لحظات العمر ساعة..ساعة يمكن تحجي تفاصيل حياتك وتذكر الالامك وبزحمة الحجي يضيع الحلو ..الحلو بالحياة..ننسى ونذكر الاشياء الحزينة..بس عمود لايخلص الوقت وتخلص قصتنا...
اهم درس تاخذة من الحياة ..لم تتعلم ان لم تتالم الالم هو الي يخلينا اقوى .. اذا جنت ضعيف شخصية وماعندك ارادة رح تسمح للضربات والالام تمسحك من وجه الارض...بس اذا عندك ارادة..رح تصنع المستحيل...الارادة هي الي تخليك تتحمل الالم وهي تخليك تصر عمود تنجح..وتوصل للنهاية النهاية الي ردتها انت لحياتك ورسمتها بجروحك الوقت الي الناس تضحك عليك ومن طموحك ..
رح يجي الوقت الي تبتسم..لمن تشوفهم...متبسمرين وهم شايفيك فوك ...فوك..
الحياة مدرسة ..مدرسة تنطينا..دروس العاقل بس هو يستفاد منها... اهم درس تعلمتة من الحياة مااندم على اي خير قدمتة..لان رب العالمين رجعليا اضعاف اضعاف..
والناس ساعدتهم اهلي اخواني امي...بنات عمي...وماانسة ابن عمي مذكرتة بالقصة بس جان سند سند...اباوع على دائرة حياتي..وابتسم..وكلي تفاءل .واتذكر جكد ماعصفت بية الحياة ...وجكد مارادوني انكسر وابقة بنت ريف..اني ردت اكون مرة صاحبة شهادة ولو كنت بنت ريف... ماكو فرق بين بت الريف والمدينة الاثنين عدهم امنيات وطموح..وتتفاوت ويمكن تنعدم من وحدة لوحدة بالنهاية انتي انثى عزيزتي..لاتكونين محدودة التفكير ولاتخلين حدود الامنيات يوكف..لو رجعنا لعظمائنة ...نلكي خير قدوة النا محمد صلى الله عليه واله وصحبه وسلم كان راعيا يرعى الغنم...واصبح سيد امه....
ولاننسى سيدتنا مريم بااعتبارنا اناث...واجهت امة برسالة من رب العالمين ماخافت من الفضيحة ولا كلام الناس وثقت بربهة وبذاتهة ..بصيتها بين الناس...يمكن الكثير يشوف مبالغة بالقصة بس احب اكللكم مو بس نرجس...طبعا اسم مستعار ..واذا ذكرت اسماء وعناوين رح تنكشف الشخصية الحقيقية ..حرصت مااذكر احد..حبيت اوصللكم رسالة ...مني اني نازك الملائكة تفاءلو حبو عيشو ولاتخلون امانيكم محدودة بوقت وامكانيات...نرجس اخذت من وقتها سنين يلا حصلت الشهادة ...نرجع شوي للاحداث...
نرجس...نرجججس...شبيج حبي..
نرجس..
اووووف..حازم...
شبيج ...شفتي كابوس...
نرجس...كابوووس فضيع..اسمه مروة..
ههههه.لج شجابهة ع بالج كليلي شحلمتي...
لا.لا...مطفيتي قناة المسلسلات قبل لاتنامين.هههه ..هههه ..والله عليج سوالف يانرجس وخيالج واسع...
بلةصدك من جيتي..اني جيتت وراك..اي طبعا جيتت..خما تعوفني..اموت...
شفتي حبيبتي هذا كابوس ومرح يتحقق..تعرفين ليش خاف تفكرين تسوين فلم وذبين روحج... اقرا عليج الفاتحة واكول مخبلة...
مااسويهة جبان اني...
حااازم المي...
يامي...لك حازم غركت...
لج شبيج تحولتي ..ودتعيشين عالواقع خرب صدك ..مين اجة هذا المي...
نرجس...حاااازم ...رح اولد...
لج هسة دنيا الليل .. لك حازم خربيك رح اولد...ااااااخ...
نرجس الجو محلو برة دتمطر..مو مال ولادة...
لك حازم بس الزمك اله ابتلي بيك ..لك دااااموت وانت كاعد تنكت....
صدك...
والله...طبعا كانو التاريخ يعيد نفسة جان الجو حيل مطر واذكر نص بغداد فاضت..
وبنفس الشهر الي انولدت بي..انولدو اولادي بس بفارق
..خمس ايام...يعني اجوي 9|1ونورو اولادي ..طبعا طول الطريق اكلة حازم مااريد طبيعي اريد عملية...
وهو شبعان ضحك وامي تكلي كافي وج فضحتي زوجج فضيحة ...
والله جان يووم..طبعا ولدت عملية..حازم مجان رايدني اتاذة ...ولحد هاي اللحظة مااذاني بحياتة ...هو الحلم الي ماتمنيتة وتحقق..وصار زوجي وحياتي واغلى مااملك....دائما جان ساندني حتة كدام اهلي...وواكف بظهري عمود ارفع..واصير فوك..رغم ضيق الحال نملك سعادة العالم كلة...
والله انعم علية بولدين...جان امنيتي اسميهم بااسم ابوية واخوية..بس لمن شفت زوجي ماعندة مانع..كتلة سميهم الاسماء الي انت حابهةوسماهم سلطان وكينان...وراهة امتحنت سادس وعمتي وحازم دارو بالهم عالجهال..ويمكن امي جارت علية شوي وجانت قاسية ..بس هي اختارت تكون مراة ريفية خيالها بس عيب ولازم وميصير..
اني جيت خربت النظام كلة..كملت كلية تربية اساسية وطلعت من الاواىل وهسة دا ادرس ماجستير وبدعم زوجي اكيد..لان هو هم قدم ماجستير وندرس سوا ...وصرت الساحرة نرجس مدرسة صف اول ابتدائي...حلمي ..عمود اعلم الاطفال شون يرسمون احلامهم ويكبروهة...خليهم يحلمون يكونون مبتكرين وعظماء مو محدودين العطاء..
مروة عافت حازم ...لان كاللهة عندي عجز ورا الحادثة...
خوش عذر مااعرف حسيتة رد اعتباري..لان مروة مسكتت....
عمود ترد اعتبارهة طلكت للمرة الثانية وجان ميهتم..ويضحك اذا وصلولة الحجي...
وراها حملت للمرة الثانية. .. همزين حازم كضاها بالاردن ...كمل ماجستير ...
الحمل جان اخف علية يمكن لان نفسيتي احسن...وهم ولدت عملية وشرفت بنين...اخر العنقود...
الله يفرحني بيهم ويحفظهم هم وابوهم...
سماحي زلات زوجي مو قلة كرامة ..وانما تفضيل..لان الي دور بالمشاكل. وعرفت شغلة مهمة بالزواج الرجل يعشق المراة التي تحدث داخله ضجيجا وتحسسه بالاكشن المستمر ويكره المراة الروتينية يمكن لهذا ولحد هاي اللحظة يحبني ويعشقني مثل اول واكثر مو مهم راي الناس بي المهم اني شون شايفتة وحاسة بي...
جانت وياكم ..نرجس...الساحرة...البنت الريفية...شكر لدكتور حيدر الي اشعل داخلي شعلة مطفية من الطموح ومازلت اتواصل ويا ويعمل كباحث مستشفى كمال السامرائي...وزوجتة صديقتي..
شكر لروح والدي الي علمني اكون طموحة وكد حالي..
شكر لروح رضوان الي علمني معنى الحب ...وذكرياتة لازالت تسعدني ماضي جزء لايتجزء مني ..فما انسى..
شكر لااية ..لان هي علمتني معنى التسامح من اجل من نحب ..حاليا هي دير املاك رضوان وامور اولادة وتعتني بوالدتة ..اضافة لبنت اسراء حماة خالتي لان زوجت وتركت بنتها يم اية تربيها...
شكر مني نازك الملائكه لان تحملتوني وقريتو للنهاية ..شكرا لكل تفاعلو ويا القصة وحبوها..
بالنهاية اكلكم دمتم باامان الله وحفظه...
#نازك الملائكة...
