مهم خرجات عنيها مادخلتهم حتى لقات راسها كولها فازكا عاند الما وشيحد كيعيط ليها الداك البرهوشا حيدي منطريق حيت ملي كانت كتسيق كاع الما الي خرجوه مدار مزال حدا الباب وجات وحد طوموبيل ياسلام وحبسات الفران وقفات عند رجلين امير وطبعا ملي دازت طوموبيل فلما ولات امير بحالا شيحاد دوشليها فزنقة كانت غادي تهدر وتحيح ولكن ملي شافت شكون نزل منها دربها ضو ومع الما بقات فبلستها
ياسين ::اداك البرهوشة حيدي منطريق ونتي ملقيتي امتا تسيقي ولا بغا تادينا هاظ العشية راه كاع مشفتك بمرا
خلا طوموبيل فبلصتها ودخل فدار الي جاو ليها الناس جداد اما اميرة بقات كيف الفلوس فازكا ومعصبا علاش قاليها البرهوشة وزاد كملها حتى سمحيليا مقالهاش ليها كملت وطلعات معصبة كتجدب بوحدها
اميرة ::شكون حاسب راسو هاد المكبر حتى سمحليا مقالهاش تفوووو
وسيمة ::شنو مالكي
اميرة: وحد الحيوان باين بابات داك البرهوش الي كانو كيحطو الرحيل قبيلة تفو عمرني بلما وحتى سمحلي مقالهاش وزيدها قالي برهوشة وش انا برهوشة ونا حاسة برسي شرفت
وسيمة::هههههه وحالتك نيت ديال البراهش ونتيا لبسا داك بيجامة ديال باربي وكلشي فانيدي وراه بصاح كتابني صغيرة باش غادي يعرفك فعمرك 25
اميرة::مهم كبيرة ولا صغيرة وهو مكبر وهاز نيفو لسما وقالك كاع مشفتك انا كلي ميشفنيش وخا
وسيمة::وصافي بلما تعصبي راسك بعدا كيداير علو وجهو
هنا عاد غادي تفيق اميرة وتفكر كيفاش تبلوكات ملي شافتو مهم ياسين جا طويل وباينا كيتريني بزاف حيت عامل بحال شي تركي كيحمق شكلا ومضهرا مع ولات لحية موضة ولد الحرام داير وحد اللحية مطراسية ملي شفتها وحد اللحظة بغيت نمشي عند داعيش حبا فلحية وجهو كيبري وبياض تقول غير شي فرمجة حيدوليها الميكة ديالها والعوينات تسرح فيهم تغرق
أنت تقرأ
المشاكسة والسيد متكبر
Humorالسلام وعليكم 😃 جبت ليكم واحد القصة كوميديا... بلا مانوصفها ليكم راه غير عنوانها واصفها... إلى بغيتوا تعرفوا على المشاكسة والسيد متكبر تفضلوا مرحبا بيكم من تأليف: malaki basmati
