.. بقيت ..افكر بكلام سهام .. صفنت ..صح كلامها احسن وحدة بلجناين هيه ..وتكول اني هديه ...اي اني هم جافه ويا .. خلي شويه افك ..واكسبه الي اصحي ليال ..شتكسبي ميستاهلج هذا نسيتي سيف .. اكيد ينتظرج...وباجر خالو يطلعني ..منا .وارجع لسيف. بس شكد عيب من الحجي شيكول عني هسه .اوف.. شيريد يكول خلي يكول كلبي فاض منهم .. ياربي .. ضليت اتكلب بلفراش .. طب فهد .. اني غطيت راسي .. ذب هدومه .... كال كشفي وجهج احاجيج ... اني بقيت ضامه راسي .. مو داحاجيج ... شتريد .. اهااا لسانج طولان .....سمعي ولج لا عبالج اخوي حاجاج ..وطلع لسانج..لا والله ادوسج برجلي .. اني فزيت من فراشي .. انت شتريد مني ... ماريد شي ..بس اكولج ...كلام اخوي ..مياكل يمي .. انت الي تريدة شنو فهد .. والله ياليالي .. اني مو ليالي ..ليال .. عادي ..بس حبيت اكولج لا تنفخين ريشج .. مانافخه شي ..واني فصليه ..شنفخ .. تدلل..هسة اريد انام .. اني منعسان ..واريد عشا.. اي .. وجعي شنو اي ..فزي ..وديلي ...لهنا عشا .. ومن شوكت تاكل من ايدي مواني فصليه .. دكومي عيني ..روحي عاتبي عمامج ..الزلم .وراها تعاي حاجيني .... اشكرك يابن العالم ..انت تعيرني ..بيك ترة ..اني منك ..وباسمك..مو بس اهلي هسة تدلل..نزلت .. شفت سهام بلمطبخ ..كالت بشري .. شكو .. كالت صار ساعه احاجي ياثولة.... هسة يعدل وياج انتي هم كبري عقلج كتلها يريد عشا ..مني .. يالله ..بدت .. شبدت صيري فهيمه ..وداري رجلج .. كلت بكلبي باع هاي .. عبالها ..يريدني لو تدري شكال ع الحجي كتلها شسوي شيحب .. يمه بدة الحب .. خرب ياحب لا يشمر الصينيه بوجهي ... حبي سويله بتيته .و.هاي كبه ..وزلاطه .. والخبز بلجدر .. اني اصعد يم الحجي .. اوك حبيبتي اخذي راحتج ..اريد اكولها حاجيت خالي واتردد ..شسوي يالله .. خاف خالي يسوي شي باجر ..لا ماتوقع الي شمرني هيج يحن ..عليه .. كمت احضر بلعشا ..والصينيه ..اخذته وصعدت فوك .. بس اول مرة يدزني ع شي ..حسيت احساس حلو ولو كارهته اني ..بس حسيت بي ..مو مجرد مكفخه اله .. صعدت ..وكفت بلباب .. اطب ماطب ..يا شجاج يالله .. طبيت ..مدد بلكاع ..وبس بشورت ..ويباع تلفيزيون جيت حطيت الصينيه يمه .. ورجعت للفراش .. بدة ياكل ..اني عيوني كل شويه تروح عليه .. ياربي شجاني هذا كلام سهام فر راسي فر.. كال تعاي اكلي لا ماريد .. بكيفج .. اني هم درت راسي ..وداحاول انوم بروحي .. يبوو شسوة بيه كلام سهام ..و واني شجاني وافكر بي .. درت وجهي ..بعدة ..ياكل ويضحك .ع الفلم .. نتبهت عندة رصعات ..وشكله حلو.. الظاهر مخفف لحيته وبينت ..رصعاته اندار. عليه كال..كملت ..اكلي .. اي كمت ..اخذت الصينيه .. نزلتها وشطفت المواعين وكترتهن ..وصعدت ..فوك .. مطفي الاضويه ..ومدد..بلكاع .. اني هم صعدت ..ع فراشي ونمت .. حسيت رمي ..قوي ..فتحت عيوني ضلمه .. جريت الفون ضويت ..شفته ماكو بفراشه .. كمت ..فتحت الضوة .. دافتح الباب هوة فتحها فزيت .. كتله شكو .. كال شهيد ..جايبين ..شيخلصها اليوم .. الله يرحمه .. نامي ..ماكو شي .. اي ..شربت مي ..وكلما انام افز ..برمي ..واتكلب اخاف من الرمي ادري جنازة ماتخلص.. كال شبيج رحمه لاهلج صرعتيني ..كل شويع تتكلبين جنج ..تمساح وصايدلة صيدة .. اني ضحكت ع التشبية .. كتلة لا ماكو شي بس ..طار نوم عيني .. لا يالحضريه ..تخافين مو .. لا ماخاف ..اني .كلت بكلبي هنوب حضريه ..علية .. هاي شنو .. هنوب الرمي زاد ..ضليت ارجف احسها راح طب طلقه علينه .. كام كال ليالي لو تنامين ..لو تكعدين راح اربطج ماكدر انام ..جاوبته وسنوني تصك..ماكو شي .بس يا ماكو شي ياحضريه ويضحك ..شو ادني ..لا تخافين اني يمج .. غمضت عيوني ع كلمته لا تخافين اني يمج .. الف احساس بيها يمكن حسيت بامان .. اول مرة بحياتي رجال ينام يمي .وهيج قريب عليه .. اني بعدت روحي وماكتله لا تنام ..يمي كلما يصير رمي اتقرب .. شي بداخلي يريد يروح يمة.. شي ماحسة بي قبل .. تقربت منه .اكثر..صار صدرة يم راسي ..ماحسيت بعد رمي او لا ..حسيت الصبح اني نايمه ع جهه وهوة حاضني بايدة ..ورجله فوك رجلي .. اريد اتحرك اجر نفسي كوة جريتها .. كمت ساعه 7.. اني الليل كله منمته زين من القلق والمشكله ..والرمي نزلت ..يمكن حسيت بي حن . شفت البنات كاعدات بس سهام بعدها الوجوة مجفايه عليه ..صبحت وكعدت اعاونهن .. هناك واجت سهام.... ها ولج ..بشري .. شبشر .كالت ..باع الابتسامه .. ههه لا ماكو شي والله .. متاكدة .. اي حبي .. يلا ..دنكمل ريوك .. اباع عليها ..لازمه كلشي وهيه ام البيت ..ولا عبالك غيرها جناين بلبيت ..بس هيه ..بلبيت تحكم ..بس مو هاي الحياه الي حلمت ..بيها ..بيت بنص مزرعه ..وعوائل هوايه ..بيت واحد .احلامي تختلف جانت .. .كملنه الريوك ..ورحنه رتبنه .. السفرة ..جان فهد كاعد .. كعدو الكل اني ..اخذت ماعون ..ورحت للمطبخ اكل الحجي ..صاح ..ليالي تعاي يمنة ..اكلي .. كتله لا عمي ..كال تعالي ....هنا كعدت .. اندارت عليه سهام ..كالت يمعزايه شحاجيه انتي وشمسويه ..ولج .. كتلها محجيت بس الحق.. صخام بوجهج شسويتي ..شراح يفضها هسة .. اسمع خالي يكول .. الي انطيناه الكم ..قبل اشهر ..جاي اردة ..والي تريدو حاضر اني .. الحجي ..يكوله ليش شصار ..يابو احمد .. كله لا مصار شي ..بس عمامها من انطوكم مرة ..لان انتو تربات عشاير ..وزلم تخاف الله ..مامرجيه منكم هاي .. خيالكم وي كل ...حجاية يعيرها بفصليه ..ليش عمي ..ماعدها اهل ..ماعدها زلم ....اذا ..عمامها موخوش ..انه ..خالها ..واتكفلها ..والتردو من هلركبه .. الظاهر قدموله شي.. كال تحرم عليه كهوتكم ودلتكم ....وطبه ديوانكم اذا ..ماترجع بنيتنه ..الفصليه مو خيالنه ..؟ الحجي ..ضل يكوله مفتهم غلط ..ابو احمد متطلع العيبه منه ..واحنه اهل .. اني اسمع وارجف ..سهام ..كامت تضرب ع وجهها ..ولج خالج شديسوي .. سمعت الباب انفتحت الثانيه .. ركضت ..سهام واني وراها . فهد ركض ..لغرفه الحجيه ..طبينه وراه ..فتح الكنتور وطلع اسلاح ....كال اني مو خيال ..واحنه مو خوش اوادم مو ..سهام نامت عليه فدوة الطولك لا تخزينه..وضل يحجي عليه ويسب بيه .. وضل يتوعد ..الا اكسرج ..اي فصليه ..انتي ...وعمامج شمروج شمر علية .. دفعتني طلعتني ..سهام .... شفت ..الحجي جاي ...كال بنيتي حضري هدومج .. اني سويت ..الدرج كمزة وحدة وارجف .. لميتهن بسرعه .. ونزلت بنزلتي شفت الحجي وفهد وسهام واكفين .. اني دنجت ..صاحني .. الحجي ..ليالي تعاي .. جيت يمه ..نعم عمي .. مد ايدة بجيبه ..طلع ..ضبه فلوس حطها بايدي .. ماقبلت شمرها عليه شمر.. من فرحتي..راح اطلع حضنته ..كتله الله يوفقك حجي .. وبوست سهام ..وتعذرت منها ..اباع ع فهد فهدعيونه بيها غضب ..وتحدي ..يعني اخاف اباع عليه رغم ماهوة شكله كلش حلو .... سلمت عليهم ..وتعذرت منهم ..وطلعت باب الاستقبال .. داطلع ..حسيت انجريت ..من ايدي انداريت ..شفت ..فهد .. وسهام تكول ..فهد ..عوفها ..فهد .. كال لا وروح ابويه بس احاجيها .. كال يافصلية..توني بديت وياج مخلصت ترة..خوش .. اني ضليت فاتحه عيوني عليه .. عصر ايدي عصر .. هدني .. وطلعت ..اتلفت اباع عليه .وافرك بايدي اذاني ضل .واكف ..بركن الباب يباع عليه .. جيت اعثر واوكع كد مايخوف .. اووف ربي كمت احسب الخطوات ..وصلت يم خالي ..حضنته وبوسته وضليت اباع ع فهد ..نفس وكفته ..لحد ماطلعت من الباب ..وركض صعدت بسيارة .. كعدت .....خالي رفع ايدة سلم .عليهم ..واجاني .. كلبي يرجف فهد يخوف ..خفت لا يرمينه .. صعد خالو .. كتلة فدوة طلعني .. شبيج ..طلعني منا .. شغل وطلعنه ..ضليت ..كل شويه اندار .. هوووف ياربي معقوله خلصت .. عبالك واحد ..طلع من السجن .. لا ياسجن ..طلعت من كبر ..يخنك .. مشينه مسافه ..وكل شويه اندار .. لحد ماصرنه بعيدين .. طكيت بجي .. خالو شبيج ..تبجين .. اريد احجي ماكدر ..كمت اشهك ..شهك .. كتله وكفنه .. وكف السيارة ..وكفنه نزلت ..ضليت اشتم هوى ..بقيت..اخذ نفس .. غسلت وجهي..شربت مي ..ارتاحيت شويه ..وخالي يلوب يكول متكوليلي شسووالج ..شبيج ..خالو شجره عليج .. رجعت كعدت بسيارة .. الطريق كله احجيله لخالي ع الصار بيه .. ويسمعني ....عمامج ليال والله مو انه.. ماحجي بس شوفي حال امج ..مو خوش عمام مصلحه من ابوج وفلوسه وخيرة موجود فوك راسه هسه الكل اتكتر منها وعاف كلشي ووكعت براس ابوج المكرود شبيها .. مابيها بس تعبانه ..وابوج سالفته طولت ..مدتصعد اوراقه ..كلما توصل تطلع سالفه ..وامج بينج وبين ابوج .. خالو لاتكولين شي الها ترة تموت .. لا خالو ماحجي والله .. ها بس اعجبج خوش ..حجي حجيت وياهم .. فدوة لعمرك .خالي مانسى ..وكفتك هاي .. شعبالج لعد بعد ..شحدة الي يحجي عليج ..منا وغاد يحسبولج الف حساب .. اني انداريت علية..كتله ماكو جاي بعد .. لا خالو جبتج خطار ..اني .. باعي ارتاحي منهم..يم اهلج ..هسة...الحجي مقبل ..كال انطيها الك خطار غيرها لا ماعندك يمي مرة .. اني ماعرف شكول ....شحجي ..يعني ..هاي اجازة .. وراح ارجع للجحيم .. بقيت الطريق كله ساكته ..واباع ..من الجامه .. رجعت اختنكت .. وصلنه ..لبيتنه ...اوف يمه ريحه بيتنه اشمها من. راس الشارع ..طبينه للفرع ..وصلنه لبيت سيف ..ضلت عيوني ع الباب ..تمنيت اشوفه واكوله رجعت ..سيف رجعت .. بس بابهم مسدودة..خالي بس وكف السيارة عفت غراضي ونزلت ركض مثل الجاهل الي مضيع امه ..ع صرخه وحدة مااامااا...وطبيت للمطبخ ..شفتها ع كعدتها بلكاع .. تباع عليه بين الي مصدكه وبين لا ..ضليت احضن وابوس بيها ..وهيه تبجي ....وتبوس ..بيه وتحاجي خالي .. تكوله جبتها ..من فدوة لعينك .. كعدت يمها ..وضليت اشم بيها ..وابوس باديها .. كعدت ارتاحيت ..جوي اخواني بوستهم ..اووف ربي شكد مشتاقه ..لبيتي احس الروح رجعت اليه ..رجع الهوى ..بريتي ..رجع النفس .. اووف ياربي .. سالت ع اختي ..وابوية ..وكعدت تسولفلي ..هيفين حامل .. وابويه ..سالفته اطول ..وتعرقلت ... بقى سيف ..اريد بس ..شويهتفرغ امي ..داروح احاجيها ..واسالها ع سيف .. شصار منه ..كلبي نار عليه .. بيومها التهيت ..بامي ..بس كلما اصفن يجي ع بالي سيف ....العصر جتي اختي يمي ..وضلينه سوالف للصبح ..اشوفه ..شون مرتاحه وي رجلها ..وتحجيلي شون مداريها ..وكلما يسالوني ع فهد ..اغلس واكول مرتاحه عادي شريد احجي شريد اكول .. ثاني يوم ..راحت اختي وبقينه اني وامي بلبيت .. شويه شويه سالتها ع سيف ... اشوفها ..تغلس وتغير بلموضوع كلما اسالها .. كالت عمامج جاين ..يشوفوج .. كتلها ماطلع ولا اشوفهم .. لا ماما عيب .. ماما اذا اجوي ماطلع .. لا عيب ولا شي ..ماطلع وعساها بختهم واحد واحد .. من شمروني هلشمرة وضلموني وحرموني منج ..ومن كلش ماما ..ماطلع الهم .. وعفتها وصعدت افكر بسيف شلون راح اوصل اله .. انتظر امي تنام واروح ادك بابهم ..واحاجي .. لا امه تشهرني .. شسوي ..صعدو الجهال يمي يلعبون .. صحت ..اخويه .. كتله ازاد ..بيت ام سيف صديقتي شلونها .. كال زينين ..وذاك اليوم ..يم بابهم شكد ركصنه .. ليش حبيبي .. مو عمو سيف راح يزوج ... ليش حبيبي .. مو عمو سيف راح يزوج ...وجان لابس قاط .. وخاله..ام سيف تهلهل ..وشغلو اغاني ..ووزعو جكليت ....وكمنه نركص .. اني ..انصدمت ..بكلامه .. شنو ..يعني جاب عروس للبيت.. لا ليوله ..بس ..لابس قاط ..شنو شنو اوكفي ..افكر .. كتله ..خطابه ايييي..يكولون عمامه هواي والشارع يكصونه ..ويحجيلي ويركص .. اي ليوله ..عروسه ..وعريس..
