انفتحت الباب ..كلبي يرجف .. صار بوجهي الحجي ..كاعد ويمه فهد .. طبيت ... اباع ع فهد عيوني تسال شكو .مانزلت عيني منه ..ولا شفت احد غيرة اريد اعرف ..شنو ااي صار .. سمعت احد صاح اسمي بابا ليال .. انداريت ..ابويه وخالي ع اليمين كاعدين .. رحت عليه ..حضنته ..وضليت ..ابجي ..هوة بقى يبوس بيه ويبجي .. حمدلله ع سلامتك ..بابا ..اوف شكد مشتاقه الك ..وابجي .. عبايه وكعت من راسي .واني حاضنته وابجي ..جسيت روحي طفله ونوة جاي من شغله ..يمه شكد فرحانه وشكد تعبانه بشوفتك بابا ..موقف كلش صعب صار كومه مشفته ..اباع علية ..شكله تعبان والشيب تارس راسه .. بوسته من ايدة ..حصني وباسني من كصتي ..وكال بصوت ناصي جيت اخلصج ..من هذول الهمج ..بابا شصاير بيج . رفعت راسي عليه ..كعد..سلمت ع خالي ..وكعدت يمهم.. عيني ..ع ابويه ..وعين ع فهد ..ضايج ..ومتنرفز..ويحرك ..برجله .. كلام ابويه .صدمني .. بلكاع ..شفت ..قماش ابيض ..وطلقه ..مخليها ..ماعرفت شنو .. الحجي كال ..كرة عينك ابو ازاد ..بشوفه ليال .. هاي امانتك ..مثل ماعفتها بعيونه ..خلينها رد ..كال بويه ..ليله ..ابوج جاي وشايل جفنه بيدة ..وطلقه ..وفلوس ..ويريدج تردين اله .. القرار الج ..فصلج سقط بويه.ماعدتي فصليه ..تردين ..يمنه تبقين ..انتي مرت وليدنه ..وام ..ابنه .. اباع ع فهد ..ماعرف نضرته شنو ..اريد افسرها ماكدر حيرة وخوف ..وقوة ..اول مرة احس فهد يخاف .. يباع عليه ..ويدنج راسه .. رجع كال ..الحجي ..انه فهمته الفهد ..الي تريدي يصير .. وهذا ابوج وخالج ..ان. رجعتي يابنت العالم يبقى وليدنه بطنج هذا حكنه واكيد مانحرمج منة .. واذا بقيتي ..فانتي ..بنتنه ..واحنه اهلج ..وهذا زلمتج ..فهد كال ..حجي ..انه .. الحجي سكته ..كلة ..لا تحجي شي ..البنيه ..تقرر. .الي تريدة شنو .. سكتت ماعرف شحجي وشنو الي اكولة .. الكل كاعد ..وينتظر مني كلمه ..بس فهد ..يباع عليه وعينه ع حلكي ..يريد اعرف شكول انداريت ع ابويه ..لزمت ايدة .. كتله بابا.....انت مو بس عمي انت ابويه وتاج راسي ..ومانسى فضلك عليه وع اختي بيوم ..لميتنه.وربيتنه وكبرتنه .وماحسيت اني موبنتك .انت ابويه ..وجريت ايدة بستها ..بابا لاتزعل مني كال ليلو وانتو بناتي ويمسح دمع من عينه .. بابا ..اني ..هسة هذول اهلي ..هذا عمي الحجي ..وهذول اخواني ..وفهد زوجي وحبيبي وابو ابني .. اندار عليه .. كمت ..ابجي ولازمه ايدة ..اي بابا ..رجلي ..وابو طفلي .. ماكدر ..اعوفه ..ولا اكسر بيك ..تقربت منه ..اني احبه .. ورفعت راسي ع فهد ..اباع عليه ..حسيته ارتاح ..ومصدوم من كلامي .. الحجي كال ونعم منج ومن الي رباج ..انتي بنيتنه .. والولد .كالو .ونعم اخيتنه وع راسنه .. ابويه انصدم . ايدة ع راسه .. وخالي يجاوب عنه .. جرني قريب .بابا شوفي حالج ..وين جنتي وين صرتي ..لا تحجين بعواطفج ..ليلو ..حرامات انتي هنا .مو هذا مكانج ولا هاي حياتج اني اعوضج اني السبب الي بي انتي .فكري زين ..وامشي ويانه .. كام فهد ..اباع عليه ..اني .. كال عمي ابو ازاد .. فهد من يحجي يشمر بايدة ويأشر .. انه وكدام هلزلم ..اطلب ايد بنتك ..ع سنه الله ورسوله ..وبلمهر الي تريدة انة وفاي .بلي تشرطه عمي ..الي يشرينه ..لو ع كص هلراس ..مانبيعه .. الحجي ..سكت .. خالي كاله ونعم منك ..فهد ابن ..شيوخ ..واحنه اهل .. ابويه ..ساكت ..اني فرحتي ..ماتنوصف .ولا تنباع .. اباع عليه وابجي ..من الفرحه ..لوبيدي اروح اركض بحضنه ..واكوله شكد احبه ..يارفعه راسي كال ها عمي شتكول ..بنيتك مو فصلية .. بنيتك ..مريتي ..وانه اشرف ..اطلبها منك واعقد عليها .. ابويه اندار عليه ..ليال .. عصرت ايدة اي بابا ..هذا رجلي ..واهز براسي اقبل بابا .. كال ..ماكسر بنتي ..عمي ابو عامر ..وفهد .. البنيه ..شاريتكم ..وانتو ..اهلها ..والي تريدو سوو ابني فهد ..ماريد منك شي ..بس تراعي الله بيها .. هاي يتيمه ..وبنت العزيز .. فهد ..ابتسم .والفرحه بعيونه .. كال ..ودك ع صدرة .. بعيوني عمي لا توصي بيها .. ليله ..بعيوني ..لا تحسب .. الشيخ كال .ع البركه نقرة سورة الفاتحه .. فهد بقه واكف ..ويقرهه الفاتحه .. عبالك ..اول يوم اشوفه ..وجاي يخطبني .. مو عبالك ..مرته وحامل منه .. اني هم رفعت ايدي وقريت الفاتحه ..وهوة كبالي يباع عليه ..ويقرة ويبتسم ..كمل ..مسح ..وجهه وغمزلي .. ضحكت ..اله .. اجة فهد ..سلم ع ابويه ..وباسه .. الكل كام بوس فهد..وابوية وبارك الهم .. ابويه وخالي ..باركولي .. وفهد .كال عمي ابو ليله ..ماتروح منه اليوم انت خطارنه .. واحنه ..وباجر من الصبح نعقد..وانت الشاهد..بلي تريدة .. ابويه ..تعذر منه ..كلة ماكدر ابقى ..وابات .. خلي دغه .. خالي كال باقين لليل ..ونرجع باجر .. ونكمل ..الاجراءات ... اني ..ترخصت ..منهم ..وطلعت ..برة ..ماكدرت ابقى بعد . كتله بابا ..شويه ..وارجع .استحي ابقى هنا .. طلعت ..فتحت الباب ..مشيت ..شويه .. كمت اكمز اكمز ..من الفرح ..صرت ..مرته مو فصل ..ربي فدواتك ..محد يوكف ع بابك وترجعه خايب .. سمعت ..واحد يكول ولج ..مخيبيله .. انداريت فهد واكف يم الباب .. ضحكت .. شني هلتكمز الولد طاح .. رحت حضنته ..ممصدكه فهد ..اووف ياربي .. خايبه .مامصدكه ..وخرت راسي .. كال كتلج ..لو النصر لو الشهادة .. وهسة شنو ..الشهادة اكيد.. عقجت وجهي ..شنو يعني .. عمي الي يزوج مثلج يموت احسن ..مسودنه .. هاي اني .. اي انتي ..جا شايفه نفسج ..جنج ..هلمسودنه..الي بشارع تكمز ..ممصدكه ..مزوجه مو ..حقج يامعرس يجيج وانتي خيوطج كلها طابكه ومكطعه الك الله فهد بليال ويضحك.. اهووو ليش ضوجني ...راح اكوله لابوية ارجع ويا .. اي مو بكيفج ..حتى ..اطلعج.للنجف ..مو لهلج .. يضحك ... فهد تقهرني .. كبري عقلج شوية .. زاعلتك ..ماحبك ..بعد .. اي ازعلي حتى اصالحج ..هذا الي اريدة .. حتى نطب للغرفه ..واصالحج ..براحتي .. هههههه.شطلعك وراية ارجع ..يم ابويه .. جيت اكلج حضرو اكل .. انه المعزب .. معزب شنو ..فهد . ليله ..رفع ايدة..يدعي يوم الاعزب عليج ...كولي امين شحاجيه وتصيح منو هذا شنو هذا .. ولك شبيك ..اكلتني هاي عود توك قارين الفاتحه .. يضحك ..هوة ..فرحان ..واداهر بيج جاي اشاقيج ..يلا يابعد روحي ..حضرن مواجيل ..معدله .. ولا تكمزين ..هواي ..ضمي فرحتج لليل .. انه وياج نفرح .. فهد .. يمه عيونه .من تصيح فهد .تسيح رويحتي وياها .. ههههه ولك اسمع لا ضل هيج ..ماعرف شحجي بعد .. دمشي ..احاجيج .. وين ..بلغرفه .. ولك شكو .. والله احاجيج ..لاتخافين ..اوكف احضر الاكل امشي الاول جرني مشيت ويا .. سهام شافتنه شصار ..احجولي .. كال ..ماكو شي بس ليله راح ابوها ياخذها .. عزة وين ياخذها ..يمه .. كال للسيد ..يقره ع راسها شويه .. انداريت عليه ..هاي شبيك ويايه .. ضحك ..شاورني احبج .. سهام كالت اله ولك احجي .. كال ماكو شي ..خطبت ليال من ابوها .. يعني ابوها الي جاي .. اي .. وشنو خطبتها ..لعد الي بطنها شنو ههههه.. سهامه ..ليله مو فصليه بعد ابوها جاب فدية وجفن وطلقه .. هاااا.هلهت ..ع الخير ..وبوستني .. سهامه همو ..جاين اعمامي وابو ليله وخالها .. راح يذبح.ذبيحه عدنان ..وسونها ... من عيوني ..خلي نفرح ..وبطلو طلايب ..كلبنه فاض وخلص.. راحت سهام .. طبينه للغرفه ..اني ..وفهد .. كتله احجي شكو .. كال ..بعد ..ماكو طلكني .. بقيت اباع عليه ..اي ..وشنو يعني .. يعني ..اطكج براحتي .. فهد ..تخبلت .. يضحك ..ولك شكو احجي .. لا صدك ..لا تكولين لابوج ع رشا .. هاا ..ليش ي لا تكولين ..منا ..لحد ماحلها .. خوش ماحجي شي .. عفيه ..عليج ..ويدور بلكنتور ..شدسوي ..فهد .. جاي ادور الحلقة .. ياحلقه .. كال اوف ربي مدري غباء هذا مدري اداهر بيه ..مدري انت طكيتني بيها ..وابتلاء منك ربي فهد ..شجاك ويايه عفيه ..والقران ضجت ولج ياحلقه غير الي جبتيها الي جاي البسها .. كمت .فتحت ..جنطتي وطلعتها اله..هاي .. اخذها من ايدي ولبسها .. اجه جرني من خصري ..فرحانه .. اي ..حبي ..طبعا فرحانه .. رضيتي ..عني صدكتي احبج .. اي ..اني هم احبك ..بس انت ضوجني .. قرب شفته عليه ..وباسني .. ها خوش اسكتج ..مو .. اي بس غير تسمعني ..رجع .بساني من شفافي .. فهد ..كافي .. لا انه اريد اسكتج اعرفج ماسكتين .. اي .. شنو اي ابوسج بعد .. ولك لا . لا كولي بوسني انه خطيبج هسة .. لا بربك ..خطيبي ...روح اطلع يم ابويه وعفيه اريد اكعد ويا وحدي ..واشوفه .. ميهم بس مو هسة .لان دزيت ع عمامي واهلنه ..اعرفهم ع عمي .. رجع خلة ..عطر ..ورتب شعره ..وباسني من خدي وطلع .. طلعت وراه ..وفرحانه .. طبيت يم البنات وبديت احضر بلاكل ..بيومها ابويه وخالي بقو يمنه لليل .. وكدرت اكعد ..ويا بابا ..وفهد وحدنه .. وضليت اكول لابويه اني احبه ..ومرتاحه ويا والكل زينين ويايه .. ..وضل ابويه يوصي ..بفهد عليه .. الي فهمتة بابا طاب ع الحجي شايل جفنه ..بايدة اذا مارضو بفلوس ..يكتلو ..بس يريد يرجعني ..لان يحس ..بلندم ..وبسببه اني ..رحت فصليه .. بس الحمد لله عدت ع خير .. ثاني يوم ..عقدت اني وفهد بعد ماكملنه كل الاجراءت .. وفهد خله المقدم والمؤخر مو اني ولا ابويه .. وبيومها..اخذني ..ونزلنه ..لبغداد .. رحنه يم اهلي .. وطلعننة ..زرنه واشترة الي بتوت .. وتعشينه برة .. اول مرة .اطلع وي فهد واحس الحياه بيها طعم.. مرت الايام ورجعنه لبيتنه و الكاع فضت ع خير وبقى الحجي اله حصة بيها وصافت النفوس بيناتهم .. بهاي الفترة ..عرفت..اني بيه ولد .. يعني ..صرت ام شبل .. فهد كلش فرح..عبالك جنت عاقر واول مرة احبل .. عرفت الي ..يذب حمله ع الله ميرجع مكسور ..ابد رب العالمين ..نصفني ووكف ويايه .. كل شي .حلو بحياتي .. صرت منهم وبيهم ..صرت بنت ..قريه وريف ..عشقت كلشي بيها ..كاعها هواها . عشكت كلشي بيها هواها وكاعها اهلها وناسها ... بقت حلا ..تاذيني ..بلكلام بس ماهتم .ع كوله الحجيه الي عندة الكمر شله بلنجوم .. يمي فهد يحبني واحبه ..ماهتم لشي بعد .. فديوم اجاني بليل ..فهد ضايج .. اعرفه من
