اميرة::ماما لاش بغيتينا
سعدية ::اجيو نجلسو نشربو كويس داتاي ونجمعو ونتوما مخاليني معا الحيوط
وسيمة: هي الولة اخلتي
سعدية:بصحتك ابنتي
اميرة كتهدر معا وسيمة بشوية منبعد ممشات ماماها لكوزينة
اميرة::لا لا لا ماما فيها هاد الحنية زايدة شيحاجة تما
وسيمة ::هههه غير بقينا فيها
اميرة ::هاديك ماما ونا كنعرفها تما شيحاجة
سعدية::هاكو شربو كويس داتاي وجيو عونوني نصيقو دار
اميرة وسيمة بنظارات عامرة ضحك حيت عرفو الهدف من هاد الجلسة
اميرة ::هههه ونا كنقول حنيتي فينا
وسيمة : لعساك اخلتي نصيقوها نيت معندنا ميدار ههه
اميرة::ولكن دبا العشية اماما
سعدية ::كون كنتي تفيقي بكري كون راك مساليا
مهم شربو اتاي وجلسو شوية مع ضحك وتكركير
اميرة::اميرة شفتي حقا دوك ناس الي جاو جداد
سعدية::انا ناس
وسيمة::راه جاو حداكم جيران جداد
وشيرات ليها على دار حيت كتبان منسرجم
سعدية::وش غادي يسكن شيحد فيها
وسيمة::داكشي ليشفنا كانو كيدخلو رحيل
سعدية:هكاك عليها ملي طلعتو لسطح مبقيتو نزلتو ونتوما قلي كنت حاضين شنو كاين
اميرة: وغير كنا كنشوفو وصافي
سعدية ::انا غادي ندوز عند فاطمة ندي ليها وحد جلابة ديالها كملتها بلخياطة ونتومة جمعو دار وسيقوها (بلمناسبة فاطمة هي العضو المهم فلمخابرات السرية الي هدرنا عليها )
اميرة::شنو ياك قولتي غادي غير نعاونك زدقنا حنا لي حاصلين
وسيمة ::هه خالتي درها راسها بغات تعرف شكون هاد ناس والخبار غادي اكون عند خالتي فاطمة
اميرة:ولكان هاكا مزيان تنا بغا نعرف
سعدية:هه باز والله مكتحشمو بغيت نجي نلقاكم كملتو ودار كتشعل
سعدية مشات عند جارتها منها تديليها جلابيتها منها تجيب الخبار اما اميرة وسيمة حصلو فتسياق دار بقات غير باب دار بقات تسياق وهي تصدم وبرقات عينيها
أنت تقرأ
المشاكسة والسيد متكبر
Humorالسلام وعليكم 😃 جبت ليكم واحد القصة كوميديا... بلا مانوصفها ليكم راه غير عنوانها واصفها... إلى بغيتوا تعرفوا على المشاكسة والسيد متكبر تفضلوا مرحبا بيكم من تأليف: malaki basmati
