#الحب-والاعراف

كيد نسى

امير...اليوم زفتي....بعد حجي ورد ...قررت ازوج مها...اذا ماخذيت الي احبها اي مرة يختارون مو مشكلة خلي ارضي اهلي...يوم الي شفتها بالخطوبة ..مامدرت ارفع عيني عليها ...حسيت عيوني راح تفضحني...جا العشك لا بيدي ولا بيدها ...بس هم دك كلبي له وكمت اجنب التقي بيها ....ها هية مامكتوبتلي ...احاول اقنع نفسي بهالحجي ...وانا من المح طيفها يمر لشتي تختض كلها ....
ورد ...من اجت الزفة صار ضرب الجيلات بفلس همة يضربون واخوته مها تلكوهم يضربون ..والنسوات تهلهل واني ميتة خوف من صوت الضرب...دخل امير ماشاء الله الهيبة والغاط لايكله طالع فد شي...بس لاحظت لمى تبجي على صفحة ..ردت اروح لها وبعدين بطلت اعرف ماتتقبلني...اخذو العروس ورحنا وياها ...وبعد العشى كالو راح يزفون العريس...وشنو الهوزات مالتهم تخبل والزلم كامت تدبج وية الهوسات والنسوان تهلهل...دهلوه العريس...غير يخلوه ويرحون لا ظلو يهوسون باب الغرفة اني استغربت ...هو ماطول بدل غاطه وطلع لابس دشداشة بيضة ...اخذوه وطلعوا..شوي ورجع دخل لعروسته...عاد احنة رجعنا للبيت...تالي الليل سمعنا جيلات قريبة طلعت اركض خايفة...شفت باسم...
ورد...باسم هاي شكوعفية ...شنو هالطلق...شو هذا يباوعلي ويضحك
باسم..هاي من بيت عمي ابو علي
ورد...ليش شكو صاير شي...مات ضحك...
باسم...لا ماكو شي روحي نامي احسن
رجعت لغرفتي هذا شبيه بس يضحك والله يالله
ثاني يوم حجيت لرؤى...شو هاي كامت تضحك
رؤى..وانتي من صخمج وكالج اسالي باسم
ورد...ليش شكو بيها
رؤى...ياخبلة هاي الجيلات معناها العريس دخل بمرته وطلع نيشانها...جاشلون باسم يجاوبج
ورد....عزة شكد عيب ...وبعدين احنة وين عايشين بعدكم دورون نيشان من العروسة
رؤى...جاخيتي هاي عوايدنا ما نبطل منها
ظليت اهز بيدي وية طلعتي واحاجي رؤى...وملتفته عليها ...تخلف والله..ماحسيت الا لطخت بواحد وردت اوكع وجلب بيه...باوعت اجت عيني بعين باسم...كلبي الف بدكاته ...هو راسا هدني...ومشى...
رجع سافر باسم...ومشت الحياة طبيعية ...وصار دوامي اختاريت ادبي...كام قاسم يوصلني ويرجعني ...مرة رجعت من الدوام شفت هوسة بالبيت...دخلت اسال شكو ...تلكتني ام علي...
تعاي خاتون ..جاماتستحين...خلصنا من شر امج طلعتيلنا انتي...
ورد...وامي شجابها بالموضوع...وشكو سويتلج اني
اباوع الوجوه مكلبة علي حتى مها ماتباوعلي ولمى دنك براسها
رؤى...ورد انتي مو ماعندج موبايل
ورد...لا ماعندي مين لي
ام علي...جاهذا شنو...طلعت موبايل طابوكة
ورد....مو لي
ام علي...لكيناه بنص سلاباتج
ورد...وانتي شلون دورين بهدومؤ
ام علي...جا مالتج هذا
ورد...لا مو لي
من حجاية من حجاية غلطت على امي على انها ام رجول وماعرفت تربيني..اني رديتها .كامت وظربتني حاولت ادفعها عني..وكعت ...وعبالك كفرت لتمن ام قاسم وام علي وفاطمة اخت مها واني ماعرف مين تجيني الضربة...ورؤى تحاول تمعنهن ...اخر شي جرتني من ايدهم وصعدتني للغرفة واني شابعة ضرب
لليل اسمع عمي يصيح بعد ماكو دوام ومن باجر ازوجها راح تجيبلنا العار ...واني ارجف ماعرف شنو الي صاير...
صعدت رؤى جابت لي اكل
رؤى...اوكلي خيتي ..راح يصير بيج شي
ورد...رؤى الله عليج شنو الموضوع
رؤى...مها لاكية  بتلفون امير رسايل مال حب وحدة تكوله قابلة ازوجك على مرتك ....بس حن علي...
ورد...وانا شعلية
رؤى...هي راحت لام علي تشتكي وهاي راسا شاكة بيج وماخذين الرقم..وفاطمة كالت اندك عليه واجوي هنا دكوا على الرقم اكثر من مرة واتبعوا الصوت ولكوها بهدومج
ورد...كمت ادك ولطم...ولج والله مو الي
رؤى...جا ماعرفنج وبعدين مو امير توسل بيح وانتي الي مارضيتي...ظلي هنا خيتي خلي نشوف تاليتها
صعد قاسم وجان وجه ثكيل حيل علية..
ورد...ابو عباس صار اكثر من سنتين ونص شفت زايدة ناقصة علي...هو سكت ...كتله لحظة...اكو حمام بالطابق الثاني رحت توضيت ورجعت اخذت القرأن
ورد...خيي مو تامن بكتاب الله...وحطيت ايدي على القران...وحق كلام الله هذا ماعندي موبايل ومابيني وبين امير غير السلام وكلمة شلونك...
قاسم...خيتي السالفة تحير ...جاشلون اجة الموبايل بملابسج وشمعنى انتي...
ورد..يجوز لان...واذكرت سكتت
قاسم...لان جان رايدنج ...اعرف خيتي واعرف الي سويتي...رؤى ماظم علي شي...وهو هذا الي سودني ...جان خالي وماخذتي ليش من زوج
بيومها للصبح مانمت...وصرت مكفخة جوة ايديهم ...ام قاسم شكد ما فقيرة ..بس من مست بنتها الحجاية شفت وجه ثاني ...وعمامي اصلا كاموا مايباوعون بوجهي...عبالك لكوا واحد يمي...اني صح ماقريت الرسايل...بس معقولة ببها شي هيج ماخذين موقف مني...واحى نهاي الاسبوع وكملت بجيت باسم...وللحكاية تكملة