ساعات الفرح يكون الة موعد ويانا ونحس الدنيا بلشت تضحك النا...وبس نبدي ناخذ نفس.. وفجأة..تجي صدمة...تقلب كل موازينك وتخليك مهزوز بلاحول ولاقوة...
يسرى... نرجس ...لج هاي انتصار وعلية جايين يخطبوج لنائل ....
نرجس..وهم شدخلهم بيتنا ...ولد...الله ياخذهم مالكيت غير هذا النكس ازوجة اني اشوفهم مقامهم ..لزمتني عمتي ..وكالتلي اهدي بلا عصبية..ذولة غدارة كعدي واني احل الموضوع واطردهم باادب..
لج عمة ياادب...ذولة مال طيحان حظ...
نرررجس..كتلج كافي تهور وبلا خبالج...لايسحلوج مثل الهام بنت ابومحمد ومهرهة ٣٠٠٠.
كعدت خل اشوف تاليتها ويا هذا ...لا ودم ابوية لحد هسة ع ايدى ويجي...وعمامي..جتي يسرى كالتلي اهدي نرجس..هسة عمتي طردهم...لاتنقهرين رجعت ابجي وبحركة تعبانة ياربي ماتموتني وتخلصني كل حياتي ظلم وعذاب وانت ماترضى بالظلم ربي اخذ امانتك وريحني...
يسرى...صمالله ان شاء الله يكرهوج..
خالدة...السلام عليكم...
انتصار ..هلا حبيبتي خلودة شونج ..رادو يبوسوهة ردتهم...
كالتلهم شنو هالحجي ..حاجينة ابني حازم خاطب ..نرجس من ٦اشهر...وعاقدين شيخ...
شنو ..عقد شيخ محد كال...
شنكللكم واحنا من كل صوب عدنا ميت ..وعم حازم مطلعت السنة مالتة..ونرجس خطيبها مصار هواي من ميت ...مشيناها سكتاوي..وان شاء الله بس تخلص..اسويلهم عرس المنطقة كلهة تحجي بي...
ظلو يباوعون بوجه بعض...
وطلعو مع السلامة ...اجيت ع عمتي وامي شنو معناتة هالحجي امي مراضية هم...
واني هذا الموضوع منتهي مااريد احجي بي..وفايرة فور ...
انجبي وسكتي...عاد
جتي بيبيتي وكعدت
هممم...انجبيت..احجي...
حازم ...رايدك...
نائل..... مرح يفك ياخة منج...
ابنج ميريد يبقى هنا...كتلج انجبي وسمعي...
بيبيتي..نرجس..سمعي..
وانتي هم...
لج بس سكتي.. واسمعي..
شسمع كتلكم مااريد ...اني مااريد ازوج...
نرجس...يمة اولج وتاليج تزوجين..
ليش تزوجين واحد مو خوش..عالاقل ابن عمتج...
يحجون واني اعرف حازم مو رايدني ولارايدتة وبالة بت عمة...
ع غفلة بنص هاي الهوسة...
زهرة...نرجس..كافي ولاكلمة تعبتيني مصايبج يومية هم شكل ...وكوم زلم راحت بالرجلين ..كافي لج تعبت من همج...لج ساعة السودة جبتج من ضيم الضيم...لج يمة الزلم مو مثل سوايتج حاطة راسج براس الزلم لج يمة انتي حرمة ...حرمة..افهمي بت عرب ابوج رجال عربي .. سكتي وركدي بالكاع بعد شاانتظر..
بعد مصفالي غير هالحسين ونائل مثل مجر حامد يجرة هو ...
وكعدت تبجي..ويسرى وعمتي يسكتون بيهة..وبيبيتي تباوع عليه وهم كعدت تبجي...
باوعت حسين ماكو...
ظليت ..الوم روحي ...هو الناس كلهة شايفة شي مشايفتة اني هو اني صدك سبب كل الي صار لااهلي ...اني خليت عمو عزيز وجبار....لو اني كلت للقاعدة تجي تكتل عمو سجاد لو اني سبب رضوان مات..وحامد فات للسجن ليش جور العالم بركبتي اني طلعت واني اسمع امي تكلي ...اكعدي عدل ..اسلمج نائل احسن هو بس الي يكعدك بالكاع..اني بعد..غسلت ايدي..مالي كلمة عليج ...
اسكتي زهرة ..لاتزوديهة عالبنية ...شسوت هي...
سكتي خية سكتي ورمت كلبي ها النرجس يومية اكلهة كعدي يوم همدي عاد..انتي مرة مو رجال ولايمهة كلنا تعبانة نعوفها بحالها حارت شعملت ..تعبت مالي نفس بعد ...
حجية هاي بتكم ...اني اخذ بنتي وابني وفطومة وارجع يم محمد عساه ذلني هو ورنا...بس ارتاح وماتجيني مصايب من وراهة..
كلمات امي نزلت مثل السهام ظلت ترن بااذني...
فعلا امي ورا اسبوع جرت يسرى وحسين وفطومة وعافتني..رجعت يم محمد...هي بالاساس..مرايدة تجي...ظليت يم بيبيتي هي الي تشاركني همي وهي الوحيدة واكفة بجانبي ..حسيت بفراغ جبير ماحسيتة طول حياتي...ماعندي احد...اهلي تخلو عني رضوان عافني وراح..
تعبت من نفسي قبل لااتعب من احد حسيت بعد ماعندي حيل بعد..واقوى ..نائل مخلصت من حرشتة...حتة وهو يعرف مخطوبة لحازم..
حازم راح بيت عمة وغط...صفينا اني وعمتي وبيبيتي..
واني ملتهية بالشغل...
نائل...بدا يشك بخطوبتي من حازم وهو مموجود...
وفي يوم واني ماشية وكف بوجهي...وكالي..
شفتي صفيتي وحدك...
محجيت ويا...
حتة الرجال الي حاسبتة رجلج..يفتر ويا النسوان وعايفج...
انتي ليش هيج..
انتي رح تعبيني..
بس اولج وتاليتج ..تصفين وحدك..
حسيت اول مرة مكسورة..واهلي عافوني ...
ذكرت حجي امي...مرديت علي..
مشيت وحاسة بوجع متعب ..معرفت ...معقولة ذنبي اني..الي صار.....
رجعت للبيت لكيت حازم موجود..اكيد رح ياخذ عمتي وبيبيتي ...
رح اصفى وحدي بالبيت سلمت عليهم وفتت بيبيتي كالتلي ..تغدي..
مااريد شكرا بيبي...
فتت للعصر سمعت عمتي وابنهة يتعاركون..عمود نفس الموضوع هو يريد بت عمة وهي متقبل كعدت ع صوت حازم يصيح نرجسس..
منا منا نقلناها للمستشفى...
جان صاعد ضغطهة وضاربتهة جلطة ثانية...
وظل الدكتور يحجي ويا حازم...وينبهة وزين مانشلت...
وظل طول الوقت يباوع عليه عين ع بيبيتي وعين على عمتي ...للمغرب..عمتي بالعناية بيبيتي تعبت طلبت من الممرضة..تقيس ضغطها مكان ترتاح قاستة كالت تمام الحجية بس لوتروح ترتاح...
بيبي:يمة متقيسين ضغط نرجس يومة شو وجهة صفر ..
نرجس ..لا بيبي..ميحتاج شوي هبطت ع عمتي جرتني الممرضة..شنو عزيمة ..تعاي قاستة رجعت مرة ثانية ٨على ٥ حبيبتي شون تمشين انتي هيج..ضغطك نازل...
اجة..حازم كال هابيبي شبيج...
مابية يمة ...جيب عصير لنرجس ضغطهة نازل ومماكلة من الصبح...
باوع عليه...عيني حبيبتي انتي مستحقة تنامين مستشفى...
نرجس.. عادي هذا الطبيعي مالتي
على طول واطي...
راح حازم..ورجع....
هاااج ..اكلي وشربي عصير لاتوكعين بيمن احير اني ...
محد كالك تحير بية مااريد..
كمت حسيت بدوخة ...رجعت كعدت..
احترمي نفسج واكلي..وشربي...
لاضوجيني حط ايدة ع جتفي ورا شوي حسيت رجع الدم براسي..ورا مااكلت...
كمت كتلهة بيبي اروح اغسل...
وارجع..صار نائل بوجهي...
صار مثل الرعب الي يحاصرني كل ماارتاحيت...
كالي شو هنا ...
مشيت مجاوبتة...
ظل ...يسال..ليش متردين مشيت سريع مو شايفة كدامي..اريد بس اخلص منة...
فجاة... هانائل خير جاي توجب..بس الزيارة خلصت وهاي الردهة نساء ..والهم حرمة فهمت...
وكفت ..ورا حازم ..وباوعت ع نائل
شفت..هذا الي اني بظهرة شوف...
راح نائل...وحازم..كالي ساعة دتغسلين...لو مرتاحة عهالوضع..محجيت ويا..ولا رديت...
رجعت يم بيبي وعمة ..
كالتلي ..ظل بالي عليج..
لايظل بالج عليها نائل موجود...
شجابة هذا الله ياخذة...
صدك ضجت منه..بس سكتت.كلت لخاطر عمتي..
شوي والدكتور اجة كال تبقى بالمستشفى...
حازم باوع علية وعلى بيبيتي تعبانة..
حازم اخذ بيبيتي لخالتي نجية...قريبة عالمستشفى واني رح ابقى يم عمتي...
وانتي شمعرفك اذا راد طبيب دوا او حالتها شون ...
نرجس...كل كلمة تطلع سم منة ...حقة لان اني بنت ريفية..
لاتخاف اني ادبرهة...
اجة الطبيب وبدا يحجي ويا المقيمين بالانكليزي وبيبيتي تكلي ترجمي نرجس شيكولون...
وشمعرفها نرجس بالانكليزي...
مالت عليك عبالك كلهم مثل صاحبتك بس بطرك البنطرون ولاعلم ولافهم...
نرجس ترطن انكليزي احسن من الانكليز نفسهم ..وماكو بشطارتها بس اني وعمامهة وكفنة بطريقهة جان هسة هي ويا ذولة الدكاترة ترطن رطن...🤚غمتة واني بسري اضحك...
كتلهم روحو الطبيب يكول تبقى تحت المراقبة ٣ايام...
حازم ...رح اودي بيبيتي وارجعلك
..
ماشي حازم روح...
فوتي جوا لاتفترين بالردهات ....
ظل يباوع يمين ويسار...
بلة هذا شبي مثل المخبل...
هم شايف روحة ...والله لو ماعمتي ...جان عرفت حسابي وياك...
اجة حازم ..وظل يحجي ويعيد ..
امي مرح ترضى بية لو شما يصير..
اوووف ياربي...
مو كتلج اني ع اقتراح ..ليش راكبة راسك...
حازم ...مو وكتها هالحجي ...شوي ودك تلفون عمتي ايلتة بالجنطة...
كتلة حازم ...هاك هذا محمد...
يامحمد...
اخوية..
اي احجي ويا ...لا مااريد احجي ويا...
ليش..مزاعلين اشرتلة ..اي..
جاوب..وعليكم السلام هلو حمودي شونك...
منوو.. حازم...
اي عاش من سمع هالصوت...كول ابن عمتي اسال عليه..
انت...بيتنا....
اي.. جاي زيارة للاهل..
اشوف امي وبيبيتي...
نرجس..يمك...اطينياها...
اشرلة ..لا مااريد حط السماعى ع اذني...
جان عصبي ويصيح...
ا
لج..نرجس..فرغلج الجو تفرفريلي ويا حازم بالمستشفيات ومدري وين...
اني جايج باجر...اسحلج من شعرك عبالك ماكو احد فوك راسك ادفنك بالحديقة..ومااخليج ع راحتك تفضحينا...
جرة حازم مني ...كالة هلا بيك سلمنا عالاهل...
يعني تكدرين تقطعين الخط وفري عليج هذا الحجي...
حازم ...نائل كالة...
سمعت..ماكو داعي..تكليلي..
اني كتلج نائل..مرح يعوفك بحالك..
ورا كم يوم طلعنا من المستشفى..
ومحمد ..صدك اجة ..وتهدد بالنهاية صرت كدام الامر الواقع ورح ازوج حازم... يشروطة طبعا..
وانتقلت مرحلة العذاب الحقيقي والبهذلة ....
للقصة بقية
