نرجس : رجعت للبيت واحس الدنيا كلها انطبقت عليه جسمي كلة تعبان فتت للغرفة ونمت نومة من كد مابجيت لااكل ولاشرب ..اي احد مااحجي ويا سديت الغرفة وسط ظلمة احس كانو نفسي ضاق ..كعدت اباوع ساعة ١بالليل الكل نايمين جنا ع ابواب شتاء ومااعرف ليش كل ميقترب موعد عيد ميلادي احس مصيبة رح تتقدم اتجاهي ..فتحت جنطتي طلعت تلفوني ظليت اكلب بالصور لكيت كوم رسائل من رضوان فتحت الاولى جان يتوسل بية ويكلي ارجعها لااية بس صيري الي ...وراها مسحت مسجاتة ومسحت الاسماء ...ماكو مجال للتراجع جنت احترق من جوا ..بس جنت اكابر ودموعي منشفت احس نار داخلي مدا تطفة لزمت السيمكارت كسرتة بالنص ..ودا اشمرة ..ايد انمدت الي ومنعتني ...خالتي كميلة..نرجس لاتشمري يمكن ترجعين بقرارك ...جنت ابجي وهي كالتلي..ابجي دام البجي يريحك ابجي بس اريد اكلج شغلة وخليهة بالج الفرصة والحب يجون مرة وحدة مرة بس تحسين بحلاوتة ومرارتة وراها كل شي يختفي مرح تحسين بنفس الطعم ولانفس اللهفة ..ولا نفس الحماس اول مجيتي هنا اباوع عليج مو انتي بنوتي الحلوة امج جابتك ٦اشهر عمرج ربيتي ع ايدي... وصرت قطعة منهة وكبرتي واعرف كل نظرة وكل تصرف شتعني تمنيتك صدك بنتي ...اول محبيتي رضوان شفت اللمعة بعينك ووجهك ورد ..
والفرحة بعينك منقصت واني اعرف رضوان عشرة عمر صار مو دا اكلج حبي وجازفي..بس اذا قررتي تختاري ...فهو حتة النفس رح يحاوطك بي ..من حبة الج وكلة بصفحة ومن شالكك وسط العالم بصفحة ووكع بالسيارة وانتي بحضنة عمري مشفت هاي اللهفة والحب بعينة ...بس تتحملين تكونين ضرة وتتحملين اولاد مو اولادك مو يوم ويومين عمر رح ضلين وابنة رح يظل حاقد عليج لان اخذتي ابو من امة ..وامة رح تكون مظلومة...تتحملين ..نرجس
عمري مجنت انانية دومي اتنازل عمود غيري ياخذ مكاني ..ياخذ اشياءي عمري محسبت حساب..بس دائما الكى امي وخواتي يتهموني بالانانية وارجع اتنازل عمود اشيل هذا اللقب عني حتة ساعة ماامي تتنازل عن وحدة من جهالهة تنازلت عني... وماانقهرت الة لمن كلولي امج نست انتي جيت ...ولا اول مرة بلغت ...اني دا اطلع كل الطاقة السلبية لاحظي...
كميلة:دا الاحظ. ...من كم سنة جنت نفس وضعج تماما ولحد هاي اللحظة يحملوني دم نرجس واني مالي دخل...الذنب ذنب جبار الله يرحمة كلبة جان حقود واني اتخبلت كتلهم لو يبقة بس هو ماازوجة يمكن امج مسولفتلج ...نظراتة الهة وهي مرة اخو ...صارت عندي نفور منة مو طبيعي ...مااتحملة اول وحدة لامتني امج..وحملتني عذابهة وبهذلتهة ...وكبرت واني ممزوجة عبد الجبار كال مصير الي مصير الغيري وصدك نفذ اي واحد يجي يطفرة لحد مااجة كريم ...ونور حياتي ...وكف بوجه الكل وكال اخذج ع موتي اظل ...الحمدلله ..مو انتي هم جيتي تلوميني..خاااا
بدون متكولين بس هاي كلمة احفظيها مني ماما ...لاتحكمين ع شخص كلمن وضرووفة. .وانتي الة صرتي بضرووفي يلة عرفتي...رح ذبي لو تبقي...
نرجس:خالتي...اني رح اعوفة رضوان وبنفس راضية اريد يستقر ..واني اعرفة رح يحاصرني بااهلي وذولة امانة ابوية ..
واني مااكدر اعوفهم وان شاء الله الله يعيني ع الشدة هاي ...خالتي ممكن اطلب منج طلب...
طلبي...هذا الموبايل انطي رضوان اني رح اروح لمحمد اعرف انتي ضد الفكرة بس احسن الي والة ...مااريد شي اتذكر بي....
الذكريات ...سجن احنا نعيش روحنا بي .. واني جنت واقعية وجنت مدمرة كلش
.. ... .....
بس اذا واحد فكر بعقلة ...عمرة مرح يخسر لان العقل هو يوجهنا للصح...
واقترحت ع امي روح لمحمد ...بس هي كلتلي محمد ضرووفة تعبانة روح بيت عمتها بشارع فلسطين ..رجعنا لبغداد وبدت رحلة جديدة بحياتي ويا ناس يختلفون عنة بكل شي...
حياتي صارت عبارة عن شغل بشغل مردت خواتي يتاثرن ردتهم يكملون شهايد ...اشتغلت هواي شغل وارجع للبيت خبز وطبخ والحديقة لازم نظيفة وبناتهم يتعيقلون ميحركن نفسهم وسوالف وتلفونات اكو من يطمطم الهم ....اني معلية بيهم جنت ادرس خواتي ...وادرس بكتب الثالث عمود لاانسة الدراسة ..اتواصل ويا عمتي اسال عن بيبيتي...كضتهة نايمة ومتحجي...
اكثر شي حبيته ..جانو خالين مدرس لبناتهم وهن كسلانات ولايمهم وجنت استغل الفرصة اجيبلهم جاي اسويلهم عصير واسمع المدرس واحفظ كل كلمة عن ظهر قلب وبيوم جان يشرح الاستاذ الهم وهن صافنات مثل ...
استغفر الله ..فكرت جاوبتة..تعجب ..كالي تعاي شسمج ..
اسمي نرجس...
شمخلصة نرجس ..
ابتدائية وتوقفت ...ممخلصة ..
لا..للاسف مجان عندي مجال ...واسمعهم يقلدون ملتهية ويا الهوايش خطية ههههه.
ظل الاستاذ مركز ويايا عفتهم وطلعت والاستاذ هم اترخص تلكتني امي شبيج ...كتلهة مابية ..من يوم ابوية ماراح والناس تحير شون تبهذل بية ...
انتي شلج بالدراسة مدوخة راسك ...هنا بنات مدينة..انتي بنت ريف...
يمة شنو هالحجي تكولي ...شنو الفرق ...عرفت اني لازم يطيح حظي وابقة جوة الرجلين لبست عباتي والدمعة بعيني ...
مشيت مسافة سمعت صوت هورن سيارة ورايا وجانت المفاجاة...
للقصة بقية...
