المشاكسة والسيد متكبر

الجزء 21 👌

دخلها لطموبيل ووتحركو وبقا غادي وهو كيهدر ولالة اميرة ولا فهاد العالم ساهيه فلعسل الحر
ياسين::مالكي ادا مهدرتيش مغاديش نوصلك لدار هيهو هيهو فين حنا وش نتيا معانا
شغادي نقلك هي كاع مكينة هنا بلما تحمق رسك معاها حيت سيدة مسكينة مزال تحت تاتير الصدمة حيت ملي جرها مبغاش اقصحها ودار يدو على كتافها ودخلها فطموبيل مداك ساع وهي لا تعي ابدا مهم بما ان اميرة تحت تاثير الصدمة كان لابد ميستغل الوقت وينتاهز الفرصة (ههههه شحال عقلكم موسخ ولكن عجااااابني تفكير ديالكم ) هو موصلهاش لدار وانما داها معاه لسبيطار صافي هه
ياسين::على سلامة نزلي
اميرة::اه شنو قلتي
ياسين::هههه نزلي راه وصلنا
اميرة::اه صافي انا غندخل لدار دبا
ياسين::هههه شنو اينا دار
اميرة::وشنو ياك وصلتيني بحالي
ياسين::وش شاربا دواك حيت راكي ماشي نرمال
اميرة:: شنو مفهمت والو خاليني ندخل لدارنا ونتا سير شوف شغلك (كيف بغيتيني نورمال ونا حداك )
ياسين::هههه زيدي نديرلك شي برا باش تفيقي حيت نيت راكي فلكلينيك
اميرة بقات دوار فعينيها ودير فحص للمكان ورجعات الكسيطة اللور وبقات تفكر وعاد عرفات فين كاينة وهنا غادي تخاصم معا شريك ديالها (ابليس) لانه لم يتدخل وهو سيرد عليها "راه نتي الي ضربتيني وجريتي عليا ملي شد فيك ياسين وخليتيني تباعكم كنجري شوفي غير حالتي وردات عليه اميرة "هههه الحمدالله الي جريت عليك اما كون راه درت شي كارثة مهم ياسين خرب ليها الاجتماع الي كانت دايرة وبغا اعرفها على فين خدام
ياسين::مالكي مكتهدريش وش تعصبتي حيت جبتك هنا بغيت غير نوريك فين خدام
اميرة::لا لا هانيا هاد الكلينيك كنعرفها
ياسين ::اوا مزيان مهم اجي معايا نوريك كلينيك مزيان
مهم وراها لكلينيك كولو وحيت كلينيك عامر اطباء كانت ساهلة عليه الخدمة
منبعد ماعرفها على كلينيك كامل جا وقت المعقول حيت ملي دخل وشي ممريضات حاطين عليه وحاضينو وكيبرككو شكون هاديك الي معاه وكيموتو بسم والغيرة والفقصة ولكن الكاريتة هي ديال الطبيبة الي تما كيعجبها ياسين بزاف منهار حط رجليه فسبيطار وهي تمعني عليه ودور بيه ولكن هو كيتعامل معاها فحدود العمل لا غير علداكشي غير كيسالي خدمتو كيسلت بحالو دغيا وطبعا اميرة ملي دخلت كاع مداتها فلكلينيك وانما كانت حاضيا شكون لي خدام تما وملي شفات الشهبات والبيضات وتعريجات عرفات بلي القضية مزيرة واكتيرية الشوفات لي كانو كيشوفو فيه وهو دايز طبعا اميرة مكرهتش تنتفهم ولكن ماباليد حيلة منبعد بغا ادخلها للبيرو زعما تشوف فين كيجلس
ياسين::زيدي جلسي
اميرة::ديالك هادا
ياسين::اه
يالله غادي يبداو اهضرو وجات داك لالة الطبيبة لتعكر الجو هي صراحة قرطاسة ومعا المزيار والمكياج كتولي بووووم كتغري ايا وحد الا من رحم ربي وعاد كتبان صغيرة يعني تسبب الطلاق ل 50/ من الاسر ههه
هند::سلام ياسين(سلمات عليه بلوجه )
ناري اشدرتي ياصكعة وجنيتي على رسك تبوسيه فحناكو وحداك لي تبات عسا عليه هنا حظر ابليس خوفا من حصول كارتة وبقا كيقوليها غير تهدني خليها انا نتكلف بيها وهدا وعد مني اميرة حسات بشلل ملي شفتها تبوس وتعاود زعما تسلام على باها
ياسين ::اهلا هند لباس نعرفك هادي اميرة جارتنا صديقة ديال ختي
هند::اهلا حبيبة (سلمات عليها غير بيديها مما زاد الطين بلة) وش مريضة باش جات هنا
ياسين::لا غير جبتها وصافي
هند::مزيان ولكن بحال هاد البلايص خاصهم لواحد كبير اما درية مزالة صغيرة
لا دبا صافي قفرتها ديال بصاح مما جعل اميرة تحقد عليها حيت تاكدت مليون فلمية من خلال الشوفات لي كدير فياسين والمعاملة لي كتعاملو انها هي العدو اللدود ديالها