المشاكسة والسيد متكبر

الجزء 32 👌

الاهانات كترو بزاف حيت داك مدير الامن مبقاش غير بوحدو عيط لواحد الدكتور كبير هو الرئيس ديال الكلنيك ولكن ماشي مغربي وزاد جاو شي عناصر اخرين مكلفين بالامن بقاو اسمعو ليها فلهدرة وهي غير ساكتة هنا وصل ياسين لقا البيرو ديالو عامر تخلع عند بالو وقعات ليها شي حاجة ودخل بزربا
ياسين::السلام عليكم شنو كاين
مدير الامن::نسولوك نتا الدكتور شنو كاين
ياسين::سمحليا مفهمتش شنو واقع
هنا نطق رئيس الكلينيك ولكن بالانجليزية
الرئيس::دكتور شكون هاد الانسة لي هنا كتقول كتسنا فيك ونتا راك عارف قانون المكان كيف داير
مدير الامن::اه شكون هادي وبشمن صفة جايبها هنا الدكتور
الهدرة كترات وياسين معرف باش اجاوب وهنا جات هند زعما تشوف شنو كاين تقتل وتمشي فكنازتو باز
هند::ياسين شنو واقع
مدير الامن::دكتور سولناك شكون هادي لمكنتيش كتعرفها غادي نعاقبوها
اميرة غير سمعات هدشي بقات تبكي
مدير الامن::شفتي هاهي بدات تبكي طبعا غتكون مكتعرفها موالو
ياسين::لا سمحليا راه كنعرفها
مدير الامن::ولكن ملي كتعرفها علاش جبتيها هنا راه ممنوع بشمن صفة هي هنا
ياسين::بصفتها خطيبتي وجبتها تعاوني فالملف الطيبي لي جانا من امريكا (ناري شقلت انا شمن تعاوني ناري)
مديرالامن::صافي عافاك سمحلينا الدكتور ولكن نتا عارف القانون كيداير على داكشي تصرفنا معاها هاكا
ياسين::اه عارف منحقكم هادشي فمصلحت الكلينيك
مدير الامن::انسة عافك سمحيلينا
وهنا غادي يهدر وحد الشخص غيخلي ياسين يتصدم وفنفس الوقت غادي اخلي هند تفرح ولعبة تقلب جيتها ويتفضح كلشي
رئيس الكلينيك::سمحيلينا انسة مكناش عارفين شكون نتي ومدام نتي من طرف دكتور ياسين بامكانك تجي فاي وقت وسمحلينا من جديد ولكن بحال هاد المراقبة ضروري منها حيت فمصلحتنا حنا وفمصلحت سمعة ديال الكلينيك
هند بنت الحرام تصدامت ملي ياسين دافع عليها وقاليهم خطيبتي وهي عارفه غير كدب وتمنات كون كانت قادرة تقوليهم صارحة وبقات مفقوصة حيت اعتادرو منها ولكن ملي اعتادر رئيس الكلينيك فرحات وكتسنا فاميرة تجاوب اما ياسين شداتو الخلعة حيت غيتفضح كولشي مغيبقى فيها لملف طيبي ولا صيني وبقا واقف كيبلع ريقو مسيكين وهنا زادت الصدمة
اميرة::(بالانجليزية) لا لا بلعكس انا الي خاصني نعتدر منكم حيت داخلة هنا بلا حتى شي اذن انا اصلا مكنعرفش القانون ديال الكلينيك لحقاش حتى كونت عارفاه طبعا غادي نطلب الاذن باش ندخل ولكن الغلط ديال خطيبي مخبرنيش بهاد القانون الصارم لي عندكم ولكن انا كنحيكم على هادشي حيت هاد المراقبة هي الي كتزيد من سمعة ديال كلينيك ديالكم مهم انا هنا فقط بصفتي خطيبة الدكتور ياسين جيت كطرف مساعدة لاغير مبغيت والو
رئيس الكلينيك::مرحبا بيك فكل وقت حيت حنا كنرحبو بيد المساعدة هنا شكرا ليك انسة
اميرة::لا شكر شكر ليكم وسمحولي على الازعاج الي سببت ليكم
مدير الامن::لا دنيا هانيا نتي سمحيلينا ومبروك عليكم الخطوبة
مهم كولشي خرج بقا غير ياسين وهند بجوج تحت تاثير الصدمة ياسين مبهوض حيت سمع اميرة كتهدر بلاقة بالانجليزية ورحب بيها مدير الكلينيك بنفسو اما هند مصدومة من الخطة لي فشلات ولكن غادي تزيد تصدم مداكشي ليغادي تشوف حداها حيت اميرة وخا هدرت واعتدرو منها بقا فيها الحال مداك الموقف وقلبتها بكا وياسين معرفش كيدار حتى زيرها بين دراعو وخشاها فصدرو وبقات تبكي وهو اسكت فيها وزيد اعناق فيها حيت حاس براسو هو السبب فهاد الموقف لي تحطات فيه بقات فيه وهي كتبكي وكتنهد وهنا هند شوية ميسكت ليها القلب بغات تكحلها عليها زدقات معاونها وتعنيقة لي مقدرتش تعنقو البارح بليل عنقتو دبا تبكي وتزيد تخشا فيه