المشاكسة والسيد متكبر

الجزء 23 👌

مهم اميرة غير جمعات راسها وتمات هابطة ولكن نسات تيلفونها ورجعات هزاتو وخرجات درت راسها صدفة ملي شفتهم ههه صرف صرف وحالفة حتى تمردها وتعقدها
اميرة::كيبقتي اخلتي هند (وكملاتها سلمات عليها غير بليد)
هند::الحمدالله (كتقولها ومحاملاش راسها)
اميرة::اهلا ياسين فين غبارتي شحال مهضرتي معايا فلواتسب (وكانت الصدمة انها سلمات عليه بلوجه من حنيكة لحنيكة) ياسين بقا فبلاصتو لاحركة ولا كلام اما هند صدمت ودخلات غيبوبة اما ابليس يصفق ويشجع ويعلق هدف هدف هدف ولاكن كان تدخل هند ان يلغي المبارة
هند::حبيبة فين غاديا شفتك مزيزة ومشيكة ياكما شي ميعاد هادا قولي راكي مازال صغيرة على هدشي
ياسين::لا لا اميرة ماشي ديال هدشي انا كنعرفها كاع مكتخرج بزاف
هند ::منعرف هاد تانتيكة كولها زعما عادية
مهم اميرة شقماتهم وقالت ليهم
اميرة:بسلامة نخليكم دبا مزروبة
وذهبت تتمختر وتتبختر بكل كبرياء وفخامة ستيو ستيو الى ان نطق
ياسين::ههههنهه وش لي عند ميعاد كيمشي بصندلت الميكا
هند::يمكن الفرحة والزربة خلاتها تنسا رسها شنو لابسا ههههههههه
وهنا ساد الصمت وذهب الغرور وتحطم الكبرياء وعادت الذاكرة الى الخلف وتفكرت ملي رجعات تجيب تيلفون نزلت صباط ولبست صندلت الميكة فيها لولو كاتي
هنا اصبحت النتيجة تعادل هدف لهدف لكن شخص انقذ الموقف اصبحت اميرة تحبه كثيرا مهم داك ساع كات وسيمة حاضيا اشنو كيوقع هي تنطق
وسيمة ::اميرة شوفي جبيلي داكشي الي قلتلك وادا مالقيتش دوزي عند ماما حيت محال تلقايه فلحانوت
وهنا رجعات الروح فاميرة وتداركت الموقف
اميرة :: باز مكتعرفو لي خرج ملي كيتسخر ناري الوجه قاسح مشات حتى للحانوت وجابت فيديها شيميكا وطلعات وعاد دارت صباط وخرجات عوتاني لقاتهم مزالين وقفين وهي غاديا تغيرت الامور لصالحها
مهم ياسين وخا مبين والو لكن مخصو اميرة تمشي فين فكار معا بالو
ياسين::فين غادة ا اميرة
اميرة::ببتسامة بغيت نحيد القنطة
هند::اوسيري دوريلك شوية
ياسين::شبالك تجي معانا حنا نيت لقتينا خارجين
اميرة::لا لا بلاش منصدعكم (لا لا لا والف لا لن اثق بك حيت عرفاك تموت وتكوني وصطهم)
هند::لي بغيتي على خاطرك (سيري يتبعك البلى منين خرجتي ليا نتيا )
ياسين::لا لا حشومة ترديهالي فوجهي (اف منك شحال رسك قصاح)
اميرة::الى كان هاكا وخا ولكن حتى انا ملي نعرض عليك متردهاش فوجهي
ياسين::لا لا كوني هانيا (بلعما وش نقول لا امصاب غير ديريها)
وهنا هند كرهات رسها وكرهات اميرة ولكن اميرة العكس حيت بما ان هند سبب الخرجة ستحبها ولكن غير هاد نهار طبعا مهم الكل في كامل اناقته طلب منهم ياسين اركبو فطوموبيل وهو متحمس مشاو لوحد المطعم زيوين كيجلسو فيه اغلبية غير ناس لي هاي وهنا تلقات هند معا شي صحابات ديالها لي هما شيك وكلاس ياسلام وهي تسلام عليهم وعرفتهم على ياسين واميرة
هند::كيف نتوما شحال غبرتو توحشتكم بزاف مهم هادا ياسين طبيب خدام معايا فلكلينيك وهادي اميرة عرفتو ملي تليقينا هادي صدفة زوينة ادا غادي نجلسو مجموعين
داكشي الي دارو مهم جلسو ياسين وهند واميرة وصحبات هند ب تلاثة بيهم وبقاو اجمعو ويهدرو اما اميرة غير ساكتة حيت مكتفهم والو فدومين دايلهم وبقاو كيسولو اميرة شنو كدير
هند::حبيبة هدري مالكي ساكتة
اميرة::راه معندي منقول انا بعيدة على هاد دومين
ياسين::هههههه هنيتي رسك هدشي فيه صداع الراس
هند::مهم شنو كديري فحياتك وش مزال كتقراي
اميرة::لا لا انا مورة الباك حبست مكملتش
هند::علاه شديت الباك كتباني صغيرة
اميرة::ههههه شحال هادي
هند :بصاح (بنت الحرام خصني نخاف منها ونا عند بالي بقا برهوشة )