طلع فهد بقيت بلفراش ..روحي طلعت ماريد اصير سلعه ..اله ..مو كلام سهام الي ..غيرني بس ..لا داخل نفسي مداتقبله ..مو نفسه الي يكومني ويكعدني فصليه ..شفرق هسة حليت بعينه ..عود .. دقايق وصعد ..فهد .. فتح الكنتور .. وبدل ..اني اباع عليه .. اعصاب صاير .. فهد ..مجاوبني .. فهد .. شرايدة .. اني .... انتي شنو تريدين ادنج راسي الج لا والله انتي ولا عشرة منج ..لا عبالح تلوين ذراعي لا غلطاانه ياحلوة
مثلج مرن بحياتي هواي ..ومتهميني ترة ..مو مرة الي تذلني ..فهمتي ..بس الظاهر انه اتماديت وياج بمشاعري .. لا عبالج انه عربي ..ونفسي ذليله لا ولخلقج ..عزة نفسي ..اقوى من انوثتج ..انه رباة دله وهيل .. ..كتله عفيه عليك اي ..هذا السبب ..دائما تحسسني انت ..متعوب عليك واني بنت شارع ..مو وعمامي شمروني عليك .. رفع ايدة واجه قريب عليه ..لا تحرفين بلحجي وشمرين علي.. ليالي انه ربيت بلولايه ..ودرست هناك ..خاف حسبالج انه جاهل ومافهم شي لا غلطانه ....ملاعيبج لا علي ..الف وحدة مثلج ماتحرك ..عندي شعرة من راسي .. هذا حدي وياج يابنت ..العالم .. اني انخرست اريد اعرف اجاوبه ماكدر ..بقيت اتبلعم ..الف حجايه ابالي طارت .. كتلة اسمع مني .. عافني وطلع .. ماعرف شسوي هسة ..تعبت وحرت بامري ..اني مو لعبه شوكت ميريدني اني حاضرة لا اني ..انسانه قبل كل شي ..نسى شون جان يعاملني ..نسى شكد ذلني وشوفني ..ضيم وطلعت اني ام الغلط .. شفت كنتورة مفتوح ناسي ..يقفلة .. خانته دائما مقفوله ..ومفتاحه يمه .. اني كمت قفلت ..الباب .. ورحت ادور بغراضة .. معلك قوط وقمصان .. ودشاديشه وعكل .. شفت صندوك .خشب..عبالك مال ايام زمان .جريته... فتحته ..بديت اكلب بي .. جواز واوراق وسندات ملك ..مال كاع وسيارة .. وشهادة كليه ..اهلية ...قسم محاسبه .. اول مرة اعرف بي متخرج وعمرة 25سنه ..ماجنت اعرف بي ..ولا يوم سالت ..عنه رجعت كلشي بمكانه ..ورجعت الصندوك .. وبقيت ابحوش بلغراض ..شفت البوم صور .. صورة بلجامعه ..وصور بسفرات حتى ..خارج البلد اكو صور ...ضليت اكلب ..بلصور شفت صور عرسه .. هوة ومرته..المرحومه ..شون مبين فرحان بيها .. هيه...حليوة الله يرحمها ..سمرة وملامحه زينه .. بس مبينين ..بقمه السعادة .. داخل نفسي انقهرت عليها .. وبنفس الوكت ضجت ليش ..مبقي صورها .. يعني جنت اعيش بصراع بين الي اريدة .. وبين الي ..ماريدة وماعرف وين راح اصفى .. رجعت كلشي لمكانه .. ورتبتهن..شفت عليه السبحه ففتحتها شفت السبحه ماكو ..كلت يجوز شمرها ... سديت الكنتور ... وكمت نزلت جوة طكت روحي ..وحدي وافكر .. نزلت ماكو احد ..بس الحجيه كاعدة سالتها .. كالت سهامه نايمه..والبنات راحن ..للحفافه .. بس حله نزلت للسوك .. كعدت يمها .. كالت يمه ..ليش ..مامرضية وليدي .ويريد ينزل عليج ..مرة .الي تزوج ذيب بيتهاع الغابه قريب.. عينج زلمتج ..يمه ..لا تخلين ..النسوان تحوم عليه .. اني ساكته..شكولها هسة .. ماعرفت احجي شي ..ولا. ابرر ولا اكول .. وردت كالت انتي بنيتنة ومنه وبينه مالج دخل باليحجي جهالج ..ولدنه ..... بوستها ..وكامت تسولفلي عنهم ..وعن خيرهم .. ابا عن جد ورثوها ..وشون ازوجت الحجي ابوهم ..وهي خلفتها بس ولد ماعدها بنات .. جتي سهام ... كالت ولج ليله..ليش مامسويه للحجيه جاي .. كتلها هسة .. الحجيه كالت الها عيفيها .انه جنت اسوالف الها .. لا يمه ..خلي تسوي حاي الحجي هسة ينزل .. كمت من يمها .. وطبيت للمطبخ .. حت ورايه سهام ..ها يمعزايه شصار .. كتلها سالفه طويلة احجي . حجيت الها كالت هوة الزين ..هسة بقت يمج بابنت الناس .. كسبي رجلج وخلي ع كليبج ..لا تكليلي ابوي ولا امي .. رجلج سندج ..وخلي اعلمج شي ..فهد يختلف عن اخوته انه اشوفه ..اخوي الصغير هواي احبة .. فهد هواية عاش بلولاية ..ومسافر وكرابتنه المرحومه الي اخذها .هم تربات الولاية .. لهذا حبها ..ورادها ولو انتي احلى منها بهواي..وارتب .. بس ردت اكلج .مايحب المرة الفاهيه ..يحبها ان لسان .. وصدكي ياليالي ..مثل ولدنه ماتلكين.. لا عبالج احنه هنا متبهذلات ..لا ..مدللات .. صح مو مثل الحضريه .. بس احنه كل شي عدنه ..نظيف حبنه ..وطيبتنه.هوانه ..كعدتنه مابيها ..دغش .. ودشوفين بعيج ..مرتاحات ..انه الي شفته منج رافضه عيشتنه ووضعنه ..ليالي ..القرار الج .. شوفي شنو الي ترتاحين عليه سوي .. فهد ان رجع وشافج فاتحه حضنج اله يرجع الج .. وتبقى سالفه الخطبه انه ارتبها ..وانهيها .. شافج مبومه مثل كل يوم لا والله يزوج 4عليج .. ضلي حلجي انتي .. هاج ودي الجاي للحجية .. رحت ..وديته راسي افتر اكثر .. ماعرف شسوي ..رجعت يمها وبديت احضر ..بلعشا .. بيومها ..وعدتهم اني اسوي .. دزيت الجهال ع كم حاجه ..من الاسواق .. سويت لحم بعجين ..وفطاير .. وسويت كيكه ..بلجوز .. بس انكسر ظهري ..وحدي .. الوكت كله ..سهام تحجي ويايه .. وتشتغل ..لحد ماكملت .. اجوي البنات .... اني رتبت كلشي .ودزيت ببسي .. جوي الولد .. بس فهداتاخر وماجه .. جان بلربعه .. كتلها سهام دكي عليه ..تاخر ..كالت عوفي ضايج .. بس شوفي شوكت يجي .. دكت عليه ..جاوبها .. كالت شوكت تجي نتعشى شوة .. كلها ..ماريد ..تعشيت .. اني متت قهر ..تعبت ومراح يجي .. حضرت العشا .وكعدنه ناكل .. اكلت وكمت ..اولهم .. عجبهم الاكل ورادو غير يوم هم اسوي .. سهام كالت ..ارتاحي ..تعبتي اليوم البنات يغسلن مواعين ويشطفن المطبخ .. كتلها سهام حبي اريد اطلع بلحديقه .. كالت باردة ولج كتلها مخنوكه .. اخذت الفون وطلعت ..من باب المطبخ .. حديقتهم جبيرة داير مداير البيت وحلوة .. طلعت ..شتميت هوى ..صدك هوى نظيف ..وناس طيبه ..لعد الخلل مني اني ..بس اني بديت احبهم ..وتعلمت عليهم رغم الي صار وهمه هم يحبوني خاصاا الحجي وسهام ..والجهال .. دقايق وطلعو الجهال يمي يلعبون .. دكيت ع امي وسولفت وياها .. وسالتها ع ابويه كالت اسبوع الجاي .. اوراقه تصعد ..وان شاء الله خير وتسالني عنهم اكلها كلهم زينين .. بعد سوالف طويله ختمتة وياها .. ضليت كاعدة ..ع صبه بلحديقه افكر اني احبه لو لا .. اني الي اريدة شنو .. لازم اخذ قرار ..ليش اكابر ويا..ليش ليال ..كسبي الج ..هذا رجلج ..حلالج ..شفتي سيف ..شسوة بيج..حبيتي شحصلتي بس قهر .. بقيت ..ع هلحال ..لحد ما الجهال كالو عمو فهد اجه .. كلبي كمز من مكانه ..طبيت جوة .. احس ..دمي ..جمد من البرد .. طبيت ..الكل كاعدين يسولفون .سمعت صوته وضحكته .اني من اسمعه ماعرف شيصير بيه .. طلعت ..سلمت عليه.. رد السلام ..عادي .. وكتلهم اصعد انام ..تصبحون ع خير .. صعدت للغرفه ..من البرد والتفكير راسي احسه ..جمد.. مدري شصار ..بيه طبيت جوة الفراش ..وكمت ارجف ..عرفت راح اصخن تمرضت ..ارجف ارجف .. مابيه اكوم اكلهم لحكولي ....احس جسمي ثلج ..بي .. مدة وصعد ..فهد ..فتح الباب ..اني مغطيه روحي .. وارعش ..صاح ..ليالي..ليالي .. وخر الغطى..لزم راسي .. عزة بعينج .. صاح سهام صعدت ..شكو يمعود .. كال استلمي .. جت يمي اكولها باردة غطيني.. كالت والله حالج من حال الجهال اكولج باردة ..وانتي طلعين برة ..وهدومج خفاف .. غطتني بعد ..ونزلت .. كال يابرة طالعه بي هذا .. ماكدر اجاوبه .. صعدت كالت هذا اسبجك هسه تفكين ..شربي شربتة .. وضلت يمي .. هم سالها يابرة هذا طالعه .. شبيك فهد مو وكتك والله .. بلحديقه .. وشعدها بلحديقه تالي لليل ومفرعه مو .. لا والله لابسة جانت محتصرة .وطلعت .. كال بيها الخير .. اني بديت افك واعرك .. مدري من الهبطه صخنت مدري من البرد .. بقيت بفراشي ..لحد مافكت الصخونه .. كالت سهام اروح اني انوم الجهال بدلي هدومج ونامي .. كمت غسلت وبدلت هدومي ورجعت نمت بلفراش.. مو كتي اتمرض بس مابيه حيل ..احاجي .. خليت راسي ..نمت ..واحس بليل احد يلزمني ..من راسي ..يكولي كومي غسلي جسمج نار .. وهم غسلت وشربت .دوة .. بقيت .ع هلحال ..الليل كلة .. كعدت الصبح جسمي مكسر من الصخونه وفهد نايم يمي ع الجرباية ..كمت ..فز كال شونج هسة ..كتله زينه .. كال خوش ..حمدلله ع سلامتج الليل كله مصخنه وتهذرين ..حجي .. شحجيت ..ضحك ..كال ..اسرار ماكولها .. هناك وعقج وجهه..وكال شربي دوة عود .. اي .. كمت دايخة وراسي يفر بيه رحت غسلت ..اريد انزل درج مابيه كوة ابلع ريكي بلاعيمي ..رجعت للغرفه طبيت ..فتحت المجر ..اخذت دوة ..وحبوب مص مال بلاعيم ..ونمت بلكاع ..ماحسيت ع روحي للظهر .. سهام مصعدة الغدة وتكعد بية كومي ..شجاج ..يمعودة .. فتحت عيوني وكمت ..كالت اكلي ..لكمه فهد جابلج ابر ..والليل كله منايم .. اني كالت ابر ..فزيت كتلها مابيه شي .. يا مابيج صخونه الليل كله دك بيج .. دكومي يحظي شكد نازكه ومتتحملين ..باجر الكعدة وانتي مريضة .. كمت اكلت شويه بس ماكدر ابلع .. وكوة ضربت ابرة بعد مافريت الغرفه كلها ..واكمز .. شويه ستعدلت ..لليل ابرة ثانيه صحيت احسن .. بس بعدني ..مالي خلك ..فهد بهل يومين صار ويايه الام الحنينه ..الليل كله يمي ..وينام يمي ..اني افز بليل واروح انحشك بي واحضنه .. مر اليوم بسرعه واني كضيته مرض ونوم .. وكعدت ثاني يوم..زينه ..مصحصه و فهد نايم هم يمي .. مثل كل يوم ..نزلت وعاونت البنات .. ونزل فهد وتريك وصعد ..بدل ديروح ..يم الحجي بشغل .. صعدت وراه ..مو هوةرجع كالب عليه .. اني روحي تفرفح .. كال اليوم حضرو روحكم ب4..الكعدة .. اني بس اباع عليه .. شويه وابجي .. وطلع .. بقيت الوب معقولة صدك يزوج ..نزلت جوة البنات نظفن وعاونتهن .. وطبو سبحو وبدو يحضرون بروحهم والجهال بدلت ولبست بدلات ..وسهام ..جتي عليه مكيجت الهامكياج كلش حلو وملست شعرها .. شافوها واجني الباقيات ..كملتهم هلكت تعب. بس طلعو كلش حلوات اني اشتغل وافكر. . اخر شي اني ..سبحت.. وسويت شعري ..سرحته ولفيت الاطراف .. كلت اني مخبله عاقله احضر روحي لزواج رجلي .. بس ردت اداهرة وابين اله اني مامهتمه .. وبقيت اكابر ويا .. كملت شعري..فتحته وسويت بف ..ورتبته ومكيجت مكياج سموكي وخليت حمرا ..بيجي ترابي ..ولبست فستاني الماروني طويل ..والظهر طالع..جان .. وحضرت ..العبايه والشال .. سمعت هلاهل ..عرفت فهد اجة .. صعد فوك يدندن .ويغني .. فتح الباب صرت بوجهه .. ضل صافن عليه.. احس يريد ياكلني .. كتله مبروك .. الله يبارك بيج.. اني شفايفي ترجف حاصرة البجيه كوة .. كال هاي هيج تجين .. كتله اي بس نسوان غير .. كال ..ميخالف نسوان هم يباعن .. متلبسين هيج ..خوش .. لعد شلبس .. ماعرف .. فهد انت تغار لو شنو امرك .. لا ماغار ..بس انتي مني .. اني دمعت عيوني .. كتله منك .. اي مني .. منو يكول ..شو ماحسيت بيوم منك اني ..اني مو عمامي شمروني عليك .. هذا كل ماحاسه بي اني ولا عشته ولا حسيت بفرح ....جابوني للبيت ..دفع .. حتى حلقه ماكو بيدي منك ..وتكول انتي مني .. اهوو رجعنه .... المهم متلبسين هيج .. لا البس .. ليال ..
