نرجس :طلعت من بيت اهلي مهزومة واريد اروح بيت جدي اهل امي المسافة بين اهلي وبيت جدي بسيارة ربع ساعة اما اذا مشيا عالاقدام واحسبو خطوات طفلة عمرهة ٧سنوات مااكعد راحة اني مخبلة والله ...ظليت امشي لحد متعبت وهسة لابية ارجع لااهلي ولابية اروح بيت جدي صارت هوسة علية ..الحمدلله انو ذاك الوكت جان امان والديرة ناس تعرف ناس جان رحت بيهة وكفت سيارة بنص الشارع نزل منها رجال معقل ولابس شماغ واجة اتجاهي:وج انتي من بت منو ؟شجابج هالصوب ظل ساعة يسالني واني اكلة مالك دخل روح حجي ...هههه جنت لساني طويل اني ارتاح واروح لااهلي ...
جان ويا ولد شاب حبيتة والله جان يسمعني ويضحك ...
يابة عوفهة هسة يجي الجلب ويعضهة وكتها خفت وكمت ارجف شسويت اني ...
صاح علية تعاي بابا تعاي رح اوصلك لااهلج ...شسمك انتي ...
اسمي نرجسة....
ابوج شسمه :ظليت افكر كلت اذا كتلهم خالد رح يرجعوني لاااهلي ..
خل اكلة ع جدي محسن ...بلكي يوديني ...
عمو اسمه محسن الكاطون ...
ابوج محسن الكاطون ...يشتغل بمصنع الولاية( جان معمل بتروكيماويات)واغلب الشباب يشتغلون بي ..
الحجي:لك يابة محسن الكاطون جد هسة ماعندة بزرة صغار اصغر واحد ب ٢٢عمرة صلاح تعرفة مين جتي
هالبت ...
رجع سالني يابة... محسن ابوج خاف غير محسن ...
جاوبتة اي عمي محسن الكاطون ابو فلاح ..واني بتة من مرتة الثانية وخليتهم يصافنون...
لك هذا محيسن شوكت زوج وصارت عده بت ....
امش ..امش ...نوديها ونفتهم واذا لا نسلمها للمركز مال شرطة ....
نرجس:ليش توديني شرطة قابل كتلت ابوك حجي نزلني ..هنا اكمل ..
والحجي وابنة واحد يباوع بوجه الثاني ويضحكون ...
لج انتي شنو بلة خو ما بلة....
هههه.جنت لسان ماكو لان بيت جدي وخالتي مدللتني جنت اصغر حفيدة بالعاىلة طبعا انسو اخوتي الصغار اقصد احفاد جدي محسن وكل هذا بيت اهل ابوية مفكدوني ..
وامي ملتهية بالشغل...
لحد مااجة وكت الغدا كلمن لمت جهالهة يمهة وامي بعدهة ماخذة ااني بيت جدي يلة تلحك طبعا بعد فاطمة مجتي اخر العنقود ....
وصلنا للمعمل ...كتلهم اي هنا حجي هنا اعرف علي هذا الحارس الواكف نزلت من السيارة طفرت واسمع الحجي لج تعالي شنو من بلوة انتي....
علي ..علاوي وديني ابوية محيسن
علي:لج نرجساية شجابج انتي هنا منو جابك ...علاوي هربت جيت بيت جدي وين جدي وديني علي...
الحجي : هلا يابة تعرفهة للبت ..صدك بت محيسن ...
علي الحارس:اي حجي ..بنت بنتة وهو مربيهة وكل المعمل يعرفهة ..
الولد ويا الحجي:طبعا اذا لسانهة بطولهة ...يابة وينة محسن ..هاي امانة خ نطمئن عمود نمشي بيتنا...
علي الحارس :والله ياحجي ...حجي محسن تعبان شوي وماخذ اجازة بالبيت ..
نرجسة ...ابوية شبي ابوية مريض ودوني عليه ودوني....
الحجي:لعد شون يابة هاي البت وين تروح ...
الشاب :عمي سوينة خير خ نكملة للنهاية ....
عيني ياولد اطينة عنوان بيتهم ونوصل البنية ونطمن بعد ...
نرجس ....يمكن هاي مو مشاعر بوكتهة بس من كبرت وصرت مراهقة جان هو الرسمة رسمتها فارس احلامي...طول الوقت وجهة يضحك ..وشخصية وحليو ...المهم اخذو العنوان وجان نهاية دوام علي ترخص يبدل ويجي وياهم يوصلوني بهالوكت عمتي خالدة فقدتني...
خالدة :زهرة ...لعد وين نرجس ماكو متغديها ويا جهالج .
زهرة :نرجس بيت جدهة غير ...
وكتهة لطمت عل وجهة.. طبعا من التعب والهوسة نست رجعت للبيت...
وانكلب البيت ومكايلين لاابوية بهالوقت وصلت بيت جدي فتحت الباب وركض فتت اصيح ياااابة ...يمةةة..وينكم اني رجعت....
سودة علية جدي محسن من قهرتة علية علك ضغطة وخالتي كميلة بلا وعي ركضت للباب حضنتني ونست اكو رياجيل ودمعتهة بعينهة ورا محست هذا الشاب يباوع عليها ...فاتت جوة استحت عرفتو شرح يصير بعدين اجيكم بالاحداث...بيت اهل امي عدهم عرس واهل ابوية عدهم عزااا..من ورايا ام المصايب....
حبيبي جدي من شافني مدري مصدوم مدري خايف كالي منو جابج ابوج وينة ....
نرجس :لايابة شردت منهم ...
محسن :لج ..عزا بعينك شون ...
ومنو جابج ؟
نرجس :اشرت على الحجي وابنة وعلي طبعا ونسيت اني مافوتتهم فتحت باب الديوان وصحتهم تعال عمي تعال انت ياولد ابوية يريديكم....
الحجي: هم كالت ابوية ...
نرجس:تفضلو تفضلو بيتكم هذا...
ومن هاللحظة صارو اصدقاء وعرف خصة كريم ...هذا الشاب الحلو نيشن على خالتي كميلة ...
جدي تشكر منهم وراحو وشفت كريم اندار بلكي يحصلة نظرة...
وراح ...
جدي صاح ع عمتي وكاللهة جيبيلي التلفون ...لج نرجس شون سوين هيج...هسة يكبون نار عليج...
محسن:دك التلفون ...الو ..الو
الحجي هذا ابوية ميدري بية..
خالد:هلا باابو فلاح شونك ...
محسن :شونكم انتو اخباركم شون الحجية اخوانك خواتك زهرة والجهال...ان شاء الله بخير...
خالد:بس لايرجع بموضوع نرجس والله ماارجعها ورادت تموت يمهم...
زينين الحمدلله عمي كلهم بخير...
محسن :خالدد..هااا عمي....نرجس
خالد: عمي لاتفتح الموضوع نرجس بنتي ورح تربة بين اخوانها ...
محسن: نرجس يمنا هياتهة بحضني...
خالد: ياهو جابهة يمكم مو منبه عليهم مايودوهة ...
محسن: اسكت وافهم ...محد جابهة هي جت وحدهة ..
خالد: عمي تريد تخبلني ...
محسن: اسكت كم نفر عدكم بالبيت محد فقد طفلة عمرها ٧ سنين ومبين لحد هسة مالك علم ..من صفنتك بوجهي وانت لمتنا جف وكعت ومحسينا عليهة البنية لما الله يستر ومروة الطيبين جان ضاعت وخل يفيدك عنادك....
خالد: وكتها شبت نار جوايا بيمن اطلعها ....وصلت للبيت ومحد كلي اباوع على زهرة تبجي وتلطم وخالدة مقهورة وخايفة متعرف شتكول لاابوية ..وبيبيتي وعماتي يلومون باامي منتبهت على بنتهة طلعت حركتي بزهرة.. شون وشون هيج تسوين وين جانت عينج ع بنتك ...ساعتها وامي من قهرهة اول مرة تعلي صوتهة ...
زهرة:الله واكبر عليكم الله واكبر عليكم شنو انتو بنتي تايهة ومااعرف وينهة وهاي تحاسبني وهي تحجي علية وانت انت ياراعي بيتي طول الوكت ساكتة محجيت كلمة من طلعت الفجر سوي ريوك حلبي وعلفي الهوايش غسلي مواعين حضري الغدا غسلي هدوم الجهال نظفيهم وكليهم نظفي البيت ويجن الحبيبات مو مثل حظي ...محد فوكاهن وتهددن على امي...ردت عليهم كعدو من حسبي الله مو عليهم عليك انت شتكول رب العالمين لك بشر اني بشر ...وكل جور الدنيا فوك راسي من ساعة السودة حبيتك بيهة هيج متكدر بس عليه ...بس قسما بالله يا خالد والله اذا صار ع ينتي شي تحرم علية ليوم الدين ...تحرم عليه ليوم الدين وظلت تدك ع صدرة وتتحسب وتخربطت بيومهة ودوهة للمستشفى .. كلة من وراية مو ...لا مو من ورايا اكيد هذا كبت مال سنين وهسة طلع بيومهة امي جانت حامل وسقطت من القهر حبيبتي امي جكد حملت هموم الله يجازيها الجنة حق تعبها بينا كلنا ...ومن هاي اللحظة ابوية وامي شبه انقطعو عن الحياة وراح حبهم لاامي عادت تتقبلة ولاهو يحبهة مثل قبل وعماتي بعد ميفوتن الا بالمناسبات وصفة البيت وعمامي بحجة المشاكل كلمن طلع بيت وحدة ...وبيبيتي ظلت تعد وتصف ع امي هججتي بناتي وولدي عمود يصفة البيت الج
..ع فكرة البيت ساكني هو بيت ابوية وحب يجمع اخوتة حواليه طبعا كل مصيبة وراها اني ..اكيد لهذا بيبيتي متحبني ...ابوية لمن اجة ياخذني جلبت بجدي وكتلة ماارجع وياك ابقة يم ابوية واذا اخذتني رح اظل انهزم وارجعلهم وكسرا للشر ولخاطر جدي بقيت يم بيت جدي وحققت المراد وعشت احلى سنين عمري هناك احبهم لان احس بيهم طيبة وحنية مشفتهة بشر ولاانسان...
