المشاكسة والسيد متكبر

الجزء 8 👌

غير قشعو ناس كيطلعو رحيل وشمنك يارحيل وهما اقدو الوفقة وهنا غادي تبدا مهمة المخابرات الدولية والصدفة ان الناس كيطلعو الرحيل لدار الي مقابل معا بيت اميرة وهذا سيسهل عملية البحت والتنقيب عن كل الامور
اميرة::وسيمة شوفي هادو واقيلة غادين اسكنو هنا
وسيمة::هادشي الي كنشوف حيت كيدخلو رحيلهم وباينن خامجين فلوس غير مداكشي الي كيدخلو لدار
اميرة::ادخلو ولا اخرجو بغيت نعرف وش معاهم شي توتة ولا والو حيت دبا كنشوف غير وحد لولد برهوش وادك الصفريطة الي حداه متكون غير ماماها اما داك شرفا الي كتشير واقيلة مامات دك الصفريطة
وسيمة::اولي كتقولي عليها صفريطة مزال معرفتيها شوفي هي كيدايرة كتبان فيها ديريفة وخا مشيكا هههههه
اميرة:::هههن باز انا بغيت نشوف التوت ونتي كتقولي ليا مشيكة يعطيك دقة ولكن نموت ونعرف شكون هاد الناس ومنين جاو باينة فيهم ناس ملعقين شوفي شوفي على طوموبيل عندهم وشوفي شحال من كميو كيحط الرحيل
وسيمة::وبصاح محوكل الصباغة كانو كيصبغو الدار السيمانا الي دازت ادا هادو هما شراوها
اميرة::امتا كانو الصباغا ونا مشفتهمش وخا اشوفني غير شي صباغ ههه
وسيمة::اويلي دوزو فيها شي سيمانا وهما كيصبغو فيها هههه وهادي زكلتيها
اميرة ::والله دبا منرتاح حتى نعرف هاد جيران شكون هما ومنين تريكتهم شوفي داك البريهش خصارة صغير اما انا كون تلويت عليه
وسيمة::ههه لهاد الدرجة هبطلك المورال البرهوش مصاب فعمرو شي 7 سنين
اميرة::اوا لمكنش البرهوش نشوف معا باه هههه شرع عطا اربعة
وسيمة ::هههههه داك السعات تقجك صفريطا
اميرة::هههههه ودبا مزال مبان لا باه ولا جدو كنشوف غير هدوك واقيلة خصنا نديرو صواب معا جيران
وسيمة ::باز هههه
مهم ناس دخلو رحيلهم وسعدية عيطات على بنتها ووسيمة تهدر معاهم