NARAMDAMAN kong parang biglang umangat ang katawan ko sa ere, kasunod ay lumapat ang likod ko sa malambot na higaan. Sa isip ay napangiti ako, pareho ang pakiramdam na iyon sa pakiramdam ni Leia, kakaibang ginhawa—ah...may rumehistro sa pang-amoy ko, ang pamilyar na manly scent, ang pabango na kahit sa pagtulog ay hindi ko ipagkakamali sa iba. Kasunod ng bango na iyon ay naramdaman ko ang parang hangin lang na paglapat ng...ng mga labi sa itaas ng noo ko?
Hindi, pagod lang ako at bahagi lang iyon ng isang panaginip. Walang gagawa noon—natigilan ako bigla.
Ross?
Bigla akong napadilat, nalilito. Kulay tsokolateng mga mata ang namulatan ko. Nag-iba ang pintig ng puso ko.
Nasaan ako?
"Gising ka na rin lang, mag-usap tayo, M."
Gumuho ang pag-asang nagpabangon ng kakaibang pintig sa dibdib ko.
Walang Leia.
Walang St. James.
Walang Ross.
Ang nasa harap ko ay realidad. Realidad na naroon si B, na sa pagkakatingin pa lang sa akin ay nahulaan ko nang may dapat akong ipaliwanag.
BINABASA MO ANG
Diary ng Maganda [Leia's Diary Sequel]- PREVIEW
RomanceNOTE: UNEDITED version Sa Dear Beautiful, ako si Venusa. Kilala ng online readers bilang witty and sarcastic lady-adviser na walang pakundangan kung magtapon ng masakit na katotohanan sa mga diary entry-sender. Iisa lang naman kasi ang problema ng m...
![Diary ng Maganda [Leia's Diary Sequel]- PREVIEW](https://img.wattpad.com/cover/55507720-64-k211914.jpg)