المشاكسة والسيد متكبر

الجزء 44 👌

ياسين ملي قرا الميساج ديال اميرة تعصب وخرج بلا فطور مشا احرك طموبيل لقا روايض مفشوشين طلعلو زعاف وضرب فديك طموبيل ورجع طلع لدار شاعل طلب الاذن من المدير ديال الكلينيك بلي مغاديش اجي ورجع لبيتو هدرتو هند مدهاش فيها خلاها كتهدر ومشا دخال لبيتو معصب غيطرطق اما اميرة كيف العادة مشات جيهت الكوزينة عمرت كرشها ومشات طلت وش ياسين رجع لبيتو ملي شافتو رجع لبيتو فرحات حيت عرفات بلي تم التخطيط بنجاح مهم جمعات دار مزيان وستنات حتى وصلات 11 ديال الصباح وناضت النشاط والحماس والتسياق وهاك بالك ورديخ رجعات دار كتبرق وسعدية مسغربة مستعجبة من حالت بنتها اواه الحداكة معا الصباح وريحت جافيل وساني كروة قلبى الدار او وهي تسايق وتحك وملي وصلات لدروج بقات تكب فلما وجافيل وحد لحظة كيتسمع زدردلاق باق بوم بشااا بقو غير نجوم و اميرة مجبدة حدا الباب وكتغوات
اميرة::اييييي اماااا
سعدية::اويلي اولي شنو وقع ليك ابنتي ناري على بنتي اشداك لشي تسياق
اميرة:: كتبكي وتنوح بسيف راه الحريق وسعدية غير كتغوات هنا صداع كتر وخرجات هاجر وماماها اشفو شنو كاين وتبعاتهم هند تشوف ملي لقات اميرة طايحا وكتغوات ناري شداتها الفرحا من رجليها متيقاتش راسها شنو كتشوف وهنا نقزت هاجر عند ياسين
هاجر::ياسين ياسين نوض عتاق راه اميرة طاحت فدروج
ياسين::شنووو (الخلعة شاداه مسكين)
مشا وشافها كتبكي وسعدية مخلوعة على بنتها ملي قاليهم خاصها يديها لسبيطار باش اشوف شنو عندها هزوها وشدو طاكسي ياسين وسعدية ومشات معاهم هند هاجر وهي غير زايدة كتغوت وتبكي ملي وصلها ديريكت دخلها دوزليها وهما مجموعين كيسنتاو اعرفو شنو مالها والولهم هند كتمنى ليها الشلل
سعدية::عافاك اولدي قلي شنو مالها
ياسين::صراحة مكاين ميتخبا راه تهرسات فرجليها ويديها
سعدية::شنو كيفاش تهرسات اشداك ابنتي لشي تسياق
هاجر::مايكون عندها باس اخالتي
هند::دبا شنو المعمول اياسين راه الهرس صعيب
ياسين::خاصها تبقا فلكلينيك شي سمانا حيت غادي نديرو ليها الجبص
هند مقداتها فرحا اما اميرة غير ناعسا على الناموسية وكتشوف ودور فعينيها وتقول (ناري مي على طبيب لي عولت عليه ادويني بغا اجبصني ونا هرست غير سطل مالي مسطيا نهرس رجلي) مهم هي ملي كانت كتسيايق خوات عليه الما وضردخات السطل وسيبات الكرطة ومشات تجبدات حدا الباب وبقات تغوت وجا عندها ابليس وقاليها حرام عليك ديما كنقلك بحال هاد دوروس ديريهم ملي نكون حاضر قلتلو سير دبا ومنبعد بقا تحضر فلوقت وملي دها ياسين دوزليها وقاليها مهرسا جاها ضحك قالت يمكن دوز لسطل ماشي ليا انا اوا شي مخلوع شي فرحان مهم دخلها فين كيديرو الجفص مهم طبعا هي مغاديش تقدر تقلو ممالي والو اما هو جاتو فرصة باش اخليها حداه لهذا كدب وقال ليهم تهرسات
ياسين::اميرة متخلعيش راك غتولي بخير
اميرة:: راه مخلوعة بزاف
ياسين:: متخافي من حتى حاجة
مهم دار ليها الفصمات بزاف وقاليهم خصها تشد الكامة وقال لسعدية تكون هانية مجيهتها وطلب منهم ارجعو بحالهم حيت خاصها ترتاح
سعدية::وخا اولدي الله يوقف معاك
ياسين::امين ياربي غير كوني هانية راه انا غنبقا معاها هنا
هاجر::وخا اخويا مدام نتا هنا غادي تكون بخير
هند::صافي حتى أنا نبقا معاك
ياسين::لا غير سيري معاهم مضيعيش الكونجي ديالك
هند::لا لا راه تقدر تحتاجني
ياسين::لا معندي فين نحتاجك
هاجر::صافي اهند ياسين فلكافية
مشاو بحالهم وبقا ياسين جالس معا اميرة كيهدر معاها وهند رجعت لدار غطرطق وتموت كيفاش خرج ليها هادشي من جنب اما اميرة طبعا خصها وسام ذهبي على الخطة ديالها راه دبا ياسين غادي يبقا معاها فلكلينيك ليل ونهار