طريق كله ساكت .. كاعدة بصف ..سهام اني ..تشاورني شمسويه احجي وهيج كتلج ..شسويتي ..مابيه احجي الها وشكول .. وصلنه للبيت ..الكل ركض عليه ..وباركولي .. بس حلا واكفه ع جهه ..وتباع اريد اعرف هلحقد ليش معرفت..طبينه ...كعدت ... سهام كالت فهد اخذ مرتك واصعد بعد ماوصيك .. وانتي خيه ..لا صعدين وتنزلين خلي الولد يثبت ..ابطنج .... اجه يمي ..احسة تردد يلزمني ..لزمني ..وصعدني .. بلممر ..اجه الحجي .. ضل واكف ..كله .. سامع بلكفر ..انت كفر العالم ينطوك مرة .. ولك انت مو بشر ..ولك انت حيوان .. حجي
.. انجب ..بقيت بيها ..حجي ..ولك شنهي تعاندي ..تعاندك اجنزهه ..ولك شجرالك ..ماتكلي .. ماعرف الله بيش يحاسبني من وراك ..ولك خاف الله .. هاي اذا تعرف الله انت .. صعدها ..وتنزل يمي .. فهد ماحجه شي .. صعدت ع كيف .. طبيت للغرفه .. كعدت ع الجربايه .. كال ..اسمعي ..حجايتين ..يحرم عليه فراشج ..وتحرمين علية مرة ..... راح استر عليج ومحد يعرف شي مؤقتا لخاطر ابني ..لحد ماجيبين وراها ..حسابي وياج ....عسير .. وسكت ..ونزل .. لا اكو عقل حتة افكر ولا اكو حيل حتى الطم ..واملخ روحي خليت راسي ..ع المخدة .. صعدو يمي البنات ... يحجون ..ماعندة واسمع كلامه ..وشدة وتعدي ..ويحبج وعصبي ..اني بس اسمع ..نزلو من يمي .. كتله ربي انت تعلم ..بلحال ..منك ياللهي منك ..اريد تثبت برائتي بقيت ادعي واقرة ايات ..لحد ما ..نمت .. ولا عرفت شنو الي صار ... كعدت ثاني يوم .. شفت العلاج يمي ..جايبي الي ..ادور ع فهد ماكو بصفي .. كمت ..شفته بلكاع نايم .. رديت خليت ..راسي ..كرهت كلشي ..حتى طفلي كرهته شيجي ع ضيم وقهر ..امه فصلية وعار .. منو يصدك بيه ..منو يوكف الي .. كعد فهد اني بفراشي نايمه ..غمضت عيني .. حسيت ..بي اجه يمي .. كال استغفر الله .. وفتح الباب ...وطلع ... كمت اتوجه ..مو الم بطني ..احس جسمي مفكوك فك ... مشيت ..وصلت للمرايه .... اباع وجهي ..ازرك ..واحمر ..وحلكي مشكوك ... ضليت اباع ع روحي ادور ع ليال وينها ..مالكيت .. بس المرايا تعكس صورة انكساري ... نفتحت الباب ...طب فهد .. اجه مارفع راسه عليه ...ولا باوع وطلع السجادة ..ووكف يصلي .. صاح .. الله اكبر ...كلت الله اكبر ع كل من ظلمني ... رد كال اشهد ان محمد رسول الله .... يارسول الله ...بظلمه ..البتول انصرني .. كمل .. اشهد ان علي ولي الله ... انهاريت .بجي .يابو اليتامى ياعلي ..يتيمه وع بابك . دخيلك ..خليتك حكم بيني وبين ..الي ظلمني .. اندار ...عليه ...اني واكفه وراه .. كلي بري منج ..كل رسول وامام ..بيا عين وتدعين ..عليه .. كتله ..ماكو كلام ..لغه الحوار وياك ..ممنوعه .. تقربت منه اضرب ..هذا كلامك ..اضرب ..وارضي ..رجولتك وعشايرك وشرفك .. اضرب ..جسمي لوحه ...بالون همجيتك ... اضرب ...ما احس بالم ...ولا اخاف ..منك انت ..خاف ع روحك ..لان خليت بيني وبينك ...من ياخذ حقي ...ليااال ...اسكتي اخر كلمتي وياك ميهمني ...ان عشت او متت .. او ..صرت فصل او عار ... ميهمني ..منك ..شي ... بس اكولك ... اني صرت الك ..وطن ...وانت صرت الي منفى ...... اني صرت الك وطن وانت صرت الي منفى .. ضل صافن عليه ..اباع بعيونه ..الم ..وقهر ليال ..وين نهزمتي ويا .. فهد كافي .. نام وياج شسوالج ...احجي ..تقرب الج الله اكبر عليك ..كافي كافي ..انت اخذتني .. كمت اضحك ..بصوت عالي ..تهسترت ..كتله انقهر عليك ..كمت ابجي بصوت عالي معقوله هيج .. رخصني ..ضعت بين كراماتي وبين ..اثبت ..برائتي .. اضحك وابجي ..بهستيريه .. ولك ..فهد ..اني ليال .. فهد ..عيونه بيها دموع محبوسه .. جيت خليت راسي ..بحضنه ..اريد امان .. اريد ..احس بيك ... بقى جامد ..متحرك ... انت تعرفني ...فهد..اني مرتك ..وانت اخذتني ..بايدك .. لا تخليني ضايعه ..وحدي فهد ..اترك ..كل شي وراك اول مرة ماحس بفهد ولا احس بحظنه عرفت .. شي جبير تغير عرفت اكو حاجز جبير صار بيناتنه .. رجعت ..عنه شفت دموع ..ع خدة .. عافني ..وطلع .. عرفت ميريد يبين ..دموعه ... هنا عرفت ..اني بلنسبة لفهد ..انتهيت ... ميفيد لا بجي ولا كلام ..ولا شي .. مجبورة اسكت واتحمل ... خطر ع بالي خالي ..بس فهد محجة شي ..اذا ..اكول راح اشهر نفسي بنفسي ..صعدت سهام عليه .. ولج ..يامصخمه شصار .. كتلها ..ماكو ..شي .. ليال احجي ..شكو ..فهد ..كال بهل الاسبوع زواجي .. يمكن المرة الوحيدة ماحسيت بشي .. كتلها ..اي .. ولج شنو اي ..راح يجيب العكربه ..ولج وانتي ساكته .. صرخت عليها .. شوفيني ..شوفي ..فتحت هدومي ..شوفي حالي .. هذا فهد ..هذا وحش ..مو بشر ..سهام .. مو انسان يستاهل ..اتعب .عليه .. كمت اضرب ع بطني ..حيل ..حتى ميستاهل احمل منه .. ماريد شي يربطني بي ... كومي خيه استهدي برحمانج ..كومي ... انتهت ويا ..سهام .. لا ياكليبي لا تكولين هيج ..والله شفتت المر انه منهم كلهم .. حتى سحورة ..ذبن علي .. حتى نغل طلعو علي .. بس انه قويه ..وعرفت ..مين اجي للحجي .. سهام الحجي مو فهد .. فهد ...اسم ع مسمى ..انسان ..صعب ومغرور ..تعبت والله تعب ...ياعيني ..ماعرف ليش كلبي يوجعني عليج .. اصبري ..ياليال ...انتي غير تكولين شصار حته انه اوكع ع العله ..ياعيني .. مكدرت احجي شي ولو اني مظلومه بس محد يصدك بيه ...... مرت الايام .وفهد ..ميحجي شي ..ويايه .. ابد ..اني مموجودة ..بحياته .. يصعد ..بس ينام ..والوكت كلة بلديوان او وي اصدقاءة كاعد ... النزف توقف عندي وبقيت ع العلاج .. حالتي استقرت بديت ارجع ..لنفسي .. كمت اطلع من غرفتي وافتر بلبيت واساعدهم لازم التهي بشي ماكدر ابقى ..مخنوكه بي .. يمكن ..هوايه دست ع كرامتي فوك ماهوة داس عليه .. يمكن اني اتماديت وي نفسي ..وانطيته اكثر ميحتاج ..اني كبرته ..بايدي .. بس ..بعدة ..كلبي يوجعني عليه .. شكد ردت اقوى ..ارجع اضعف صح بعدت نفسي عليه وتقبلت رفضه برفض مني .. بس احن اله ..لحضنه ..لابتسامته لشفته ..لشقاه لكلامه .. اريدة ..كلشي بيه يريدة .. رغم ماهو ..كسر كلشي بيه ..حطمني .. فديوم ..رشا اجت يمنه ... بعد مانصبو الها غرفه ..بلطابق الارضي ... اجت ..والفرحه ..عدها ..تقرة مليون ... كل يوم ..جان يثبتلي ..فهد محبني الي .. حب ..رغبته ويايه ..حب ..جسمي .. حب ..حبي اله ..دلعي ..كلامي .. قانون الحب ..بي تسامح بي الغفران ..ولو اني مغلطت بشي ..عرفت جنت مجرد نزوة ..مجرد جسد لرغباته ..بس ..هوايه اذاني من اول يوم دخلت .. لليوم ..احسة يستمتع باذيتي .. قررت ..انتهى ..وحاول لا اشتاق ..وينتهي كلشي ..بينه .. بيومها رشا جابت هدومها ... اني جنت بلمطبخ .. صاحوني هيه وحلا .. ترددت اروح لو لا .. رحت ..رشا كالت ..عيني ...ليال .. بس اسالج ..فهد شيحب ..وين اخلي هدومه .. اني بقيت صافنه شتقصدين يعني مافهمتج .. كالت بيا خانه اخلي الهدوم .. كتلها حبي ..ابرود .. اختاري هاي لان غراضة هوايه .. فرحت فتحت الكنتور ..وكتلها هنا خلي ..دشاديشة ..وهنااا خلي .. جتي ركض عليه ..دفعت ايدي .. كالت لا تلزمين شي ..مااستبخت بيج واني عروس .. وانتي فصليه .. اني انداريت عليها ... ردت حلا كالت حقج ..عيني ..خوما حضج مثل حظها طايح ... اشرت براسي اي اي .. وطلعت بطلعتي ..صار بوجهي فهد .. باوعت ..عليه ..عيوني تكوله سمعت ..الكلام ..مشيت ..عنه .. صعدت ..فوك ... كمت ..اردد بس استغفر الله ...استغفر الله .. اريد ابرد ...بس ... اني عايشة ..بس ميته ...مابيه ..روح .. ولا راح ترجع الي روحي .. اهون ع نفسي واكول صيري قويه ..اريدج اقوة الجاي اتعس .... صعد ..فهد ... كتلة ..اخذ غراضك .. اندار ..عليه .. لا بقيهن ... اخذهن ...واطلع منا ... هااا.. اي اطلع ..برة ..ماريد اي شي منك هنا .. اكرهك ... اسمعي ولج ..لا طولين لسانج ... ياريت ..تكتلني ..اذا انت صدك ..رجال رجعني لاهلي يغسلون عاري اني مو عار ..الك .. وانت روح لست رشا ..ماشاء الله شكد متوالمين...تخبلون .. ليال ..لخاطر الي بطنج ساكت .. ايبااخى..شونك عاد انت رؤف ورحيم .. تدري فهد ..متندمه بكد شعر راسي ..تعرف ليش .. لان سلمتك ..روحي ... تدري ليش ..لان انت موش ماكلتي .. كتلك والله .. يصير خير اي مو رجال .. الرجال ..ميضرب ..الرجال ميكسر ..مرته .. الرجال ميخلي الرايح والجاي يضحك عليها ... الرجال يخلي قدر وكرامه لام اطفاله .. انت شتفكر ميهمني ..والله .. كافي ليال ..اسكتي ..لا تخليني اذيج .. بكل صلافه تلاسنين ..وتحجين .كانما انتي ام الحق .. اي ام الحق ..اني وانت الباطل ..واغفى احسب عليك .. واكعد احسب عليك ... انجبي ...مو مرة الي ..تحجي هيج وياي ..انخرسي لا تخليني ادوس ابطنج ..واشهرج .. عادي ..شنو الفرق .. ي عادي الي تشرد من بيت اهله وي زلمه غريب .. كلشي تسوي ومايهمه شي .. اشكرك ..بس طول عمري راسي مرفوع لا انت ولا غيرك ينزله ... خوش ..يابنت العالم ..يابنت الحسب والنسب ..انه الج اذا ماخليج ..تبجين دم ..مايبقى علي شارب ..بس ذبي حملج واشوفج الامهات شخلفن .. وطلع ... وكفت ..كبال المرايه شكلي شاحب وتعبان .. القهر اخذ من حيلي حيل وعمر.. غسلت وجهي ... ولبست احلى ماعندي .. ورتبت روحي ..بمكياج وعطر .. جنت ادوس ..ع نفسي ماعرف شنو الي اريدة .. صدك اكرهه ..صدك ..احتقرة .. لو هذا ..ردة فعل حتى ارجعه الي .. مداعرف شسوي .. كملت ..ونزلت .. حلا ورشا بلاستقبال.. انصدمو اتوقعو ..انكسر .. بس رسمت ضحكه..ع شفايفي ..كذب .. وبقيت وي سهام اسولف واشاقه واضحك .. ولا كانما اكو شي ... وتجاهلت وجود ..فهد ورشا ..وحلا ..بحياتي .. ثاني ..يوم عرس فهد جان .. كلشي كدام عيني ... فهد والهوسه ..كلها .. فهد يمي بلغرفه يرتب بروحه .ويتحضر لعرسه .. اني كباله كاعدة ..بس اباع عليه ..ماكدرت انزل عيني منه ..اريد احد يكعدني من كابوسي اريد اصحى ..من الي بي اني ... كلبي ..يحجي ..فهد اني احبك ..حيل ..وادري انت ..ولا ع بالك ....صح اتاذيت بس احبك ولك حس ..ولك لا تبيعني من ورة كلام واحد ناقص .. لبس ..دشداشه بيضه ..وعكال..وتعطر ..ولبس ساعته .. ومحابسه ..الحلقه انزعت من ايدة من اول يوم .. كمل ..اندار عليه .. كومي بدلي ..يلا ..دنروح نجيبها .. روح ماجي اني .. لا تجين غصبا ماعليج .. ماجي داكولك .. يلا كومي بدلي ..فضيني .. روح ..لو طلعني جنازة مااجي .. ولج شو صايرة متخافين .. لا مو ماخاف بس عادي ... شنو عادي .. فهد روح متجبرني ..ماجي ..خوش .. راح انزل نص ساعه اذا مانزلتي احرك ..ابوج .. ونزل ..... بقيت مترددة اروح لو لا ..اذا ماروح خاف صدك ياذيني .. وتوة جسمي طاب .. كمت ..بدلت ..لبست ..فستان ..هوة يحبه .. لونه ...اسود وبي احمر ..وسترة قصيرة ويا .. ورتبت ..مكياجي ..ولفيت الشال ..لفه خليجيه .. ولبس العبايه ونزلت .. ابتسم ... البيت هوسه ..ماعرف مين اجوي العالم .. سهام كالت ..ولج جيتي .. اي جيت ... سهام ..جانت لابسه ..هم فستان ..بس هيه ضخمه وطويله ..وعيونها كبار ..عسيله ...وشفايفها متروسة وسمرة بس حلوة ..جانت كلش حلوة طالعه .. حلا ..مانتبهت ع لبسها ..جانت واكفه وتهلهل ... طلعت فهد ..برة ..وبيدة سلاح ... ويطشون عليه جكليت .. صعدو بسيارات ..اني رحت صعدت وي ضياء .. جتي سهام نزلتني ..كالت فهد يكول ..خلي تصعد وياي .. كتلها ماصعد ...وياه .. ولج لا تعاندين .. سهام ماصعد ويا .. كتله فدوة ضياء اطلع .. ضياء فر السيارة ..ومشى ..بيها .. وكف ..كال فهد جاي علينه .. فتح الباب عليه .. جرني من ايدي .. ضياء عاط بي ..عيفيها ياخوي .. جرني وصعدني ويا ..وساكت .. كعدت ..بصدر .. اخذت نفس ..درت وجهي عليه .. بكلبي كلت بعد بيه صبر .دوس اكثر .. لبس مناظر شمسيه وطلع .. يدكون هورنات ..مناك وطلعو الزفافه براس الشارع ومزيقه ...اني انداريت اباع ... شباب تركص براس الشارع .. احسة ..ضربني ع ايدي .. انداريت ..كال عينج ..لو عليه لو ليكدام ..لو بلكاع لا اكلعها الج ... مجاوبته ..حاول يستفزني .. الطريق كله ..سيارات توصل يمنه ويسون هلو ..والجهال تكمز .وتركص .. وصلنه لبابهم ....ربي صبرك ..ياللهي احس روحي راح تطلع ..مني ..قبل لا ينزل ..جيت اكولة رجعني ..بس لزمت نفسي ..وسكتت..ماريد ابين اله اني مكسورة ومقهورة .. نزلت وياهم.... وبدة الرمي ..بس طبينه من اهله واصدقائه ..عبالك جبهه صارت ..طبينه ..رشا مكبعه ممبين منها شي .. اجه وكعد يمها .. ويبتسم ..ويحاجيها ويضحك ... طبو بس اهله ..رفع البركع عليها باسها من رايها ..والكل هلاهل ودكك وركص اني واكفه يم الباب .. اباع عليه كوة لازمه نفسي .. شكد اريد اكابر ساعه ..نص ساعه .. مداكدر احس ..اختنكت .... دورت ع سهام ..مشفتها ..ماعرف وينها .. فتت بينهم ..ادفع .. دورت ..شفت فاطمه جريتها .. برة ..كتلها اختنكت ..لحكيلي فدوة .. عزة بعينج ليش جيتي .. خلي ضياء يرجعني ....اوكفي ..هنا .. كمت اخذ شهيق وزفير ..اخذت ركن .. وحدة وكفت يمي ..شمالج خاله .. درت راسي عليها ... كتلها خاله حامل ..ونفسي كامت تلعب .. راحت جابت مي ..وجتي ... الحاله زادت اريد نفس ماكو ..انكطع عني وهوسه اخاف اوكع ماريد اوكع ويعرف انقهرت .. غسلت وجهي ..وشربت مي ... جتي فاطمه كالت يلا ..امشينا
