المشاكسة والسيد متكبر

الجزء 7 👌

مهم ملي عرفو بلي الاستاذ مزوج داك الاحلام الوردية تخربات هههه ولكن ربحات اللغة مخرجتش يديها خاوين وملي كان اجي اهز القلم ديال اميرة ولا وسيمة باش ادير الغياب كان هاداك هو النهار الكبير كيولي داك القلم شيحاجة مقدسة ميمكنش شيحد امسو منبعد الاستاذ مهم دكشي كيبقا غير دكريات مهم ملي شدات الباك مبغاتش تكمل وجلسات فدار مورها شرا ليها باها تيليفون تهو غير مستعمل ولكن زوين جا غير بصدفة وحد تيلفون واعر المهم باها مكيفلتشي الهميزات ودواز شحال ومنبعد شرا ليها بيسي وهنا دخلات لعالم الفيس والوتساب مي غير كتشوف شنو كاين والسلام ومعا قوت التلفازة بقات تخربق فلفرونسي وجاتها رغبة تعلمها وبقات تشوف لباج ديول الفرونسي وتبع برامج وفمدة 6 سنوات الي جلساتها من القرية تعلمت فيها شويا دلفرونسي مهم ماشي بطلاقة وانما جايبة راسها ماشي بحالي العربية عندي معوجة ههه هادشي فات هههه مهم اميرة تجيب راسها فين ماكان وخا مبيناش فيها ولكن كتبقا الكوزينة هي العشق الابدي للبنت والمرة المغربية وطبعا ماشي بخطرهم بزز منهم حيت الرجل المغربي لا يعترف بشيحاجة اسمها شهيوة ولا ابتكار كيعرف كوكوت مرقا زرقا هههههه
بقات حال اميرة سير واجي عند وسيمة ولا طاسيلتها ومرة مرة كتجري عليها ماماها تخرج يدربها الريح ولكن ملي مكتلقا مدير كطلع لسطح وتجلس معا بيسي وطبعا كدير المزيان معا وحد جارتهم على داكشي عاطيها الكود دالويفي هههه وهنا كتعيط على وسيمة ويجلسو على ضحك وتكركير وكيبقاو حاضين التوت البري ماشي ماجي ومشاعرهم تتمزق عند مرور كل توتة يشككون بانها منتوج مغربي وابليس يراجع دوروسه لحاقش مزال غادي يدخل ازيد سوايع عند اميرة الي مزال مختبية لينا المفاجاءات مهم و هما جالسين شافو شي ناس كيطلعو رحيلهم لوحد الدار