المشاكسة والسيد متكبر

الجزء 43 👌

اميرة::اجي علاش داك صداع كولو قبيلا وش عمرك دقتي نعمة
ياسين::هههت راه انا عزيز عليا اكون كولشي متول ماشي بحال داك روينة لشفت
اميرة::ناري كون طيبتها انا كون خشيتيلي وجهي فيها
ياسين::لا نتيا حادكة كنعرفك مهم صبري انا جاي
اميرة::خوذ راحتك
ياسين مشا و ملي رجع جاب معاه حلوة حطها لاميرة هي وعصير
ياسين::هاكي هادو راه نتي عزيز عليك الحاجة حلوة مورة الماكلة
اميرة::شكرا ربي اخليك (وتك وتك زيونات مزال عاقل شنو كنبغي الله الله اما طلقني للفرجة واما نجي نخطبك منداركم)
ياسين::امين
مهم العشية دازت ما احلاها واميرة غطير بلفرحة حيت قربات للهدف ديالها حيت التوتة بقا كيطيح شوية مور شوية وهنا رجعو بحالهم لدار ياسين دخال ناشط ولقا مو وهاجر جالسين اما هند ناعسة تحلم رسها نتحرات اما اميرة مشات كلها حماس وبغات دير هدنا تخلي فيها هند ترتاح شوية مسكينة مهم دازت سيمانا وهند مزال معاهم فدار ولكن حلفت مطيب مدخل للكوزينة متحرك غير كتاكول وتمشي لبيتها بحالة شادة سبيطار الامراض العقلية حيت بغات حتى تنسا داك الحالة عاد تجدد البروتوكول اما ياسين عادي كيخدم وجي بحالو لدار بحالا هند كاع مكينا معاهم اصلا معطيهاش لا اهتمام لا والو ولكن مور هاد السمانا غادي تبدل الوضعية كيف العادة اميرة ديما شادة سرجم كان ياسين مزال ناعس وهنا دخلات هند لبيتو وبقات وقفا كتشوف فيه شوية باستو فوجهو وزادت بوسة من فمو الشيء لي خلا اميرة يركبوها جنون وحلفات لخلات ياسين حداها
اميرة::وش هادي تسطات انا لي بيتا حداه مقديتش نشد فيه وهي دخلات تبوسو ناري ونشدها ومي شدوني عليها دبا شنو بغات عندي فهاد صباح شنو بغات شافتني ميكت عليها وزعمات عليه بغات تغريه وخا ابنتي اهند وخا نشوفو هاد لعب فين غادي يوصل
اما ياسين ناعس كاع محس بيها
هند بنت الحرام معا هاد سيمانا الي دوزات حفضات تصرفات ديال ياسين حيت ديما غير فبيتو وفاش كان يخرج كانت كتمشي لبيتو تجلس فيه وتما لحضات بلي بيتو مقابل معا اميرة حيت كانت كتشوفها كدور فبيتها وبلعاني دخلات درت داك الحركة خلتها حتى كانت فسرجم عاد مشات باستو قبالتها بلعاني وهنا مشات هند كلها نشاط درت الفطور ولكن ركزات مزيان بش مديرش شي غلاط اما ياسين مزال ناعس واميرة بقات مسمرة فداك السرجم كتحضي لدير عوتاني شحركة هند دارت الفطور ياسلام متقون صرحة كيحمر الوجه وهنا فاقت هاجر وصلات ومشات فيقات ولدها وبغات تفيق ياسين وطارت هند
هند::صافي غير كملي نتيا معا زيد وانا نفيق ياسين
طارت ديركت لبيتو وبدات كتفيق فيه وتحرك بشوية ناقصها غير ضوء شمع والموسيقى وتكمل والمشكيل اميرة كتفرج وكتموت ويلي ويلي بنت الحرام وكملاتها ملي فاق كان لبس غير سروال والفوق ملبس ولو وهي تنقز هند
هند::صباح الخير (شداتو وباستو فوجهو ناقصها غير تقلو هانا حداك طلقنا للفرجة)
ياسين::صباح الخير
مسكين معرفشي باش تبلا على الصباح وغير هز عينيه فبيت اميرة ولقاها كتشوف وكتمنضر معجبوش الحال وطلب من هند تخرج
ياسين::عافك خرجي بغيت نلبس
هند::وخا انا كنستناك تفطر (وضربتو فصدرو وخرجات)
ملي خرجات هز ياسين تليفون وكتب ميساج لاميرة
ياسين::صباح الخير اميرة شوفي بلما تفهمي داكشي لي شفتي غلاط راه معرفتش هادي شنو باغا مني
كاع مردات عليه وبقا معصب لبس ومشا يفطر وهنا اميرة كانت كتشوف مدير حيت اصلا نبوري ومتقدرشي تمشي لعندهم لدار وباش تخلي ياسين يبقى فدار شدات وحد طورنوفيس وهبطات بشوية وفشات الرويضات ديال طموبيلتو وطلعات بحالها وباش تزيد تكملها سيفطات ليه ميساج تلعبلو على اعصابو
اميرة::عادي اصلا نتا راجل ومحقك دير مابغيت وحتى هند زوينا