المشاكسة والسيد متكبر

الجزء 34 👌

اميرة::اه وعاد هادشي ماشي ساهل
هند::وش نعونك تمشي راه صعيب تسمعي هدشي كل وتبقاي جالسة هنا
اميرة::لا شكرا ياسين غادي يديني
هند::ولكن هو كيسالي حتى 6 ديال العشية
اميرة:: غادي نستناه (غير موتي والله ماني محركالك من هنا)
وهنا اميرة شافت ياسين جاي وطلقات لداك شلال ديال الدموع ورخات رساها بحلا فيها السخفة وهند عطيها بضهر مسيقاش الخبار كاع ملي دخل غير شافها هكاك ونقز تاني عنقها وبدا يمسحليها فوجهها
ياسين::اميرة اميرة مالكي فيقي
هند::مالها كانت مزيانة غير دبا
ياسين::بعدييييي مني راه قلتليك ردي ليها البال زعما
هند معرفاتش باش تبلات وزيدها غوات مهم اميرة حلات عينيها سيدة ميتا كاع (تعلمي الالة هند تعلبي معا لي قدك) وهنا هند حلات فمها مسداتو حيت اميرة جات توقف دارت راسها مقدراش
ياسين::اميرة ميكونش راسك قاصح راه نتي مقداش توقفي علاش كتحولي بزز
هند::انا نعونك ونشدوها بجوج ونخرجوها
ياسين::لا غير خليها كون رديتي ليها البال كون راها مزينا دبا
هنا شدها ياسين وهزها بين يديه بحال شي درية صغيرة وخرجها وسط الكلينيك وكلشي كيشوف واولهم هند لي مقدراش تستوعب شنو كيوقع اما اميرة غير شوية متموت بضحك ملي كانت كتشوف فوجه هند كيفاش تلون ملي غوات عليها ياسين وزاد كملها ملي دارها بين يديه حتى وصلها لطموبيل والزوينة كاع انو مغاديش يرجع فلعشية
ياسين::جلسي بشوية عليك
اميرة::وخا انا مزينا دبا
ياسين::اوا الحمدالله
اميرة::ولكن نتا خدام
ياسين::ههههه لا راه قلت ليهم الخطيبة ديالي مريضة وبغيت نديها بحالها وطبعا حيت هما دارو معاك داك الموقف وافقو
ميرة:: هههههههههههه دبا كتستغلني ياك
ياسين::هههه وليتي مزيان ياك حيت شفت لسانك طوال البرهوشة طلعتي بكايا ديال بصح
اميرة::ههههههههه (وشكون ميوليش مزيان وهو معاك)
مهم ياسين قبل ميدي اميرة لدار سول ماماه وش كاينة فدار ولقاها ودبا بامكانو يديها معاه وهو مرتاح وصلها لدار وقال لماماه بلي واليديها مسافرين وغادي تجلس معاهم حتى ايجيو ورحبات بها مهم وصها ترتاح وهو حيت مسكين ليل كل فايق غير صلى وكلا وطاح فبلصتو اما اميرة فهي في كامل قواها النفسية والجسدية غير بدلات الحالة المستعجلة وجلسات معا لالة خديجة فتقرقيب الناب وتكركير حتى للعشية جات هاجر وزيد وكملوها ضحك وياسين مسكين في سابع نومة مهم هاجر حسات بلي اميرة ممرتاحاش
هاجر::اميرةاجي معايا شوية
اميرة::وخا شنو
هاجر::هاكي بدلي حوايجك
عطاتها واحد البيجامة فنا بسروالها فلون شيبي طلبات منها تلبسها
هاجر:: لبسي هادي شوفيها واش تجيك الى مجاتكش نعطيك اخرى وبلما ديري معاها زيف هههه خلينا نشوفو الزين كيداير
اميرة::ههههه لا لا منقدرش نبقا بلا زيف (الله امسخك)
هاجر::ههه وراه كاينين غير حنا هنا مالكي
اميرة::لا ونسيتي خوك
هاجر::اوا تنتي متزيديش فيه
اميرة::وخا نديرلك خاطرك ههههه
لبساتها جاتها تقول مخيطا عليها هزات شعارها طويل وربطاتو عادي وخلاتو مطلوق على ضهرها صراحة زادت زيانت وعاد قد ما بانت صغيرة وحلوة وصل العشا وبغاو يتعشاو حطو فلكوزينة حيت عندهم كبيرة وبغاو افيقو ياسين مشات هاجر تفيقو والو مافاق عيطات ليه ماماه والو وهو ينطق زيد
زيد::خالتو اميرة سيري نتيا نوبتك غادي افيق الى مشيتي نتي
كلهم جاتهم الفكرة زوينة اما اميرة فرحات
اميرة::وخا انا نشوف زهري ولكن عندك يجري عليا ههه (اخليلي البراهش)
مشات تفيقو وهو تقول ميت ولابس غير كيطما ديال الدار ومليوح مسكين مدمر ماشي ناعس وبقات تفيق فيه والو لكن ملي جا
شافت الغوات منفعش رجعات وحلات ثلاجة ومشات ليه تفيقو شدات طرف ديال تلاج وحطاتو ليه فضهرو وهو افيق