بيوم الفصل ..بيتنه صار ..حديقه عامه ..من العالم الي بي .. مو بس بيتنه بيت اعمامي هم ..لان قريب علينه .. اني مثل ..القرد ياصاعدة ويانازله ..جوة اباع عليهم .. اصعد اسمع هوسه ..انزل اسمع عياط .. يكبون ويسكتون ..طولو هوايه ... واحنه النسوان نكمز بلبيت ..والولد طابين طالعين علينه .. نريد نفتهم شي مدانفتهم .. كومه عالم اجت ..المنطقه نسدت ..بوكتها ... وكل شويه امد راسي من السطح اباع .. رياجيل برة ..وجوة ..يعني جتي عالم ..كومه ..سيارات .. كلبي انمرد ع البنيه ..من عرفت ..توها مزوجه عروس وشابه ..متت قهر ..وفاتحتهم بيت رجلها صارت .. يعني هاي الطلقات شكد موتت عالم ..هيج بلا ذنب .. رغم هوة ابويه وعمي ..بفرح سوهه ..بس صارت عزة ع غيرنه ..نزلت عيوني مورمات من البجي امي كاعدة بلمطبخ ..بلكاع ..كالت شبيج .. كتلها مقهورة ع البنيه ..شابه وعروس وماتت.. كالت قابل قصد احنه هاي العالم كلها ترمي بلعرس بس علينه صار عزة .. كعدت يمها ماما عرس ..مو عرس ماتت بعد .. كالت دشوفي شسوو بينه ..اهلها قضاء وقدر ..كلبوها علينه والله يعلم ع شنو تفض .. لا ماما شنو قضاء غلط من بابا وعمي حسبيها هيفين او اني بعرسهم ووحدة منا تموت ...شسوين .. كالت ..كومي من يمي انعل يومج صعدتي الضغط .. كمت من يمها ..اباع عليها كاعدة وتضرب ع رجلها ... للعصر ..طبو عمامي ورياجيل وياهم .. والظاهر فضت لان اني جنت احجي وي سيف بسطح وكال بدت العالم تروح يعني فضت .. سالته صار كلي روحي خلي افتهم .. اني هم نزلت ..شفت خوالي وعمامي ..بلهول .. وعمي لازم امي ..بلباب .الهول يحاجيها .. جيت يمهم ..كال ليال اخذي اخوانج وصعدي .. شكو غير افتهم ..جاوب بعصبيع صعدي .. اني هم رحت اخذتهم ..شفت مرت عمي سالتها شكو ..اشرت مادري ..وكالت طبو اعصاب .. صعدت الجهال ..فوك .. بلغرفه ..ضليت كاعدة .. طلعت كارتون للجهال و ملاعيب .. وكلت ادك ع سيف .. ادك ادك ميجاوب .. وين راح هذا محد يفهمني الي صار .. صعدت بلسطح ..شفتها فاضه والولد ديلمون ..بلغراض.. يمه متت بس اريد اعرف .. رديت طبيت ..رحت يم الدرج اريد اسمع ..بس عياط .. هناك وامي عاط ..يبووو يبوووو .. اني عفت الجهال ونزلت ركض .. شكو منو مات .. اباع الوجوه صفر محد يحجي .. شكو .. امي ملخت وجهها .. عزة مثل ماكال سيف يكتلون منه .. خالي يكولها اسكتي عالم يمنه عيب ..هذا هوة ارضو ترة يموتلج واحد قافلين .. هذا احسن حل ..يكولون قصد كتلوها .. ضلت امي تلوب وتبجي .. كالت مو اخذو فلوس مرة ليش.. شنو مرة خالو ..اريد احد يفهمني كتلو احد منه ..ابويه مات ..دحجو .. كال خالي فصلونه مرة وفلوس .. مرة شنو ..خالو ياخذون منه بنيه لابنهم الي ماتت مرته .. اني نصدمت ..شنو هاي عود ومين المرة انجيبها الهم .. سكت خالي .. وطب يم الرياجيل وعمي هم ..راح .. وسدو الباب .. بقيت يم امي ..اريد افتهم شي .. امي تخربطت ..صعد ضغطها ..اخذوها للمضمد .. عرس الكشرة صار ..ابويه بسجن ..وبتهم ماتت امي تخربطت ..وخسرنه فلوس .. جابو امي مستعدله ..احسن بس مابيها تحجي لليل العالم طلعت وبقينه بس الاهل .. وكعدو يحجون النه .. اخذو مبلغ جبير ..منه .. والمرة تراضي بين الطرفين ..حتى يصير دم بيناتنه بعتبار المرة تخلف اطفال منهم ..ويصرون اهل ..ويربطهم دم واحد .. وراح يتنازلون ع الدعوة .. زين امي شبيها دكت ولطمت .. دامها خلصت ..وميتعدون علينه .. خالي كال المرة . اي شبيها ..شوفو وحدة وزوجوها .. شبيج لليال غير منكم خوما اجيب وحدة من غير عشيرة .. اني صفنت ...وعقجت حاجبي .. اي ومنو هاي بله .. كال انتي .. لا والله .. شنو خالو هذا هوة فضت ..انتي وفلوس .. شكد حلو انتي وفلوس مو اني جلبه ..شنو هلتخلف الي بي انتو شنو هاي ماعدنه هيج احنه .. انت شدتحجي شنو اني .. ليش اني سلعه ..وتنطوني ..مااقبل شنو هلتخلف والظلم الي بي ماقبل ..اموت روحي وماروح فصليه مدري شنو ..انهاريت ..خالي من شافني هيج ..جرني .. كعدني اسمعي خالو ..حل للنزاع تزوجين ابنهم .. لابوج واهلج ترة متفص ابد .. وانتي خوما راح ياكلوج لا .. عوضنه اهلها ..وعوضنه رجلها .. انتهى وراح تعيشين عادي ..والله .. اني بس فاتحه حلكي ودموعي تجري .. مدافتهم .. خالو الحل بايدج وهلزلم المعكله وعمامج رضو ..مومال تكسرين كلامهم ..وابوج مدة ويطلع وماكو خطر عليكم ..وعادي طلعين وطبين وتشوفين اهلج مثل اي زواج.. اريد استوعب كلامه ماكدر .. عفته وكمت ..طبيت ع امي كاعدين يمها نسوان ..كتلها ترضين ..ماما..بلي سوه امي بس ..تبجي وجوي طلعوني .. عوفيها لاتموت .. كتلهم عليمن تموت اني اموت روحي مو يرجون منه ..احد يموت هسة اطلع احرك روحي ابابهم .. وركضت ع النفط جريت الدبة ..جوي جروني ..وكعدوني بلكاع بلطرمه .. يحجون ويايه اني مدافتهم كلامهم ولا داستوعب الي يصير شنو يزوجوني لواحد ماعرفه اصلا.. هوة اني،صفيت نسوان العشيرة وولدها حتى ازوج سيف .. بقيت 3ايام بس ابجي ياهو الي يحاجيني ماجاوبه ..الا ان وكعت ..وتمرضت ..من القهر .. وكامو يركضون بيه ..بلدكاترة .. كلها تكول حاله نفسيه ..وعلاج .. المدة ..10ايام ويودوني عروس ..للجحيم .. سيف انكطعت عنه ..ماعرف اخباره ..ولا شي ..فوني غلقته وضميتة.. ورة 5ايام استعدلت لخاطر سيف اريد احجي وياه يشوفلي حل بلورطه الي اني بيها .. كمت شويه ع حيلي ..بس ماحاجيهم ابد .. صعدت فوك .. دكيت ع سيف .. بس كال الو .. اني اختنكت ..بجيت .. كتله سمعت .. سكت اسمعه يبجي .. كال انتي مو اي سيف راح اموت والله .. يبجي حتى صوته ماسمعه .. اني هم ابجي .. جر نفس وحسرة طويله كال ننهزم ..اني وياج وعوفي كلشي ..اخذج ونطلع لتركيا ..ومناك نهاجر .. كتله واهلي .. لعد ترحين فصليه ليال ويعيط ..ترحين ..ولج ربيتج ..بايدي انتضرج تكبرين ..يوم يوم مثل الطفل اشبرج ..واشوفج كبرتي ولج انتي بنت كلبي ..مترحين مني والله اكتل منكم ..والله احرك الدنيا ولج داموت من دريت لليوم ولج منو ياخذج مني منو .. اني بس ابجي ..ماعرف شكوله .. كال بيوم عرسج جنازتي تطلع ..كتله ماعرس لغيرك ..كضيت سنين ..اخط كال بيوم عرسج جنازتي تطلع ..كتله ماعرس لغيرك ..كضيت سنين ..اخطط ..حتى لااروح لغيرك تاليها وكعت ..سيف .. داكولج ننهزم .. اخاف يكتلون منه .. ماعرف ..الي عليه انتي ..مترحين لغيري ..ليال .. ولج اكو واحد ينطي ..روحه ..ولج عمامج ليش قبلو ترة لوكوها عليكم لكيه ..فضوهه بفلوس ولج الطم اشك هدومي .. سيف ..افكر اموت روحي ..واخلص .. لا حبي ننهزم اني وياج ونعيش ..بعيد عن هذا التخلف ولك اخاف ع اهلي .. لا تكفرينه ..لعد ترحين فصليه ..الله محمد يقبلها .. لا ماروح اكتل روحي .. اي كتلتيها عبالج تفض لا متفض .. ننهزم بس كولي اي ارتب كلشي .. ماعرف .. كولي ..اي .. سيف اهلي خطيه ..امي تموت ورايه .. كولي اي .. العار يجلب بيهم طول العمر .. كولي اي..اخر مرة اسالج .. اي سيف اروح وياك .. خلص ..اني قبل بيوم من الموعد نطلع اني وياج .. جيبي مستمسكاتج ..واشياء ضرورية بس .. ميخالف ..بس انت طالب كليه بعدك مين الك .. معليج ..المهم انتي يمي ..ولج احبج ..ولج ذبحوني من سمعت ولج وكعت من طولي ..والله .. سيف اني ..كضيتها بلمستشفى اعرف .. روحي رتبي وضعج ..وانتظري خبر مني .. اوك ... سديته منه ..وبديت الم بغراضي ..صح اخاف ع اهلي بس ..ماكو غير حل شسوي اني ..لايروح يكتل روحه .. واني احبه ماكدر بدونه ..من عمري 15 ويا ..صدك رباني هوة ..ع ايدة ..وصرت حبيبته وبنته .. مازوج غيرة ..لو اموت روحي .. هنوب ..افكر باهلي وامي .. زين همه ليش مافكرو بيه .. كله عمري 18 سنه ..واحلم اتخرج من السادس وادخل كليه واعيش حياتي ..واحب وازوح ..سيف .. ليش يكتلون احلامي ليش يغصبوني ..ع زواج ليش .. لاني مره كل هذا يصير بيه
اليوم السادس ..بديت احضر بغراضي ..ولميت كم قطعه هدوم ..وضميتهن جوة الجربايه ...بدون احد ميحس من يوم عرفت بسالفه الزواج البيت انكلب ..كمت مانزل يمهم حتى اكلي يصعدو فوك الي ...وامي من مرضه لمرضه كضيت الايام كلها بلغرفه ..من يصير مجال اتصل بسيف .. ونتفاهم ..امي حالتها حالة ..جلب سكر بيها من القهر وكلما تجي عيني بعينها ..طك بجي بيتنه بعدة يروش ..بلعالم .. اختي من طلعت بعد مجتي ..ولا اني بحال اسال ليش .. وعرفت ينتضرون اروح الهم ويتنازلون عن الدعوة .. بقيت افكر اذا اروح شلون ..راح ترجع ..ملاحم تصير ..لو تفض بس كلت خليها شريد اسوي الهم اني .. ماعرف احس دماغي تبنج من التفكير منا سيف ..يكول تعاي .. من اشوف اهلي امي وعمامي انتهو .. ادمرت .. اتصلت بسيف ..كتله اسرع ..ترة ماتحمل بعد .. ع لحضة ارجع بقراري .. سيف كلي ..اصبري ليال ..دارتب وضعي .. ليال امي راح تساعدنه .. شلون .. اني تفاهمت وياها ..وارح تاخذنه يم خالها .. اي ..وين .. عايش بغير محافظه اهناك امن ..بين مارتب جوازات وهيج .. خوش سيف اني انتظرك .. كلي سدي وشويه وادك عليج .. ضليت بغرفتي ..ياهو الي يجي ويدز عليه ماطلع ..افكر شلون راح اطلع وهوة البيت مدايفرغ من العالم .. شلون ..راح ادبرها خابر سيف .. ليال باجر بليل اطلعي ..من ينامون اني انتظرج ....يم بيتنه هسة اتفقت وي امي .. شلون ..ولك اخاف ..عوفي الخوف وسوي الي اكولة بليل افهمج ..اكثر زين زين حبيبي ... من كلي هيج نعصر كلبي ع امي بس مابيدي شي راح يدفنوني ..اذا ازوج غيره .. نزلت جوة شفتها كاعدة بلكاع..رحت عليها .. كعدت ..بوستها من ايدها وراسها ورجلها .. ماما نقذيني ..ماريد ازوج هيج ..تعرفين كلبي وين ووعدج اليه وينه ..لا تعوفيني وحدي .. بس تبجي ..وتبوس بيه .. كتلها لا عمي بسجنه ولا ابويه بكبرة يرضة بلي تسو بيه ..ماما ..ماريد اعوفكم فدوة خلصيني .. حجت صوتها رايح من البجي والطم مفتهمت شي منها سودة عليه اندمرت لا بديها شي عليه ولا اني بيدي شي ع نفسي ضليت خاله راسي بحضنها وتلعب بشعري ودموعها تنزل عليه وتحاجيني بس مافتهم لان ماكو صوت بس تاشر الله يوكفلج ... ع كعدتي غفيت ..محسيت بروحي المغرب كعدت ..ع صياح بلباب ..شفت.نفسي نايمه ع الجودليه ومغطيني .. كمت يارب سترك شكو ... اجاني عمي وخالي ..الي كاعد يمنه ...مثل الطلقه .. جرني من شعري ..ورد كعدني بلكاع ..نزل بيه غلط . تريدين تفضحينه تريدين تنهزمين .. ولج شنحجي شنكول .. تريديها صير دموم ..الله لا يوفقج .. اليوم نحرك بيت ابو سيف ..ونحركج .. ولج خزيتينه ..مضربوني بس جر شعري .. اني كعدت بلكاع ابجي .... اكلهم اني موسلعه ترضون العالم بيها ..اني مو بضاعه ولا فلوس ..اني بشر ..لو علمود مرة جورون علية..خافو الله امي ع هلهوسة واكفه يم راسي .ودفع بيهم ...وكعت .. بلكاع وجسمها كله اشنج حتى حلكها انعوج .. يمه يمه ماما ..ماكو شلون عبالك صرع .. اخذناه ركض ..للمستشفى ..ورحت وياهم ... كبال للطورائ .. قاسو ضغطها مرتفع .. حولوها ..عنايه مركزة..عرفت ... وفحوصات ..وتخطيط .. ضاربتها جلطه .. بس مو قويه ..وهاي تشنجات من العصبيه .. امي من صار الحادث صكطت .بعد ..وكعت ..تصحى يوم تتخربط ..عشر ايام .. بقت يومين بلمستشفى .. واني اروح وارجع عليها .. والكل فوك راسي لا انهزم ..لا اسوي بروحي شي .. مسويت شي بس اتصلت بسيف مغلق..اريد اعرف ليش امه هيج سوت مو اني كتله ننهزم هوة كال ..ليش فضحتني .. دزيت رساله لسيف ..شكرا الك عرفت امه جايه بلباب شهارتني لولد عمي وداكه بيوت اعمامي تكلهم ليال تقشمر سيف هزمني ..تريد تورط ابني وياها .. سيف اختفى .. واني بين الف نار .. نار امي .نار سيف ..وناري .. ماعرف .. طلعت امي ..ووعدت نفسي ارضه لخاطرها .. مو لخاطر احد ارد جميلها وجميل عمي الي رباني .. وصار يوم الموعود الي اروح بي .... يوم مخنوك مابي قطرة هوى ... كعدت من النوم ..احس البيت اظلم .. نزلت ع امي ..كتلها ..ماما اني قابله .. اهم شي صحتج .. بنتج سباعيه ..لا تفكرين بيه ..اجيج بيوم رافعه راسي .. صوتها راح ..شكد تاخذ علاج ..بس مبحوح .. ماخليتها تبجي .. رجعت اصرف طبيعي وسويت ريوك وكعدنه تريكنه .. ورسمت ع وجههي ابتسامه جذب .. وهيه تعرف جذب .. كلبي معصور ..عبالك اليوم جنازتي تطلع من البيت .. كملنه ريوك .. اجوي عمامي كالو يلا .. اني كلبي ..وكف من الرجيف ... احسه كمز من مكاني ... واكفه يم ..السنك .. حتى روحي نخرطت ... يلا ..ليال ورانه طريق .. وكلها لامي حضريها .. اخذت نفس وغمضت عيوني ...ومشيت صعدت فوك .. بايه بايه اصعدها ..واحس ..الدنيا ..تشد عليه حبلها .. واصبر روحي اكولها ..بعدج شفتي .. صعدت .. سديت ..الباب .. كمت اشهك ..بجي .. جريت الفون من جوة راسي .. دكيت ع سيف مغلق .. دكيت ع اخته .. جاوبت .. الو .. سيف وين .. ليال عوفي بحالة.. بس احاجي والله .. مو هنا .. وين لعد .. سافر .. شنو ..تشاقين .. ليال فدوة لا
