المشاكسة والسيد متكبر

الجزء 30 👌

مهم غير شادها بقات سارحا مكتهدر مكتنطنق حيت هاد المرة هي لي كينة تحت عويناتو ولكن بدون التقاء كهرومغناطيسي
ياسين::ياللاه قولي شنو غديري دبا
اميرة::لا مغادي ندير والو (هههه بعاد وطلقني قبل متعرف شنو بغا ندير)
ياسين::مالكي ساهية فاش كتفكري
اميرة::مكنفكر فحتى حاجة (ناري مي الافكار لي فعقلي دبا كتوصل للحبس مع الاعمال الشاقة)
ياسين::الى مهدرتيش مغاديش نطلق منك
اميرة::شنوووو (ادا غادي نتبعكم هههههه)
ولكن شكون اخليها في راحتها وعز التركيز وقع ماوقع وحصل مالم يكن في الحسبان وخرب كل شيء ونتما غير رجعو هنا متمشيوش بعيد راه صونا غير تيليفون ياسين قفزهم بلخلعة
ياسين::اف مال هاد تلفون خلعني
اميرة::ديرليه سلونص
ياسين::من دبا الفوق مكاين غير سيلونص (ابتسامة ماكرة)
اميرة::(هجمة مرتدة) طفيه حسن
ياسين::ههههههه
اميرة ::شكون كيصوني جاوب مالك
ياسين:: هادي هند وصافي
اميرة::جاوبها (قلبت وجهها وتعصبات)
بسيف متعصب وتمرض وتفقص شكون لي يبغي بحال داك لحظة ضيع منو وشكون اضيعها ليك العدو ديالك ناري احساس صعيب
ياسين::مالكي شنو وقع هههه مهم هاكي هساروت ديري معاك الفطور
اميرة::وخا حيت انا لفيا جوع اما ليك منديروش خلي هند تجي تصاوبو ليك (طبعا كتهدر بدون ادنى شعور ولا احساس)
ياسين::ههههه ياكي وخا البرهوشة مهم غادي نشوف هند شنو بغات
اميرة::دير ليبغيت
ياسين::متقوليش دير ليبغيت (غادي ندير لي مدرتوش فحياتي كولها)
مهم اميرة حلات الباب ومشات للكوزينة وياسين صونا على هند
ياسين::الو صباح الخير
هند::الو صباح نور
ياسين::وش بغيتي شيحاجة
هند::لا غير شفتك تعطلتي بغيت نسولك وش بخير
هنا قطع عليها وبدا السباق مع الزمان حيت مسكين عاد تفكار بلي هو طبيب وخدام وخاصو يمشي فلوقت وهو عند بالو شاروخان ناسي راسو وتابعلي كجول
بقا مسكين غير ادرور ورون ماعرف ميدير وحد ساعة عيط على اميرة
ياسين::اميرة اميرااااااااا
اميرة::شنو مالك فضحنا
ياسين::عافك ديري الفطور حتى نتوضى ونصلي راه تعطلنا على الكلينيك
اميرة::ههه قول نتا تعطلتي ماشي تعطلنا
ياسين::سربي راه على داكشي علاش عيطات هند
اميرة::اه هكا اذا بقيتي فيها باش عيطات ليك ولا عيطات حيت تعطلتي عليها
ياسين::وداغيا طلقينا خلاص باش نمشيو
اميرة::نتا ليغادي اما انا معندي فين نمشي
ياسين::هههه لاغادي تمشي وحتى للعشية ونجيبك ونقوليهم غادي تبقاي معانا
اميرة::وصافي نستناك هنا حتى تجي
ياسين::ههههه وش نجي نقوليهم بايتين بجوج بوحدنا فدار
اميرة::لا بلاش انا غادي نمشي معاك
مهم ياسين مشا يتوضى وصلى ومشا للبيت يلبس وهي صيبات الفطور ومشات تعيطليه هو كان يلاه لبس عليه سروال حيت كان ملبس والو ملفوق غير الجسم الجميل ومعا هي ديما كتزيد مدرما غير وصلات عند الباب وحلاتها وهو عاطيها بضهرو بقات حالة عويناتها كتشوف وهو كيلبس تريكوه ولكن قطعها هو
ياسين::مالكي شواقع
اميرة::بغيت غير نقلك اجي تفطر
ياسين::وخا انا جاي ولكن نتي مزال ملبستي عليك
اميرة::اه حيت حوايجي راهم هنا حتى تخرج نتا ونلبس
ياسين:: صافي غير دخلي انا غادي نمشي للكوزينة ونستناك
مهم لبسات عليها طبعا الحوابج الي كانو عليها البارح حيت دبا دارهم مسدودة ومعندها منين تجيب الحوايج قادت حالتها ومشات لقات ياسين كيستناها للفطور جلست فطروا وخرجو شدة طوموبيل ديريكت للكلينيك وقف طموبلتو ونزلو بجوج
ياسين::مهم ليوما غادي دوزيه معايا هنا معندك فين تمشي ملي نسالي الخدمة نمشيو لدار غتكون الواليدة وهاجر جاو
اميرة::وخا مشي مشكيل
غير هما داخلين هند شافتهم معجبهاش الحال حيت جاب معاه اميرة ونيت تعصبات حيت ديما كتشوفها معاه