المشاكسة والسيد متكبر

الجزء 3 👌

كيفما سبق وقلت اميرة مزال شدا الركنا لا زواج لا خطوبة لا حتى شي علاقة يعني معنى بايرى كينطباق عليها مليون فلمية هي شعبية معا الجيران كلهم ولكن عندها وحد زين صحبتها تهيا بحالها عمرها بحال عمر اميرة وحتى نصيبها بحالها مهم التوام المختلف والسلام نعاس والمكلة والشقا ودوران ولكن دوران ديال صيادا ههههه ديما كيبقاو اشفوا وش الشبكة غادي طلع شي حوتة مدكشي صحبت اميرة والي هي وسيمة كتقول بغا فارس الاحلام كيفما جابو الله اما اميرة حلفة حتى تخلي تاريخ موراها نظرا للهدرة الحنينة وديسك الزين ديال ماماها وناس الفميلة حيت ديما مطيحين ليها المعنويات ديالها بلي مغادي يديها فيها حد وهنا غاتبدا اميرة تعطي دوروس خصوصية لابليس بش يتعلم معنى كيد النساء الله الله علشنو ناويا هاد خيتي ناوية تخلي قصتها فيلم تركي هههه ولا هندي
اما وسيمة ديما حلى فمها وتبعا اميرة بلمناسبة حتى وسيما عندها حقها فالزين ولاطاي والحاطا غير وكان شاروخان مازال ماجا هههه هما سكنين فنفس الدرب يعني سير وجي معند وسيمة لعند اميرة ومنعند اميرة لعند وسيمة والي كتسمعو اميرة منعند ماماها كتسمع منو وسيمة دوبل ديالو ولا حسن نقول محاضرة من المستو العالي وفحالات تجمعو بجوج ياسلام كتولي المحاضرة بحال داكشي لي كيقراوه ففرنسا وقتاش ميحطو عينيهم على شي حوتة ويرميو الشبكة كطلع الحوتة ديما مصيدا اما مزوجة اما خاطبة وهدشي كولو طبعا كيعرفوه غير منعند المخابرات الدولية ولي هي وحد جارتهم ياسلام ادا لبستي فرجلك جوج فردات ديال الصباط بحال بحال وكانو مخالفين بنمرة غادي تعرفها يعني اسرار وخبايا المدينة كلها في حوزتها ديما تلقاها طالقا الردار لخبار لي تلفات عليك تلقاها عندها مهم اميرة كملت تحنجير مهم نشوفها اشنو غادير وشنو ناويا دير