في مدرسة الحب يتهاوى العشاق منهم من يتمسك بحبل الحب..ويثمر ...
ومنهم من يتركه وسط الطريق فيهوي وينكسر..ومنهم من يجعل الكرامة طريقا يرسم حواجز كثيرة ع دروب المحبين..فلاهي تصمت ولاهو يتحدث بينهم ذاك الصرح العالي الذي يسمونه عزة ..فاذا عزت نفسي علي ..فلاني قد تعبت من التنازل..تعبت ان اضحي واسامح..تعبت من كوني اختلف..انا لست مختلفة انتم فقط من تريدوني ان اكون مختلفة ونسيتم اني امرأه خلقت لااكون متناقضة مع نفسة تارة ومع الاخرين تااارات.
اني حياتي دمرت ونفسيتي تعبت ..اني الي شلت واني الي تحملت..وبالاخير ..كل الي حصلتة وجع بوجع..
جربت اوجعك مثل مابالفركة توجعني...
وعلي تزعل ومااعرف هل معقولةكل الصوج مني..
تعبت حازم ...تعبت اضحي للكل...اني خلص وكفت تضحياتي..نرجس وصلتي يمي..ووكفتي..
يمك وصلت..انت اكثر شخص..ضحيت بكلي عمودك...ونسيت وتعايشت..نسيت جرحك الي..طعنك بشرفي..نظرتك الدونية الي...اذا نسيت فأني لا...مراح انساها الك..
وهذا حدي وياك..حازم اليوم اجيب بالسلامة رح يكون الاخير النا....
وهذا جان الاتفاق..روح لمروة..لان اني ماافيدك.. اني نرجس..بت العرب..مو مروة بت المدينة...ماعندي شهادة مثلها ولااسلوب مثلها ولااراوغ..الي بقلبي ع لساني..
جكد غلطت وياك..رجعتلها وسامحتها عادي..
لو نسيت شسويت بت خالك ..من ورا حجيها..ورا شهر اسمعك تحجي وتقصقص وياها..مو مهم لان نرجس بت عرب..ماعدهة كرامة ولااحساس..
دست ع كرامتي وكل شي..
بس لااني....خنكتني العبرة...
نررررجس...لاتخاف.. عمري بحياتي مرح ابجي بعد...اني نرجس...عمر دمعاتي منزلت..بس اني نزلتها عمودك وانت رخصتها ..حازم..لك نسيت الدنيا كلها بس اسمك يعنيني...
وانت بكلمة من عقل ناقص فاض بي..يريد يرد اعتبارة ماكو..وانت خلص لزمت السيف وذبحتني..
كااافي الحد..هنا..
نررررجس...تعاي اكلج ...بس سمعيني...خلص احنا بيت العالم...
خلص اهدي..ومن نرجع بيتنا نتفاهم..
اشرتلة بهزة راسي نعم عفتة و نزلت...
فتت للمطبخ...لكيت خالتي كاعدة
هاي شدسوين...
جوعانة...كلت..اسويلي شي اكلة تاكلين..
اي ..والله جعت...
اقرب انسانة الي هي خالتي كميلة الانسانة الوحيدة الي تجمع شخصيات بشخص واحد...هي ..امي وصديقتي...بئر اسراري....اختي الجبيرة ..تعرفني من صوتي ...اذا مو تمام...
هااا نرجس..لج..شنو هذا رجلج...
جتي امج كوووم حجي حجت عليكم...
هي امي ماعدهة شغل وعمل بس تنتقدني..وتنتقد حياتي..
لج بس مبين علي حليوة وشقاوجي..بس وجهة مبوز جنيتي عالولد..وحولتي الى كأبة مثلج...
حياتي هي الكئيبة خالتي الدنيا مدا تنطيني فكة..كل ماافرح تضربني كفخة...
لج ليش...امج تكول عليج صايرة متستحي ومتحترم اخوتهة وكل شوي جارهة ميستحي ...شسووون بلة... هههههه..عريس وعروس...هههه غير..
اي ضحكي ولج...خطية ترة يجون جهالج مبوزين..
صدك امتحنتي سادس..
اي ونجحت بقة الامتحان نهائي...
اي عفية عليج سباعية...منو مشالج بالمعاملة وانتي بطة...
حااازم...
مو كتلج يخبل هالحازم ..تستاهلين..
بس ليش احس بينكم حاجز شو صاير..
سولفتلها..
طاح حضك على هالدكة...
شسوي من حركة كلبي...
وهو كل شوي يدوس علية
..
حااازم لمن شافني تااخرت نزلي..
نرررجس بعدك تحبين رضوان..
هذا السوال... لو ساليني يا قبل لاازوج ..اكلج ماغاب لحظة عن بالي..
وهههههسة...
من اول يوم نمت بغرفة حازم اختفة طيفة من كل شي...
حبيتي الحاااازم؟
بدون متكوليلي مبين بعيونج..مورمة من البجي..
تعبت خالتي تعبت...
لذا قررت اطيرة ..ويا الحمام...خلي يروح لمروة..
عزة العزاج تسلمي لوحدة ثانية..احسن مايمثل علية دور الزوج وهو كلبة يمهةهاي الزواجة مصفطة من اول...
والحجي مو بفلوس تريدين انضرب ع راسي...
خالتي اني ناوية اذا جبت اجي يمكم لان مااريد اروح لااهلي..
اريد اربي جهالي برة العرب
..
مااريد الناس تميزهم وتحددهم من برة...
تريدين تبتعدين عن حازم عمود تنسي....
اكو اشياء نكدر ننساها بس حازم خلة بكل مرحلة بحياتي طابع عمود عمري كلة براسي هو..
لج ماما شنو هالعناد...
مادامة يحبج..وتحبي.. رح تجاوزون المرحلة هاي....
محد معصوم من الغلط نرجسة ..والله شايفتة حابج الولد...
رح اكلج شغلة مسحي عيونج..
لو الله كاتبلج تزوجين رضوان وصار الي صار..جان انطحنتي بنص نسوانة..
شجاب رضوان بالنص...يابة الرجال الله يرحمة. بس دا افهمج..
حااازم ..من اول يوم بينلج خامتة ... اكيد انتي تحبين لان لو مو حابتة مادك كلبج الة..
لج لاتبجين حبيبتي نرجس..خطية جهالج...
حااازم..كرهت روحي ..وكرهت مروة..وكرهت كل شي...من اشوفها تبجي بسببي انجن..
صار الفجر..
كعدت حازم ..يلة حازم اكعد ..خ نرجع بيتنا...
تمنيت ابقى نايم ...عمود احس لمسات ايدهة..ع جسمي..ماتختفي...
جريت ايديهة ردت اسحبها لحضني جرتها حيل...
وراحت..
طول الطريق ساكتين منحجي ..اول مرة احس هاي النظرة بوجه نرجس..
لازم اضغط عليها ..عمود تلين...
نرجس...اول محطيت رجلي بيت عمتي ..قررت اني بي خطار..معاد ينسمع صوتنا ولا مداهرنا..عمتي متعرف بالي صار بينا...بس شافتنا هيج كل واحد بصفحة..ظل يضايقني بتلفونات وحجي..بس اني قررت اسد اذني...رغم كلبي جان يتكطع من الوجع بس ماهويتلة ..ولاحسستة باانكساري..اذا موجود مكان اطلع منة واذا جاي يحجي وياي اسوي روحي اصلي....
مرات يصيح ويكسر...ردة فعلي جانت ماكو ردة فعل ...كاني هيكل..متحرك ..الشي الوحيد مصبرني...اولادي..
جنت احط السماعة بااذني واكعد اسمع اغاني...بس عمود انفه عن نفسي ..حسيت مرحلة العزلة والجفاف العاطفي رجعتلي..
كمت اكمل شغلي..وافوت لغرفة بيبيتي..اقرا واسمع..اطلع ع كد الوجبة..اغسل مواعين ..وارجع
اجايز حازم كثرت..كام يبقى يمي اكثر مايروح يم مروة...وهي تخبلت..
من اتحرك هواي يصير عندي نزف..لهذا مجنت اطلع باب البيت..اهلي يجوني زيارة...
مااروح ابد..اني..
عمتي هم تعبانة ومابيهة حيل داري بيبيتي..والمرض هدهة كامت متكدر تمشي..وصدرهة تعب..
يومية اغفى بين احضانها وتسولفلي قصة..كانو دتعوضني الايام القديمة ..جانت لاتحبني ولاتبوسني...صارت كلش قريبة مني ..من نتعارك اني وحازم توكف تدافعلي كدام عمتي..خالدة..
يومية ..اغسللهة وابدللهة وامشط لهة شعرهة وهي كالعادة ضحكني.. وتكعد تصنف ع حازم وخبالة...
بيووم جنت واكفة بالمطبخ...اجة حازم ركع الباب..وفات ....
نننننرجس...
يااافتاح ياعليم يارزاق ياكريم...
شتريد...تعاي طلعيلي قميصي الازرق ماكو ...
شنو ماكو...معلق يمك..
ماكو تعاي دوريليا..كالعادة بيبيتي لازم تصنف علي..
يعني قميصك الازرق ضايع لو غيرة دور انت...
تلعثم بالحجي...شنو ..بيبي..
باوعت عليهة وابتسمت...
صيح عليه..بعدك واكفة امشي طلعيليا....
اووووف..يعني كل شي لازم ورا ورا..ميكدر يطلع روحة شي حسيت بقفل الباب انسد...
واني برودة اعصاب طلعتلة قميصة تفضل ..هذا قميصك الضايع...
نرجس ..اني الضايع بلياج ...
حرام عليج...تحرميني منج وين اروح...
روووح لمروة دك عليهة..وخ تريحك...
نرجس...ليش تخليني افقد عليج ..كتلج..اني اسف...اني بس ضجت ذكرين اسمه كدامي واكلت قنادر وسكتت...ليش فجاة كلبتي..
حط ايدة ع جتفي..وين حبيبتي الي تحبني..
اني مو حبيبتك...
اني جسد تفرغ بي رغباتك...
وتنتظر الزلة عمود تزعل مني وتخليني انذل الك..
نننرررجس..مين جيبين هالحجي..
ترة اعصابي تعبت نرجس..
لاسوين بية هيج...
شسوي احنا بينا اتفاق واني محافظة علي دايرة باليي ع امك وبيبيتي...
وانت ماخذ راحتك ويا مروة..
كلة كم شهر وتجيبها وتجي...
اكثر شي غبي تفعله المراة لشريكها تقدم الة طريق الانتقام منها ..باايديها..
لعد اذا مااجيب مروة وازوجها بغرفتج هاي ..مااطلع اني حازم..
ظليت ع برودي...
هاي مو غرفتي ...واذا فتحت كنتورك مرح تلكة بي شي يخصني...
حسيت كانو ضربتة ..ضربة ..انت انتهيت من حياتي...للابد ..فتح الكنتور..وفعلا اني تقلت غراضي يم بيبيتي..
وعمتي تعصبت وضاجت..
مااحس الة راشدي ع خدي نزل..
اني اعلمج نرجس ..اذا مااكسر راسج اليابس..مااطلع اني حااازم...
ثاني يوووم جاب مروة للبيت ...ودخلهة لغرفتي...
ساعتها تمنيت الكاع تنشك وتبلعني لبست عباتي ورحت بيت اهلي..
وحجيت لاامي...
وجان موقفها سلبي كالعادة ..المرة مالها غير بيت رجلها... وانتي صوجج..للعصر رجعت فتت اسبح ..لكيتة بالحمام..درت وجهي ورجعت لغرفة بيبيتي جرني من شعري...
وين جنتي..
عوف شعري..
دا اسالك وين جنتي نرجس..
ظليت اباوع علي..
ضربني..
ظليت ساكتة...
جتي بيبيتي..
انشلت ايدك تشيلهة تضرب نرجس..
فوك سوايتك...جايب هاي الساقطة ام السحورة..للبيت شتريدها تفرشلك صفرة ...لك انت ماتستحي..مو رجال ظلت دفع بي..وتضربة ومااحس الا مي...نزل ع رجلية واحس الدنيا تفتر بية وكعت..
ونقلوني للمستشفى ..مشفت ..حازم فوكاية مثل كل مرة...جان اخوية محمد..
وامي..وبيبيتي..
لزمت بطني خفت لان شفت امي تبجي..
شبيكم....جهالي بيهم شي...
عمتي خالدة..لا يمة ...بس نازل دمج ديديرولج دم..
امي...يوووم شصار جنتي يمنا كل شي..مبيج..
باوعت ع عمتي جانت مقهورة اكثر من امي...
لايوووم..الدكتورة كلتلي لاتتحركين.. ومسمعت كلامها...
يمة ..غير تنتبهين...بنفس اليوم طلعت من المستشفى صاحتني بيبيتي..كالتلي نرجس تعاي..عمتي جانت تبجي..
هااا بيبي ..شبيج..بعدك تعبانة جنت لازمة بطني .. لااحسن...
نرجسة...ابوج اجاني اليوم ...باوعت ع عمتي...
شبيج ولج..عبالج خرفت...جاني بالمنام...
وكالي اتحضري يوووم اخذج وياية عمرة...كتلة ونرجس خطية ظل وحدهة كالي كليلهة تجي اذا تريد بس بعدها صغيرة والعمر كدامها...نزلت دموعي ..وعمتي تكلي صمالله يمة ...
غسليلي نرجس ايدي متعيني...
حاضر بيبي ..هسة انزع ملابسي..واحضرلج الحمام... واغسلج..واغسل اني هم ..لعبت نفسي من ريحة المستشفى..وظليت اشاقيهة واضحكها..وعمتي ظلت تبجي كالتلي...يمة شكلتلج الدكتورة..
مكلتلي شي ..والي يخلق الروح هو وحدة الي ياخذهة..غسلت لبيبيتي ونشقتهة وفتحت الصوبة..تعاي بيبي انشفج..واطلعلج هدوم ابدلج..
نرجس طلعيلي دشداشة البيضة..والفوطة جابهم ابوج من راح للحج..وكصيلي اضافيري....
جانت بصدري عبرة ويا كلمة تكولهة بيبيتي...
واني اسايرها...
مشطت شعرها...
كالتلي تسلميلي نرجسة روحي يمة ذبي هدومك وغسلي لاتتمرضين وانتي حامل...
اي بيبي هسة اروح اغسل..
نزعي دشداتج وتعاي دفي يم الصوبة بين مااحجيلج كم كلمة. ..وانام...
حاضر بيبي...
يمة الكيك يمة حكة حازم يبجي عليج. ...
غير خبل اذا جار عليج..
ذاك اليوم بالمستشفى رجعني محمد للبيت واسمع ونين بغرفتكم..اكول هذا منو دينحب..شفت رجلج..حاضن الدشداشة..ويبجي عليج...
ضحكت...هااا اني هم ضحكت علي ومشيت ...كتلة ابجي..دامك حبيتها موت بسحرهة لعد..
بيبي شمجلبتلي سحارة .مو سحارة..كبل ام جدك جانت تسميني سحارة...
شنو ..
اسمعي ..ولج لاانسى شحجيت جدك جان مزوج اثنين قبلي ومصارت عندة خلفة منهم صارت زواجة اخت جدك ولزكوني تلزيك الا تاخذين هذا يابة شون هو اكبر مني عمر ماعرف شكثر...المهم جنت كارهتة كره العمة...لان فرضو عليه فرض...
اول مفتت..قلبي انقبض..كلت جاج الموت ياكرجية...كرجية..صدك اي بزماني جانو يسموني كرجية جنت مثلج ويمكن احلى بعد...ههه..مقبولة منج..بيبي..
اسمعي ولج لاتقاطعيني..وراهة كالي لو مو اخاف الناس تحجي عليج جان رديتج لااهلج..اني مااستاهل النعمة هاي كلهة الي..شوي شوي كمت احبة واغار علي..وزوجاتة جانو يااذوني من عرف بيهم رجعهم بيت اهاليهم..وبقاني ومن يومهة بيبية ابوج تكلي سحارة سحرتي للرجال وخليتي يطلك نسوانة..الاثنين....
ومن شفت ابوج يحبج ..سميتج السحارة ..ترة حازم يحبج يومة..بس عندة نقص ثقافة عاطفية...هههه.هاي مين جبتيهة بيبي...حلوة... انتي عليج...تكعدي وياج يتابع هاي مسلسلة ...
شسمهة...هذا ولد يتيم اسمه اسمر..وحبيبتة اسمهة غزل..ههه لج بيبي كافي والله خلصنا من نور ومهند جيتي ع غزل واسمر...لاذيج زركة هاي كمر تخبل بس يتيمة سودة عليه..
سوالفج حلوة ..اروح اغسل قبل لايجي حازم ...هيج بسرعة سامحتي غير ثقلين..لج بيبي بالاتك اني شسامحة اغسل وارجع اكمل سوالف وياج....
تعاي ابوسج قبل لاتروحين ...حاضر بيبي...
باستني وحضنتني كانو بعد مشوفني..هي دقايق غسلت ورجعت...
بيبي سويت حليب وجاي.. خ نشربها وكمليلي...
بيبي ..بيبي..بييييبي..
انتقلت بيبي لرحمة ربها.. وخلتني وحيدة ...كانو مكتوبلي كل الاحبهم يموتون على ايدي....
🏵🏵🏵🏵🏵🌹
للقصة بقية..ان شاء الله اليوم اكتب البارت الاخير...
اذا لحكت اختم القصة . لاتنسون تصوتولي هواي..واريد اسمع تعليقاتكم....
تحياتي.....
#نازك الملائكة
