اجمل لحظات الحب هو الاشتياق احساس غريب ينتابنة تزداد سرعة نبضاتنة ...نحس احساس غريب يجمع بين الحزن والفرح...احساس يشعرك برغبتك للبكاء والضحك معا انه ضرب من الجنون.... مااجمل الحب ...ومااجمل المحبين ...ومااصعب الفراق ...والاحساس به ومعايشته...
نرجس:اول مرة احس بااعراض احس روحي تعبانة ...نفسي تلعب وجهي اصفر....جنت حتة اذا تمرضت ..اخذهة بحيلي ..واكلهم حصان ميااثر بية شي ...
بس هسة شنو اختلف والي زاد الطين بلة .لمن رضوان شاف🙈... تمنيت الكاع تنشك وتبلعني من المستحة ...وهذا الشعور زاد احس الدنيا كلهة تفتر بية .. واريد بس ادخل احس حتة لساني جمد ماطلع صوت ادور كرسي حسيت بس انداريت وكعت ومااذكر بس ...
رضواااان :نرجس ...نرجس..
فتحت عيوني ..اشوف خالتي والحجية ام رضوان نسوان كرايبهم... اية جانت نظرتهة الي ابد مو مريحة ...ظليت اباوع عليهم... وكاني ادور احد ماموجود...
اسمع صوت خالتي شبيج نرجس شجرالك ..اني بس ااشر حتة مااكدر احجي ...ااشر بااصبعي دخت... لعبت نفسي... ومااذكر وكعت ...رررر
سمعت صوتة..سكتت ..رجعت ذكرت الموقف احس عيوني صار بيها دموع وخالتي خوفها زاد ..اباوع ع اية تباوع ع رضوان وهم ظليت ...اشرتلهم اريد اكوم ..
وكفوني ..رجعت دخت وكعت وشفت اول مرة احساس شخص خايف علية صدك ....جان نظرات الخوف مرسومة ع وجهة وصوتة...
رضوان:رح اشغل السيارة خ تعدل حجابها اديها للمستشفى واني اشرلهم لا مااريد اروح...
رضوان:بعصبية ...خ نوديها للمستشفى رايح اشغل السيارة...
خالتي كميلة حايرة وخايفة اريد اكللهة علية...اجة رضوان بسرعة شالني...وحتة مفكر شيكولون الناس ...اسمع امه تكلة صيح ع واحد من اخوتك ..شون سوق بتك عين واني اشرلهم يمعودين ناوشوني عباية والله انفضحت...
وافتهمت نظرة اية عزة ...يافشلة الفشلة ...
شالني وديكعدني ليورا وكع وصرت بحضنة هنا بعد مظلت قطرة بجسمي...حجيت بدون وعي ...رضوان لاتعوفني....
رضوان:حاضر نرجستي نزلني باوعت علي وعيوني مغوشة اباوع ملابسة جكد😲🙈فشلة....عزة عزاج نرجس حسيت اصوات هواي عالم ...وكل شي مغوش ...
بس صوت اشخاص حوالية حسيت بجكات باايدي توجعت مطلعت صوت...
كعدت لكيت امي تبجي عليه...وحسوني هم حبيبي خايف وضايج من رضوان..
باوعت رضوان واكف ع صفحة ومد راسة ديشوفني صحيت اسمعهم جتي الطبيبة...جتي...
الطبيبة :بلا زحمة عليكم تفضلو افحص المريضة طلعو حسين ومرتضى... ظلت امي يمي وخالتي راحت جيب التحاليل ...
الطبيبة شسمج ماما:نرجس...
حبيبتي جكد عمرج:١٧سنة...
صار جكد من بلغتي:حسيت روحي تعبانة..امي كالتله بعدد....
اشرت للطبيبة✌....
امي ظلت تباوع ومتعجبة معقولة هيج متعرف عني اي شي....جتي خالتي جابت التحاليل باوعت بيهم...
كالتلي ليش هيج ماما دمك ٦ لازملك دم...تعرفين زمرة دمك...
وهبطت امي هبطة خطية
....وظلت تبجي ...خالتي راحت ويا الطبيبة عمود تكتبلي علاج...
وتسجل يديرولي دم ...لان دمي قليل ... ظلت تبجي ...واني اشرلهة يوووم ..ليش تبجين..
كالتلي اسفة يمة كلوطتج ويايا ونسيت انتي بنت المفروض اني اول وحدة اعرف بهالتفاصيل....
انقهرت عليهة وردتها تضحك ...جاوبتها بصوت ناصي ..حقك ..يمة ...اني هم مو شكول بنت ..قردة مثل مكال ابوية...
