فهد رمو عليه طلق احس وكفت الدنيا ..ومات كل احساس عندي ..هاي الدنيا بوسعها وبشرها وكفت ..وخلت من كل شي .. اريد اركز ع الكلام ماكدر ... بقيت يم الباب ..ونتجيت ووكعت ..بس اباع عليهم .. يحجون ويصرخون ... هوسه مدافتهم..شي .. جتي وحدة من بنات سعاد طشت ع وجهي مي .. وعيت ع نفسي ..كمت لزمت سهام من جتفها واهزبيها فهد وين ..سهامه .. سهام تبجي ..ماعرف ماعرف .. لعد منو كال .. الولد .. طلعت برة ركض ..لزموني طببوتي ..بس اشوفه ميت عدل ماريد شي .كمت ارفس برجلي ..عوفوني حتى ماعرف منو الي لازمني او يجرني .. جروني طببوني جوة .. كعدوني ..اريد احجي ماكدر ..اختنكت ..سهام عاطت ..يمه لحكولها زوركت ..بسرعه ..طشو عليه مي ..وغسل وجهي اخذت نفس ..ارتاحيت .. كلت شصار .. محد يجاوب .. الحجيه كبالي ..كاعدة ونفشت شعرها .. ركضت عليها ..لزمتها كتله يمه مابي شي هسة يطب علينه يضحك ..هسة جان يمي ..من امداني امداني كمت اضرب ع وجهي بدون ..وعي .. جرو ايدي .. الحجيه انهارت ..تضرب ع وجهها ..وتصيح .. اريد وليدي ..عدل ميت اريد وليدي .. وياابو طول الحلو يرهن العين ...يابويه ..يافهيد يمه .. من طحت شصحت يماااا ..لحكيلي .. اني كبالها ..وبس ابجي .. طبت سهام عاطت ..بينه .بس تنعون .. اخذو للمستشفى ..شبيكم بس ... اسكتووو .. اني رجعت ونتجيت ع الحايط .. وادعي ..ربي اني مسني الضر وانت ارحم الراحمين بس هاي ارددها.. والحجيه تخربطت ....رفعت راسي شالوها .طبو رياجيل اخذوها ... رجعت ادعي ربي مسني الضر وانت ارحم الراحمين .. ياراد ..بوسف الى يعقوب ..رد فهد لامه .. موالي ربي طبني مرض اني ...تكسر الخاطر امه .. بطلو عياط وبجي .. الكل كعدت .. طب فيصل .. التمو عليه ..شصار فهمنه .. كال ..ماعرف .. طلع معصب ..من البيت ..حاجيته وين فهد رايح .. مجاوب شغل السيارة..وطلع .. طلع وراه .كرابتنه ..ماكو دقايق وخابر ..رمو ع فهد .. سهام كالت شنو مات .. اني كلبي انعصر .. مااعرف ..خيتي ماعرف .. الولد راحو ولوما انتن جا انه رحت وياهم .. ضلت اتلوب سهام واني بس ابجي .. عرفت طلع من ورايه .. طلع ..لو اني محاجيه مجان صار هيج .امداني كمت اضرب ع راسي .. فيصل الحجيه شلون ..كال اخذوها لا تحسبين .. يمه راح تموت ..ياربي مين جتنه هاي .. دقايق ..واجاه اتصال .. كمت اني .. وكفت ..يمه .. كال هاا.. ايي. وشلون هسة .. بروح ابيك .. اريد اوكف ع رجلي ..ماكدر .. كال مصوب ..برجله .. اني ..نزلت سجدت شكر ..لله ..هيه سجدة ..وهيه .. رحت بيها .. احس يضربون وجهي ومي ..يطشون فتحت عيني .. سهام تكول لا تخافين ..مصوب .. كتلها ..سهام عليج الله .. فدوة ..احس راح اموت .. شبيج والله .. شويه ..وكدرت ..اكوم واكعد ..ع حيلي .. عدلت روحي .. وكعدت .. هوسة وحجي ..اني احس راسي يريد يطك .. ضليت اتوسل بيهم مابي شي .. يكولون والله مابي .. تجيت راسي ..بيومها مانمت ولا احد نام ..توسلت بيهم اروح اشوفه ..محد قبل .. عرفت ..الطلقه برجله صايرة ..بزرة ..والحمدلله ..مامذيته .. وباجر يطلعو .. الحجي من عرف فهد انضرب ..راح داك بيت الي ضربة .. وماعرف شنو الي صار .. الي صار حرب متخلص ناس تضرب بناس .. وهاي الطلابه مراح توكف لا بكاع ولا فلوس .. جريت روحي ..ورحت طبيت بلغرفه سديت الباب ..وكمت ابجي واشهك ..واحجي وي رب العالمين اني تعبت ماتحمل بعد ..كافي اذا امتحان فاني رسبت بي كافي ماتحمل بعد .. وكل هذا بسببي .الي صار طبت عليه سهام ليال كافي لا تخافين مو زين فدوة لا سوين هيج الحجيه سالت عليج ..كوة سكتناها .. كالت شصاير وطلع معصب سكتت .كتلها تعاركنة كامت تعيط عليه كافي ليال هذا دلال لو ميت شلون جان شسويتي الف مرة كتلج فهد بس وياج اختلف .. ليش جاي هيج تسوين بينه ليش . اني بس ابجي والله اذاصار عليه شي محد يخلصج منهم .يذبحوج .. ولج كافي اني تعبت وروحي انخرت نخر .. وكعدت ..من يوم الطبيت الهم وهلطلايب عدهم ..تعبت .. حتى حملي ماريدة ..باجر عكبه ..ولدي يكبرون ويروح دمهم ورة طلابه لو بناتي يرحن فصل تعبت ياربي تعبت اني خاله ايدي ع وجهي وابجي .. كتلج ماتفص ..اعرف طلايبهم ماتفض.. ياهو الي يسالج كولي ماعرف ليش طلع ترة صيرين علج بحلوكهن ومكفخه ..الهن .. اني اهز براسي اي .. كتلها لا تعوفيني وحدي سهام عفيه ..نامي يمي انتي والجهال .. بيومها ماذكر نمت لو لا ..يمكن انام وافز ..خايفه ..لو احلم يطبون عليه يرموني .. كضيت اليوم بس ارجف ..كعدت الصبح اول شي ..توجهت لرب العالمين ..وصليت .. طلعت ..مثل كل يوم يشتغلون ..ويحجون بفهد .. عرفت هاي الاشياء تصير عدهم عادي حتى لو ميت هم عادي .متعلمين ع الطلايب .. لا كدرت اشتغل ولا كدرت اكل .. رجعت طبيت للغرفه .. كامت سهام .. سالتني ..كتلها ماكو شي تريكتي ..لا ... لا .. ابقي هنا .. بقيت ..يوم واحد بدون فهد حسيته سنه .. صح اكو ..زعل وعراك ..بس اريدة يرجع .. حسيت بفراغ .مو طبيعي احس روحي انسلبت مني .. طبت سهام جايبه الاكل ..كالت لا طلعين ..هواي ..خليج هنا ..بين مايطلع زلمتج .. ليش سهام .. مابيها ليش ..حبيبه احسن حتى يكولون مكسور خاطرها .. ليش اني ممكسورة اصلا ميته بدونه .. اعرف بس همه مايعرفون .. سمعت كلامها .. وكمت اطلع ع كد شغله واطب .. كامو يطبون عليه يصبرون بيه .. صدفة ..طلعت ..يم سهام .. وفيصل جان موجود اني كرهت فيصل رغم ماشفت منه شي بس كرهته ..لان فهد يغار عليه منه .. سهام كالت شلونه فهد .. كال زين وقبل شويه جنت احاجي ..كلبي كام يرجف .. باوعت ع سهام خلي يخابرة .. لان فونه مغلق واني اخاف اخابرة .. كلتله دك عليه .. دك .. ححة ويا كلة البيت يردون يحاجوك . فتحو سبيكر وجتي يمي ..سهام .. كتلها ماحجي بس انتي احجي .. سهام كالت هلا بلضبع شلونك حبيب... اخذ حسرة الم ..ووجع ..كال حمدلله يافهد موتتنه عليك ..شوكت تطلع خوما متوجع .. كال ..باجر لو بعدة اني طالع .. لا احسن ع الابر ..يروح الالم .. كتله منتظريك ..وذبايح تنتظرك .. اني ساكته ..من سمعت صوته رجعت روحي صح صوته تعبان بس احتيت بصوته .. كال امي ..وينها ..راحت من يمي. . كمت وراها حجه وي امه والحجيه بس تبجي .. اني بس اسمع .. كال سهام الاهل شونهم .. كالت ياهل منهم .. ضحك .. يمه فدوة لصوته ولضحكته .. بلضيم بدونك ..والله بس تبجي وتدعي الك .. سكت كال.يلا خويه يمي زلم ..اروح انه .. وسدة .. اندارت عليه شفتي ...شون يحبج غبرة غيرة بطكاك ميشتريج .. كتلها اريد اروحله ..عفيه .. كالت اكعدي ..حتى ..يعدمج هلمرة. . ولج عيني شلون بس اشوفه فدوة ..سهام .. اصبري حبيبه يومين ويجي لعد من لسانج يهد عليه متحجين شي .. والله سهام ياذيني ..والله يجرحني بكلامه وغيرته موشي طبيعي ..غيرته بشك ..واهانه .. اتحملي ..ليال ..خوما هيه يومين ..شنو دتلعبون انتو .. يعني فوك المصايب انتي هم عليه .. سكتت..وماحجيت شي .. طلعت سهام من يمي .. بقيت ..وحدي ..يومين مرت دهرين .. كلشي بدونه يخنك ويوجع حتى الهوى .. اذكر ضحكته ..اذكر عصبيته ..وعيونه من يخزرني .. كل شي يذكرني بي .. كمت ادورة بلبيت ..بعطرة ..بصوته اريدة مشتاقه اله .. ماكدرت اتصل بي اخاف يصدني .. بس المهم طمئنيت ..هوة بخيرر .. طبعا بهل يومين .. الطلايب زادت ..وقبلو يكعدون ..حتى يتفاهمون.. بعتبار الطرفين انضر ..واتاذة ..الولد الي ضربة فهد ..راحت عيونه وفهد انضرب برجله .. بس ماعرف ..شراح .يصير .. اني بقيت ..بغرفتي ماطلع ..واخاف احد يسالني ..ع شي اطلع ع كد الشغله وارجع ..للغرفه .. وسهام وجهاله يمي .. بليل ..كالو ..راح يطلع ..فهد .. اني ..فرحت ..والدنيا ماوسعتني ..بس بنفس الوكت خايفه منه ..كلت يذب الوم بيه .. اني سبب الي صار بي .. رحت سبحت ..وحضرت روحي اريد اشوفه .. اليومين الي عافني بيها عرفت ..روحي بدونه متسوة شي .. احس نفسي ضايعه بدونه ..اريد حضنه اريدة ..اريد اغفى اريد انسى ..كل شي ..اريد اكوله اني احبك ..اني بدونك ..ضايعه ..مثل الطفل بسوك ويضيع امه ..ضل عيونه دور ..عليها ..اني هيج .. ضليت ..بيومها ادعي الله ..يرجع الي ويرجع ..لصحتة وعافيته .. صح اذاني ويا هوايه ..وتعذبت ..لا اني نفس طبعه ولا بيئتي نفس بيئتة ..كل شي يختلف ..الي عشته والي داعيشه ويا ..بس كل هذا واكو بكلبي شي ..يريدة .. من ينذكر اسمه ..احس ..غصه ..بكلبي توجع .. بقيت بيومها ..اروح اجي بس اريد اشوفه .. حلا مابطلت مني وضلت تسمع بيه حجي .. وتكولي ..لا عبالج الطلابه ..اذا فضت ..مترجع رشا .. لا ترجع ..لان مرته وماعدنه مرة تطلك ..واكو شي ..غصبا ما على فهد يرجعها .. اني ماهتم الها ..المهم راح اشوف حبيبي واكوله اني احبك ..اني بدونك حياتي عدم .. بليل اجوي .. اسمع صوت. رمي ..حركو الجو حرك ... رحت ركضت اباع من الشباك ..شفته ..واكف ويذبحون جوة رجله ..ذبايح .. درت وجهي ماكدر اشوف ..وبنفس الوكت الفرحه بشوفته ..خلت دموعي ..تجري .. لو بيدي اركض واحضنه .. شويه وطببو ..يمشي ع عكازة.. ولابس ..دشداشه ..جوزي .. طببو للبيت ..اول وحدة امه ..طلعتله .. اني وكفت اخر شي يم الباب ..الكل التمو عليه وبوسو .. كعد .وبدة يحجي سمعت صوته ..اووف شكد مشتاقه اله ...اني بقيت اخر شي .. اباع عليه يدورني بعيونه .. حسيت ..هذول اهله مو اني ..بقيت بعيدة عليه واباع .. من كثر الي فوك راسه مشافني .. كعدو ...اني بقيت اباع عليه وابجي .. رفع ..راسه عليه .وضل يباع .. من بعيد ..اباع عليه .. رد دنج ..ودار وجهه .. فهد ..تعبان وجهه اصفر ....حتى صوته ..بي تعب والم .. اني رحت بلمطبخ ..بقو اهله ..وكرايبه يمة .. خفت لا اطلع ..ويحجي عليه لان هوايه رياجيل ماعرفهم اكو ..حتى ضياء والحجي موجودين ..الكل .. صبينه العشا ..وتعشو ..اني بقيت بلمطبخ .. جتي عليه سهام .. كالت ولج انتي ليش .. ماطلعتي يمه حجيتي شي سلمتي عليه .. ولج ضلين هيج ثولة .. اني اغسل المواعين .. كتلها .. فدوة سهام ..عوفيني ماعرف بيا وجهه اجي يمه .. واحجي ويا .. جرتني صدك ..تحجين ..انتي مخبله والله ..الله يساعده ع عقلج ..
ماعرف حساسي غريب جان هم خايفه منه وهم مترددة .. صار الليل ..سعاد ..جتي عليه ..كالت .. يمه ليله كرة عينج بفهد ..وحمدلله ع سلامته ..وخليت..الج الغرفه مالتنه نامو بيها .. خوش ..لان جربايه..ويرتاح عليها .. اي ..تسلمين ..حبيبتي يلا حبيبه اخذي زلمتج وخلي ينام ..تعبان .. اني انداريت ع سهام .. اشرت الي بايدها روحي .. رحت شفت ..اخونه بلغرفه .. ديحطو ..ع الجربايه .. وديون يتوجع .. طبيت ..قاسم كلي خويه ..هذا كبسول كل 6ساعات .. وهاي الابر مالج شغل بيهن ..المضمد يضربها اله .. وهاي ..مسكن ..3مرات .. هزيت براسي اي .. اباع عليه ..ايده ع رجله ويعدل بيها .. يلا خوية رايحن احنه .. سلمو عليه وطلعو .. بقيت يمه ..اني ..ضليت ارتب بلفراش .. وارجف وارتبكت عبالك اول مرة تنسد علينه باب .. شلت العلاكه مال ..دوة ..كتله..هاي هنا وهاي دواك .. وحمدلله ع سلامتك .. رفع راسه ..ويباع عليه رافع حاجبه .. كتلة ..تريد شي مني ... كال تعاي ..عدلي المخدة من جوة راسي .. رحت ..خليت مخدة ..جوة ..راسه .. كلبي ..يخفك ..حيل ..واحس جسمي صار نار وعركت خوف وتوتر وقلق .. عدلتها ..هو يباع عليه .. رجعت ..كتله نام ارتاح اني طالعه .. جرني ..من ايدي ...انداريت عليه .. كعدني يمه ..كال ليش .. اباع بعيونه .كتله .شنو ليش .. جر راسي بحضنه ..واحسه يشم بي .. ليش هلكد ..احبج . بقيت ..مغطية راسي بصدرة اني محتاجه اله .. رفعت راسي واباع بعيونه ..هاي اللمعه ..الي تاخذ روحي وياها ..هاي اللمعه مشايفتها قبل ولا راح اشوفها ..بعمري .. ليال ..انه تعبان .. اريد اكوم ..كلت خاف ماذيته بكعدتي اكعدي.. شبيك تعبان . منج . اني . اي انتي ليش حياتي كلها تغيرت ..بيج ..وتعبت ..تعبتيني ..ليال..لانتي تفهميني ولا انتي تسمعين الي ولا انه اعرف اوصل الج .. فهد.. خله ايدة ع حلكي سكتت. كال ماكدر افكر ماكدر اشتغل فكري وبالي يمج يجوز تشوفي مبالغ بس هذا انه وياج .. انه مريض .. يمه اسم الله .. مريض ..ومرضي انتي .. فهد .. اني احبك ..بس ..متكدر تفهمني .. لا انه افهمج عدل .بس ماكدر ..اغار ..واخاف عليج من الهوى اذا مر ..وحرك ..شعرج .. حسيت الكلام بلساني انعكد ... عدل روحه كال اخ .. حسيت الاخ حركت قلبي ..هاي سببي ..فهد اذيتك .. لا مو سببج ..قدر ومكتوب مايتغير .. فهد ..مرات احسك ..نار ..ومرات احسك ثلج ..مرات تحبني ومرات اتاذيني .. باوع عليه ..ويعني شتتوقعين ..انتي اذيتج قصد .. فهد مو شرط اقصد تضرب كلامك ياذي اكثر .. هاي انه ؟ كمل حبي..شصار .. طلعت من يمج ..ماكو فكر ..منا الطلابه ومنا ..تكولين طلكني ..صفنت وي روحي كلت ..انه اذيتها .اهواي.ليش ماهدها لاهلها ..كافي ... طلعت ع الشارع ..احس راسي طبل ..نزلت من السيارة ..وكفت ...افكر اريد قرار وسبب اقنع روحي واعوفج .. ماحسيت اجه واحد علي ..ورمه ع رجلي طلقه ..ماكدرت لا اشوفه ..ولا افزع لروحي .. وكعت بلكاع ..سلاحي عفته بلبيت .. كمت ازحف للسيارة .. يمه والي رموك .. شرد ليله ماشفته ..جنه متقصد بس ..يصكط رجلي .لو يريد ..جان جتلني بمكاني . كمت ابجي . لا تبجين يابعد كلبي ..وشراينه .. هاي حياتنه مزين ماجيله اجت براسي .. يمه اسم الله اموت ..وراك ضحك ماتموتين انتي تكيفين ..انه اموت وتكولين ايييي افتكيت منه وخلصت .. لا تكول هيج تيتمت وراك ... اني فتحت عيني عليك ..وانت صرت كل حياتي ..اني اكولك ..الفصلية سوت بيه عقدة ..اكرهه روحي من اعرف اجيتك غصب ..بس ابقى احبك ..هذا الليل شطوله عليه وانت ماكو .. ليال بس تفض ..طلابتنه اعقد عليج وتصيرين مريتي .كدام الكل انتي فصليه كلبي ..وينتهي كل شي .بس انتي ضبي لسانج وياي ..ترة مليت وبزعت ..منه ..لو انه اكصه واخلص منه . ضحكت ..تكصه .. اي اكصه واكص راسج ويا شفت ..كلامك هذا يستفزني لزمني من راسي ..يشاقه ويايه ..اي ..انه الرجال ..والي اكوله مايصير. اثنين. . اخ ..هد ..شعري ..اذيتني .. كويه ..والله ..شكلتي لروحج وبترتي شعرج .. ضحكت صدك ..بعدك ..تسال .. اي اضل ..لان انتي ملك ..لفهد ..كل شي بيج ملك .. باوعت عليه اكو حجي بداخلي مينحجي واذا حجيته اجرحه ..بقيت ساكته ..ولاني امراة ..اصمت .. بقينه الليل ..كوله سوالف وتركنه العتاب ..مرات العتاب يموت الحب واللهفه ... مرت الايام واني صرت اله ام وزوجه واخت وطفله بين ايدية ..داريته ..وحاولت ..اكسبه ..الي ..وابعد عن فكري ..غرورة وتسلطه .. فهد رغم اصابته .بقه ..بشخصيته القويه ويخفي الالم ..بقى ..بعطرة ..وكشخته ..وبهيبته .. يوميه لازم..احضر اله ..دشداشه جديدة ..والعطر ..والساعه..والمحابس. 10ايام وفتح الخيط والضماد وبدة شويه شويه يمشي ع رجله طبيعي بيها الالم بس مو مثل الاول ..جان ..يتوجع منها ..كام ياخذني ..ونطلع اني وياه .. بساتين هوايه ..واشكال بيها ..من زرع وخير ..وحلال .. العصر نروح نشتم هوى نظيف وهم يمشي .. وسط الشجر ..نمشي اني ويا .. كال ليال ..اني عربي ..ابن الجلحه ..الملحه .. وكفت كباله اي ..شنو يعني .. كال ..تساليني ..ليش احبج ..وليش اغار ..وليش اتعذب .. اي حبي اسمعك .. شايفه هلكاع .. اي داشوفها .. هواي جنت اسمع ..من العالم ابن ريف ابن محافظه ..بس ماهتم لان اعرف انه شنو .. كعد بلثيل ..وكعدت ..بصفه .. كال ..كل شبر بكاعنه ..كلها بمحافظتنه بيها قصه .. بيها الي انسعد وبيها الي حزن وبيها الي سكن كبور .. اني بقيت صافنه الي يريد يوصل اله شنو .. بس اباع واهز براسي ..اي كمل .. يجوز شوفين حبي الج غريب ..بس هاي كاعنه ..شوفه مو غريب عليها ..تدرين شكد ..طلايب من ورة العشك .. جم ..بنيه انذبحت ..وجم ..عاشك نكتل ..جم بيت احترك ..ونهجمت بيوت .. هذا عشكنه ..مابي عقل .. مابي دغش ..ليله .. مابي ظلام ..لو اكون او لا اكون ..انه من وراج مستعد احارب فيلق ..لان احبج ..وخلص ..لا عقل يفكر ولا شي .. اريدج بس الي ..مثل هاي الكاع ..ازرع الي اريدة ..بيها ..وفد الي ماتصير لغيري .وفد انه الي ..اجني منها تعبي .. خليت راسي ع جتفه ..هذا الحب بكل مكان فهد ..مو بس انت ..بس انت مخبل .. عفيه ..مسودنين .. شوفي ..الشهداء ..من ديرتنه شكد ..يوميه شهيد ..ومرات البيت بي 4خوان ..وامهم تهلهل.. اي صح .. ليش ..ليله .. انت كول .. لان حبنه ..لوطنه مسودن ..مابي عقل ..لو الشهادة لو النصر ... وانه وياج لو الشهادة لو النصر ... هههههههه شكو حرب ويايه ..اي حرب .... منصور حبيبي لان اثنينه من جبهه وحدة .. شنتصر من فلك طرج ..سودنتيني صرت شاعر وانتي ..كاضيتها عليه اعناد .. هاي انيي .. اي انتي .. وانت ..بله شنو ابو الحزام والطك والدفر ..نسيت لو اذكرك .. هااا اذكر ليش لا اول يوم شفتج بي .. ي .. انه كارهج اصلا ومارايدج ..لا فصليه ولا غيرها .. اووف كمل ..الله لا ينطي الي كسروني .. مد ايدة ع الزرع ..ويحرك بي .. مردتج ..وحاولت فد ولا واحد سمعلي حجايه ..وانه اعرف انتهت دامهم فصلو انتهى .. جيتي ..انه لو بيدي ..اذبج لان حرمتوني من مرتي .. انجرحت من كلمته ..بس سكتت اريد اسمع باقي الكلام . وفجاة بدلوها ..وهذيج سكنت الكبر .وانتي اعيش وياج منو الي ابوها كتل مرتي .. كرهتج ..ويوم ورة يوم اكرهج اكثر ..من كلتي يتيمه كسرتي خاطري شويه ..وشويه شويه ..قوتج ..خلتتي احبج مو ضعفج ليال ..ابد ولا بجي الليل .. شكد ..دست عليج ..كويه ..ردت اعرف مني هاي ..الي توكف بوجهي وانه ماوكف بوجهي بشر .وعاشرت كومه نسوان منا ومن الخارج وسفري .. بقيت وياج ..لحد ما خطبت ..رشا ..وشفت الانكسار بيج يعكس قوة ..انه كلبي بدة يدك الج ..وكل شي بيه يريدج ..مثل العطشان والي كباله ماي ..وميكدر يشربه .. وبدة هذا يدك الج ..ويضرب ع صدرة ... اعترف قسيت عليج ..ردت اطلع منج ..اسوء ماعندج ..بس ماطلع ..بس العسل .. ياعسل ..ضحكت .. وبعدك تحب ..المرحومه .. ليله ..تكومين منا لا ادفنج اكلها . كومي . اوكف شبيك امم سكتت بس رشاتوجع فهد .ماتحمل من افكر انت وياها بغرفه وحدة والي تكوله الي تكوله الها ..صعب .. لا ليله مو مثلج اكيد ..انتي حاله خاصه .. بس جنت وياها طبيعي ؟ ليال ..فدوة لطولج الحلو سدي الموضوع هسة زعلين وتاليها اطك روحي مو اطكج الج هيه غير اتحن وتنطيني بوسه هنا اريد اضوك طعم الشفه بلطبيعه .عزة .امشي نرجع انت تخبلت رسمي. رجعنه بهاي الفترة جنت اتصل باهلي واكلهم ابويه لايجي لان طالعين خطار وماكدر اكول ع سالفه الفصل .. فديوم..اني وفهد بلغرفه ..دك موبايلة..جبته اله كتله ..اخوك ضياء .. جاوب ..هلا خويه .. الحمدلله وانتو .. ايي ؟والمطلوب شنو ..هااااا ..دلي علينه هنا ويصير خير .. لا لا خويه ..لا تحسب ..هلا بيكم انتظر .. اني الف علامه استفهام ع مكالمه ابدماغي معرفتشي ... سدة ..صفن .. شبيك ..فهود.. هاالا ماكو شي .. حضريلي ..الهدوم راح اطب اسبح .. كمت طلعت الهدوم ..جر الفون وطلع من الغرفه .. ماعرف ويامن اتصل ..بس ..حسيته مو طبيعي وقلق .. رجع طب ..اخذ..غراضه وطب للحمام .. رحت ع فونه ..طلعت اخر ..مكالمه الحجي ..جانت .. يبووو بس لا رجعت الطلابه ..شراح يخلصنه ياربي.. هاي الفترة احنه يم عدنان ..البيت جبير بس هوسه كومه عالم بي .وشغل وتعب ..حيل ...وجهال من الصبح لليل اتكمز ..سعاد وعدنان مقبلو نرجع لغرفتنه ..كالو ابقو اهنا بعد ..احسن الكم .. اني مرتاحه لان فهد ويايه. مرتاحه اكثر لان رشا ماكو وخلصت منها كون ..طول العمر بعد ماشوفها .. وبقت حلا ع نفس سوالفها ..وتسمع بيه بس اغلس عنهم ..وماحجي شي ..سالفه الكاع بعدها ..بيناتهم .. وسالفه ضربه فهد ..فضت بعد ..كومه تعب وحجي .. طلع فهد ..بدل ..وتعطر ..وكعد ..دخن جكارة ..ويتأفأف وضايج .. جيت يمه وكعدت بحضنه ..وكمت اشم بركبته ..وابوسها ..اووف عطرها ..يرد روحي شبيك ..حبيبي ..منو وياك.. ساكت ..ليال .. عيونها..تحبيني .. خير شكو ..فهد .. صاحة ..اخو .. راح وسد الباب اني بقيت خايفه رايحه جايه .. طلعت ..برة ..شفت الجهال ..منو جاي .. كالو خطار ..منو ماعرف خاله ..وعمو الحجي جاي ..هم .. هااا..القلق زاد ..اوف ياللهي .. سمعت ..الصوت علة ..كلت اكيد ..طلابه لو رشا ..بلموضوع .. رحت ع سهام ..دكيت الباب .. طبيت ولج سهام الحكي .. جنت مددة وتباع تليفزيون .. شكو عزة بعينج .. ماعرف فهد .والحجي بلديوان وصوتهم عالي .. كامت ..شكو يارب سترك .. لبست ربطتها وطلعت .. صارت بوجهنه فاطمه شبيجن ..مخروعات . عفناها ومشينه .. بقت تصنط ..سهام من الباب .. هاا سهام كل شويه اجرها ...من دشداشتها .. اووف ياربي ..عفيه راح اموت شصار .. كالت ولج كلشي مدافهم ..يرطنون ..سريع ..خاف هلمكموعه راح ترجع ..رشيوة .. اووف يمكن ..والله .. صاحت واحد من جهالها ..كالت روح طب يم ابوك شوف شكو .. كلها ..يمه مايقبلون ..احد يطب .. اقل الساعه واحنه واكفين نلوب .. تالي ..اجه ..قاسم .. كال ليال .تعاي .. اني اباع بلعيون .وين .. تعاي خويه ويايه الحجي يريدج .. ماكو احد غريب .. اني هم ..لبست عبايه ..ورحت..مشيت ..يا..عزة بعينج ليال ..اكيد ..يرجعون رشا ..لو عرفو بسالفه سيف .. يبووو ..انفضحت ...يمه قلبي راح يوكف .. لزمت بطني ..كلت ربي هلطفل شكد ..شاف هبطات وضيم وهوة ابطني ..وصلت للباب انفتحت
