ليلة العرس او ليلة الدخلة عند البعض..هي اهم ليلة بحياة البنت هو اليوم الي رح تدخل ع حياة جديدة وشخص جديد تسمة بااسمة ..وتبقى ذكريات حلوة يتذكروهة طول حياتهم...ويمكن بكل عيد زواج يعيدون ذكرياتهم ..اما اني فرح اعيش طول عمري عايشة واني اذكر انو زوجي يقيس مقدار اخلاقي بحلقة بسيطة بس تفرق بين الانسانة الشريفة اولا..اني مااكدر الومة لان هاي ازمة مجتمع الي يقيم البنت على هذا الاساس...
ورا ماخلص حازم..وشاف علامة رجولتة ودموعي بعيني...نزل يبوسني دفعتة لبست ملابسي وجريت الفرشة جوانا ...وهو يكلي نرجس اني اذيتك..
جكد احساس الوجع عميق ...بس احساس انج مجروحة بشرفك وكرامتك...الشي الوحيد تعتزين بي الشي الوحيد الي ظليت محافظة وانتظر شريك حياتي الا نسان حبيتة..يكون الة وحدة تالي عافني وراح عافني لوجعي وعذابي للدنيا تبهذل بية ...لحد موصلت حازم.وهدمت املي ان احب او ابدي حياة جديدة ....
نرجس..نرجس..
اني اسف...
اسف...مو قصدي اااذيج بس فرت اعصابي صارت نار من سمعت هالحجي...محد غيرنا الاثنين جان موجود..
يعني منو حجة...
نرجس...دسمعيني دا احجي وياج...شكاعد سوووين...
نننرجس..
لازم احتفظ بدليل كرامتي وشرفي خاف تطعني بيهم مستقبلا...
عوفي الشرشف وتعالي بس ..احجي وياج...
عووووفني ..دير بالك تتقرب علية مرة ثانية...
نررجس...انسي هالشي اني. زوجج.هذا الشي لازم يصير هسة لو بعدين...نرجس...
جنت اشوف سواد يروح ويرجع...
كعدت عمود لااخلي يحس اني موجوعة او اوكع...مااريد يشوفني مكسورة...لازم يشوفني نرررجس خالد...
نرجس..بيج.شي...اصيح امي...نرجس..ردي علية...
اطلع حازم ..شنو ...اطلع ولاتخليني اشوفك...
نرجس..
حازم...اني عمري مكرهت احد..بس كرهتك اني...مو طايقة اشوفك..فهمت مو طايقة ...
وقفت وظليت اترنح يمين ويسار حاسة بدوخة ..ركضت للحمام...فتحت المي وظليت اذب ع راسي ...واسمع حازم يحجي وياي برة...بس مو بالي...
نرجس..رح اطلع...اهدي لما ارجع...
اذا رجعت..واني كاعدة ابجي..واسمعة ..غبي ...غبي .شسويت انت...
كلمة غبي ممكن تهون كسر خاطر ...لو طعن شرف..اخذني بالتهديد...
بيبيتي وعمتي...كاعدين يتفرجون..
خالدة:يوم هذولة شجاهم ...البارحة جانو طيور حب..
اليوم ديوجة اروح اشوف شبيهم..
الحجية:عوفيهم رجال... ومرتة..
دام تعارك وياها...وجاي مخبل..سحر بت رحيم طار موكع علي...واجة سحر بت زهيرة مو كتلج..سحارة وخبلت الولد بيومين...شكلي رح ابطل ابا وع المسلسل التركي...واتفرغ لنرجس وحويزم...لج هلهلي ابنج طلع رجال...
يوم شنو الحجي تكولينة...اني ماعندي رجال يضرب مراة حتة سجاد الله يرحمة...
لج صدكتي بيوم عرس ابنج اخذ نرجس هيج وسلمتلة بت زهيرة...
يووووم شنو قصدك ..خل اروح ع ذولة المخابيل..
وارجعلج...
مو كتلج ..عوفيهم للديوجة هسة تصفة بينهم..بعدين...
بس شيلي ايدج ابنج باايد امينة...
والله لاتكلي..هالنرجس عالصوبين...وهاي الله كتبة عليهة...
هي..اجة عنتر زمانة ..
حازم:يووم ادك عليهة بالحمام..متردلي...
جا انت مسوي روحك عنتر زمانك وصيح وتركع بيبان ...تاليتك هيج هوسة...وكاعد تصيح ...جان اخذتهة بوستين ومشيتهة..
بيبي الله يخليج مو وكتج...ترة اني روحي بخشمي...
من امداك وامدى خشمك لك انت مال ضرب بهالراس اشوف شيطلع...
يووم روحي شوفيهة رح اطلع اروح بيت خالتي رسمية ...
خليهة تهدا..
تعال انت فهمني ..شنو ..سالفة...
يوم مو وكتها الله يخليج...
طالع اني...
