Ydriz; The Natures Queen (On Hold)

Strait forest 5: I'm Doomed

May mga ingay na naririnig ang pitong mga sundalong nasa gubat parin hanggang ngayon.

"Dito!" Tawag sa kanila ni Andrey na nakadapa habang nakatunghay ang ulo sa ibaba ng bundok. Agad silang lumapit sa kanya na nagsidapaan din sa lupa.

"Kilos na! Bilis!" Rinig nilang sigaw kasunod ng isang tunog ng latigong tumatama sa balat. Sumilip sila sa ibaba ng kanilang kinaroroonan. Kinuha ang mga teleskopyo para malinaw na makita ang mga pangyayari sa ibaba.

Natanaw nila ang mga taong walang saplot na nababalot ng mga matutulis na balahibo ang mga katawan. Katulad sa napatay ni Vincent nong una. Pinag-aagawan ng mga ito ang patay na hayop at kinain na di man lang niluto sa apoy.

"Ohgosh! Mga kumakain ng mga raw meat. Ni di man lang tinanggalan ng balahibo." Ang nasambit na lamang ni Andrey. Yung iba pinipigilang masuka. May dugo pa kasi ang paa ng isang leon na hawak ng isang taong may balahibong sing tulis ng karayom.

"Dapat pinaligo muna nila bago kinain. Di man lang nila hinugasan." Sabi naman ni Yiu makitang may putik pa yung piraso ng laman nong hayop na kinakain ng mga kakaibang tao na ito.

"Sa dinami-rami ng dapat mong pansinin iyun pa? Ibang klase." Sagot naman ni Seo.

Sinuri nilang mabuti ang buong paligid. Sa di kalayuan natanaw nila ang bunganga ng isang yungib. Marami itong mga bantay na balot ng mga metal ang katawan at kumpleto din ng mga armas.

Sa silangang banda ay butas na lupa at doon nila napansin na may mga nagbubungkal rito. May mga bantay rin sila. Ang di kikilos ay pinapalo ng latigong may matulis na metal sa magkabilang dulo.

"Bakit sila nagbubungkal ng lupa?" Pabulong na tanong ni Milton sa sarili na narinig naman ni Yiu.

"Gumagawa sila ng libingan ng mga bangkay." Seryosong sagot ni Yiu. Sabay-sabay naman siyang sinamaan ng tingin ng mga kasama kaya nag-iwas na lamang si Yiu ng tingin.

"Gumagawa sila ng underground hideout." Sagot ni Vincent.

Ilang sandali pa'y nakarinig sila ng mga paparating na mga yabag. Mabilis silang umalis sa kinaroroonan at naghanap ng mapagtataguan. Kaso huli na dahil nakita na sila ng mga taong nakasuot ng itim na cloak.

"Ayun sila! Hulihin nyo!" Utos ng tingin nila'y alalay lang.

"Yung lider nila mukha lang alalay." Sagot pa ni Yiu at lumingon pa habang tumatakbo. Nakita niyang binatukan ang nagsalita sa katabi nito.

"Gago ka at ako pa ang utusan mong alalay ka." Galit na sabi nong isa. "Hulihin ang lahat ng manghimasok sa teritoryo natin!" Utos ng tunay na lider.

Sumunod naman agad ang mga kasamahan nito na nasa likuran. Hinabol nila ang pitong sundalo at dahil ayaw tumigil pinaulanan narin nila ng mga bala.

Tumalon sa ere si Vincent para di tamaan ng bala at umikot pa sa ere. Habang nasa taas pa, binaril niya ang mga kalaban bago bago pa man lumapat ulit sa lupa ang mga paa. Laking gulat niya dahil hindi naaapektuhan ng mga bala ang mga kaoaban na parang hinihigop lang ng katawan ng mga nakacloak ang kanilang mga balang galing sa baril ni Vincent na parang parte ito ng kanilang katawan.

"Kita nyo yun. Ang galing niyang mag air spin. Ang astig!" Sabi ng isa sa mga kalaban na humanga sa ginawa ni Vincent.

"Kung nainggit ka magtumbling karin mag-isa mo." Sabay tulak ng lider sa kanyang alaly na ikinagulong ng alalay sa lupa. "Ayan nakapagtumbling ka na. May free ikot pang kasama." Dagdag pa nito.

"Boss naman,gumulong yun hindi tumbling." Reklamo ng alalay.

"Yun ang tinatawag na ground spin. Bagong tuklas yun ng pag-ikot na ngayon ko lang nadiskubre." Pagmamayabang pa ng boss.