ر يعني شنو ..ازوج .و.اني ماكله وحل ..وهوة يعوفني ويزوج ..مو اني بنت قلبه..وتربيته .. نزلت ع امي .. ماما سيف ..ازوج .. رفعت راسها عليه ..وندارت ..تطبخ .. ماما مو داحاجيج ..سيف ازوج .. ليال بنتي شلج بي بعد ..انتي ازوجتي ..ورجلج زين وياج ..واكفه تسالين عليه .. عزة بعيني عزةة.يازين ويارجال هذا ..تحجي وي روحي جاوبي ازوج .. لا ... لعد شنو ..احجي .. خطب ..وكطع مهر .. يايمه ..احس واحد ذبحني ..اي ..منو هاي .. ماعرف ويا بلكليه ..اني من السالفه الي صارت لا طبيت الهم ولا حاجيتهم ..بس بيت عمج كالو خطب وراح يزوج ..من يكمل كليه .. ماعرف شسوي.لو بيدي ادك بابهم .. واكوله ولك ليش ليش ... وينه حبك ..وينه كلامك ..ودموعك واني واني .. اني زماله صدكت بية .المفروض من سالفه السفر ..ماصدك بي ولا امن اله ..واني ع شنو ..انقهر ..شبيه ياربي ..هوة مو نفسه باجر اخذج وتاليه امه جتي ..ترعد علينه وخزتني ..بس موبيدي ..ماكدر ..ضليت ..الوب .. واحلج ..خاف قليل ..ضيمي .. كل شويه امد راسي اتمنى اشوفه .. واكف او راجع من دوامه .. بقيت ع هلحال ..الوب ع سيف وممصدكه و عمامي ..جوي بس لا طلعت ولا حجيت .. مرتين يجون امي تتعذر الهم تكول ..نايمه تعبانه .. حتى نسوانهم من يجون ماطلع الهم .. جيرانه الي ..بنتهم ماتت..شالو من يمنه ..لان البيت ..نحس وفكر توهم كاعدين بي وباعو ...من ورة الحادث هاي الفترة كلها الي بقيت بيها اني مرتاحه ..من فهد وهمه .. وحايرة بهم سيف .. فديوم الظهر ...الجهال راحو يشترون .. واني وكفت برة اباع عليهم .. شفت واحد ..وي بنيه يمشي ..من بعيداريد يوصل يمي ..حتى مشيته مثل سيف اباع ..زين هوة لو لا ..هوة هم من بعيد يباع عليه .. وصل قريب ..شفته هوة ..ووحدة ..كايدة ويمشي ..اني عيني منزلت منه ..ولا ارادي دموعي نزلت ....ضلت عيني عليه لحج ماجتازني ..وراح يم بيتهم ..طب ..جوة .. طبت ..الي وياه وضل واكف يباع عليه .. اني جنت ..مشتاقه لشوفته ..ردت اشبع منه ..ردت يعوفها ويكول هاي جبيبتي من الصغر ..ياما ..كعدنه وسولفنه وضحكنه ..ياما جنه نحلم ..اني وياها .. ..هلشارع ..شهد ..علينه بكل شي حبنه زعلنه ..قهرنه .. هيج سيف عفتني ورحت لغيري..ولك غيرك مالزم شعرة مني ..ولك ..بحضنه وانت افكر بيك .. عيوني كامت تحجي اله .. عافني وطب ..واني بقيت ع وكفتي طلعو الجهال طابين للبيت ..واني سارحه بقهري .. بقيت واكفه اكول هسة يجي ..هسة يحاجيني .. صاحتني امي .. عفيه دموع ..صارت ..خليله ..الي عشيقه ..مفاركتني من يوم العرس المشؤم ..تعبت ياربي .. طبيت للبيت .. امي كالت ها شفتي .. هزيت براسي ..اي ..ورحت حضنتها ..وضليت ابجي ع حظي الدنيا لعبت بيه لعب ..ترة عمري 18يادنيا ع كيف ويايه ..اني مو ..حجر ..ماتحمل منا فهد ومنا سيف وابويه وامي..يعني تمنيت الموت ..واخلص... بقيت ..بامل سيف يدك عليه ..جنت اغالط نفسي..واكول امه جبرته ..وساعه اكول لا ..مينجبر .. حسيت راح اموت من همي ...صدك راح اموت .. من ساعه السودة ..من سموني ليال ..الليل كله مانامه .. ومخنوكه ..وابجي ....لا دمع بقى ..من يبجي واون .. وكلما يجي اسمة ع بالي ..احن ..واعرف اني مو اباله ..ولا اجي بفكرة اصلا .. مرن ..يومين..واتصلت بية سهام ..سلمت ..عليه .. وكالت الحجي باجر ..جايج .. حضري روحج اني مكلت شي .. تبنج عقلي من القهر ..كتلها انتظرة .. ميهم بعد ..بعد بعد يادنيا بعد .. لا انام ..الليل والدمعه ..صارت ..ويايه شراكه .. كلت لامي ..وكتلها اضل اروح وارجع ..لا تفكرين بيه .. مرتاحة هناك .. امي ..اصرت عليه ..تاخذني صالون .. وترتبني .. مقبلت اني بس ..تلح .. رحت وياها .. اني شعري طويل جوة ..خصري بهوايه .. مقبلت لا اكصه ..ولا العب بلونه .. بس شفت وحدة من الصور.. مسويه اطرافه ..احمر بنفسجي .. عجبني ..سويته .. ورتبت ..روحي .. من طلعنه ..من الصالون ..اني عندي كومه فلوس من الاسبوعيه ..والي عمي انطاها الي ..ولو امي مقبلت اصرف منهن بس ..اعرف ماعدها خليتها تصرف هيه ..وكلت قبل لا اروح انطيها الها الفلوس ..كافي المحامي والفصل الي كسر ضهرهم كسر .. من طلعنه شفت ..تراكات حلوة عجبتني اخذتها ..فامي جرت دشداشه مال نوم كالت هاي حلوة اخذيها .. اني مكسرت بخاطرها اخذتها ..وهيه حلوة ..سودة وبيها ..جلد نمر ..كملت وطلعت ..شفت دشاديش ..اخذت لسهام ..وحدة ..وللحجيه جبت قطعه اقماش..نيلي .. لان متلبس غير هلون ..وجبت قراريص وهلسوالف للجهال .. ضلينه نفتر بسوك ..وادور شي للحجي حلو .. اخر شي شفت ..سبح حلوة .. واكدر ..اسوي عليها اسامي .. فوصيت ..للشيخ ..وكتله اكتب ابو عامر .. امي كالت ..سوي لرجلج .. مكدرت اكول لا ..هم سويت ..وحدة ..عليها اسمه ..فهد .. كال باجر ..تعاي اخذيهن .. بس فهد موجودة ..ابو عامر ماكو .. ضليت اتوسل بي لليل ..واجي ....لان مسافرة ..باجر قبل ....ورجعت للبيت ..سبحت ..ولبست تراك جديد ..شويه ارتاحيت من غيرت بنفسي .. واجتي يمي ..اختي ..وبقينه سوالف ...بليل ..دزيت رجل اختي وراح ..جاب الي السبحه ..الغراض كلها ..لميتها ..بلجنطه وحضرت روحي ..ع باجر .. بس كلما اذكر اختنك .. واحاول كدام امي مابين هلشي .. لان تنقهر وهيه صاحبه مرض .. بليل اجه خالي يمنة.. اخذته ع جهه..بوسته وكتله خالو لا تعوفني ..ابد .. ضرب ع صدرة وكال ..كل شهر ويمج واضل اخابر ..ع ابو عامر..بس انتي فكيها وياهم ..لا ضلين تتحسسين منهم ذولي صارو اهلج ..ليال ..بنيتي هذا رجلج وهذا بيتج .. اني اخذت بحجايته وحجايه سهام .. وكطعت كل امل بسيف .. وكلت اشوف الله شكاتبلي وياهم .. بقينه ..للفجر سهرانين .... وكلما ..يمر ع بالي باجر ارجع اختنك ... رحت لفراشي ..نمت وسلمت امري لله ..هوة احن من الكل عليه ..ثاني يوم .. كعدت تريكت ..وي امي ..والجهال ..وجان خالو موجود .. بس اذا..واحد يطخني ابجي بقيت كوة مكابرة ولازمه نفسي ..خابرت سهام كالت جايج ..حضري نفسج .. كلت لامي وحضرت ..روحي ..تمنيت اشوف ابويه بهلفترة بس مار همت ..بس كتبت اله رساله وامنت خالي يوصلها اله ..نص ساعه ..واجه ..عمي وسهام ..بسيارة .. اله ..نص ساعه ..واجه ..عمي وسهام ..بسيارة .. واكفين ..امي من شافت هيج ..طلعت عليهم .. مقهورة ..طببتهم تعذرو ..الطريق بعيد... جوي بشغله .وجوني ... خالي جان بعدة طلع .. ..وطببهم للبيت .. اني ارتاحيت ..راح ابقى ..بعد .. كمت ركض حضرت الهم غدة لان اعرف من وكت يتغدون واعرف شيحبون ..تمن ولحم تمن ودجاج .. سوينه تمن ودجاج وسوب وروبه وخضرة وزلاطه ..وخبز ..ومركه ..هم ..خير من الله ..وطلع عمي سامع اجه وشايل بايدة سمجه شكبره ..اني من شفته جيت اطب جوة بس انجبرت بقيت ..وسلمت عليه .. وحضرنه السفرة ..الحمدلله ..السفرة انترست .. وكعدنه كلنه اكلنه .. وكملنه جاي ..وفواكه والحجي كال يلا ..بعد ميضل وكت ..امي ضلت تحجي وي الحجي وتوصي بي ..عليه الف يمين ذبت عليه ... ويكولها بعيوني ..بتنه هاي لا تحسبين ابد .. سلمت ع اهلي وطلعت .. وهم رجع احساس الغربه والخوف بيه .. والطريق كله ارجف ..من القهر ..ساعه اغفه وساعه افز .. لحد ماوصلنه ..بليل
..نزلت ونزلت غراضي وذبيت حمولي ع رب العالمين ..ميهمني بعد شيصير خلي يصير .. صح مقهورة بس هاي حياتي ولازم ارضه بيها .. طبيت ..جوة تلكوني الجهال ..وبوستهم وكتلهم جبتلكم اشياء حلوة ..رغم مامتاذايه بهذا البيت بس حسيت ..بي ..من رجعت ..شي تعلمت عليه وع هوستهم ..وحجيهم .. اسلم عليهم وعيوني ادور ..ع فهد ..خايفه منه .. هسة ..يكول..ليالي ..بصوتة ..القوي ..والخشن .. طبيت رحت بوست الحجيه ..والبنات ..هم .. وسالت ع فهد ..كالو طالع .... ارتاحيت ..صعدت فوك ..طلعت الصوغه .. وامي خلتلي كم شغله ..من الواجب الي جايبي الها .. حتى ارضي الكل .. وفتحت الكنتور حايرة شلبس .. وانزل بي ..طلعت..دشداشه فانيلا ..لونها مشمشي .. لبستها ..وذبيت شال ..ع راسي ..واخذت الغراض..وفتحت باب الغرفه ..دانزل ..رجعت طلعت السبح .. وجبت عطر ..عندي ..ماركه ..وميروح ..عطرتهن ..ورجعتهن .. ونزلت ... طبيت للصاله شفت ..فهد ..كاعد يم امه وكلها ملتمه وكاعدة ..ديحضرون عشا ..بس بعدهم مصابين .. سلمت السلام عليكم .. ردو السلام ..وكعدت ..فرحانه بلغراض الي جبتها .. وحاولت اتلافه نضرات فهد .. من داطلع الغراض ..اول شي ..القطعه مال حجيه .. طلعتها وكمت .. كال ..اني مو كتلكم ..ماريدها ..هلفصليه ليش جبتوها .. بعد كم يوم وتجي مرتي .. كملت مشيتي ..رحت يم الحجيه ..كتلها يمه ..هاي الج .واسفه من التقصير ..بوستني ..وشكرت مني .. الحجي اسمعه يحجي ع فهد ..يكوله اسكت... مهتميت اله ..ولا لكلامه .. رحت طلعت السبح .. عزلت مال ..حجي ع مال ..فهد .. كمت ع الحجي ..نطيته ..العلبة ..الكل يباع عليه مستغرب .. كتله هاي ابسط شي اقدمه الك ..شكرا حجي .. شدتحجين ليالي ..انتي بنيتنه ..ووحدة منه .. وشكر ..مني .. ورجعت مشيت بجهه فهد ..ضل يباع عليه .. ممتوقع اجيبله شي .. وصلت يمه ..كتله ..بصوت ناصي ..يابن الشيخ ..هاي هديه بسيطه ..من الفصليه ..وخليتها بحضنه .. ضل صافن ..عليه .. وكعجت ..بلكاع اطلع بلغراض ..وانطي للبنات .. والجهال التمو ..عليه انطيتهم .. بقت مال سهام ..كلت وحدها انطيها ..الها .. الكل شكرو ..مني ممتوقعين اجيب شي ..او ارجع وياهم .. صبو عشا ..وكعدنه ناكل ..الشيخ كلش عجبته السبحه .. وضلت بايدة ....اما فهد بقاها ع ..الطبله مشالها ولافتحها .. تعشينه وكملنه ..وكمت وياهم ..بلمطبخ ..وخرت الشال .. وشافو شعري ..شون صابغته .ومسرحته.ومرتبته ..تخبلو ..وكابلوني يردون مثلة....وضلو يتوسلون بيه ..سوي النه كتلهم ماعرف بس مكياج اعرف صبغ ..هيج ماكدر ..اكدر صبغ عادي .. ضلو يكولون اي عفيه ع الكعدة سوي النه .. والكعدة ..اني مافهمت شي .. وسهام ..واكفه تسوي ..جاي .. رحت يمها ..كتلها ..سهام ..حبي زعلانه مني مو .. كالت ..لا ..بس مقهورة عليج .. كتلها تعلمت ..عادي ..شفتي شحجة .. كالت ..لا خيه مو هاي ..فهد خطب ...والخميس الجاي الكعدة مالته .. كتلها ..شنو .. كالت لا شنو ومنو ..هيج احسن وكله من وراج .. اني صح ماحبه بس انقهرت كلش ماعرف ليش احس..نار كبت بيه ..ضليت ..احجي وي سهام وكتلها .. صبي الهم ..وتعاي فوك انتظرج احاجيج .. صعدت .فوك ..يمه احس جسمي فور ..مو هم لا ماعرف شنو ..يعني احساس غريب .. سيف من عرفت خاطب انقهرت .. فهد لا ..حسيت ..بغصه وبغيرة ..يمكن ..مادري ليش .. طلعت غراضها ..وضفت عليها ..دشداشه مال نوم ..جديدةة امي ماخذتها الي .. صعدت يمي جايبه الجاي .. كالت كعدي خيه ..اكعدي ..الضرة مرة ..عيوني .. وانتي مو صاحبه طويله ..وهنا يمنه ..مو مثلج نازكات ..ويكضنها بجي ..والله تحطج وتكتلتج .. اني ..كامت ايدي ترجف .. طلعت غراضها ..ونطيتها الها .. ايا ملعونه ..كلت للكل جابت ..فد الي لا .. كتلها والله انسة الكل وبس انتي اذكرج .. كالت ..فدوة لعمرج ..اخيتي انتي ..بس سبحه الحجي تخبل من ترحين النوب ..اريد ..مثلها ..لابوي .. كتلها تدللين .. كتتلها كوليلي مين ..هاي الي خطبتوها .. كالت منا ..من السوك ..معارف .. اي وشوكت يزوج .. ماعرف بس الكعدة الخميس .نيشان ..ونكطع مهر .. اهاااا جيد .. اي خايبه .. شكد ردت وحجيت محد سمع الي ..هذا راسه يابس .. وضل يلوب ع عمرة ..وانتي فاهيه بس تبجين ..بح ..طار الرجال منج .. بلعافيه ع رشا .. رشا منو.. العروس .. اي شكو بيها بلخير عليهم .. وضلي انتي ..تكرضمي وحدج ..وبعد كم يوم تصير الكل بلكل وانتي لا حصلتي. رجال ولا اهل ..ليالي عيوني الرجال يحب المرة ..القوية وخاصتا ولدنه مايحبون الي تبجبج ..والله ..اخذيها مني ةفهد خوش وليد وابن شيوخ ..ومرتب وحلو ..كسبي ..بلكي هاي ام كصه ماتصير خطبتها ..وتتفلش ..ولا ضلين ..تكابرين .. انتي مو شوفي ويايه .. اشوف ..بس انتي حاولتي ويا تقربتي اله ..تدرين بيوم الي رحتي ..ضل مهموم وضايج ومن عرف راح نجيبج فرح بس هوة هيج ..يحب يغثج ..اسمعي مني .. هسة الكعدة الخميس ..تعاي ورتبي روحج.. لا ماجي .. ضلي ..ثولة..تعاي والبسي احلى شي ..ولج داهري .
