المشاكسة والسيد متكبر

الجزء 46 👌

هند سخان عليها راسها ومبقاتش قد تصبر وياسين كاع مجا لدار مر وهي تهز حويجو وداتهم ليه دارتهم غير سبا ومشات عندو للكلينيك مشات لقاتو كيوكل اميرة وغير اميرة شافتها تحركات بلعاني باش فمها يتخمج هند جات معا المنظر الجميل ياسين كيمسح فم اميرة بشوية وكيضحك معاها يعني عايشين اللحظة مزيان وهي تقطعهم
هند::سلام ياسين (بوسة فلحناك قريبة جيهت الفم)
ياسين::اهلا (مال هاد زفت عوتاني)
اميرة::اهلا هند وش مشفتينش ولا ههههههه
هند::لا غير تلاهيت
اميرة::اه (بسيف تلاهي ونتي مشيتي ديركت لمنطقة الهجوم)
ياسين::جلسي اهند
هند::انا شفتك مجيتيش قلت نجيبلاك حوايجك
ياسين::شكرا اختي هند بزااف
اميرة::اجي نقلك اياسين
مشا عندها وقرب وهي ترسم ليه بوسة على وجهو هند بقات غير تشوف اما ياسين ممسوقش مهم باستو لايهمه السبب
اميرة::هادي كنتي كتسلهالي ههه (هدي حيت قلتي ليها ختي نتي طبيبة ونا هي الفيروس ليغادي امرضك اهند)
هند بقات غير تشوف وعرفات بلي اميرة ماشي ساهلة عطات الحوايج لياسين وبقات جالسة وياسين كيلعب معا اميرة وحد ساعة مشا خرج وبقات غير هند واميرة
اميرة::شكرا اخلتو حيت جيتي عنادنا
هند::مكين حتى مشكيل (تجيك فراس)
هند جات عاولة تبقا معاهم بت نبت وحتى الكونجي كاع مكملاتو وطلبت تدخل للخدمة وتوقف الكونجي وهاد المرة طلبات تخدم سيمانا نهار وليل باش متفارقهمش دوزت معاهم داك نهار كاع مخلاتهم على راحتهم وبليل بقات كدور بياسين وتجي تقرب منو واميرة كتشوف يعني معندها مدير فهاد اللحظة حيت راها مريضة زعما ومتقدرش تحرك وغير خرجو ومشات لطوليط كان فيه جافيل وجابت القرعة حدها وخبعاتها مزيان وجلسات وكانت حدها وحد شبيكة صغيرة كديرو فيها البوبيل رداتها بعيدة منها وهزات البنان الي كان حداها وبقات تاكل وهما هاهما جاين
غير بانو ليها جايين حضات مزيان شكون داخل غير شفت هند بدخل هي لولى وهي ترمي جلفة ديال البنانة كيف رماتها كيف هند جات عليها بااااااااق وحد زلقا ياسلام غير هي مكانش عندها اثار جانبية بقات كتالم وكتحصر على الكبرباء الي ضاع مع الطيحة وهنا ياسين بقا كيتشتت بضكك وهي جمعات الوقفة وجلسات بدون اي تعليق
اميرة::سمحيليا انا ليسيبتها راه ملقيت كيف ندير ونا نرميها
ياسين::موقع والو دبا
هند تعقدات من اميرة ولات كتكرهها بزاف ودوزت داك ليلة بزز معاهم ولغدليه خلات غير ياسين خلا اميرة بوحدها ومشات ليها تفركع الرومانة
اميرة::سلام هند دخلي
هند::شوفي انا جيت نهدر معاك جوج هدرات خطي عليك ياسين ولا مغادي اعجبك حال اداك البرهوشة وجمعي رسك رك ضسرتي بزاف وليتي تبوسيه وتقربي ليه مزيان هدشي لي بقا انا تبريت منك ولا والله حتى نتفك
اميرة::شنوووو قلتي عودي مسمعتش نتي تنتفيني انا والله حتى نمسح بيك الارض اهاد شارفا شكون حاسبا رسك
هند غير سمعات شارفة فقدات السيطرة على راسها وطبعا اميرة داكشي ليكانت بغا استهدفت هند وخلاتها تضربها هند صرفقات اميرة حيت قالت معا بالها دايرة دوك الفصمات مغاديش تحرك منبلصتها اوا ارك للفرجة اميرة ناضت وبدات هك بالك بردات غديدها فهند هلكاتها مزيان ولكن بدون دليل مخلاتش فيها حتى امارة ورجعات لبلاصتها شنتفات حالتها وقطعات تريكوها وجلسات تغوت هند ناضت ومشات تضرب فاميرة وبدات تغوات عليها
هند::نتي اداك البرهوشة تقارني رسك بيا شكو نتي الحمارة الخانزة تفووووو هاكي
مجات فين تضربها حتى كان ياسين حبس ليها يديها
ياسين::وش تسطيتي راها مريضة زعما ونتي شوفي شنو درتي ليها سيري خرجي عليااااا
اميرة قلباتها درامة وبقات تبكي وياسين اقاد ليها حالتها وعنق فيها وسكتها

اميرة تبكي وياسين اسكت فيها وكيشوف حالتها كيف دايرة لي اشوفها اقول وكلا هالكة وهي مصاب جات فيها تسرفيقة
اميرة::حيت بوحدي حكرات عليا
ياسين::لا نتي ماشي بوحدك انا معاك معمرها بقا تجي جيهتك هاديك مريضة فراسها
هند حلات فمها ماسداتو وخا جرا عليها بقات تما كتشوف وتسمع شنو كيطرا وهي لي راها وكلها فضلوعها ديال بصح وياسين خاشي اميرة فصدرور وبارك اعنق فيها وبما ان ياسين ملاهي معا تعناق اميرة ستغلات الفرصة وحلات القرعة لي كانت مخبيها تحت المخدة وطلقات ليها تسيل ورجعات عوتاني تركز معاه
اميرة::انا ديما محكورة شنو كندير انا شنو كندير علاش معنديش زهر بغيت نمشي لدارنا
هو بغا اهدنها ومشا ابوسها فرسها هي تحركات وجات البوسة متقونة ياسلام حيت ابليس غير درجة الميلان وجات فلموقع معاقش لراسو حتى سمع بوووووووم فالارض حيت هند ملي شافت داك المنضر حداها جات خرجا بلفقصة والاعصاب وخيبة الامل والعصا لي كلات كاع مردات البال بلي دنيا ولات عامر بجافيل وهي تجي طول وعرض مقداتش تنوض وبقات تغوت ملي ملي تجمعو عليها الاطباء سخفت وغيبات اما اميرة رجعها ياسين لادار ومرجعات حتى خلات هند مريضة بلمعقول حيت تقصحات مداك طيحة ملي رجعها بقا ماشي ماجي عندها اشوفها كيبقات واودي راها بخير راه نتا لي مرضتيها تلقنا للفرجا الله يهديك وخلينا نكملو هاد القصة خلاص
مهم اميرة دوزت ايام فدار وحد نهار قنطات وهي تمشي دق على هاجر باش تجلس معاها لقات ياسين هو لي حاليها الباب
اميرة::سلام لباس
ياسين::اهلا اميرة (هاد المرة هو لي باسها فحناكها ولات كيف مطيشة)
اميرة::كاينة هاجر
ياسين::اه دخلي انا نكلمها ليك (كاين غير انا وياك الزين ليوما نفدي فيك ليدرتي فيا كامل)
مهم دخلات وجلسات بانت ليها دار كتسفر اما ياسين سد الباب بساروت وخبعو