المشاكسة والسيد متكبر

الجزء 31 👌

ملي شافتهم مشات عندهم وكيف العادة ديما منقزة على ياسين من حناكو كتسلم عليه
هند::صباح الخير مالك تعطلتي
ياسين::راه درتي فيا خير ملي صونيتي عليا
كيهدرو زعما بحالا اميرة كاع مكاينة و هند دايرة معا رسها قافزة عاد دورت وجهها وشافت فاميرة
هند::سلام حبيبة نتيا هنا كاع مشفتك
اميرة::هجمة مرتدة اهلا خلتو كيبقتي مداكشي دلبارح (كيديري تشوفيني ابنت الحرام ونتي كتبوسي فزماني حدايا)
هند::الحمدالله (يخوي ليك الما فركابي مال مك شفتيني شرفت)
ياسين::بصاح نسيت مسولتكشي كيبقيتي هند درات راسها مسمعاتوش حيت مخصهاش تفكر داك الحالة وبقات كتشوف فاميرة بغات تحرجها وسط الناس والممرضات
هند::اميرة شفتك مزالة بلبسة ديال البارح وش مسخيتيش بها ولا اشنو (ندمك نوريك خالتو)
اميرة:: (هنا تسجل الهدف) لا اخلتو غير بايتة معا ياسين فدار ومكانش عندي الحوايج زايدين
هند::هههه كون قلتي الهاجر تخليلك متلبسي احبيبة راه زعما عندها محال ديال اللبس (وصلتي حتى للبياتة ابنت الحرام وخا الالة)
ياسين معجبوش الحال وحاس بلي هند زدات فيه بزاف
ياسين::اوا شنو فيها ادا لواحد بقا بلباسو عادي مفيها ولو وش ضروري كل نهار لبسة
اميرة::عارفا اخلتو طبعا حتى كنت قلت لهاجر خصني شي حاجة مكانتش غتحيدها ليا لكن خصارة كاع مكانو فدار
هند::شنوووو بايتين غير بجوج (وهي مصدومة)
ياسين::اه كيما سمعتي اختي هند
خلوها في ازمة نفسية ومشاو وصل معا اميرة للمكتب ديالو ولبس الوزرة ومشا اشوف المرضى مساكن واميرة جالسة تشوف فلبيور كيف داير وتفكرات تعيط لماماها وسولتها كيبقات وطمنهتا عليها وقالت ليها تكون هانيا من جيهتها المهم هند بقات كتموت منبعد دكشي لي سمعات وبغات باي طريقة تخرج اميرة من المكتب ديال ياسين وطبعا خلات هدشي حتى 2 حيت هنا كيحبسو الزيارات وكلشي
مهم هند دارت خطة باش تشوه اميرة وتخرجها من المكتب ديال ياسين حيت تصدمات جوج صدمات فدقة ملي اميرة قالت ليها بايتة معا ياسين ونيت ملي ياسين قاليها ختي مهم ملي وصلت الزوج مشات هند عند مكتب المراقبة قالت ليهم بلي كاين شيحاد منغير ناس لي خدامين فلكلينيك والمرضى لي ناعسين هنا
مدير الامن::كيفاش كاين شيحد ادكتورة
هند::راه كيفما سمعتي
مدير الامن::ميمكنش راه ممنوع زيارات فهاد الوقت وممنوع كليا يبقى شعنصر منغير الاطار الطبي والمرضى ليكاينين
هند::انا عارفا على داكشي جيت نعلمكم عندها تكون جايا تخطف شي دري صغير ولا بغا تقتل شيحاد
مدير الامن::فين كاينة هادي
هند::شفتها مخبيا فلبيرو ديال دكتور ياسين ومرتاحيتش ليها
هند دارت هاد الخطة وقالت ليهم كاينة فلبيرو د ياسين حيت عرفا بلي ياسين غادي اخاف على راسو وقوليهم مكنعرفهاش وتما غادين يجريو عليها مهم مدير الامن جا شاعل ومعصب حيت مخصوش السمعة ديال الكلينيك ضيع ادا وقعات شي حديثة
مشا ديريكت للمكتب دياسين
مدير الامن ::السلام انسة شنو كديري هنا فهاد الوقت
اميرة::عليكم السلام انا كنستنا دكتور ياسين مدير الامن :: لا الالة هنا مشي بلاصت الانتظار حيت ممنوع كليا يبقى شيحاد منغير الطاقم الطبي والمرضى
اميرة::سماحليا انا معرفاش راه جيت غير معا دكتور ياسين
مدير الامن :: ولكن بشمن صفة نتي هنا راه كنقولاك ممنوع وش مكتسمعيش دبا الى سمحتي تفضلي على برا خورجي
اميرة::ولكن انا
مدير الامن:: انسة مكاين ما ولكن هدرت معاك خرجييييي
فهاد الوقيتة هند جالسة على برا كتفرج ودستمتع فاميرة وهي كتسمع فالاهانات وكتبهدل وياسين ولا علبالو خدام منيتو مسكين ولكن غادي يتفكر شي دواء ويمشي اجيبو من البيرو ديالو وهنا غتكون اميرة مزال كتسمع فجميع انواع المحاضرات والاهانات