نرجس...طول الطريق واني اشوف الارض عبالك مهجورة ..مابيهة احد نمشي مسافة حرس وراهة سيطرة صحوة نتقدم شوي نشوف سيطرة وهمية....حسيت روحي بشريط ودا اكلب ذكرياتي وحدة وحدة ...هنا وكفنا هنا مشينا...هنا نكتل عمي...هنا وكع ابوية ...طريق طويل بس ذكرياتي اطول..محسيت الاصوت حسين يكول وصلنا ...
اول مافتنا للبيت امي انصدمت جرت كرسي وكعدت برة وكعدت تبجي..
مبين البيت مخربي واكو دماية بكل مكان ...
شوي وبدينا اني ويسرى نظف طلعنا الفرش وحرقناهم...مقبلت يسرى كتلهة اكيد تنكس بدم الي ميخافون الله وخل يشوفون بيت خالد رجعو بيتهم...شغل متعب ..والحايط مزرف بالطلقات والحايط الخلفي مال مطبخ...مفلش...جكد جان لام ذكريات هالبيت...هسة خلا من ناسة كلمن صار بصفحة...كملنا تنظيف جتي عمتي ركض عبالها ديحرقون بيتنا...ماانطيناهة خبر....قبل لاتجي...لبست عباية ولفيت وجهي وايديناتي مثل العربيات ومشيت بستان ابوية ..باوعت اكو اقسام بالبستان واكو حتة صبات حاطيهم الله يكسر ايديهم...
باوعت عالجزء الكدامي يابس واصفر
رحت فتحت المي ..طبعا اغلب السواقي مسدودة باقية ساقية جبيرة ...همزين توزع للبستان كلة...رحت شجرتي لكيت مخربين المكان...ومدمري...الكاع يحتاجلهة شغل...هواي ومرح اكدر وحدي..
ارجع للبيت احسن وبرجعتي شفت حسين اخوية واكف يم ولد عبالك شايفتة لا ماشايفتة ...شكلة مالوف ..وجان شكلي حيل حلو يخبل بس يخوفون الجهال بية...سلمت وفتت...وهو باوع علية بنظرة...عفتة وفتت...عمتي عتبت علينا لان مكالتلهة وامي شكتلهة الحال
.سبعة والله نرجس... وخرت العصبة ...واللفة ع وجهي..شمرت شال وكعدت احجيلهة وهي كل شوي تحضني...
مشتاكة الي...
نرجس ....شفتي حازم..
ياحازم ...عمة ابنج وينة...
يم حسين ...هم مصارلهة هواي من رجع من سوريا عمة خابرة ع تعين ..واجة...
اممم.الله يسهلة...ويوفقة..
انتي شونج شون صحتك مبينة راجعة مثل اول...واقوى
تعرفين عمة ...اني صار بيني وبينهم ثار ...اخذو مني اعز شي...
يمة عوفيهم نرجس...وعيشي حياتك وانسيهم...ربج يشيلهم ويظلمهم مثل ماظلمو هواي ناس..
المهم انتي شناوية...
ناوية ارجع الكاع والبستان...
مو هسة دنكول عوفيهم...
قصدي الي بقو النا...بس يحتاج كوم شغل وناس تساعدني...
الرياجيل كلهم طفرو ..والنسوان وجهالهم حال الظيم حالهم...
عمة عندي فكرة ...ويارب تصير...
الي هية
رح اسوي عشا لوجه الله ع رجعتنة ..وع روح ابوية وعمامي..
ورح اعزم كل النسوان الي حوالينة...ورح اتفق وياهم اتفاق...
الي هو....
دخل حسين ...وحازم سلمو ..اني درت وجهي رفعت شالي ورديت وعليكم السلام...
ضجت منة رافع خشمة عبالك ماخذ شهادة من امريكا مو مخلص معهد معلمين...
حازم...ها يوم مانروح...
نرجس ...متجين ويانا بيبيتك بس عرفت طارت من الفرح...
لا اخذو حسين ..هي رح ترجع يمنة...
شنو ..شنو هالحجي...نرجس..امي متطلع من بيتي..
عمة ...هي مكانهة هنا...من اول هذا بيت ابنهة الجبير ..واني ويسرى نداريهة هي محتاجة مدارات ...ليش نتعارك...عابتلج نرجس..واني متكولين عمتج وحدهة..بلا حس وياها...
عمة ...وهذا الشحط الي بصفك شنو...حسيتة فز من حجيت باوع علية..اقصد بسلامة حازم انتي ممحتاجة احد...
هزت براسهة وحركت بحلكهة ...لج لاشوفين طوله عبالج شي ترة طول بلا فائدة...يومين ضاج راح سكن بيت عمة...
هاااا...لازم اكو دبك...
حازم ...شنو...
اقصد يعني ممتعلم عالحياة هنا هناك متعلم..
المهم عوفينة من هاي ...بيبي رح تجي هما وكالتلة لحسين الم غراضي وتعال ..وهاي كلمة اخيرة واذا حابة تجين وياها حياج...اصلا من زمان مشتاقة لماتنا سوا...اني من باجر انزل للشغل...مثل مااتفقنا اليوم عالعشا عزمي نسوان القرية كلهم عشاهم بيت خالد...
ولج شوكت تلحكين طبخين وانتي تعبانة...
ماتعبانة بس كوليلهم...يجون وانتي هم تعاي تعشي يمنا...
ظل حازم مضايق مني ..مااعرف ليش..يمكن اني لساني شوي طويل..حازم ابن عمتي من هو صغير ميجينة الانوادر...وامه تغصبة عمود يشوف ابوية وعمامي ...وعماتي من يجون ...وكبر كام ميجي اصلا اخر مرة شفتة بزواج محمد...جان اصغر..وهسة طاكتلة كم شعره بشاربة وماسح شعرة بدهن الطاوة...ومايع..كلش معجبني..بس هسة متغير طويل وحنطاوي جنة ضباط كبل ..بس شخصيتة مو هلكد...
بالليل سويت العشا وجمعو هواي نسوان...ومبين التعب ع كل النسوان الي انكتل الي اعتقلو ...الي راح ومارجع...
والي باعت عدهة وماعدهة سافرت ابنهة ورجلها...
اقرو الفاتحة ع روح ابوية وعمامي وع روح موتاكم ...امييييين..
باعو احنا كلنا انطحنا بهاي الاحداث وكلنا نسوان وتعبانين ومحتاجين مصدر عيشة يسندنة..
اي عاش حلكك نرجسة..والله كلنا مسحوكين ومامدبرين العيشة ...
بالتجدي...
خلص ..الي يريد يجي وياي يشتغل..بالكاع والبستان مالتنا...
والمحصول يطلع...كلمن اله حصة ومن نبيعة الكم راتب وكل ميزيد يزيد راتبكم شكلتو...
شكلنا نرجس..احنا وياج اكيد...
ثاني يوم الكل طلع للشغل والكاع رجعت ورا شهر خضرا وظلينا ننتظر المحصول وهم لازم نجني زرعنا...واني وياهم جنت صاعدة ع شجرة وجاي الكط العرموط ...واجوي غربان التنظيم...وكالولي...
ماذا تفعلين يااامة الله...
نرجس...شايفتة فيلم الرسالة هذا ..كعدت عالحافة...
يعني شسوي دا اشمس غير...
وهذا البلاج ..ولابسة المايو مثل ماشايف...
عيب عليكي ماهذا الكلام احمدي الله الامير ليس هنا...
جان شسوا اميركم..بلة..
جان واحد من كرايب ابوية عوفهة ثائر هاي بيهة وشة وتطوة يازلمة تمشي ويا تموتة...
من يمة كمز رجف..
ينزل عليكي القصاص....هذا شنو النوب ...
عندك واحد من٣...
الي هية...
لو تنجلدين ...
لو تزوجين واحد من عدناا...
تخسي اني ازوج ناس دم اهلي باايديهم...
او تدفعين سدس المحصول الي عندك وانتي حرة...
كول هيج من اول...واني انطيك المقسوم..بس محد علي بينة الزلم كتلتوهم...خلينة نسترزق ...
ولاتخوف العالم ...انسحبو ...وسحبو وياهم خيبتهم ...جان المحصول خير من الله وزعت للنسوان حصصهم وفرحو فرح...وطلع محصول زين طلعت ٦٠٠الف والسدس مالة ١٠٠
رحت اني وحسين فتحت بنت عمي النفاخة انتصار..ها ياامة الله...
عزا كلهة كالبة الرسالة هنا ...
جاوبتها...من هند بنت عتبة اين ابا سفيان طلع حسين يضحك وهي تغم بية كالت مالت عليج تطوة..
ها شو كلبتي مديحة الشعارة ...
مو ليس المومن بطعان ولافاحش ولا بذئ.. لو ماعلمك اخوك..
طول الطريق حسين يحجي يكلي لاتستفزيهم لايغدروج تعرفين ..هم
حسين انت خايف منهم...
لا خايف عليج انتي حزام ظهري نرجس..بدونك اضيع لزمت ايدة وكتلة والله انت حزام ظهري وبلياك مااعرف شون ادبرهة...
رجعنا للبيت ...رجعت العصر طلعت للبستان لكيت جماعة التنظيم كاعدين بنص بستانة ...وناوين نوية مو زينة...
جيت عليهم وصحت ...ياجماعة خير شعدكم هنا ...
الكاع... كاعنا...مو كافي الي اخذتو..اجة واحد من كرايبنا ..يكولي كسري الشر..
اكلة ياشر ...هاي كاعي وااريد يطلعون...
نرجس ...امشي منا ترة شوفيني هيج بس ناىل ميتفاهم...
نائل...نائل...هو كتل ابوية ولازم يدفع للثمن...
نائل...خير ..خير بت خالدجيتي وجتي مشاكلك وياج الاتحفرين كبرج باايدك..ظليت اباوع بوجهة وكارهتة ...
مااحس الاصوت ورايا...
وليش متحفر كبر ناس ثانين..نائل...
منو انت..
حازم ابن سجاد ...تذكرة ...خالي خالد امي خالدة...عرفت منو اني ترة دم ابوية وخوالي منشف ...تفضل منا ...انت وجماعتك..واطلعو برة لعبو...
نائل...رفع اصبعة ..وكالة هاي وحدة وياك....
اخذ جماعتة وراح...
نرجس..انت منو كلك تدخل...
حازم...اني ابن عمتج..
واذا ابن عمتي مرة ثانية لاتصيحني بالشارع...
وهو محجة ولاحجاية...
كال مو صوجج صوجي اني .وكفتلك ...
شكرا الك وكثر من امثالك طبيت ع جتفة...ورحت..
حازم ...امدا حظي ...وامي تكلي اخطبلك بنت خالك خالد مال وجما ل واخلاق ونزاكة بس بعد الزرف بجتفي اشك بكل شي كالتة امي ...طبعا اني ابد مو صاحب بنات ولا عوينجي احب بت عمي من الصغر وكبرنا نفس الحب..واني كتلهة اتعين وازوجج بس امي الله يرضى علية تريد لو ازوج بنت اخوهة التطوة نرجس ...لو تتبرى مني ...
نرجس...عمة كولي لاابنج لا يمشي ورايا..ممحتاجة احد يسندني وحجيتلهم كل شي وبيبيتي ..
تضحك فرحانة...
يوو م شو ضحكين جنج راضية الرزالة جتي لاابني...وساكتة..
الحجية ...ليش متعرفين نرجس وسوالفها...اروح اني ظلو تناقشو عود..اروح ابني حايط المطبخ لايفوتون علينة..رجعت غرفة امي كتلهة ليش هيج مطلعين كالت غير من ورا ماريا مرسيدس يومية طابكةسيارة ممكن نخطبهة لج كافي مو موتيني...
نرجس صدك حسيت تعبي راح سدى ..بكلام امي...
طلعت بر ةالبيت جان وجه مغرب ...وتكلي ولج مصخمة وين رايحة ...
يالقبور ...رايحة اشوف اليخاندرو...
وراها رحت للشط وظليت احجي ويا روحي اندار اكو واحد ورايا..
القصة بيها بقية شوية ..
لاتنسون الحبابين يشوفون القصة دوسي ع نجمة التصويت اجبرو خاطري وخل اوصل الف مشاهدة وينكم انصار نازك الملائكة..شو ختفيتو...
