مرت سنة ع وفاة رضوان...سنة ع دخول التنظيم لمزرعة اهل رضوان...كتلو بدم بارد وخطفو اخو ...وراح الخبر .. ..مينعرف عايش ميت...
بس اني بعدني نفسي مو مصدكة شلون الفرح جان على بابي وانخطف...ضحكتي اختفت ..صوتي نادرا مايطلع...كاني متت ويا رضوان...اخذ كل شي حلو ويا...شلون هيج يختفي عني ..احس روحي بس هيكل متحرك...جنت افوت للبيت اظل ابجي لحد مااتعب وانام عيوني صارت سودة داير مدايرهة ...الاسود مفاركني ...ورا ماتوفة رضوان عرفت قهر امي شنو ...لمتهة لمن عزلت روحهة ونستنا...بس من مات رضوان..
حسيت بالمها ضعف...
اني واية اذا كعدنا وحطيت فرح بحظني اشم بيهة ريحة رضوان..واظل حاظنتها وابجي...
اثنينا مصيبتنة نفس المصيبة..فقدنا سندنا وحبيبنا واية جانت تصبرني واني اكلهة انيالج عندك من ريحة رضوان اني مبقالي..منة بس سوالفة وصوتة الي بااذني وخايفة يروح..وصار منوالي..ارجع للبيت....
نرجس:يووووم.. عفية الله يخليج طلعيهم يوم طلعيهم ..راسي يوجعني الله يخليج...
زهرة:متاكليلج لكمة...
يمة مو متي ..مو كافي يمة ...كافي ..باعي جكدوتك صرتي وجهج خلص ضعفان وتلفان...روحك يمة انسحنت ...
نرجس:عني متت ان شاء الله يوم عفية عوفوني وحدي..اني هيج ارتاح...
زهرة:نرجس...
يمة طلعي الله يخليج...
لو اهج اكابل كبر رضوان واكعد....
طلعت يمة ...طلعت..بس لا تغثين روحج..
محمد:هااا يمة شبيج ..تبجين..
زهرة :ع بخت اختك...غير ..وحالها متعبني ...لاتاكل ولاتشرب ولاتحجي ويا احد مظل احد مدزيتة علمودة ..حتة الحجية الله يرضة عليهة ...جتي وواستهة وهي نفس ماهي...
محمد :يومة خليهة ...ع راحتهة..
والله يقويهة ..
محمد...يلة روحي نامي يوم وادعيلهة...
رنا...هااا اختك بعدها حزنانة ومتطلع...ادري شنو هالعيارة..مو كافي عاد حزن ياعيني...
محمد...شوفي ..رنا دير بالج تجين يم نرجس..والله اكسرج اذا حجيتي حجاية...فهمتي..
🖤🖤🖤🖤🖤🖤
رنا...شحجيت اني غير مصلحتها...
انتي معليج بمصلحتها...
نرجس..اي رضوان...اني حيل تعبانة بعد مابية روووح...حبيبي ..ليش هيج شون كلبك انطاك...تعوفني منو الي بعدك..
تعبانة ودا اموت باليوم الف موتة...
فجاة اندكت الباب لميت غراضي...
يوووم ..اني رح انام عفية عوفوني..
هاااي اني محمد...نرجس...
ها شونج..نرجسة ..اجة كعد يمي..
نرجس...هذا الطريق كلنا نمشي بي الموت ميعرف صغير ولاجبير غني ولافقير منعرف شوكت ساعتنة ...ولا نعرف ..رب العالمين.
شرح يشوفنة ..بعد... لو البجي والحزن يرجع الموتى جان رجع الراحو ...مع هذا اذا ردتي تبجين. ابجي ..هذا جان رح يصير زوجج..وعشتي ويا ايام حلوة..وتذكرينة بازين..بس اهم شي ترضين بالي كتبة ربج وتعيشين الي كاتبة الج...
الرسول عليه الصلاة والسلام لمن توفى ابنة ابراهيم والناس شافو يبجي متعجبين فرد عليهم قائلا:أن القلب ليحزن وان العين لتدمع والنفس راضية...بعدين بجيج هذا ياذي لرضوان المفروض تفرشيلة مصلاية تصلين تقريلة قران تدعيلة بالرحمة ...
يابنت ابوي ...هواي راحونا عزاز والدنيا طحنتنايمكن اني ومحمود عفتكم وقصرت وياكم...بس جنت اعرف بظهري اقوى من رجال...انتي نرجسة..القوية الي متخاف من احد لمت اخوتي وسوت الي مكدرت علي اني...تعرفين ذيج الليلة كعدنا اني ورضوان الله يرحمة نحجي...واكلة دير بالك ع شمعتنة
لان بدونك الكل متضايق ومختنك من امي لفطومة...واني تحملتك هواي وممتعلم على هذا السكوت مالتج..دبريلج جارة عاد...ولاظلين هيج...ظليت ابجي...حضني اخوية ...وكالي الله يرحمة ويجعل مثواه الجنة ويصبرج ويصبر اهلة كومي غسلي وجهج وصلي..وادعي الله يتقبل دعواتناويعينا ع مصايب الدهر...
نرجس:صدك..كمت توضيت وصليت...ودعيتلة من كل كلبي..الله يرحمة ويصبرني على فركتة...ويقوي كلبي...ظليت اسبوع على هالمنوال ..شوي.شوي مثل ميكولون كل شي يبدي صغير ويصير جبير الا الحزينة تبدي جبيرة وتصير صغيرة...منسيت رضوان...بس حاولت ارجع حياتي واتعايش ...عمود امي وخواتي وكل الناس الي حبيتهم....بس ذكرى ظلت تلاحقني وين مااارووح
رجعت نفس روتيني..دوام وبيت ومسووليات مكدرت انزع الاسود...اسراء رجعت لبيت خالتي وولدت يمهملهذا جان صعب اروح اهيج مواجعهة ومواجعي..بس الفرق هي عدهة امل بلكت يجي بس اني ...دفنتة باايدي..صح روحي رافضة رحيلة...بس هذا قدر رب العالمين..وماكو اعتراض على حكمة...سبحانة....
مرت ايام وراحت ايام مرة اخوية ظلت تحرض بااخوية وهو يااذي خواتي بعد متحملت...طكيتهة بوجهة...وكتلة كاااافي مذلة ...ليش هيج ياربي ...وين..منروح..ننذل بيت عالم بيت اخونا متكول مرتك كل غرضها نهج من البيت ...
اخابر ع خالي فلاح واشوفة يرضى بالي صار...والله لايطيح حظك وحظ. محمد دقيقة واخابرة ...جر التلفون من ايدي....
هذا التلفون هم بعد مشوفي بحياتك اني طيتج مجال...
بس من اليوم...ماكو لاطلعة ولاطبة ...سجن عندي...اشوف ياوحدة منكم تكسر كلمتي...حجاية منا حجاية منا
ضربني وفات لغرفتة...ساعتها جريت اخواني...وطلعت الظهر ..جانت فاطمة تبجي ظربتها ومشيتها...وصلنا بيت خالتي كميلة ننتظر امي جانت بغداد...
اول موصلنا خالتي حضنتني وشافت الضرب مبين وجه زينب وحسين ...وحتة ضاربني ع ايدي وطالع الدم..
كميلة:الله يكسر ايدة عهالضرب..
خل اخابرةاذا مكسرت ايدة شون يمدهة عليكم...
نرجس...خالتي لادكين ولاشي...
انطيني الموبايل اريدة ..دقيقتيت...عفتهم وطلعت للبيت الحارس جنا كاعدين بي
وظليت كاعدة شنو لازم اسوي ماعندي فلوس...حتى موبايلي اخذة .. هسة شون...ظليت اكلب بالموبايل ذكرت رقم الولد بالباص...شمرلي الرقم ...
ترددت ادك لو ماادك...دكيت ...جاوبني الو ...الو..
رجعت سديتة..وظليت ابجي...
واكلة باوع يابة وين وصلنة
..وين وصلت يابة اخاف انزل
راسك....
شوف الدنيا شون جارت علية وعلى خواتي من بعد عينك..اوووف يابة المن عفتنة للذيابة الكل ياكل بلحمنة ...يابة ..ظليت ابجي وهذا يدك...واني اكنسل..خفت لاتصير مشاكل لخالتي ...رديت علي وكتلة هلو ...اني البنية صعدت وياك فد يوم بالباص وولد تحارشو بيهة واطيتني رقمك ..اذا احتاجيت شي....
شنو هالغباء قبل سنتين يذكر منو صعد ويا وشكم وحدة رقمهة هو المهم الغمطهة..اخذت صفنة وهو يكلي اذكرك يمعودة وينج هسة ذكرتيني..
المهم ردت اشكرك عالسويتة ويلا مع السلامة لاتتصل علة هالرقم رجاءا...مع السلامة...اوكفي انتي باجية ...لا ماباجية.
مريضة شوي...
سلامتك الف سلامة وين رحتو ..انتو ..سالت عليكم بالمنطقة كالو بيت عمتك سافرت وانتو رحتو لااقاربكم بصلاح الدين..
انت شمعرفك بيت عمتي..
مو اني بيومهة لحكتكم واندليت بيت عمتج ...وظليت اراقبك ..ومن جيت احجي وياكم ..لكيتكم ماكو ...الحمدلله الكلوب تتلاكة ..وين انتي....
شسمك انت اسمي محمد
...كطيعة...
شنو..
لاهيج ذكرتني فد واحد
.....طبعا هذا الشخص مااكن اله اي مشاعر ...بس ردت اطلع من القضاء لان خالتي متخليني..متريدني اعوف القضاء لهذا اتفقت ويا يجيب وحدة من خواتة ويوصلوني لبيت مرة عمي ...بزيونة...
ومن هنا بلشت قصة جديدة بحياتي ...مجنت حاسة اي شي اتجاهة بس هو فاجاني راسا بحب وزواج وحجة ويا خالي وظل مصر فترة ...لحد..مااجة خالي وكالي صح هو خوش ولد بس عندة سوابق شرب وكبسلة وطلقت مرتة منة ...ساعتها صدك كلت اني تطوة وخلص وكف الحب والزواج مالي نصيب واختصر هاي البهذلة وارجع بيت ابوي امون واعيش هناك..احسن الي...وهاي جانت بداية نهاية قصتي...
للقصة بقية
