نرجس : مااعرف جكد تاخرت ..هناك بس من رجعت جان محمد صوتة طالع والهوسة عالكة يمة ...اول موصلت ركض علية جرني من شعري....
محمد:وين جنتي ولج وين جنتي ..رحتيلة ...لج جاي تفضحينة ...عبالج عفتج يومين هذا هو تلبسيني كرون والعالم تحجي عليج لج والخلقك ادفنج هنا ...اذا زليتي ...
نرجس:اول مرة ...احس مااعرف شااكول ...الة لحظات فكوني منة امي تضرب بي وتكلة لك الله لايوفقك اختك ماتطلع منها العيبة ...لك هيج بعدنا ماحطينا رجلينا بالكاع ...شايش علينة امداك ...اختك هاي بشاربك وشارب مية رجال....
لك كاعد تسترجل عليهة الله لايوفقك روووح اطلع فضحتنا كدام العالم ...
نرجس:انت كلش خايف مو ع سمعتك ...مخفت علية اني وخواتك والجلاب السايبة تحوم حوالينة لك جروني من البيت وكفوني وكالو خالد اطلع مخلفت رجال النسوان دافع عن حقهة... لك عرفت ..شون جنا عايشين اني وخواتك ...لا..متعب روحك ابد ..الرجال الي دتحجي عنة ارجل منك ويا اهلي...
محمد:انجبي لج ..انجبي..
نرجس :ماااسكت ...جانت امي لازمة ايد ..وخالتي الثانية ..هدوني ..كافي عاد كااافي تعبت وانذليت ومية رجال تحرش بية ليش ...ماااعندي رجال بظهري ...يوم تذكرين من جنت ارجع من العيادة والف واحد يشمر علية حجي وكلت ميخالف ذولة اخوتي وكلت خطية ..انتو لو عدكم متقصرون ...بس لهنا وبس...فهمت لهنا وبس من هاي اللحظة انت معليك بية ...اني باقية يم خالتي ..لما الله يفرجهة وااجر بيت الي ولخواتي...
زهرة: لاتباوع عليه هيج ...لو اعرف ابيع مي بالشارع واعيش هذني البنوات ابيع ولاانذل الك تالي وكت وتتجاوز لااحترمت خالتك ولااحترمتني ...
محمد :يمة شوفي بيش الساعة باعي...بيش الساعة واختي يالشارع...
نرجس:صدك..مانتبهت للوقت جكد بقيت..
لو طلعت تمشيت شوي جان لكيتني بالحديقة كاعدة...
كميلة يلة خلص عدوهة هو من حميتة عليج وتغمزلي ...هو رجالكم اليوم.. رح يتحمل مسووليتكم ..شون لعد غير هو رجال وتكرص بية من ورا ويريد نرجس ترتاح بلكي جتهة قسمة منو يشيل العيال غيرة...
وهذا الحجي كلة رزالة مرتبة ...
عمود يعرف الرجولة مو بس علو بالصوت...
رووح يلا محمد...روح لبيتك وخل تهدا النفوس ..ظلينا ايام يم خالتي رحت للمدرسة والمديرة رحبت بية ورجعت لشغلي ...اجة محمد توسل باامي عمود ترضة عليه ...واعتذر وامي سامحتة رجعنا بيت محمد وكل شي تمام...
مر كم يوم...واستلمت الراتب صح قليل بس جبت للكل هدايا حتة مرة اخوية ...واخوية محمد وترست الثلاجة مسواك ...وحسيت بالراحة لان اهلي ممحتاجين مساعده من احد مرة اخوية ظلت تقرا براس محمد وتحرضة عليه وعلى خواتي ...وبيوم امي سمعت اكو ناس مفقودين ومعتقلين موجودين ولازم تروح بغداد تسوي بلاغ انو ابوية مفقود ...وسافرت ووصت اخوية علية ...وعلى خواتي وهو مقصر ويانا وحار بالاذى والتحريض ...بهالفترة مرتة صارت حامل وفوك ماهي ماتنجرع صارت خبيثة اكثر واذى اخوية زاد..ودعيت عليهة من كل كلبي ..الله يقهرهة كد ماقاهرتني هي ....
ماطول الدعوة واستجابت وبليلتها تخربطت...ونقلناها للمستشفى...
وهناك اول مرة انقهر ع اخوية واعرف جان منتظر هالطفل بس رب العالمين مراد...مجنت احجي ويا بعدني بس وكت الشدة يرووح الزعل...
نرجس : محمد رح يفوتوهة لصالة العمليات لازملهة كرداش ...
محمد : مات الطفل يعني...
نرجس : الله يعوضك اخوية الله انطة والله اخذ .. والله عليه العوض واول مرة اشوف دمعاتة ...كالي كلة من ورايا كالتلي اريد اروح طبيبة واني عندي اوجاع ومهتميت الهة..
خرب الحاجة ...جكد تذل ربي هيج دور الدورة بينة ...
وع ونته انقهرت واذكرت الدلال الي جنا بي ومجنا نحس بشي اسمة عوز بس ورا مراح ابوية تطشرنا وكل امورنا انكلبت ...الدنيا جكد غدارة بين يوم وليلة تصعد ناس وتنزل ناس تخلي واحد فوك الراس وتخلي واحد جوا الكاع حضنت اخوية وكتلة الله يعوضك خوية اهم شي سلامتها وسلامتك وبيكم خير وجيبو والله الله راد بيهة حكمة اصبر واحتسب...
ربي يعوضك طلعت من العملية وجانت تعبانة وتووون ...انطوها مسكن جتي خالتي وكالتلي روحي اني ابات وياهة ...
نرجس: لاخالتي ...اني ابقة وياها روحي انتي ...منا منا خ نظل احنة الاثنين ...
وبقينا بايتين يمهة ...وجنت ندمانة لان دعيت عليهة رغم ماذيتني هواي ...
كميلة:نرجسة كومي غسلي وجهج وروحي قيسي ضغطك مصوفرة انتي ...
كمت سمعت كلمة خالتي ...تمشيت خطوات....
نرجس :السلام عليكم...
وعليكم السلام تفضلي...
نرجس عفية ماكو جهاز ضغط احد يفحصلي ...
