المشاكسة والسيد متكبر

الجزء 28 👌

مهم بقا حصل كيفاش غادي احل الباب وهي سداه من لداخل مجات عينيه غير فواحد جاكيط ديالو كان فصالون مشا ابقاش فيه لعل وعسى يلقى شي دوبل ديال سوارت وربي معاه لقاه هاجر خرجا وهو حل الباب ودخل وسدو دخل فواحد الحالة تقول غير كيسرق اما لالة اميرة ولا هنا دبا تفك من هاجر زدق واحل كيفاش ادير ينعاس وفراشو خلاه على برا والفراش لي فلبيت نعسا فيه اميرة مسكين حيران واش ابات واقف ولا جالس لحقاش ميقدش يقرب جيهت اميرة خاف لاديرليه شي فضيحة من الطراز العالي (اجي انا نعطيك فراشي) مقدر يشعل ضو مقدر يتحرك بقا حابس فبلاصتو بدون حركة وحد ساعا بغا اشوف فلماريو وش يلقا شي ليزار افرشو فالارض باش ينعس مهم هو تحرك وهاد المرة دخل فاميرة ليكانت على شوية غتحل الباب باش تمشي لطواليط راه قلت ليكم حاسبا راسها فدار وباها و غير لقات سيد مرزن ومتقل اما هي كون ....هههه غير تساطح معاها وبدون شعور اول حاجة دارها شدها ومخلهاش تحل الباب حبسها غير بزز وهدشي طبعا وهو سدليها فمها وهي كتقول معا بالها (ناري ناري مشيت فيها وخا اداك ابليس يا ولد الحرام انا بغيتك تعاوني ونتا بغيتي تصفيهالي وخا وخا) حيت حتمكانش سدليها داك لافيراي كون راه جمعت عليه صطافيكات كولهم غير شعل ضو وبقا ايقوليها
ياسين::سوكتي (الاشارة غير بليد)
اميرة::شنو (كتشير بيديها شنو واقع)
مهم ملي تاكد بلي صافي غتسد فمها شرحليها لي كاين غير بالهمس وبشوية وهو مقتول بنعاس مهم حتى هي شرحتليه بلي خاصها طوليط ضروري
ياسين::ههه غير صبري دبا
اميرة::لا لا ميمكنشي
عرفتو علاش مبغاتش تصبر حيت حسات بلي جاتها la regle ههه وبغات تبدل حيت هي ديما هزا الاحتياط فصاك
ياسين::لا والو غير صبري حيت هاجر نعسا فصالون
اميرة::منقدرشي حالة مستعجلة (ههه قتلتها بلما تحس براسها)
ياسين::شنو مفهمت والو
اميرة::مهم عطيني صاكي وخليني نمشي لطواليط باي طريقة
وطبعا ملي سمع القضية فيها صاك وضروري تمشي عرف شنو اقع وراه زعما طبيب منحكروهش وهاكا خرج هو لول اشوف هاجر وش نعسا
ياسين::صافي اجي سيري راها ناعسا وغير بشوية عافاك
اميرة::وخا زعما كنسرقو
ياسين::هههه ياريت لوكان غير كنسرقو
مهم مشات قدات الامور ورجعات كتسلت ومشات دخلت للبيت ديركت لناموسية زعما هي لي كاينة
اميرة::وش غتنعاس ولا غتبات عاس عليا
ياسين ::فين غادي نعاس الله يهديك نتي كتشوفي
اميرة:: نعاس وبركة ملفهامات والهدرة بزاف
ياسين::هههن وخا هي لاولة
دارها ليها قد فمها ومشا حداها لناموسية ههههه وتكا
اميرة::اويلي اشنو كدير
ياسين::ياك نتي قلتي نعاس وبركة ملفهامة اميرة::شنو مهم نتا نعاس هنا ونا غادي نفرش فالارض (زعما احيانا كتخليني نحس بلي نتي والغباء خوت)
ياسين::وش بغا تسطيني راه مكاينش الفراش هنا خليتو فصالون وزيد حتى زربية لي كانت خرجتها لحقاش كنبغي البيت خفيف
اميرة::اف منك بقا دير بحساب ضياف
ياسين::هههه وراه قلتلك بقاي تعلميني ملي تكوني جايا
اميرة::دبا شنو نديرو
ياسين:: نعسو بجوج هههههه
اميرة::شنووووووووووو كتقول
ياسين::مال عقلك مالو وش نتي ديما لسانك طويل البرهوشة
اميرة::هههه ملي قلتي برهوشة حسيت بالامان نوعا ما
ياسين:مهم الى مكنتيش مرتاحة غير نعسي انا نشوف مندير
طبعا اميرة مغاديش تقدر تخليه مسكين يتكرفس لذا غادي توافق تنعس حداه وبسيف راه بلاصتو هاديك ولكن ياسين باش يضمن انها مغاديش تحرك ولا تخرج من البيت سد البيت وخدا سوارت وخباهم مهم طفا ضو تقدو فبلاصتهم واميرة كتقول (يافرحتي يافرحتي يافرحتي بغيت غير نصيدك وليت نعسا حداك ولكن باقي تابعني الخدمة بزاف باش تولي حلالي)