مرات القدر يكتب علينا اشياء مجبورين نتقبلها ..لانها خارج عن ارادتنا...او يمكن القدر اله احكام اكبر من ارادتنا...
نرجس...كل مااقرر اشمر روحي بالنهر يجي احد يمنعني ...جنت كاعدة عالشط ...فجاة سمعت صوت مالوووف..
بس الخوف ..هاي المرحلة انعدم مني...درت وجهي..وعليكم السلام...
اهلج يدورون عليج...
ليش ضايعة اني...
نرجس..الوضع مو امان...وكعدتك هالوكت مو صحيحة امشي للبيت...نرجع..
حازم...شايف كدامك ..اني مااخاف..اذا احد تعرضلي..اشمر روحي بالشط...ولا اخلي احد يطخني...
شنو صار جنج ضايجة وكارهة الدنيا...
حازم ...شكلك تريد تقصقص..واني كلبي خلصان مابية حيل..احجي وارادد..
يوووو.شكلج مهمومة...
وانت شكلك فضولي...
نرجس..انتو شجابكم هنا..
الوضع مو تمام..
اني جنت ناوي اخذ امي وبيبيتي ..جيتي انتي...بعد هاي كعدتها...متطلع...
يعني شنو غرض كلامك اني رجعت بيت ابوية ...كافي سنتين بعيد عن اهلي وكاعي...
الي يريد يروح خ يروح...والي يريد يبقى خل يبقى واذا مو عاجبك وتريد تروح ..روح واني اخلي عمتي بعيوني...هي ربتني ومراح اقصر وياها لاتشيل هم ..روح بت عمك ..اقصد بيت عمك...
نرجس..امي تريدنا نزوج....
وكفت...شنو ...نزوج .... منو كللها اريد ازوج ...الي حجي وياها..
حازم ...على كيفج عيني لميس...منو كاتل روحة عليج..ومتقبلين...هاي منو لميس هم...
هههه.وحدة بمسلسل تركي...
اممم..مو اعرف انت شكولك مو عيشة هنا مال مسلسلات تركية...
شبيهة شكولي...شو انتي مو عاجبج احد...ع كيفج ..عيني ع كيفك...
اني شايفة روحي...لو انت ..مدري شونك...عبالك جايبيك س. خرة مو رجال يعتمد عليه...
نرجس....لاتجاوزين...
ضوجتك ...مو هاي الحقيقة...
اسمع ...حازم ..ماعندي شي وياك...اصلا عندي نماذج منك ...مااستغرب.. بس رجاءا لاتمثل علي دور رجال عربي..وخايف ..وعمتي كتلك روح واطمن..هي يمي ...مااعوفهة وعد..واسال ع نرجس..مااكول كلمة مو كدهة..اما زواج...مازواج...فااني زوجي رضوان..ورضوان الله يرحمة..
واني راجعة...مااريد احد ويايا يمشي...
مشيت...صدك هذا مامشة ورايا مسافة...اباوع..صار نائل بوجهي...
شكاعد سوين بنصاص الليالي بت خالد...المراة ملازم تطلع من بيتها بهيج وقت بدون محرم...
وانت شعليك ...اني كتلة لااخوك ..مااريد..احد يتعرضلي...
ثائر شي واني شي ثاني...نرجس..
نائل وخر عن طريقي...ترة راجعة ودمي فاير...
فاابعد عني احسن الك..
نائل...نرجس..انتي ليش هيج ..وياي..شناقصني.. اني...ترة بعدني..شاريج.. بس ارضي عني..
ظليت اتحرك يمين يجي كدامي...يسار هم يتحرك كدامي..
اووووف.نائل..وخر من كدامي...مسوي راسك متدين وتخاف الله...
انتي ...الي جبتيهة روحج..وطلعتج شبهة...
يعني شون....
انطيني فرصة واخلي الدولة جوا رجليج...
بس كولي ....
نائل وخر من كدامي وخليني ..اروح...
يعني رضوان شنو فرقة عني..مزوج وعندة جهال...
درت وجهي..عليه..
كتلة ...لاتجيب سيرتة على لسانك فهمت...احسن منك ومن عشرة من امثالك...
رفع ايدة يضربني ويغلط...سمعت صيحت حازم بظهري....
نااااااائل....دير بالك ...تتجاوز...نرجس رجعي للبيت...باوعت علي خفت لاينغدر...
جريتة من ايدة...
كتلة اخاف ارجع وحدي..تعال وياي...
رجعنا للبيت ونائل يباوع..علينا...محجة ولاكلمة...اخذ عمتي ورجع لبيتهم...ظليت حاسة بخوف.. وكلبي يوجعني. ويدك بسرعة ...وصلت امي رزلتني...واني اول مرة احس بتانيب الضمير...خفت ع حازم ..لايروح بالرجلين ...مثل ابوية...هي مو مال عناد بعد كافي لخسرناهم ...ومااريد احد بركبتي بعد ...كافي نرجس تهور لهنا..ونائل مناوي على خير بليلتها جريت فراشي ونمت بالحديقة....وهاي الليلة جانت حافلة حفل مو طبيعي..ظليت كاعدة..واباوع عالنجوم...اول ليلة ماابجي..ولا اذكر رضوان...عمرة ماغاب عن خيالي...بس الي صار اليوم ..نائل..حازم ...زواج...هاي شغلات...خلتني متوترة وناىل مرح يفك ياخة مني لازم اجنبة...شوي اندكت الباب
...جتي عمتي وحازمركضت اخذت شالي...كالت حازم رح يطلع الفجر لبغداد..واخاف ابقى وحدي جيت يمكم ..هو ديرجع جلبت بيبي بي ..كالتلة الصبح اطلع...مباوع بوجهي ابد...كلت هسة عمتي تستلمني ترزلني من ورا حجي حازم.... بس محجت ولاحجاية ...الظاهر مكاللهة..
شوي كعدت ورجعت طلعت ع فراشي نمت ..وعم الهدوء والكل نايم مااحس الاواحد طلع برة شفت حازم كاعد يدخن ...يوو اليوم مرح نام....
كلت افوت احسن...كمت من مكاني شالي اسود فز...من مكانة...
يووو...مين طلعتي انتي...
منااا..غير ....
دا افوت..كالي نرجس الي صار اليوم مينعاد نرجس...
ماشي حازم مينعاد....
تعجب من ردة فعلي...
بلا مشاكل ترة نائل مو سهل...
اذا اني اليوم موجود....
حتة اذا مجنت موجود ...رح اعرف اتصرف...
كتلك ...حتة اذا مدخلت...
صار مشاحنات بينة...واثناء هاي صار انفجار والبيت كلة دخان ...كلة دقايق...كعدت مجتفة وحازم كدامي...فاقد الوعي...صحت..يوووم..اكلت ضربة من مجندة امريكية..
كالتلي ...اششش...
اجة ظابط امريكي ...شايل فطومة...وبيديهة بسكتة ..مرتاحة الكابتن مايكل دنكن...كعدت يمي ...سالني..اكو احد يعرف يحجي انكليزي...
I speak E.. little learn..
Good.
اشر للمجندة تفتح ايدي...
كالي رح اسالك كم سوال...وجاوبي...
تكدرين ..
ب الانكليزي😁كتلة...
نعم..اكدر اجاوبك. ...
اشتغلت ويا الامريكان فترة...
واو..يعني مترجمة ..
كتلة لا جان عدنا شركة مقاولات...
واني جنت اشتغل ويا ابوية..
امراة رائعة وذكية...لايظهر عليكي ذلك...
فكتلك المظاهر خداعة...
هل انتي متزوجة...
خطيبي ..قتل...قبل الزواج..
كعد ع ركبتة وكالي اني اسف...
نزلت دموعي...
كالي كنتي تحبيه...
جاوبتة بهزة من راسي نعم...
شون مات..
القاعدة ...كتلو...
حسيت لازم وعد مكتوب علية...
اذكر رضوان كل ليلة...
جزء من حياتي...صار...
شفت ..الضابط ..انقهر علية ...كالي بلدكم سي الافضل ان تبحثي عن ملاذ امن...
رديت علي..مو بلدي السي..الارهابين الي اجوي من احتليتو العراق هم الي دمرو البلد...بس يوما ما رح يرجع مثل اول...
شنو الي يمنحك هذا الامل...
