المشاكسة والسيد متكبر

الجزء 36 👌

مهم ياسين رجع لدار كيما العادة سلم على ماماه باس ليها راسها وسلم على اميرة عادي دربها بتدويشا وصلى صلاتو ومشا احنجر اما خديجة واميرة طلعو لسطح اجلسو ويتمنضرو شوية حيت الجو ديال العشيا زوين اما هاجر دازت عن زيد للمدراسة وخرجاتو معاها بقاو اهدرو ويضحكو وحد ساعة اميرة تشوف هند جايا ستيو ستيو في ابههى حلة تقول غير غادية حضارة غير شافتها قربات لدار وهي تهبط
اميرة::خلتي سمحلي نهبط ونطلع دبا
خديجة هبطي ابنتي خودي رحتك حسبي راسك فداركم راك بحالك بحال بنتي
اميرة::ربي اخليك اخلتي
مهم ياسين كان كيف كمل مكلتو ومشا جلس حدا التلفازة اما امير مشات وحلات الباب ديال زنقا وخلاتو غير مردود ومشات معا لبسا البيجامة لي عطاتا هاجر كتجيها فنا ومديراش زيف جات قرطاسة مهم هزات وحد المخدة ومشات عند ياسين وعطاتو بها
اميرة::هاك هادي باش تعلم تلعب معايا سحابلك نسيت شنو درتي ليا فصباح
وبقات تضرب فيه وهو مسرفق قبح منها هز مخدا اخرى وطاح يلعب معاها هي تضرب وهو يضرب وحد سع حسات بهند كتشوف فيهم حيت لقات لباب محلول ودخلات اما اميرة قد مزادت فلعب وكتقرب منو بلعاني وتعكلات وجات بوووم عليه وبداو بضحك وهند غتموت وهي تدخل
هند::السلام عليكم
ياسين::اهلا هند زيدي دخلي
اميرة::مرحبا بيك اخلتو
هند::شكرا حبيبة (ناري ونشدك نتفك)
اميرة::غلبتك ا ياسين هههه شوف متوعدش داكشي لي درتي فصباح (موتي موتي موتي مزال مشفتي والو احبيبة)
اميرة ميقد عليها غير مولانا هند جات حيت مقدراتش تخيل بلي امير وياسين بجوج فدار ولي خافت منو شافتو شافتهم بحوج ضاحكين و ناشطين
هند::وش نتوما قد لعب ههه (ضحكة صفرا)
ياسين::وشكون اكون معاه بحال هاد البرهوش وغادي يبقى مرتاح
اميرة::ياك وخا عقل فيها (ضرباتو بلمخدة)
ياسين::وخا مغاديش تبقا فيك (جرى مورها)
بدا كيجري موراها دار كاملة تقول هند كاع مكينا ملي شدها هزها وجابها خلاها فيدو
ياسين::دبا تعودي تخليني نسخاف بجرى موراك
اميرة::لا لا كون هاني انا نجري موراك ههههه (موتي موتي هادشي ليبغيتي تشوفي ونوريك لعب معايا اشنو سوي)
ياسين::هند جلسي
هند::لالا
اميرة::وش غتبقاي وقفا
هند::جيت غير نشوف خالتي خديجة (ياداك لفعة مراكيش سهلة)
اميرة::راها كاينا فسطح نطلعك عندها
ياسين::طلعيها عندها
مهم اميرة طلعت معا هند وياسين بقا جالس وكيضحك حيت كيحس براسو قد ما كيزيد يرتاح مجيهت اميرة اما هند غير شوية متنقز مداك سطح بلفقصة حيت كتقول معا بالها شوف حدايا وكيفاش كيتصرفو لعلام الله بوحدهم اش كيديرو ناري عقلها قبح منكم هند جلسات اما خديجة طلبات من اميرة دير اتاي شيء ليزاد عصب هند حيت عارفا ياسين كاين بوحدو وغتموت وتكون حداهم مهم اميرة دارت اتاي وطلبات من ياسين اعونها
اميرة::ياسين اجي
ياسين::شنو بغيتي اشنولة
اميرة::عافك جبدلي داك الكرطونة لي فوق البلاكار
ياسين::هههههههه وش موصلتيش ليها
اميرة::لا عاليا بزاف
ياسين::وخا انا نجبدها ليك
مهم دارت صينية وقدتها وحطات طبسيل ديال الحلوة وعيطات ليهم اهبطو جلسو باش شربو اتاي وحد ساعة تليفون اميرة صونا لقات ماماها
اميرة::الو ماما كيدايرة لاباس
سعدية::لباس الحمدالله ونتيا
اميرة::انا الحمدالله
سعدية::فينك ابنتي وش معا وسيمة
اميرة::لا اماما انا معا خالتي خديجة حيت وسيمة مكاينينش
سعدية::صافي ابنتي راه غادا ان شاء الله غادي نجيو
اميرة::بصاح صافي وخا اماما الله اجيبكم على خير تهلاو فرسكم وسلمي على بابا
سعدية::تنتيا ابنتي وسلمي على لالة خديجة اميرة::مبلغ وراه حتى هي كتسلم عليك
مهم جلسو جمعو هند مشات بحالها مفقوصة اما بالنسبة لاميرة دازت عندها العشية زوينة