BINABASA MO ANG

Diary ng Maganda [Leia's Diary Sequel]- PREVIEW

Romance

NOTE: UNEDITED version Sa Dear Beautiful, ako si Venusa. Kilala ng online readers bilang witty and sarcastic lady-adviser na walang pakundangan kung magtapon ng masakit na katotohanan sa mga diary entry-sender. Iisa lang naman kasi ang problema ng m...

#amor #booklat #boss #hope #journey #lookbackandseeme #love #maria #pain #preciousheartsromances #preciousheartss #romance #victoria

Six

1K 44 0 
                                    

                                              
Hindi ka ba napapagod?

                          
Saan?

                          
Sa pagpapanggap?

                          
Hindi ako nagpapanggap. 

                          
Ano'ng tawag sa ginagawa mo?

                          
Nag-iingat.

                          
Sa kanya?

                          
Na hindi masira ang pinaghirapan naming mabuo.

                          
Ano nga ba ang nabuo n'yo pagkatapos nang nangyari?

                          
Ang isa't-isa...

                          


                          
JUNE 17, ang araw na buong maghapon akong nawawala sa bahay ni late Lolo Jose at sa office ko, na dalawang beses lang akong nagre-report sa isang linggo. Ang araw na nakapatay ang cellphone ko. Ang araw na iniiwan ko lahat ng trabaho sa mesa ko. Ang araw na tinatalikuran ko ang mundo.

                          
	Ang araw na nasa dalawang lugar lang ako makikita—sa sementeryo sa umaga at sa tabing-dagat sa hapon hanggang lumubog ang araw.

                          
	Ikaapat na taon na pala ang araw na iyon. Ikaapat na taon na mula nang ninakaw ng isang gabing iyon ang lahat ng magandang bagay sa buhay ko. Isang gabing walang iniwan kundi mga pangit na bakas. Naghilom ang lahat ng pisikal na sugat subalit ang sugat sa puso at isip ko ay nanatili ang hapdi, na kapag nasasaling ay mas nararamdaman ko ang kirot na nagpapaalala ng lahat nang nawala sa akin na kailanman ay hindi ko na maibabalik pa.

                          
	Apat na taon na patuloy ang pagpipilit kong ganap na makalimot. Nagagawa ko namang sumulong ngunit tuwing sasapit ang araw na iyon ay nagbabalik sa akin ang lahat.

                          
	Lahat lahat...
Diary ng Maganda [Leia's Diary Sequel]- PREVIEWTahanan ng mga kuwento. Tumuklas ngayon