المشاكسة والسيد متكبر

الجزء 27 👌

مهم ياسين اخيرا نعس منبعد مبقا يتشقلب فبلستو مدة طويلة اما اميرة كاع مكاينة هنا راها كتحلم دارات التريكة وشرفت ولكن غير سمعاتني جبت سميتها وهي تفيق شحفانة بلعطش كانت كتسابق معا ابليس فلحلم ههه حسبا راسها فدار باها بيني وبينكم راه ياسين الي خاصو اخاف على راسو هههه ناضت وحلات الباب ديال البيت وغادا كتسلت ماشيا للكوزينة سلت ياما تسلت حتى وصلت وشدات القرعة دلما نزلات عليها ياسلام حتى بردات عطشها بقات تشوف فراسها وتشوف فلحوايج الي لبسة وجاها ضحك ملي هزت الكمام وكتشوف فيهم معا داك شعكوك حالتو حيت فاقت منعاس بحال شي دجاجة مريشة وهي تسمع
ياسين:دوزي تنعسي راك خلعاني بداك الحالة
اميرة::بسم الله الرحمان الرحيم (اويلي الكوزينا خاوية شكون كيهدر )
خرجات بجرة ترجع لبلاصتها وهي دخول فياسين طول وعرض تساطحات معاه معا ضلام بقات كتغتش زعما دخلات فحيط وبغا تشعل ضو دارت يديها فصدرو وبقات كتبقش حتى وصلات عند وجهو بيديها وهو ينطق
ياسين:لقيتي البريز ههههه
اميرة:شنو وهي تحيد يديها
عاقت لراسها ههههه عند بالها دخلا فبوطو ديال ضو الخوف والخلعة و ميديرو مهم تكونسات فبلصتها وهو مشا شعل ليها ضو لعل وعسا تشوف مزيان حيت الحمد الله خطات الهدف ودرت يديها غير فوجهو ههههه راه قلت ليكم غير كيتاقي فيها الله وصافي غير شافها وهو يطلق العنان لداك سنينات ابانو
اميرة::مالك كضحك شنو شفتي (باز وجهك قاصح اختي )
ياسين::هههههههه وتاك لباسي
اميرة:: بقا دير بحساب لي قصير
ياسين::يعادل النتيجة ملي تكوني جايا علميني ندير بحسابك هههههه
اميرة::اف خليني نمشي نعس
ياسين::هههه باز دبا شكون لي مفياق لاخور مهم دخلات للبيت وسدات عليها مزيان حيت دبا في كامل قواها العقلية وباقات كتشقلب والو نعاس طار
والو نعاس مشا وطار اما وحد ياسين زيدو عليها مسكين كيف يدير ينعس وسداري هلكو فضهرو ونيت شكون خلاه ينعاس راه اميرة بتشقليب ديالها تكون هرسات ليه نموسية مسكين ومنبعد بزز باش نعست اميرة كانت شي 4ديال الصباح ولكن ياسين والو مدهش كاع نعاس وهنا جاء شخص ليزيد من حالاوة الليلة ههههه مهم ياسين سمع الباب كتحل وهو افيق
ياسين::شكون هاجر وش جيتو ولا شنو
هاجر::لا جيت غير انا
ياسين:ولاش جيتي
هاجر::اويلي قالك لاش جيت راه جيت نرتاح راك عارف عندي الماحل ومخصنشي نخليه ونيت نسيت السوارت ديالو هنا
ياسين::ولكن قلتو غادي تجيو فصباح
هاجر:لا قلت نجي نعس شوية اجي بعدا مالك كدخل وتخرج فلهدرة وعلاش ناعس هنا وعاد زايدها بسداري وهو كيمرضك
ياسين::لا غير مجنيش نعاس وصافي
هاجر::صافي دبا دخل لبيتك رتاح وخليني انا نعاس هنا باش نفيق ونيت خليلي الفراش هاكا نتكمس هنا حيت ادا دخلت لبيتي مغاديش نفيق
ياسين::شنووو لا لا غيير خليني هنا
ههه مسكين مقدرش اقولها بلي اميرة كاينة لداخل حيت خاف تفهمو غلاط بحالكم وحيت لشفتها فداك الحالة ولبسا حوايج خوها غادي تازيد تغلط ههه والعين خداعة مهم هو كان باغي اكون النهار باش اقلليهم بلي دار اميرة مسافرين وغادي تبقى معاهم هاكا غادي اكون الامر عادي ولكن ليل وهي نعسا فبيتو مجاتش بقا واحل كيف ادير
هاجر ::مالك وش دبا غدخل لبيتك ولا ندخل ليه انا حيت هاداك فيه سراجم مضوي غادي نفيق داغي
ياسين:شنوووووو غدوخلي لبيتي لا لا
هاجر ::مالك غير بسم الله عليك مغاداش ولكن دخل نتا انا غادي نعاس هنا
شنو غيدير مسكين اللهم قدر اللهم يمشي هو ولا دخل هي مهم مشا احل الباب وهو يلقاه مسدود الحمد الحمدالله لي هاجر فتواليط مرداتش ليه الباب وهو يبقى يهدر معا راسو
ياسين:ناري على حصلا هادي