شعور الخذلان ..والذل شعور متعب واحساس سئ ... ان تشعر انك ولدت في المكان الخطا... والزمان الخطا ..وبعقل وامكانيات غلط.... دائما شايفيني دا اباوع فوك.... وامي واخواتي يكولولي لاتباوعين فوك تنكسر ركبتك ...يعني مجرد تفكيري بالتطوير من ذاتي جان جريمة وتجاوز بالنسبة الهم ...ماطول ولدت بعائلة من الريف...لازم ميكون عندي طموح لازم احجم امنياتي وخليهة محصورة بين زواج وجهال وعيشة ع كد لحافي مثل ميكولون..بس اني امالي جانت اكبر من هيج...
وبهالفترة..بعد محد يكدر يسيطر علية ... وماعدت اهتم لااي شي بعد مخسرت رضوان مااحس اي شي يستحق.. مجرد ايام تكضة ورا الثانية ...كل يوم اطلع سيمكارتي واريد ادك علي واتردد صار شهرين من عفتة احس روحي حيل تعبانة ...وبعد مابية حيل كرهت كل شي حوالية حاسة بالعجز والكسران ..بس محد حاسس بالي اني بي ظليت امشي ودموعي تنزل بدون وعي انقهرت من امي ...تكلي بنت ريف يعني شنو بنت ريف مالها طموح ماعدهة رغبات مو من حقهة تحلم وتحقق شي تريدة...
اكو متنزه بالمنطقة ماعرف جكد بعدت عن البيت .. كعدت شوي وكل شوي اكول اروح رضوان اخابره لا مااخابرة ... بدلت سيمكارتي ...دكيت ع رقمة ظل يدك...طن...طن...طن...ماكو رد
خليتة باايدي ...وظليت كاعدة شوي ودك رضوان ...
مسحت دموعي..
كلت الو...ردتلي بنية ع تلفونة ...واسمع صوت رضوان يكللهة منو عالتلفون ليش تردين ...ضحكت ضحكة بالتلفون وتكلة خل اشوف تعداد البنات عندك جكد بالتلفون واسمعة يجر وهي تكلة اوكف خ نشوف منو هاي ....اخر شي اخذ تلفون منهة واني ظليت مصدومة واني اسمعة يكول ..الو ...الو...اخذت نفس...سمعتة يكول نرجس ..نرجس..حبيبتي..اسمع البنية تكلة ياحبيبتك ..بدون وعي سديت التلفون ...
واحجي ويا روحي وابجي...
اعرف ماعندي حظ وبعدين اني كتلة انتهى بينا قابل رح يعيش ع ذكراي ظل تلفوني يدك حطيتة بالجنطة ...وفصلت عن العالم كلة... مضى وقت مااعرف جكد ...وراها مسحت عيني دا ارجع للبيت اسمع صوت سيارة درت وجهي...
نرجس :مرحبا استاذ حيدر..
حيدر:مرحبا انسة نرجس...حلو انسة اول مرة اسمعها...
نرجس:خير استاذ محتاج شي ...
حيدر:صعدي اريد احجي وياج...
نرجس:كلت بكلبي يوو. والله مناقصتك اني ...
نرجس عفتة ومشيت...كالي نرجس...رجعت بااسلوب تهجمي ...استاذ رحمة لااهلك روح منا عندي رجلين توصلني ...ولهنا كافي خليني محترمتك ماكو داعي اتجاوز ومتعرف لساني شنو اذا انفتح كتيبة مسدة...
وصلنا السيطرة ترة ابلغ عنك...اكول يتحارش بية ...
سد الجامة وطلع كبل واني اكول سخونة والله سخونة بكدك مخلفين بكدي ...شون رياجيل...
رجعت للبيت...
اصلا محد حس بية ...
دا انزع امي استلمتني لج شنو انتي لج رح تموتيني ناقصة عمر ...لج ..نرجسة ..ترة اموتك والله خاف عبالك كبرتي واخوتك مو يميج ترة اني الزمك امطلك هنا...
نرجس:شكو داعي لهالحجي يوووم ..طلعت ..شوي ورجعت شفتيني لبست جينز لو طلعت شعري باعي حواليج يوووم باوعي توك كعدتي من الغيبوبة مالتج .. صار سنتين اني محد سالني شونج...وانجريت من وسط بيتنا ماشفت رجال طلع دافع عني تهدديني بااخوتي ...وينهم اخوتي ..شايلين تلفون عليج ..احد حار شون رح نعيش شون ندبر عيشتنة ميتين عدلين ..كافي هاي المحاضرا يوووم تاخرتي انتي عالكلام هذا ...اني بمية رجال ...ومااسوي شي عوج اطمني ...عمري مغلطت ..وماكو فوك راسي رقيب..
مرح اغلط واني كاعدة لاجئة عند العالم....
من رخصتك يووم اروح انام بلكت مااكعد عمود تخلصين مني للتالي رفعت ايدية وكلت ربي لاتكومني بس اريد اخلص عاد تعبت...
اول مرة احس لساني طول..وبعد مو هامني احد...
سمعت صوت امي برة ...وهي تبجي وتحجي علية وخواتي يحجون وياها ..وعمة امي تكللهة كافي تلحين عليهة شوفي البنات لج شوفي بنات سعاد ...شيلبسن ويحطن ويصرفن عندك بنت درة مال الله .... احمدي ربج واشكري.. مو تكعدين تعدين وتصفين عليهة ...نمت ساعتين ...كعدت شفت رقم رضوان داك علية كومة ..امي هم مكالمات ...سديتة..
بدلت وطلعت شغلي جنت اشتغل بعيادة طبيب قريبة ...واكل بالعيادة ارجع ب٨ونص بدا الجو يبرد...
واحس روحي ميتة مو عايشة ...مجرد وقت يمضى بدون هدف...
ومااحجي ويا احد ولا اتواصل....حتة شغلي بدا يخف مو نفس قبل... واهس ومحد يحجي ويايا ..بيت عمة امي عدهة ٣بنات وولد..مريم ومازن عايشين ببلجيكا وايناس منفصلة وعدهة بنتين وولد وحيد صغير لهذا البيت جان هادي محد عليه بااحد ..كل واحد ملتهي...
استاذ حيدر يومية :يمشي ورايا يسال عني بالبيت ...ويكولولة طالعة مشغولة وبيوم واني راجعة من العيادة...اكو شباب تحرشو بية وظلو يذبون حجي ..واني مغلسة ..زادو حجيهم طبك السيارة ..وكالي ها بابا موكتلج انتظري ..اني اجي اخذج ...راسا حسيت كلمة بابا ..ارتاحيت الولد دارو وجههم وراحو ...
اظطريت اصعد ويا مشينا مسافة كتلة شكرا استاذ نزلني هنا... امشي
كالي اوصلج ...كتلة لا ميحتاج انزل هنا ....
نزلت سمعتة يكلي ...نرجس محتاجج بشغلة توني داارد كالي جيبي امج وياج اذا مامرتاحة ...عرفت مو قصدة شي قنعني يمرلي ياخذني من الشارع العام ..نكعد نحجي وافقت لان اتبعت احساسي ..محسيت بكلامة
تجاوز ...حضرت روحي ..ولبست وكلت شيصير خ يصير ترخصت من امي كتلهة رح اروح للعيادة من وكت الطبيبة تريدني...
امي محجت طلعت راس الشارع باوعت يمين يسار ماكو احد...صعدت اخذني مطعم قريب ...
هااا استاذ تفضل اامر ....
ميامر عليج ظالم ...
تفضلي ....
نرجس:هاي شنو....
حيدر :هاي استمارة مال تقديم الخارجي ...
نرجس:شنووو...
جنت فرحانة بداخلي ....بس خايفة نفس الوقت...
كتلة وانت شمدريك اريد اقدم خارجي...
حيدر :بدون ماادري...سمعت من امج انتي شاطرة وتريدين تكملين ...
بس عمامج واخوانج مجانو قابلين ..
عندي صديق بالتربية طلبت منة ومارجعني جكد حاولت وياج انتي رديتيني ومقبلتي تسمعين ..
نرجس:استاذ اني صح اريد اقدم ..بس مامستعدة الامتحانات مبقالها شي واكو اشياء مو فاهمتهة شون انجح...
حيدر : جايج بالحجي.. عندي..محاضرات تسريع جماعة الخارجي يومين بالاسبوع بس اهم شي تنجحين ..رياضيات ....ويومين بالاسبوع انكليزي ...هم تكدرين تجين وتاخذين وياهم وانتي شاطرة اصلا ومتابعة ويايا بالبيت ...
بس همتج ويايا...
نرجس:استاذ...اني ماعن...
بدون فلوس اني اريد تنجحين ...تمتحنين وتنجحين...ومعليج بالباقي ..نرجس: كمت كتلة اني اشكرك استاذ بس ضرووفي متسمح..وعندي شغل العصر..
شكرا الك وتقديرك بس مااكدر والله...
حيدر :كعدي وانتظري شرح اكلج...
نرجس:نعم...
حيدر : عندي مختبر نفس المنطقة ماعندي احد الصبح يكعد بي اطمني نفس راتبج بدون تغير...
نرجس: ممكن اسالك ليش ساعدني...
حيدر :حاجة في نفس يعقوب قضاها....
نرجس:ليش متكلي..
كملي امتحاناتك واوعدك تعرفين يلا نرجع ..بس نرجس عندك نهاية هذا الاسبوع ...لازم ترديلي خبر لان رح ينسد القبول وراج ركضة...
نرجس :رجعت للبيت..وظليت افكر..الحلم اجة لحد عندي خلص اقبل مرح تجيني هيج فرصة
.....بحياتي ..
فتت لاامي...يوووم شالت مصلايتها وكالتلي زين ذكرتي عندك ام سالين عليهة ....
نرجس ..يووم اني رح اقدم خارجي وجيت اكلج...
لج نرجس ...لج شدصخمين من ورايا لج اني امج باوعيني هنا كاعدات بل المدارس ديرسبن انتي تنجحين بس ضيعين وقت لج وينج ووين المدرسة وبعد نقاشات طويلة وعمتي قنعتهة قدمت وامتحنت وبكل امتحان احس بفرح وشعور مو طبيعي ملكت الدنيا طبعا استاذ حيدر جان يوم بيومة يراجع وياي واشتغلت بمختبرة وجان يخف علية الشغل عمود اتفرغ للدراسة واخابرة قبل لاانام واكلة على مخاوفي وهو يطمني ويخليني ارتاح وثاني يوم الصبح يكعدني عمود الحك الامتحان ويراجع وياي النقاط المهمة حسيت احساس غريب مو حب ولا صداقة ولاابوة طبعا هو مو كلش جبير بس جنت مرتاحة وكانو رب العالمين يريد يجبر خاطري بي...خلصت الامتحانات والنتيجة الحمد لله نجحت وظل وياي لحد محصلت شهادة الثالث متوسط مجنت مصدكة حصلتهة .. عزمني عالغدا ومثل ماوعدني رح يحجيلي كل شي...كعدت كتلة اولا اني حابة اشكرك حيدر طبعا بطلب منه كالي الغي الالقاب وكليلي باااسمي ..صار عندي فضول اريد اعرف ليش ساعدتني ..انت وعدتني تحجيلي تفسرلي ليش كل هذا سويتة الي...
اريد احجيلج سالوفة بس تحمليني شوية ..
ماشي .
للقصة بقية
