Confirm (COMPLETED)

Confirm # 75

Confirm # 75

Watch video?
Yes | No

This can't be play without data. Use data?
Use data| Cancel

*Playing video...

Waiting...

◀0:00

Narration:

Bumungad kaagad pagplay ng video ang isang dalaga na nanlilisik ang mga mata habang pilit inaayos ang camera ng cellphone nito para makuha ng maayos ang kabuuan niya. Ngumiti ito ng nakakatakot nang maayos na natutok nito ang camera sa sarili niya.

Tumawa ito ng matinis na para bang ang saya saya dahil nakikita nito ang sarili. Kahit ibang mukha nga lang ang nakikita niya ay sapat na 'yon para makaramdam siya ng kaligayahan dahil nagagawa niya ang gusto niya gamit ang katawan ng taong naging dahilan kung bakit nasira ang buhay niya.

Bumuo agad ang galit sa puso niya nang maalala niya na ang babaeng ito ang puno't dulo ng lahat.

"Kamusta hahahaha. Nabasa ko ang pinag usapan niyo. Nagpaplano kayo ha? hahahahahahaha sige lang. Tingnan natin kung hanggang saan kayo" sabi niya habang tutok na tutok sa camera.

Sinampal niya ang sarili. "Pahihirapan ko ang babaeng ito!!" galit na tugon niya na halos dumagundong sa apat na sulok ng kwarto nito.

Kumuha siya nang kutsilyo sa gilid niya,"Hindi na talaga nag tanda ang babaeng ito! Itinali na naman niya ang sarili niya! AHHHHHHH!!" sigaw niya at pinag sasaksak ang paa, nagbabakasakaling maialis nito ang kadenang nakatali.

Pagkatapos ng dalawang saksak sa paa ay saka siya tumigil nang makita ang pagtulo ng mga dugo dito. Ngumiti siya sa camera at kinuha ito at tinutok sa paang may saksak.

"Kawawang Enemite huhuhuh!!" may bahid ng pangungutya niyang tugon sabay ang pagtawa nito ng matinis na kung pakikinggan ay nakakakilabot. Kilabot na ayaw mo maramdaman ulit.

Ibinalik niya ang camera sa pwesto nito at tinuro ito.

"Sasaktan ko ang kaibigan niyo! Unti unti ay papatayin ko siya! Ang tigas din ng kaibigan niyo dahil ang damot damot! Ayaw niyang ibigay ang katawan niya!" nanlilisik niyang mata. Nagtiim ang bagang niya at gigil na gigil na hiniwa ang kaliwang braso nito.

"Subukan niyo ulit akong pagkaisahan. Hindi lang ito ang aabutin ng kaibigan niyo" saka niya pinatay ang camera.

End of Narration

◀1:23

seen by Lymope, Vareyt, VC, Ghax, Ether