لأني إمرأة

part 11

سدته سهام ..كتلها يكول محلوة ..وضحكت .. كالت خايبه مو محلوة ..بس انتي حليتي بعينه بعد .. سهام اريدة الي بس .. خايبه العافيه درجات لو ما كطعان المهر جان خربتها ..انطي صبر . اووف..كلبي يوجعني .. دكومي ام كلبي يلا بدلي دنولي ورانه فرة .. هذاك اليوم ع الهدوم الحجي تخبل اي ..حبيبه هيج اريد تختارين الي .. تدللين حبي .. بس انتي هم اشتري شي ..الج ..عدج فلوس . اي عندي ... خوش ..يلا .. كمت بدلت ولبست عباية ..ونزلت..من دانزل دك الفون .. فهد ..اني اجاوب ماجاوب .. لا ماجاوبه يحرك بكلبي ..نسد ورد ..دك .. وصلت يم سهام ..كالت جاوبي شوفي شيريد منج ..اني مترددة ..ماعرف .. جاوبت .. الو .. هلا ليش ماتردين .. جنت دابدل .. هااا ..طلعتي لو لا .. هسة راح نطلع .. ولج ليله عيني عليج شعرة منج تطلع ..اطكج ..والله .. يعني شون اتبوش .. خوش فكرة ..البوشي شطلعت هاي ..لا عيني روح ع رشا بوشها هيه جديدة بعدها .. ليالي .. اني مو ليالي الف مرة اكولك ليال .. اي انتي الليالي مالتي الي ماتخلص .. فهد زعلانه منك ..وكلبي محروك.. وانه احبج .. سكتت .. هااا ..شو خنستي .. ماكو شي سهام صيحني .. عدج فلوس اي عندي ..عمي انطاني .. معليج بلحجي ..بعد انه انطيج ..يلا روحي جوي عالم وانه اتاخر لليل .اكو كاع دنبيعها .. زين ..فهد .. ختمه وسديته منه .. وطلعنه اني وسهام ..لسوك . اخذنه تكسي ..وصلنه للسوك ..بدينه نشتري شاخذ سهام تاخذ اني اخذت فرشه للجربايه ..وشموع معطرة كوة لكيتهن .واخذت سيتات ..احمر ..ووردي ..واخذت عطر ..وسهام تاخذ مثلي ..ضلت تضحك من عزة بعينج خبلتيني شنو هل سوالف .. عجبتني كلابية مصريه حلوة سودة مخططه باحمر ..وبيها فتحات جانبيه ..اخذت ..وحدة ..بعد فر السوك هلكت .. اخر شي وصلنه يم ابو فضيات حسبت فلوسي ..كافيه .. طبيت ..كتله اريد حلقة ..ع قياس اصبعي الجبيرة مرة كدرت محبس فهد ..واريد تكتب ليال وفهد ..وعجبني سلسلة وايه الكرسي بيها ..هم اخذتها سهام كالت ميلبس لا تشترين بس اني اصريت اخذهن .. اخذناها ورجعه للبيت ..تعبانين .. شفت حلا مكومه علية المواعين مال غدة .. بس سهام من شافتها هيج هجتهم وضلت تحجي .. كالت انه ركبت الغدة ..وليلة ..جلفت البيت ..هل حقارة شنو عايفات المواعين واحنه رادات من سوك.. جادلن بيناتهم ..بس انخرسو منها ..اني اصفن ع القوة الي بيها هيه ..محد يكدر الها ..كامن غسلو المواعين وصبونه غدة ..بين مابدلنه ..اكلنه بس سهام تاكل ودردم عليهن ..كملنة ..كمت غسلت المواعين ..وسويت جاي ..وكتلها راح اصعد ارتب ..غرفتي وغراضي .. صعدت ..طلعت الغراض صفطتتهم..و بدلت الفرشه .. ورتبت الشموع بلغرفه ... وحضرت الكلابيه ..البسها ..وطلعت وشم اخذته ..من ذاك اليوم ومسويته ..وحضرت غراض فهد .وعطرت الغرفه .. وبقيت مددة ..ساعه افرح وساعه انقهر .. جنت يوميه ادك ع امي ..كمت دكيت عليها .. وكالت بعد يومين محكمه ابوج ..ادعيلة اني فرحت وبقيت ادعي الله يسهل اله ... كملت من امي ..ماحسيت ع روحي غفيت ... احس سهام يمي ..تكولي كومي دنيا غروب ..كومي مايصلح وهاي شمسويه يامعزاية ..بلغرفه ..وشنو هلريحه من الدرج اشمها ..كومي ولج ..سولي مثلج .. اني كمت وبقيت اضحك .. كمت ..ونزلت وياها ..ورتب الغرفه الها بقى من الشموع عندي ..وضلت تضحك الحجي عباله احرك الغرفه هيج ولج خايبه ماشعلهن لا يحركونه الجهال .. كملت ..وكتلها اريد اسوي شي حلو ..لفهد ..خلي اسوي ترايفل ..سوي خيه سوي ..شعدنه احنه نضوك طلعت دزيت الجهال ..ع كاستر ومكسرات وجلي .. وكعدت سويته ..وخليته بلفريز ..بيومها شوو كباب برة .. صار الليل وفهد .ماكو ..بعد ماكملت صلاتي .. رحت سبحت ..ولبست الكلابيه ..جانت كلش حلوة ..عليه ..مكسمه ..ولايكه وي شعري .. صح وجهي بي زراك ..بس وخرته بلمكياج .. وطبعت ع جسمي تاتو وع رجلي .. ولبست جبه ..ونزلت .. انتظر فهد يجي .. خابرته .. ها فهد وين صرت .. جاي بلطريق ..حضري الحمام الي تعبان .. حضرت الحمام ... وهدومه اجه ..فهد سمعت حسه يسولف ويشاقه .. يمه ياربي شبي قلبي كام يرجف عبالك اول مرة اسمع حسة ....بس كلبي مقهور منه .. صعد فوك اني دانزل ..تلاكينه كال تعاي تعاي .. هااا ..شنو هاي بوجهج وتفرفين بلبيت .. شكو فهد مزوكه وتفرفرين .. كال وتالي وي حرك الدم مالتج .. ها ..انت من خوانك الي يحرمون عليه تغار واني من رشا لازم ماغار ..مو انت بشر واني حجر .. شون بيج وبلسانج ولج ..اكصه ..والله لا تخلين راسج براسي ..ليال.. غسلي وجهج ..ونزلي حضري العشا .. ماغسل وهدومك بلحمام .. ليال ..لا تخليني .. تقربت منه شاورته شنو ..تسوي بيه كولي .. كال ..اعوذ بالله منك ياشيطان ..روحي حضري العشا وخلي اتغوسل ... وضل يدردم ..عليه ويمشي .. نزلت حضرنه السفرة .. بين ماسبح ..ونزل وجوي الولد ..والحجي .. وكعدنه .ناكل ..وكل شويه يشاورني ويضحكني .. ويشاقيتي ..وحلا ..اشوفها راح اطك .. كملنه وحضرنه الجاي... قبل الجاي جبت الترايفل ..وقدمت للكل .. الحجي صاحني ع جهه .. طلع ضبه فلوس ..كال هاي بياضج .. اني مافهمت ..شي .. بس سهام كالت .اخذيها ..اني اخذتها ..منه .. وباسني من كصت .. كال اخذي بيها ..ذهب لروحج ... الكل عجبه ..الترايفل ..بس حلا تعيب .. خوش قاسم ردها ..كال خايبه سوي مثلها وراها عود عيبي .. انخرست ..بمكانها .. كملنه وصعدنه فوك ..اني وفهد واكيد صينيه الجاي ويانه ..موتني بيها .. اول ماطب صا ح الله الله شنو هلاجواء التركيه .. ولج شنو انتي اني مطنكرة وابسمر بي ع رشا.... واذكر حجي سهام واسكت .. نزعت الجبه..وكعدت صبيت الجاي .. فهد اباع عليه يريد ياكلني ..بعيونه .. ولج شطالعه اليوم .. كمر خوما كمر .. اني ساكته..وماجاوب .. كلي ليال .شوفي شكو بجيب الدشداشة ..طلعي .. كمت ..دورت شفت علبة .. كال جيبيها .. جبته وكعدت يمه .. واغطي بروحي الفتحات طويله يباع عليه ويضحك .. يكول لا تغطين يابنت العالم شمسويه ..مدككه روحج ..ولج من طركاعه عليج ..سودنتيني ..بهلسوالف .. كال فتحيها العلبه فتحتهتا ..شفت ..حلقه ..وكلادة..وتراجي .. اني كمت اكمز .. كال هذا بياضج ..مني .. حضنته .. كتله فدوة لعمرك ..هناك ..وغدبت ..وكعدت البس بيهم .. ذكرت ..هذيج العوبه هم لبسوها ذهب .. جبت العلبه ..نطيتها اله .. كال شنو هاي .. كتله شوفها ..انت .. فتحها ..وضل يكلب بيهن .. كال ..حلوات بس مالبس ..هيج انه ..ضحك كال خوب جيبي تراجي وياهن ..وطلعيني كيكي .. ضحكت ..جريت ايدة ولبسته الحلقة وشاورته ..كتله اذا تحبني صدك امانه ..لا تنزعها بيوم لحد ماموت .. وجريت السلسه ..لبستها الة .. كتله هذا كتاب الله . يحفظك من كل شر ويحفظك الي وحدي .. كال ليال ..انه احبج .. كتله بس انت مو الي وحدي .. ليال ..احبج .. كتلك ..فهد ان طبت ..رشا ام عطوب للبيت ماصير الك مرة..بعد .. ليال لا تعبيني ..كمت ..من يمه .. كام ورايه جرني .. كال تعاي بحضني .. مااه روح ع هذيج ..خليها بحضنك .. تعاي لا تعاندين .. مااه ..جرني وقربني الة .... وجر هدومي ..وكال غصب ماعليج انتي ..ملكي .. يابعد هلي وعشيرتي وديرتي .. انه احبج .. ورشا .. ولج انتي شني ماتفهمين ..جرني ..حيل ..وشك هدومي عليه ..وقرب شفايفه مني وباسني ..غصب ............................... كام من يمي ..كال ..مو كتلج انت ملك فهد يابعد روحه .. وصيري مهرة مطيعه ..لخيالج .. ياربي شسوي ويا ماريد تدخل بيناتنه ..هووف شسوي اني احبه ماريد اخسرهن احبه واحب كلشي بي ..كلامه شكله شعرة ..صوته ..كعدته ضحكته ..اوف ماتحمل يروح لغيري .. اجه ..كال ليال ..ع طاري الزعل .. باجر رشا معزمه يمنه .. كتله تشاقه .. لا وعيونج هذن الي عذبني ماشاقه .. كمت ..كتله لا تريد تموتني انت .. لا اكيد تموتني .. هوة يضحك ..واني اكمز .. ولج افهمي ..يابعد طوايفي ..ماترهم ..ارجع ..عيب .. هووف ياربي راح اموت وانت متحس بية .. ماعرف بيومها شون نمت من الحلج وهو بكل برود يجاوب ....طلع الصبح يمكن مانمته زين .. نزلت ركض ع سهام كلت ..الها... كالت ادري .. ااوووف ياربي ..فهد طلع لشغل ..واني حرت بلبيت والشغل وبالي يم رشا شسوي ..وياها .. شفتهم طبخو تمن ولحم ومركه ..علمود راح تجينه .. صار الظهر ..الكل التمو ع الغدة .. واجه فهد جايبه وجاي..اني اباع من بعيد ..عليهم .. ركضت صعدت فوك رتبت روحي وتكشخت وتعطرت ونزلت .. نزلت ..ع درج ..كلت عليمن اني هيج خانكه روحي .. الا احرك ..دمه مثل مايحرك ..دمي .. رجعت صعدت ..فتحت الكنتور ..اكلب بلهدوم .. شفت ..عندي ..دشداشه ولا لبستها لان فهد ميقبل ..يكول مغريه .. ..لونه احمر ..يصير من فوك حصر ..ومن جوة تنزل جرس وبيها ..شغل ذهبي .. لبستها وغيرت مكياجي ..احمر ..وذبيت شال ..وطالع شعري من ورة ..ورشيت عطر بعد ..ولبست شحاطه ..عاليه ونزلت .. طبيت سلمت .. وشفت فهد كاعد ورشا كاعدة .. شفت بيد فهد السبحه مالتي ..ضلت عيوني ع ايدة شفت الحلقه بعدها ..بس النار اكلتني اكل .. فهد رفع راسه ..ضل يباع عليه من فوك ليجوة .. وخنزر ..اني جيت سلمت ع رشا ..وبوستها .. عود خجلانه ام عطوب اوف لو بيدي اطلعج دفر .. اووف ياربي ..ضليت كاعدة الكل تباع عليه ..  سهام صاحتني .. رحت يمها كالت من نهجم بيتج شمسويه بروحج جنج عروس السبعه .. كتلها ضيم ضيم ..سهامه داموت نار ولج
طب فهد ..اني ..جفلت .. كال شمسويه بروحج ..وشنو هلبس .. سكتت .. كتله ..فهد ..لا تخليني اذب روحي ..من السطح .. ضحك ... جيت يمه ..فهد ارحمني دخيل الله .. ولج شكو .. شكو حترك ..جدي وتكول شكو .. كلها لسهام شوفيها عبالك منه بحجيها ...هههه يايمه شكد بارد .. ولج ليله ..قبل لا يجون الولد ..تبدلين هدومج هاي .. كتله مابدل .. عض اصبعه ..ولج انتي تحبين طك ..اذا تحبين يوميه اطكج .. جيت يمه ..قريب كتله كلشي منك احبة بس لا تروح يمها البسها .وضوجها ..هسة تبزع وتعوفك .. بله شحجي وياج هسة ..يامرة عقلي .. ماعقل .. سهام كالت يبووو وتالي وياكم ..خل نصب غدة .. العالم كتلها الجوع كتلة تكعد يمي والله ان شفتك بصفها ..لا اتخبل .. ليال ..اعقلي .. ماعقل ..اني مخبله ..واحبك ... جري عدل ليال ..لا طلعين ..خبالي .. اوف ياربي ..وعافني وراح .. صبينه الغدة .والخانم كاعدة بس ولا حاجها ..ابد .. جانت لابسه عبايه وجواها دشداشه الوان الدنيا كلها بيها ..وربطه ..خضرة يعني كرهت نفسي اذا هاي تنزل عليه .ضرة .اموت والله .. كعدنه ناكل فهد كعد يمي ..ورشا كعدت يم سهام .. كامت حلا كالت ..رشا كومي كعدي يم رجلج .. اني وكعت من ايدي اللكمه .. وهيه بكل صلافه ..جتي كعدت بصفه وتضحك بعد ماكدرت اكل ..وفهد بصفي يباع عليه ...وياكل .. جبرت نفسي لكمتين..وبقيت كاعدة .. دنج فهد ..كال شبيج ..ياكلبي .. كتله مابيه بس وديها كافي ازقنبت .. اندار عليه ..ويضحك .. يمه اروح فدوة لهل الضحكه ولهل الرصاعات..تاخذ روحي .. كملنه الاكل وشلناه ..وكامت ويانه رشا ..عود ام بيت وتساعد..ويانه ..وترتب .. محلوة مدري شونها وهوة جنه ..كمر ..كفر بي .. حلا رابطت وي رشا .وسهام تاشر الي تكولي شوفي شون اثنين اكولها فتهمت .. اجه الحجي ..والولد مطبو من يمنه .. من غير باب وكامت سهام تصب غدة الهم .. وكام فهد يم ..اخوانه ضلينه ..وحدنه بس نسوان .. فحلا كالت ..منورة البيت رشا .. اهلج شونهم .. كالت الحمدلله ..وتبتسم .. اوي عايشه اللحضه ..اني كبالها .. كالت ..حلا ..مضل شي ..وناخذج .. رشا...والله حلا ابوي ..كوة قبل ..بسرعه تعرفين انه مدللة عند اهلي ..ودارسه ولوما ..ابو عامر غالي مايقبل ابوي ينطيني ..لان مزوج ..ولو هيه مرته فصليه ..حتة عقد محكمه ماكو .. مامحسوبة مرة .. حلا كالت ..لا عاب حلكج .. وطكتها بضحكه ..اني صخنت .....وبس فاتحه عيني ماعرفت شجاوب ..وضلن يضحكن .. مرت حماي الثانيه اسمعها ..تحجي ع ..حلا .. تكولها استحي عاد الشيب طك ..براسج وكدرتج بس ع هلفقيرة ..خافي الله انتي هم عندج حريمات .. كمت ..وصعدت ..فوك ..بسرعه طبيت غرفتي ... وسديت ..الباب .. مثل المخبله اروح وارجع .. ربي ..ماكدر ماكدر .. بقيت بس ابجي ..انهاريت ..يعني بس اني كل شي حسرة عليه حتة الفرحه..كلمه ..فصليه ..طول العمر اسمعها .. شنو مو من حقي اعيش ...الوب وحدي .. اندكت الباب .. منو.. فهد كال انه ..ليال افتحي .. كمت .فتحتها .. شببج .. مابيه .. احجي منهو وياج .. ماكو فهد ... بس ماتحمل ..وكعت ..يم رجله ماتحمل اموت والله .. ولج شبيج كومي ..احجيلي منهو الي غثج لا ادوسه .. يعيروني فصليه .. منو .. حلا ورشا .. اسال فاطمه ..رشا تكول لوما ..ابو عامر عزيز ابويه مينطيني ..لفهد ..ولو هوة مرته فصليه ماتنحسب مرة .. كمت اضرب ع صدرة ..ولك اني مو مرة ..ليش فهد .. ليش ..انطيك ..روحي بس عوفها ....اروح فدوة الك عوفها جرني ..خله راسي ع صدرة ..وباسني من راسي .. كال انه ..اخذ حقج ليال ..تروح فدوة الج .. انه ..حزامج .. رفع راسي .. لا تبجين بابعد بيتي .. باعي علي .. ومسح دموعي .. مالج شغل ..انه احاجي الحجي ..واخلي ..نخلي حد .. وانه هم ماريد غيرج ....يغارن منج ..ياعمري لا تهمين روحج هلعيون حرام بيها البجي .. دفعني ..ع الجربايه .. فهد العالم ..جوة .. من انعل اولهم من تاليهم .. ولج ..ماتحمل كل شي بيج يثيرني حته بجيج ..ضحكتج نفسج ..ولج سودنتيني .. فهد ..كام يبوس بيه ويشمني من ركبتي .. ويلزم جسمي حيل بكل قوته ..ياذيني .. وكل ما ..اكول تاذيني يزيد .. واني هم اجاوبت ويا ...وغركت بحضنه ... ............................................ كام من يمي .جسمي يوجعني .. .اريد اعرف هذا ..رغبه لو حب .. الي بي هوة شنو .. نام بصفي ..طلع جكارة ودخن .. كال ليال .. احساسي وياج ماحاسة قبل وي مرة ..ابد ولا راح احسه .. وياخذ نفس ..ويذب دخانه .. اني ساكته .. هواي مرن نسوان علي ..بس ماشفت مثلج ابد .. تمنيت عرفتج بغير ..وكت ..وبغير ديرة ..وبغير زمان ليش فهد ..علمود فصليه .. سكت ..اخذ نفس .. كال ..لا .. ..كتله اي .. اضل عمري كله لازم خدامه ...مو وتزوج ثانيه وثالثه ورابعه ..وابقى اني ..فصليه مو .. ليال .. فهد ..تعبت وعيونك تعبت .. كام طفه الجكارة .. كال راح احجي وي الحجي .. واحل كلشي .. يلا كلبي ..كومي غسلي وبدلي ..هدومج..ولبسي شي معقول وتعاي جوة .. كام ..من يمي .. واني هم كمت ..اخذت هدوم وسبحت ورتبت ..روحي .. ونزلت .. شفت رشا مكلوبه ..خلقتها ..هيه وحلا.. وفهد ..يم ..الحجي .. جتي سهام شكو شصار ..كتلها بعدين اكولج .. كالت وين اخذتي الرجال وصعدتي وهاي ضلت عيونه تتكلب ..ههههههههه كتلها بعدين ..سهام اكولج .. ولج احجي ...كتلها هاي ..رشا تعيرني فصليه هيه وحلا .. شهكت كالت ايا مكاميع ..هاي من هسة طابة حاميه ..ام كصه ..تاليها شلون ... دقايق..وطلع....فهد كال .. كومي رشا ..اوديج لاهلج .. بس ضايج ..وعصبي .. ركضت عليه شبيك فهد ..سكت .. ماعرفت ليش ... كامت رشا وطلعو ... سمعت. الحجي يحجي بصوت عالي .. سهام طبت ركض عليه ...