من طلع فهد وسهام ركضت يم الحجي ..رحت كعدت ع الدرج يصير مقابيل الباب .مال ديوان اريد اسمع شي .. اسمع سهام تكوله استهدي برحمانك حجي حشاك محشوم اني بس التلفت.... هوسة الجهال مخلتني اسمع شي .. عيني ع باب الديوان شوكت تنفتح .. جتي يمي حلا ..كالت ..مفننه ..حركتيها مو ؟.انداريت عليها وباوعت .. كلت الها سؤال اني بشنو ضارتج وهيج كارهتني .. سكتت ..كالت فصليه وسوج مرة براسنه .. جاوبتها استغفر الله ..فدوة لطولج روحي واشرت بايدي روحي كلبي خلصان .. كالت من عساج كلبج .خلصنه منج .. غمضت عيني واخذت نفس ..كتلها الله يعينج ..الي بيج ميخليج .. دارت وجهها شنو .. شنو شنو شبيج لا عبالج فقيرة بس اني احترم ..ومخليه قدر لشيباتج ....حلا كبت نار .. وكامت تكمز بتك رجل ....وكالت انه الج يامكطمه وراحت .... دروحي ..من عابت الج . ياربي الوب ..شون فهد تاخر ..اوف ياربي شصار .. طالع الحجي سويت روحي ..داعدل بهدومي .. باوع عليه ..كمت اني سلمت عليه ..الله يساعدك عمي .. جاوب ..هلا ليالي ..بس مو مثل كل مرة .. طلعت سهام ..وراه ولامه الكلاصات .. كتلها سهام ..جيبي عنج .. طب ..فهد سمعت صوته يعيط ع الجهال .. شافني وشاف الحجي ..صعد فهد .. الحجي من شافه ..كله ..طايح الحظ قطرة احترام ماعندك ..فهد وكف ..واندار ..اني نصدمت اول مرة يحجي عليه ..نزل ..فهد .. كله ليش خوية ... ليش ..زوجوني طللكوني ..ماعدنه شي .بس .فهد افندي ..يتمعشك ..وبنات الناس ..متكول عيب انت كطعت عليها سيد .. فهد ..كال ..حجي ...من اول يوم سوت مشاكل .. كله انت مابيك خير من تجيك ضبها عدل ..وهذا حجي نسوان ..ماينحجي بكعدة زلم الحجي اعصاب .. كال اروح ادك بابه اكوله والله بتكم عيرت ..مرت اخوي .. انه وعكالي مو ..هذا الي تريدة .. واندار عليه ..بنيتي ..لا اول وحدة ولا اخر وحدة تنزل عليج ضرة ..و انتي مو فصليه انتي بنتنه الله اشاهد .. ياعمي حاج بيت الله وشيخ العالم تشور بيه ع طلايبهم وطلابتكم ولا فضت .. وعافنه ..راح لغرفته ..سهام ..ضلت تعوج بحلكه علكت .. فهد صعد ..فوك ..صعدت وراه .. طب ..ذب هدومه بعصبيه .. وضل بلشورت الفانيلا .. راح فتح المجر ..طلع جكارة ..وورثه ... وكعد يدخن .. اني سديت الباب ..وكعدت رتبت هدومه مشمرهن بلكاع اشيل وعيوني عليه .. كتله مقبل مو ..مجاوب .. رتبتهن ..رحت كعدت كباله ...ميقبل تعوفها مو .. ليال ..اسكتي رحمه لاهلج ..انه من وراج ..طاح حظي اسكتي .. من ورايه ..اني شعليه انت كلت زوجوني وزوجوك .. اي ..اعرف وراح ازوج .. اي ازوج ..عادي وبلعافيه ..عليكم ..بنت شيخ لابن شيخ .. واني بنت ..الكلب مو .. استغفرالله استغفر لله متسكتين ولا راح تسكتين الا تنطكين ..اعرفج ..كومي من يمي. .كومي .. اي اكوم ليش لا. ...تدلل يابن الشيخ ..داكوم جرني ..من شعري ..ضبي السانج لا اكصه .. اخ شعري ..فهد عوفني ..ليال اسكتي .. عوف شعري الاول .. عافني كمت ..من يمه .. فتحت الكنتور ..وكلبت الهدوم ..سمعته ورث جكارة ثانيه ..من حركه كلبي اريد الهي ايدي بشي.. كتله ..وتروح تنام يمها مو ..واني فهد .وتحضنها وتبوسها وتخلف منها ..وتضحك وياها ....واني فهد .. درت وجي كتلة لا جاوب بس اذا ماحجي اموت بمكاني .. فهد ..تدري ..كلبي يوجعني عليك .. وارتب بلهدوم ...تدري ليش.. لان مو كلبي دك وياك ..لا ..انضخ الدم بي وياك .. يعني انت الدم الي بعروكي ... ليال ..لخاطر الله بس .. اي ..سكتت ..ميفيد الحجي .. كتله اريد اروح لاهلي ..مشتاقه لامي ..وابويه سالفته تعرقلت عفيه كلشي ..وامي تعبانه .... شعندج .. كتلك مشتاقه ..الهم .. مامشتاقه ..لغير شي .. شنو ..انداريت عليه ..فاتح ايدة ..ويضرب ع صدرة .. ضحكت ... اي ممشتاقه لحضني ..ليله دولبتيني ... كملت الي بايدي .. رحت يمه ..خليت راسي ع حضنه ..شميت عطرة .. كال بروح ابيج لا تحجين شي ..وتغثيني .. ضحكت ..لان اريد احجي .. كام يلعب بشعري ..ويمسد بي ..ويشمه ..اعشكه ..هذا الليل ..مالتي كون اتغطه بي ..بعد طولي ..بعد اوكفي ولج ..شكو ..كومي كعدي ..شكو فهد خوفتني شبي شعري ..بي كمل ..كتله عزة ..صدك ..ي ...ديري ظهرج ..لا تتحركين ..ولك شكو ..كعت كلبي عزة مين اجاني الكمل وكمت انفض بشعري ولج اهمدي .جاي اشبرة شبيج ..خاف تكصين منه ..حتى اكص راسج .. بربك خرعتني ..عبالي صدك بي كمل .. ليال ..فدوة لكلبج ..لا تبزعيتي ..الي عليه سويته اعرفج تغارين واعرفج تنقهرين بس ..جاي احاول ..شبيدي انه .. وابو عامر اخوي الجبير ماتنكسر كلمته ..وعدنه الحرمه اذا كطعت مهر وعافها ..زلمتها تنعاب ..ومحد ياخذها بعدالا ابن عمها ..يعني اصفني بيها تنكسر ..وهي مالها ذنب واذ ع لسانها اكصه .و..الله اشلعه الج .. جريت حسرة ماعرف شكول اله .. سكتت ..وبقيت بحضنه نايمه .ماعرف شسوي ..ولا اعرف اكول شي..بس نار تاكل بيه اكل ..ماكدر استسلم ..ماكدر .. مو بيدي ..مداتحمل مجرد التفكير يكتلني كتل .. رفعت راسي كتله فهد اريد اروح لاهلي فدوة .. كال تعرفين صوبكم لا اوصله ولا اريد اوصل .. فهد والله ابويه ماله ذنب بموتت مرتك ..كل العالم ترمي بلاعراس ..بس هذا قدر ومكتوب .. واني صرت قدرك .. رجعت خليت راسي ع صدرة ..واللعب بشعر صدرة .. كتله فهد تحبها .. منهي ... مرتك المرحومه .. الله يرحمها ..عوفيها .. بس كولي ..تحبها .. جنت احبها ..ي يعني حب حب ..مثل ماتحبني ..لو شنو .. ليش اكو حب واكو لعب ..ليال انتي شي ثاني .عالم بس الي وملكي ..حجايه منج كلشي بيج ..غير .لا تقارنين .. كتله اغار .. كال مين ياحظي .. منها المرحومه ..هم جنت ..تنومها ع صدرك .. كام كال ..انتي من خاطرج تحجين ترة كلامج مال ..مسودنين ..عمي المرة شبعت موت .. ميخالف اغار حبيبي .. يعني شسوي هسة ..ماتت عمي .. لا تسوي شي بس لا تفكر بيها .. منو الي مفكر ..والله انتي ولا عاقله .. اي مخبله بيك .. جا ليش مابينتي هلحب ..من قبل .. فهد من رحت لاهلي ورجعت ..حسيت بيك موبيدي ..وانت مانطيتني مجال ..حتى احجي مو اكعد احبك ..جنت وحش..ويايه .. اي ولج وهسه شنو صرت بزون .. لا لا واضحك ..هوة انت فهد ..شحجي بعد .. فهد ..فدوة لا تروح لغيري والله اموت ..ماصحه منها .. يلا كومي من ساعه السودة عود داريح اكلتي راسي .. كومي سويلي جاي .. ي ..كمت ..لبست شالي ..ونزلت ..جوة ..نايمين بس اني بلمطبخ ..وام عامر تنضف دجاج .. المرة من دخلت لليوم متحجي قليل كلش.. خليت القوري ع النار كتلها خاله اساعدج .. كالت لا يمه ماريد .. صاحتني ..جيت يمها .. كالت حسيتي ..بناري ..هسة .. كتلها شنو .. كالت نار الضرة حسيتي بي .. كالت يوجع مو ..طكن الشيبات وجهالي ..زلم ولليوم احترك بي ... كتلها شسوي مابيدي شي..احب فهد ماريد اخسرة .. كالت ..الله يعينج ..سوي للحجيه جاي وطلعي الها ..كعك هم .. اي خاله هسة .. كملت ..وصبيت للحجيه ..رحت يمها .. كالت ماصار شي ..اعرف قصدها الطفل .. كتلها بعد .. جانت يوميه تسالني ..مصار شي ..بستها من راسها وصعدت فوك .. شفته نايم ..نكسر كلبي ..سديت الضوة والباب .. وعفته نايم .. ونزلت طلعت بلحديقه ..كلها نايمه .. خابرت امي ..سالتها ع ابويه كالت تاجلت بنهابه الشهر وتفرفح ..كتلها يمكن اجيج ..كيفت ...بس ارتب اموري اجي يمج كم يوم ..ضلت تسال خوما بيج شي ..كوة قنعتها مابيه شي ....ختمته وياها .. طبيت جوة..ضايجه ..كمت اشتغل ..سويت كيك ..وسالتها لام عامر ع العشا كالت سهام كالت دجاج.. كتلها خاله اسوي وياج ..كالت لا ماعندي شي خليني اطلع قهري بيهن ... صفنت عليها مرة جبيرة والغيرة عاميتها اويلي اني شلون ..اووف ياربي ..شراح يصبرني .. مرت الايام والاسابيع ..واني وفهد مناكر ..صح احبه بس ماكدر اسكت ..وكلما يكولوله اخذها لرشا يطلع حجة بشي ..ع شهر الجاي .. كدرت اقنعه واروح يم اهلي كم يوم .. كمت الصبح حضرت جنطتي...والغراض ..وسلمت ع عيالي وطلعنه اني وفهد بسيارة الطريق كله ..ضايج .. حاولت اشاقة وياه شي ابد مفول .. وصلنه لبيت ..اهلي كوة خليته ينزل ويباوع ع بيت ..مرته القديم ..كتله .فهد طب ويايه .. لا ليال روحي طبي دارجع .. لخاطري ..بس سلم .. ليال ..طبي داروح.. اشوفك غرفتي .. طبي ..جوي عالم .. شفته صدك ضايج ..طبيت بلكراج ..جوة...وكفت ورة الباب اباع علية راح .. عافني وراح ..يمه شكد مشتاقه لاهلي بس احس روحي راحت ويا ..ضليت اباع عليه لحدمافترت سيارته ..وراحت الجهال طلعو عليه ..بوستهم .. طبيت شفت بيبي يمنه ام امي .. سلمت عليها ..وبوستها .. وضلت تسال بيه شونهم وياج ..خالج خوش جر الهم اذن ..اني اكولها الحمدلله ..اني مرتاحه وزينين ويايه بيبي بس ادعولي ..الله يوفقني وياهم .. ضليت الوب ع امي .. ياربي شكد مشتاقه الها. امي جانت ..بلحمام ..تسبح .. الجهال خبلوها بلحمام ماما ليال جتي .. وانتظرتها تطلع فتريت البيت كلة بلهفه .. عبالك اول مرة اطبله ..طلعت امي رحت بوستها وحضنتها .. كالت ولج هاي شصايرة ..تخبلين ..وتفرني ولج سمنانه فدوة شون متغيرة .. كالت مرتاحه .. كتلها ماما احبه ..ومرتاحه ويا بس لوما خباله وعصبيته .. وكل شويه ابوسها ..واشمها ..اوف ياربي الجنه بيها والله.. لليل جتي اختي يمنه ..طابه بشهرها وروحها طالعه .. خطيه كوة تمشي ..وتعبانه حتى مكدرت تبات يمنه ..كلها مورمه ..ضليت اضحك عليها خشم ويمشي كد مامنفوخه .. كالت ..مارتاح ..واخاف صير ولادة ..المستشفى قريبه عليه بقت لليل وراحت .. بقينه بلبيت اني وامي وبيبي والجهال ..امي تعبانه علمود سالفه ابويه ..بس من شافتني ارتاحت وبقينه نسوالف ..وهناك وكلبي يوحعني ع فهد ..اشتاق اله وهيج اتخايله يمي ..لو اتخيل ضحكته ورصعاته ..وارجع وي امي كالت امي من ذاك اليوم ..ابوج دز رساله الج وامانه ع حطتها محد فتحها ..اني كالت هيج ..كلبي كمز .. جابتها الي .. رحت كعدت ع القنفه .. وفتحتها ..واقرة بابا ليال .. اعرف صرتي الثمن لاغلاطنه اني وعمج .. بس انتي كد المسؤليه واعرف راح ترفعين راسي يابنتي اني صح عمج مو ابوج بس انتو واختج اعز من روحي ..وعد بس اطلع اجي اخذج واخلصج من عذابج لو اعرف ابيع اهدومي اطلعج ..اني رب العالمين امتحني بسجن وانتي امتحنج بيهم اريد منج الصبر بابا .. واني زين ..وعينج ع امج واخوانج ..اخواني ..مانهم شي زين ..لو جانو خوش عمام ماينطوج فصل بابا .. ادعي الله يعجل بطلعتي من السجن حتى اخلصج من عذابج ...سلامي .. اني سديتها ودمعي ..يجري ..ماعرف شكول ..شحجي امي اخذت مني الورقه وقرتها وهم ضلت تبجي .. كتلها ماما اني احب فهد ماكدر بدونه ولا اعوفه بيوم .. مرتاحه ويا كلش .. كالت الله يسعدج ماما ادعي الله يرجع ابوج النه .. بيومها ...كلام ابويه اذاني كلش ..كلت قبل لا اروح اكتب اله رساله اكوله اني مرتاحه ...قبل لا انام .خابرني فهد .. ضايج .. شبيك فهد .. مخنوك .. ليش قلبي .. اتصدكين ..البيت كلة مابي طعم .مابي روح .صاعد نازل ..عبالك مضيع شي يعني ..شنو .. يعني من امداج ..داكلج ..مخنوك انتي ماكو .. اووي..اووي .. قلبي .. كال لا تسوين هيج اوي ماوي ولج وين اولي بهليل .. ضحكت ..كتله حبي اني هم ضايجه بدونك .. والله لو ضايجه بدوني ماتعوفيني ..اجيج باجر .. لا فهود توني جيت ..كم يوم حبي.. ولج طاك كلبي عليج ..ليال ..احبج ..بروح ابوي احبج ..ماعرف شجرالي وياج مثل الضايع صاعد نازل ..يوميه مسودنتي بسوالفج ..ياتنكين ياتدلعين ..عليه وانه بلحالتين جدي مشتعل بيج .. واني هم اموت عليك والله .. لا ماتحبيني ..اذا تحبين ماتعوفيني .. ههههه ولك شون ابطل ماروح لاهلي .. لا حبيبي روحي بس ماكدر انام .. وسالفه الكاع صاطرة راسي.. ياكاع .. الحجي يريد يشتري كاع من عمام رشا وشويه بيها دوخه .. اهو هم جبت طاري رشا .. تروحلج فدوة .. يمه .. اي يمه تروحلج ..فدوة ..هي وعشيرتها وعمامه .. يمه يمه قلبي ميتحمل ..حبي باجر اطلع .. خير ان شاء الله .. لسوك اشتري غراض .. اي .. اروح يعني .. روحي بس امانه ..اتحشمي ..لبسي عباه .. فهد البس جبه .. لا عباه .. لخاطري .. انعل ابو خاطرج عباه ..اغار عليج .. حبيبي والله ماعرف امشي بيها لخاطري .. ضل يحجي عليه تاليه قنع ..وضليت اسولف ويا ..لحد ماغفه ....واني سديته .. وضليت ادعي ربي يدمه فوك راسي ..وميحرمني منه لوما رشا اني اسعد انسانه .. ثاني يوم ..اجه خالي يمنه ..وضلينه سوالف .. وحجيت اله شون مدلليني ومرتاحه وياهم .. بيومها مكدرت اطلع لسوك ..خطار يمنه ثالث يوم طلعت ..اني وامي والجهال ولبست عبايه اسلاميه .. فريت السوك كوله ..مخليت شي بنفسي واخذت سوار ذهب من فلوس الحجي .. وحرت شاخذ الهم هدايه .. سهام شاخذ لروحي اخذلها ..سيتات نوم وشموع .. الباقيات دشاديش .. وحمويني ضياء وقاسم سبح كلمن باسمه زين لكيت جاهزة .... بقى الحجي ..وفهد .. فهد عجبتني جداحه ..وحفرت اسمي عليها ..ليال .. والحجي ..هم يدخن ..جبتله وحدة ..بس استحيت احفر اسم سهام عليها .. خابرتها سالتها ..كالت لا خيه واكفه كتبي ابو عامر احسن .. ورادت مني لخوانها سبح .. كملت مسواكي وغراضي ..رحت للصالون رتبت روحي ..وردت اسوي خصل حمرا ماروني .. دك فهد ..اني يم الصالون كال .. الو هلو حبي .. هلا ليالي..انه يمكم .. وين يمنه ..هيج نص ساعه واوصل لبيتكم انتي وين اني بصالون .. شسوين . .مفاجئه .. يصير خير انه انتظرج عجلي .. اني هم من الي يصير خير ..خبصتها .لام الصالون .اعرفه مخبل ..كملت شعري ..السوك مسافه قريبه علينه بس اني اخذت تكسي حتى لا يعصب ... وصلت شفتة واكف يم سيارته وواكف واحد يمه ماعرفه يسولف ويا اني ولا شايفته قبل ..منو هذا سالت امي معرفته .. نزلت السلام عليكم ..وطبيت للبيت .. ورة شويه ..فهد طب للكراج .. سلم ع امي .. وطلعتله ..بس ضايج مداعرف شبي .. كال يلا ..ليال حضري روحج .. امي كالتله ليش مستعجل باتو اليوم .. مقبل ..كال جيت ع ربعي هنا ..وجيتكم .. جان كلش ضايج ..حتى وصيت امي لا تلح عليه اعرفه من عيونه معصب .اوف ياربي خيرة شبي .. لميت غراضي وهدومي ..وخليت بايد امي فلوس وودعتها وطلعت .. صعدت ويا .. شونك حبيبي ..مشتاقه الك .. هلا .. شبيك فهد .. مابية شي .. الطريق كلة ساكت ويدخن ..ويسوق سريع ضليت الوب معقولة من ورة لبسي ..لو الصالون شبي ياربي ضليت ادعي الله ماكو شي واقرة ايات ..مابيه حيل رجف بعد .. كلت بس لا الحجي جبرة يزوج ..رشا ..اوف شسوي ..بس اريد اوصل ..حتى اعرف منه شبي ..وبقى ميحجي شي بس اعصاب ....ويدخن.. وصلنه ..ذب السيارة بلكراج .. وطب شمر السويج وصعد .. اني طبيت سلمت عليهم واحد واحد .. وبوستهم ..رحت ع سهام ..سالتها شبي ..فهد .. كالت مابي ..كال اروح اجيبها ماتحمل .ضجت وحدي ..بدونها ..كتلها سهامه ..الطريق كلة اعصاب .. كالت شمسوي يمعزايه .. كتلها والله مسويت شي .. كالت دصعدي شوفي شبي .. اني طلعت ..غراضها وصعدت .. طبيت ..كاعد بهدومه .. ع الجربايه ..ويحرك برجله وايدة متوتر .. جيت ذبيت غراضي ..ونزعت العبايه ..جنت لابسه ..تراك نيلي ..ووردي ..جديد .. وطلعت الجداحه ..خليتها ع جهه..حتى انطيها اله .. وفتحت شعري ..اباع عليه ولا رفع راسه عليه ويهز برجله ربي دخيلك شبي ..بس حتى وهوة عصبي شكله يخبل .. خليت عطر ..ورتبت روحي .. ورحت ..يمه كعدت بحضنه ..وخليت ايدي ورة ركبته شبيك ..حبيبي ..بعد ماعوفك ابد بسته من خدة ..وضليت ابوس بي واشم بركبته صدك مشتاقه اله كتله ولك اموت اموت اموت عليك ... فهود شبيك والله كتلك ع الصالون ..ولك مشتاقه الك ميته عليك ..حبيبي .. رفع راسه عليه .. ضل يباع بعيوني .. حسيت حجي هوايه بيها .. شفايفه كامت ترجف ... كلي ليال .. كتله عيونها .. سيف منو .. اني نصدمت .. كتله شنو .. كال سيف منو ...ليال بقت عيوني بعيونه ....واحس الدنيا كلها اضلمت بوجهي وانعكد لساني ..بس عيني بعينه ... رجال .. اجه يمي ..بعصبيه .. وكفت بوجهه اي مو رجال .. الرجال ..ميضرب ..الرجال ميكسر ..مرته .. الرجال ميخلي الرايح والجاي يضحك عليها ... الرجال يخلي قدر وكرامه لام اطفاله .. انت شتفكر ميهمني ..والله .. كافي ليال ..اسكتي ..لا تخليني اذيج .. بكل صلافه تلاسنين ..وتحجين .كانما انتي ام الحق .. اي ام الحق ..اني وانت الباطل ..واغفى احسب عليك .. واكعد احسب عليك ... انجبي ...مو مرة الي ..تحجي هيج وياي ..انخرسي لا تخليني ادوس ابطنج ..واشهرج .. عادي ..شنو الفرق .. ي عادي الي تشرد من بيت اهله وي زلمه غريب .. كلشي تسوي ومايهمه شي .. اشكرك ..بس طول عمري راسي مرفوع لا انت ولا غيرك ينزله ... خوش ..يابنت العالم ..يابنت الحسب والنسب ..انه الج اذا ماخليج ..تبجين دم ..مايبقى علي شارب ..بس ذبي حملج واشوفج الامهات شخلفن .. وطلع ... وكفت ..كبال المرايه شكلي شاحب وتعبان .. القهر اخذ من حيلي حيل وعمر.. غسلت وجهي ... ولبست احلى ماعندي .. ورتبت روحي ..بمكياج وعطر .. جنت ادوس ..ع نفسي ماعرف شنو الي اريدة .. صدك اكرهه ..صدك ..احتقرة .. لو هذا ..ردة فعل حتى ارجعه الي .. مداعرف شسوي .. كملت ..ونزلت .. حلا ورشا بلاستقبال.. انصدمو اتوقعو ..انكسر .. بس رسمت ضحكه..ع شفايفي ..كذب .. وبقيت وي سهام اسولف واشاقه واضحك .. ولا كانما اكو شي ... وتجاهلت وجود ..فهد ورشا ..وحلا ..بحياتي .. ثاني ..يوم عرس فهد جان .. كلشي كدام عيني ... فهد والهوسه ..كلها .. فهد يمي بلغرفه يرتب بروحه .ويتحضر لعرسه .. اني كباله كاعدة ..بس اباع عليه ..ماكدرت انزل عيني منه ..اريد احد يكعدني من كابوسي اريد اصحى ..من الي بي اني ... كلبي ..يحجي ..فهد اني احبك ..حيل ..وادري انت ..ولا ع بالك ....صح اتاذيت بس احبك ولك حس ..ولك لا تبيعني من ورة كلام واحد ناقص .. لبس ..دشداشه بيضه ..وعكال..وتعطر ..ولبس ساعته .. ومحابسه ..الحلقه انزعت من ايدة من اول يوم .. كمل ..اندار عليه .. كومي بدلي ..يلا ..دنروح نجيبها .. روح ماجي اني .. لا تجين غصبا ماعليج .. ماجي داكولك .. يلا كومي بدلي ..فضيني .. روح ..لو طلعني جنازة مااجي .. ولج شو صايرة متخافين .. لا مو ماخاف بس عادي ... شنو عادي .. فهد روح متجبرني ..ماجي ..خوش .. راح انزل نص ساعه اذا مانزلتي احرك ..ابوج .. ونزل ..... بقيت مترددة اروح لو لا ..اذا ماروح خاف صدك ياذيني .. وتوة جسمي طاب .. كمت ..بدلت ..لبست ..فستان ..هوة يحبه .. لونه ...اسود وبي احمر ..وسترة قصيرة ويا .. ورتبت ..مكياجي ..ولفيت الشال ..لفه خليجيه .. ولبس العبايه ونزلت .. ابتسم ... البيت هوسه ..ماعرف مين اجوي العالم .. سهام كالت ..ولج جيتي .. اي جيت ... سهام ..جانت لابسه ..هم فستان ..بس هيه ضخمه وطويله ..وعيونها كبار ..عسيله ...وشفايفها متروسة وسمرة بس حلوة ..جانت كلش حلوة طالعه .. حلا ..مانتبهت ع لبسها ..جانت واكفه وتهلهل ... طلعت فهد ..برة ..وبيدة سلاح ... ويطشون عليه جكليت .. صعدو بسيارات ..اني رحت صعدت وي ضياء .. جتي سهام نزلتني ..كالت فهد يكول ..خلي تصعد وياي .. كتلها ماصعد ...وياه .. ولج لا تعاندين .. سهام ماصعد ويا .. كتله فدوة ضياء اطلع .. ضياء فر السيارة ..ومشى ..بيها .. وكف ..كال فهد جاي علينه .. فتح الباب عليه .. جرني من ايدي .. ضياء عاط بي ..عيفيها ياخوي .. جرني وصعدني ويا ..وساكت .. كعدت ..بصدر .. اخذت نفس ..درت وجهي عليه .. بكلبي كلت بعد بيه صبر .دوس اكثر .. لبس مناظر شمسيه وطلع .. يدكون هورنات ..مناك وطلعو الزفافه براس الشارع ومزيقه ...اني انداريت اباع ... شباب تركص براس الشارع .. احسة ..ضربني ع ايدي .. انداريت ..كال عينج ..لو عليه لو ليكدام ..لو بلكاع لا اكلعها الج ... مجاوبته ..حاول يستفزني .. الطريق كله ..سيارات توصل يمنه ويسون هلو ..والجهال تكمز .وتركص .. وصلنه لبابهم ....ربي صبرك ..ياللهي احس روحي راح تطلع ..مني ..قبل لا ينزل ..جيت اكولة رجعني ..بس لزمت نفسي ..وسكتت..ماريد ابين اله اني مكسورة ومقهورة .. نزلت وياهم.... وبدة الرمي ..بس طبينه من اهله واصدقائه ..عبالك جبهه صارت ..طبينه ..رشا مكبعه ممبين منها شي .. اجه وكعد يمها .. ويتسم ..ويحاجيها ويضحك ... طبو بس اهله ..رفع البركع عليها باسها من رايها ..والكل هلاهل ودكك وركص اني واكفه يم الباب .. اباع عليه كوة لازمه نفسي .. شكد اريد اكابر ساعه ..نص ساعه .. مداكدر احس ..اختنكت .... دورت ع سهام ..مشفتها ..ماعرف وينها .. فتت بينهم ..ادفع .. دورت ..شفت فاطمه جريتها .. برة ..كتلها اختنكت ..لحكيلي فدوة .. عزة بعينج ليش جيتي .. خلي ضياء يرجعني ....اوكفي ..هنا .. كمت اخذ شهيق وزفير ..اخذت ركن .. وحدة وكفت يمي ..شمالج خاله .. درت راسي عليها ... كتلها خاله حامل ..ونفسي كامت تلعب .. راحت جابت مي ..وجتي ... الحاله زادت اريد نفس ماكو ..انكطع عني وهوسه اخاف اوكع ماريد اوكع ويعرف انقهرت .. غسلت وجهي ..وشربت مي ... جتي فاطمه كالت يلا ..امشينا
