المشاكسة والسيد متكبر

الجزء 40 👌

مهم سعدية خرجات واميرة بقات تمشي وتجي فدار حتى وصل وقت الغدا وفكرت دير شي سبا باش تمشي لعند هاجر حيت بانت ليها كدور فسطح يعني ممشاتش للمحال وهي تفكر بلي بيجامتها مزال معطاتها ليها هزاتها ومشات دقات عليهم حلات ليها خديجة
اميرة::سلام اخلتي كيف داير (سلمات عليها فوجها وبست ليها يديها برتوكول عالي)
خديجة::اهلا بنتي نتيا بخير وحد ماماك لباس عليها
اميرة::اه الحمدالله هاد ساعة
خديجة::زيدي دخلي جلسي
اميرة::وخا خالتي فيناهي هاجر
خديجة::راها فسطح كتنشر الحوايج
اميرة::غير بغيت نعطيها هاد البيجامة ديالها وصافي
خديجة::الله ابنتي زعما هي محتاجة ليها
مهم هند كانت كدير الغدا زعما السيدة حادكة غير شوفوني اما هاجر صبنات ومشات تنشرهم وهنا غادي تجي هند وغتسلم على اميرة بكل تكبر زعما هانا دبا معاهم فدار وشوفي مديري
هند::سلام حبيبة
اميرة::اهلا خلتو
خديجة::عرفتي ا هند بنتي هادي بنت جارتنا غزالة تبارك الله عليها وحادكة
اميرة::هههه الله ابرك فيك اخلتي ولكن مغاديش نكون حادكة بحال خلتو هند
هند::مهم اخلتي انا درت الغدا اطيب وغادي نطلع عند هاجر نشوفها فين وصلات
خديجة::وخا ابنتي الله يرضي عليك
مهم هند طلعات واميرة مشات تشرب وقدات وحد الغراض ورجعت جلست معا خديجة
اميرة::اوا خلتي هنتي عندك جوج بنات ههه كل وحدة وشنو دير
خديجة::ونتي بنتي تالثة
اميرة::ربي اخليك (بغيت نكون عرستك ماشي مرات ولدك) خالتو هند كتبان ضريفة (الله على كدبا قداش ولكن سر المهنة)
خديجة::اه الله اعمرها دار هادي طبيبة خدامة معا ياسين كنعرفوها شحال هادي كانت كتجي تشوفني وتجلس معانا قبل منتحولو هنا ودبا عندها شي اصلاحات فدارها ومقداتش تجلس فيها وجات تجلس معانا وراها خدات 15 كونجي دبا هاد نهار 3 ايام باش جات عندنا
اميرة::مزيان فيها خير
مهم اميرة عرفات لي جات على قبلو ومشات بحالها لدار ملي هابطات هند وهاجر لقوها مشات
هاجر::ماما وش اميرة مشات ولا شنو
خديجة::اه مشات ولكن فلعشية غادي تجي عندنا
هاجر::اه مزيان ولكن كون غير حصرتيها تغدا معنا
هند::اوا مكتابش (اغديها سم) مهم شوفي اهاجر حطي الغدا حتى نصايب شلاضة
هاجر:: وخا
مهم هاجر حلات على الكوكوط لقات رفيسة ماشي الغدا دجاج ولا بحال العصيدة وفيه سطل ديال الما مافيه ميتحط ولا ميتنزل شوها وسلام وملي مشات دوق المداق لقات جغديد والسلام على داكشي اميرة سلتات بحالها حيت عرفات راسها شدارت فاش مشات تشرب حلات على الكوكوط وزادت فيها الما بزاف والملحة وجهدات للبوطة وخلاتها الطيب حتى ولات حريرة محرحرة اما هند باركة طير وتنزل وحطات شلاضة وهاجر مسكينة وحلا تشوف فداك رفيسة ليحداها
هند::هاجر وسربي غرفي راه فينا جوع ونتي غير باش تحطي خاصك عام
هاجر::وخا انا غنحط (اويلي شغادي نحط فهاد الروينا ولكن الحمدالله لي غير بوحدنا)
هند::ناري شحال تقيلة اهاجر تلقينا خلاص صراحة الغدا درتو بيدي خصني انا نتكلف بيه ملول لاخر اما اميرة فاش مشات بحلها ديريكت شدات تيلفو وصونات على ياسين
اميرة::سلام
ياسين::اهلا البرهوشة
اميرة::ياك نتا فدار وكاع متعرضلي نتغادا معاكم
ياسين::ههه لا راني خدام ونتي شفتيني صباح مشيت
اميرة::اه ولكن انا شفت شيحاد فبيتك سحابلي نتا جيتي وبغيت نتغدا معاكم
ياسين::هههه زعما تغداي معانا غير الى كنت انا تما
اميرة::هههه
ياسين::وشغادي نقولك الخدمة بانتلي مرخوفة اليوم واقيلا غادي نسلت ونجي
اميرة::ونا غادي نسبقك لداركم هههه
ياسين::لا غير ستناي حتى نوصل مهم انا شي ربع ساعة ونكون تما نيت نتغدى معاهم مجموعين
اميرة::اوكي ولكن انا نقدر نسبقك حيت فيا جوع ههننن
ياسين::وخا سيري