا نفس ورؤى تحاول تكعدها وتبجي وتعيط...نسيت كلشي وركضت شلتها للجرباية واني اشوفها خشبة مددة ..صحنا علي...شكل لها مغذي وكال ضغطها حيل هابط ..وكال لرؤى انزعي ملابسها وانطاها معقم تمسح جسمها وضربها ابرة...
رؤى..يوم قاسم وصل ورد...بقينا لاظهر يسالون على ورد ...واني ماجاوب اكول بغرفتها ومن دورها بكل الغرف نكلبت الدنيا...خابروا باسم وجمعوا الولد يطلعون لبغداد...من جابوها وطلع باسم يجر بيها ...عرفت ماراح تعتدي على خير...خابرت قاسم توسلته يجي...دخلت للغرفة بعد طلعت باسم شفت اختي وضعها يبجي الصخر...سودة علي..بقت يومين ماتدري بالدنيا وين تروح وين تجي...همزين علي عنده صيدلية بالبيت للضروريات هو اصلا مضمد ...لحد جية قاسم
قاسم ...خابرتني رؤى تبجي..كتلها اكو شي...كالت الحك ورد موتها باسم من الضرب...جنت بالنجف طلعت بوجهي للمحافظة..من وصلت تلكتني رؤى بجي ولطم..
قاسم...شمالج ياهو المات..جرتني لغرفة ورد جانت غاصة بالبجي ومتكدر تحجي...شفت ورد مشطبة من الضرب وبغير عالم..هاي ياهو سوة هيج...
رؤى...باسم
قاسم...جاليش ...شجراله
رؤى ...اسال اخوك
قاسم...طلعت واني نار..باسم...شجرالك...شمصضم يالغم..
باسم...مقبولة منك خوي..بس ماتعرف شصار
قاسم...عرفني وانا خوك
باسم...حجيتله الي صار كله...قاسم مو بس خوي لا صديقي وعمري ماضميت علي شي...شفت صاير اعصاب ومن خلصت ...صفن علي...شمالك ابو عباس
قاسم...طول عمرك فهيم  ونتباهه براجحة عقلك..بس هالمرة ياخوي...خطيت وخطاك جبير
باسم...مافهمت عليك
قاسم...خلي يجي امير...وتفهم والصباح رباح...رديت لغرفتي
رؤى...ها شكالك باسم...ماجاوبني...شمالك قاسم ماتجاوبني
قاسم...مالي حجاية وياج...
رؤى...جاسويتن انا
قاسم...صغرتي زلمتج
رؤى...انا ماعاش الي يصغرك يابعد طولي
قاسم...جاشيسموها لمن ماتتححين وتكولين اني لي وصلت ورد...مو زلمة بعينج ...شنهي ماكدر اوجف بوجهم ...
رؤى...والي خلقني ماعرفن هيج السالفة...بس شفتن هوسة وباسم مايحاجي احد ويفهم منه
قاسم ...روحي ام عباس يم خيتج ...دير بالج عليها هالمسكينة
طلعت وانا كعدت على الجرباية ودموعي نزلت مظهرهالبنية مراح من بالي ...ماكدرت احميها وهي كالت انتي خيي...وللحكاية تكملة ...