المشاكسة والسيد متكبر

الجزء 35 👌

فاق بسرعة البرق وشادها ولكن بلما اعياق وسمعوه
ياسين::اجي اداك شنولة شنو باغا عندي
اميرة::حبسا الضحكة بغيت نفيقك تعشا
ياسين::وخا وجيتي تجربي فيا انا ياك الالة
اميرة::ههه دبا طلقني ولا نغوت
مسكين طلقها حيت مسطية وديرها مهم مشاو جلسو يتعشاو ويضحكو حتى قربو افرقو المجمع هاجر دات زيد لبيتو ينعس لحقاش عندو المدراسة وقدات وحد البيت صغير باش تنعس فيه اميرة تهو بنموسيتو وكلشي ديالو اما خديجة وياسين واميرة بقاو شادين اجموع والضحك
خديجة::والله ابنتي اميرة الى ضحكتيني ديال بصاح تبارك الله عليك ضحوكية و الله اعمرها دار
اميرة::ربي اخليك اخلتي
ياسين::هههههه ونا الواليدة شفتك نسيتيني ولا صافي دات بلاصتي
خديجة::لا لا اولدي انا منساكمش نخاف نتا نهار دير مراتك تنساني
ياسين::لا لا الوليدة كوني هانيا
اميرة::ههه اوا منعرف تقلب عليها مسكينة (متخافيش اخلتي مغاديش ينساك حيت انا ضريفة ههنن)
مهم صافي عياو وكل وحد مشا اشد بلاصتو وهاجر دات اميرة للبيت لي غادي تنعس فيه وحيت ياسين يلاه فاق مستحيل اجيه نعاس وبقا غير يتقلب من جيهة الجهة وهو اشد تليفون صونا على اميرة
اميرة::الو
ياسين::الو مزال فيقة
اميرة::اه مزال ونتا
ياسين::وش فنضرك غادي اجيني نعاس ونا مزال عاد فيقت
اميرة::هههههن مسكين بقيتي فيا او شنو دبا نعودليك شخبيرة باش تنعاس
ياسين::وخا اشنولة كتشفاي فيا دبا عقلي فيها
اميرة::لا لا غير كنضحك معاك وبسيف مجيكش نعاس راه نتا كونت مغيب ماشي ناعس
ياسين::ونتي فيقتني حرام عليك كون خليتيني ناعس
اميرة::هههه وراه انا اخير عنصر تدخل لانقاذ الموقف عرفتي جات هاجر وماماك ومفيقتيش وجيت انا عوتاني والو ونا نجيب داك طريف دتلج
ياسين::هههههه هادشي كل باش نفيق ان
اميرة::قولها لراسك اسيدي
مهم طولو فلهدرة عادية وحد ساعة تفكر
ياسين::اجي كيدرتي ليها راكي شادة الانجليزية حسن مني هههههه
اميرة::ههههه حب المادة (بغيت نقول جمال الاستاذ)
ياسين::مزاينة الالة معندي منتسالك وصراحة مبيناش فيك
اميرة::شنو دبا حكرتيني ولا
ياسين:لا لا راكي عندك سبع وجوه كل مرة كتسيفي بواحد ودليل هو هاد ليلة كنت كتباني وحدة اخرى
اميرة::خيابيت ياك هههههه
ياسين::هههه والله حتى برهوشة نيت وديال بصح (جيتي كتحمقي)
اميرة::ياك انا برهوشة
مهم كملو الهدرة حتى نعسات اميرة ونعس موراها ياسين ولغد ليه فاقت غير خديجة صايبات الفطور لولدها وفيقاتو مهم هو صلى ولبس ومو دخلات لبيتها هو غير دخل للكوزينة بشوية وخرج ومشا جيهت بيت اميرة وحل عليها الباب حيت طبعا مسداتوش ودخل لعندها وردليها الصرف درليها الثلج معا العنق ديالها وهي غير نقزات بغات تغوات وهو يحبسها بزز باش سدليها فمها ملي تهدنات خلاها وخرج يفطر هو كيموت بضحك على داكشي لي دار ليها اما هي كتحلف عليه مهم ملي كمل فطورو خرج هز طموبيلتو ومشا لخدمتو ديريكت غير وصل صبحات عليه هند وسلمات عليه هاد المرة هو صبقها ومد يدو خلاها كتشوف وباش تلصق فيه وتبق تهدر بقات كتسولو على اميرة
هند::كيبقات اميرة مزيانة
ياسين::اه الحمدالله
هند::طبعا غادي تولي مزيانا حيت اي واحد كيكون فدارهم كيرتاح
ياريتك مسولتي يابنتي حيت لي غادي تسمعيه غادي غير اعصباك
ياسين::لا لا هي مزيانة وخا مشي فدارهم ولكن حتى الوليدة وهاجر ممقصرينش من جيهتها
هند::واش كيمشيو عندها
ياسين::لا لا راه هي لي معانا فدار لحقاش وليديها مكينينش وجالسة معانا صراحة ضريفة حتى من الوليدة عاجبها
هند تبكمات مبقاتش عاد سولات كملات نهار ديال الخدمة بزز منها وهي كتحلف عليها اما ياسين خدم عادي والعشية مشا بحالو