... ليال ... تخوصرت ووكفت كباله ..اني داموت طلعت صدك يعني راح يخطب ..وهاي الكعدة .. ليال .. نعم فهد ..مطلعين هيج .. اطلع .. بس بنات احنه .. واذا البنات عدهن عيون ..قابل عميان .. اريد اكوله لا تروح ابقه ويايه اني بديت احبك .. اترك غرورك ..وكبريائك ..وتعال بحظني فهد ..سكتت ..شحجي ياربي ..هسة يكول ترخص بروحها .. اجه كعد ..كال .. وهاي كعدة ..ماطلعين منا .. اني اجيت يمه ..دافتح الباب اطلع .. صاح ليالي ..بصوت عالي .. انداريت عليه .. فوكاها ظهرج كله طالع ..اجه يمي .. نحصرت بينه وبين الباب .سد الباب خله ايدة ع الباب وايدة الثاني ياشر بيها .. اني رافعه راسي عليه .. كال الي مكتوب باسمي ..بس اني اشوف ماله حق ثاني يشوف خوش لا زلمه ولا حرمه ..وانتي باسمي .. يلا بدلي هدومج .. مابدل ...بصوت يرجف .. ضرب ع الباب مرتين بدلي ...هدومج .. روح ماجي ..اني .. خوش ضلي هنا .. ديفتح الباب ويطلع ..كتله هذا حظي لا عرس صار الي ولا زفه ..ولا حنه ولا هلهوله . حتى لبس انحرم منه والطلعه . كال لبسي شي جواه وتعاي.. لا تكفرينه شوفي جسمج واحجي .. اذب شال .. اشوف الاول .. جبت شال خفيف وذبيته فوك الفستان .. كال بس ماينزل .. لا والله.. كال ..ليالي .. نعم .. لا هيج .. راح يم كنتورة ..طلع دشداشه بيضه..وعكال .. وبدة يبدل هدومه كمل ووكف يعدل ..ولبس ساعه ..ومحابس .. ورش عطر ..من يمي انسطرت اني واكفه ..اباع عليه ..لابسه كعب ..احس رجلي كامن يطبكن من الرجف ماداتخيل هيج برود عندة راح ياخذني لمرته ..اصفن واكول كذب ..كله فلم .. هسة يطلع يحبني ويكول انتي العروس .. كمل ....كال شلوني ..خوش عريس مو .. اني اهز براسي كوة لازمه نفسي .. كال نسيت ..حزام السلاح ..لبسه .. يمكن صار اشهر ماشفته بهل العين ابد ..كلشي بي حلو طوله ..شكله ..شخصيته وهبيته .. بس طبعه ولسانه محلو .. كالي هاااا شبيج يلا امشينه .. اي ..جيت لبست عبايه ..وشال .. ونزلت ويا يهلهلن ..النسوان .. سهام صارت بصفي ..كتلها سهام راح اموت ..مداكدر .. شحجينه لعد .. مو كدامج تمرضت .. والله ياحبيبه ماعرف... مشيت وضلو يهوسون اله اني ..احس روحي مو وياهم .. كل شويه اكول هسة بلباب ويكول انتي العروس.. وصلنه للباب وماكو شي ..طلعنه الباب وكلمن صعد بسيارة .وي اهله واني بقيت ..واكفه ..اختنكت كلش دارجع سهام جرتني .. كالت لا تبينين صيري قويه ..غبيه من اضعفين ..يزيد .. سهام ..حرك دم واعصاب ماتحمل هيج والله .. ارحموني ..ميخالف ياعمري اتحملي ..هاي قسمتج ..الله يسهل لابوج ويطلع وترتاحين .... صعدت ويا فهد..ليورة امه بصدر واني وسهام ..ليورة وجهالها .... مشغل اغاني ..والجهال يصفكون ..ويركصون واني الدمعه بعيوني بس تريد زله دتنزل ..وكل هذا واكول يمكن كذب .. شويه ووصلنه بيت ..شون بيتهم ..نفس الفصال .. ونزلنه بي ..طبينه جوة .. واني اغالط بنفسي ..اكول فلم طلعو نسوان سلمو علينه .. طبينه بغرفه ..شفت عروس كاعدة .. اني ..ماعرف شصار بيه ..بس احس روحي راحت ..وهموم الدنيا كلها نزلت عليه ....ضربتين براس توجع .... رحت ..كعدت ..ناس..مو هوايه بس اهلها ..وطبينه بس نسوان بوسوها ..للعروس ... اباع عليها تطلع اكبر مني وبيضه بس محلوة ..وقصيرة ..وشعرها من كدام مكفش..مو سرح.. بقيت كاعدة ...شفتها...العروس شاورت وحدة منه واشرو عليه عرفت دتسالهم اني مرتة ... ضليت كبالها من الصدمه حتى مانزعت العبايه .. كبالها واباع .. شون ينطوها وهوة مزوج ..انطوها عادي بس هوة معقوله هيج قساوه عندة هذا مو بشر ..ليش هيج يسوي وياية ..ليش ..ياربي ..بس الهم عليه .. كامو يصفكون ويركصون جتي سهام يمي .. كالت فكيها ..لا ضلين ..هيج .. وربج الرجال ..اذا حب لو الف مرة متغيرة .واشرت ع راسي افهمي ..عاد بطيتي قلبي وتركص ..اني عبالك من غير عالم جايه..ومو بعرس ..اصلا ..عزة هذا عليه .. احقر شعور ..تفضل مرة ع مرة ..شعور حقير .. يعني راح ابقى اعاني ..يعني صدك ولا ع باله ..اني .. يعني هيج رخيصه عندة ..عليمن انقهر هوة اني فصلية ع كولته ....نزلت او صعدت ..اني عمامي انطوني ابلاش.. اسمع العالم يمي .. هيه هاي الفصليه ..هاي مرته .. الفصليه الفصليه .. من حتركت ..عكلكم ..ودواوينكم .. بديت اختنك ..بدت عيوني تغر دمع ... وعقلي من التفكير ..وكف مداستوعب سمعت هلاهل ..عاليه .. وهوسات صحيت ..ومسحت ..دموعي .. طب ..فهد ..ويهوسون .. وكعد بصفها ..اني ..من شفته هيج .والضحكه تارسه وجهه ..ويباوع على العروس .. نزعت العبايه كدامه ..ونزعت الشال .. وكمت اصفك ..واركص .. بس طير مذبوح ويركص.. اركص ع جراحي ..عبالك اشيل ملح ع الجرح ..واذب عليه ..فهد ..عيونه صارت تجدح ..وغضب حواجبه .. واني اركص واصفك ..وي الجهال ... والكل يباعن عليه .. واني مسويه روحي ولا يمي.. لبسوهم النيشان ....هذا كلة معشتة ولا شفته ..ولا حسيت ..بي بس ضيم شاف كلبي وفهد باعني .. شكد كابرت ..ودست ع نفسي ..شكد ..بقيت ..رافعه راسي وحاولت ابين اله ..مامهتمه اني .. حتى الشال الي كلي لبسي نزعته ..واتحديته مايهم فهد ..ميهم ..بعد .. كد ما اذيتني تبجنت ..منك .. ليش افكر بيك ..وليش بديت احبك .. وليش بديت اغار .. وانت ..مامهتم الي ..ولا عبالك اني بشر .. اخذت قرار وي نفسي ع الي شفته ..هسة .. انتهى بعد ..وياه .. شفته حاجه سهام .. جتي..سهام عليه و جرتني وكعدتني ..اكعدي لا يصكطج .. راح يجي الشيخ يعقد ..وكلي كعديها ..لا ابتلي بدمها اليوم .. انداريت عليها .. كتلها سهام رجعيني ..للبيت راح اطك .. مخنوكه .. يمعودة صبري .. سهام ..احبه ..مداتحمل ..فدوة ..داموت .. والله احبه .. ولج ..راح اموت .. كمت ..من يمها ..سالت ..الجهال الحمام وين .. دلوني برة ... كتلهم جيبولي العبايه .. جابوها .لبستها .ورحت للحمام.. بس رجلي خطت الباب ..انفجرت ..بجي .. متحملت بعد ..يعني ماكو هيج اذيه ومذله ..والالم .. صدك راح اموت .. طولت ..بلحمام ....غسلت وجهي،وعدلت روحي .. طلعت . ..بلطرمه .. حماهم خارجي جان .. شفت فهد يدخن ..جكارة .. رحت يمه ..رفعت راسي عليه ..كتله اكتفيت لو بعد ..اكو .. كلي شنو .. كولي اكتفيت ..تعذبني ..لو بعد ..تريد .. كمت اعيط انت ليش متموتني وترتاح واني وارتاح ليش ..ولك لو يهوديه هم ترحم بية .. اسكتي منا العالم .. هذا همك العالم .. كال انتي السبب منج ..مو مني .. شلون مني ..انت نطيتني مجال اتنفس ..وياك مو احجي .. نسيت شكد ذليتني وشكد دست عليه نسيت ..شسويت بيه ولك 6اشهر ..دمرتني بيها واليوم القاضيه جانت .. ليالي امشي ..ارجعج للبيت .. ماريد ..ومالك ..دخل.بيه .... انتهى كلشي ..وياك ..اني رايحه .حتى شكولي بعد متشوفها ..وبلعافيه عليك ..زواجك .. بلعافيه ..يابن الشيخ .. واني الفصليه .. .. عفته ومشيت ..ماكدر ابقى بعد .. تعاي وين رايحه ..تعاي هنا لا تخزينه .. كتله امشي طب لعروسك .. خلص الكلام وياك .. ماعندي شي اكوله الك فهد ..انت دمرتني .. جان الجو بارد ..وبدت اتظلم .. طلعت سهام ..كالت وين صرت ..كلها جاي ادخن هسة اجي ..يلا فهد فضنه خوما تضل العروس مكبعه ..انت بعد عقدت عليها ..طب شوفها ..زين ..ا اني بس اسمع ..سهام صاحت ليالي .. ماجاوبت .. مشيت بلطرمه .. طلعت للباب ..يصيحون ..عليه .. صوتهم بدة ..يصير بعيد .. طلعت امشي..سريع ..ظلمه ماعرف وين اروح .. حسيت واحد ورايه ..ليال تعاي مو جاي احاجيج .. جرني من ايدي .. انداريت .. فهد ..خلص بعد .. ولج شخلص ..وين مولية ...بهل ليل اصبري اجيب السيارة اوكفي ..هنا راح اني كملت المشي.. من الاعصاب والتوتر اعصابي رخت ....كلش .. امشي وابجي ..ادمرت ..ونذليت .. حياتي بيوم ولليله انكلبت علية .. اكو فرع جانبي صغير ..طبيت بي .. انداريت شفت ضوة سيارته .. مشيت اسرع ..اكو كابينه مال كهرباء ..ختلت وراها .. وماعرف وين اروح ولا اندل احد هنا ..شسوي .. جنطتي وفوني نسيتهم. بيت العروس وطلعت .. ضل رايح جاي .بسيارة ..اني .. بقيت جامدة ... طلعت ركض ..عبرت ع جهه الثانيه ..ومشيت سريع .. مشيت ..وصلت ع شارع ..عام ..اكو تانكي مي حديد قديم ..ذابي ...ع جهه الترابيه مال شارع ..وكفت وراه .. كلت اوكف لحد ماتجي سيارة واكوله وصلني للبغداد .. ومن اوصل انطي كروته ..بقيت واكفه .... ضلمه وهوى بارد بدة الخوف يدخل بكلبي .. كلت بله شجاني اني وشطلعني بهليل .. خلي ارجع .. فاتت سيارة بيكب ..حمل.. طلعت بسرعه وكفتها..وكفت يمي ..نزلو الجام جانو مشغلين ضوة داخلي شفت بيها شباب اثنين ..اني من شفتهم رجعت ...ضلو واكفين ... كال امر خدمه ... اني رجعت ورة التانكي .. واحد منهم نزل كال خويه خيرج وين بهليل وحدج كتلة لا غلطت وياكم عبالي سيارة اهلي هسة جاين ..عليه ياخذوني .. مين اهلج .بقيت ..ماعرف شحجي .. صاحبه الثاني نزل اني بديت اخاف.. كال تعاي نوصلج ..كتله لا شكرا .. فكله ولك خاف هاي عصابه ..لو مخبله كله لاممبين ..كلي انتي مين ..هلج مين ..شعدج بهليل بروحج .. مدري شاورالي ويا وكام يضحك .. كلي امشي ويانه ...والي تريدي منختلف عليه.. كمت ارجع ..ع الفرع .. شفت سيارة جايه من بعيد اني امنت شوية .. امشي واتلفت .. الولد يصيح يبنيه تعاي ..وين رايحه صرت بعيدة عليهم وكفت ..اباع .. ..وكفت السيارة نزل منها واحد بس..يحجي وياهم مداباع بس ضوة السيارة يعكس ..هدومهم وجسمهم .. راحو الولد ..اهل سيارة البيكب .. اني ..ارتاحيت بقيت اباع.. اجه يمشي عليه الولد اني امشي صاح ليالي اني فهد .. اني تبسمرت بمكاني .. اجه قريب ..عليه .. كمت امشي سريع .. ماكدر اركض لابسه كعب .. جرني من ايدي ..حيل .. كتله عوفني ... ماحسيت الا وضربني راشدي ..احس وجهي نار بي ..واذاني صفرت من القوة ... ويجر بيه ..حته كمت اتعثرو واكع ..ضليت احجي عليه اعيط ..ميفيد .. جرني صعدني ..ليورة بسيارة .. وشغل السيارة وشحطهه وطلع .. الطريق كله بس ابجي ..اني ..مديت ايدي ..ع حلكي ..طاك دم ...من الضربه .. وفهد ..من العصبيه عيونه حمر صارت ..ويسوق وايدة ترجف .. من سرعته دقايق ..ووصلنه .. جانت السيارة مقفله اريد بس انزل قبله ..ماكدر .. حسيت ..وكت موتي ..هذا .. ماابالي شي ...ابالي بس انهزم منه .. طبب للسيارة بلكراج .. وفتح الباب عليه اني رجعت ... جرني .. وطببني جوة ... طبيت ماكو ..احد الحجيه نايمه .. كلي نفس منج ..بمكانج ارميج ..اصعدي ..كدامي .. فدوة فهد دخيلك ..عوفني ارجف واحجي ... اصعدي ..عاط .اصعدي . اني ركضت ..فوك ..بركضتي شفت حماية قاسم ..كال شكو ..شبيج ..ليله ..شجره بلكعدة .. عفته وصعدت اريد اقفل الباب ..طبيت ..سديته قبل لا اقفله دفعها ..عليه فهد ..ركضت صعدت ع الجربايه .. كال ..ولج انتي شنو شدسوين ..بيه ..ولج ..وين تنهزمين تريدين تفضحينه وتخزينه ..وجر احزامه اني من جر الحزام كمت اعيط ..بكل صوتي لا لا ..فهد عفيه لا .. ماحسيت الا انضربت ..مرتين ..وطب.. قاسم ..حضن ..فهد ..ولك شبيك وياها ....عوفه .. مخبل ..شجرالك .. كله ولك تريد تخزينه ..هلساقطه ..نهزمت .. ولوما اشوفه ..جان عزوها ...وصخموها دفعه من صدرة قاسم ..كله وخر عنها ..وان جستها ياخوي ..ماتلوم الا روحك .. وكف فهد ..كله خوية شجاي تحجي انت .. داكلك الولد يكلولي ..اكو وحدة مو زينه ..هنا .. ووكفنه عليها .. قاسم ..كله ..فهد ..لا تجي صوبها ..وحك الله ..وتراب ابوي ..اسوي وياك المامسوي بعمري .. ياعمي كافي ..مو فينت حظ حظها .. اني بس ابجي . رد كله .نهزمت من جورك وظلمك .. ليش انت حاسب نفسك بشر .. لا كتب ولا سماوات ترضالك .. كله وخر ..مرتي .. واذ مرتك ..تموتها .. قاسم كلي ..تعاي ..نزلي وياي .. مشيت ..وكف بوجهه ..صار ساتر الي ..نزعت حذائي ..ومشيت وي قاسم فهد ضل يعيط مرتي ومالك حك تدخل ..لو اموته .. نزلني جوة كعدني يم ..امه الحجيه كاعدة بس مابيها تكوم تعرف شكو .. نزل فهد ..كله ..قاسم علمود مرة ..هيج سوي وياي .. ونوب شنو فصليه .. قاسم كله ..وحك الله لو ما تحرم علي لا اطلكها منك واخذها ..لان انت مو بشر .. صار بيناتهم حجي وصياح ..والحجية ضلت تسوي يبووو فهد كله كله عينك ع حلالي .. قاسم كال لا يحرم علي ..اذا اطخها بس ..اخذها واهدها لاهلها .. كافي ..منك ..لا هي الجتاله ..ولا هي زلمه ..وتتعارك وياها ..كادر عليها ..بس وجاي ..طلع مراجلك .. واذا فصليه ..ولك بشر هاي .. كامو ..يصيحون اكثر ..وفهد مثل الاسد ..يزائر .. كمت الطم ..شفتهم راح يذابحون .. بلهحجي طبو ..النسوان وسهام ..وواحد من حمويني من الباب الظاهر جاين ركض ..حمايه اكبر من منهم ..ضياء دفعهم ..وضل يحجي عليهم .. لحد ماوخرهم .. بس بقينه كلنه ابمكان .. جتي هجمت ..عليه حلا .الي هيه مرت قاسم .. جروها ..عني .. ضلت تحجي هجامه بيوت ..خربتي بين الاخوان .. هجامه بيوت ..ساقطه ..وتعد عليه ..قاسم ..عاط بيها سكتهه .جانت .وضعيتي لا تسر عدو ولا حبيب .. كاعدة مثل اليتيمة ووكعت بيد كفار .... جرتني سهام ..طببتني بغرفتها .. وجرت الفون ..ودكت .. اسمعها تكوله .. هلا حجي ..تعال .. عوف الديوان وتعال .. ي بسرعه .. اندارت عليه .كالت .من انكصف عمرج ..شسويتي .وعلكتيها .. باوعت عليه .. ها راح تختنكين .. صاحت بتها جيب مي .. اني صدك ..بدة النفس يروح ..عندي .. شربت مي وارتاحيت .. حجيت الها الصار .. ضربت ع خدها ..ايا مكصوفه العمر .. واج خزيتينه ..ولج عزيتينه .. عفنه العالم وطلعنه من وراج .. ليالي ..تالي وياج لوعتي جبدي .. كالت اكعدي هنا لا تتحركين ..لو جاج ..مدري منو .. اي اي .. طلعت بقيت وحدي ..والجهال يمي .. ماعرف شنو الي اسوي ..ولا شراح اسوي .. كلت بس تفض اخابر خالي .. وخالي ياخذني وبعد ماجي .ابد .. الله لا يوفقك ..فهد ..عفيه ..مابيه حوبه ..وتطلع بي ربي شون ترضى بهيج ظلم ..ياللهي ..شكوتي الك مو لبشر ..لان عبدك ..اذوني وداسو عليه .. سمعت هدوء صار ..وسهام تكول ..خلصت عيني طبن غرفجن ..خلص .. وطبت عليه .. كامت تبدل لجهاله ..ودردم .. شسوي وياكم ..وتالي وياكم .. جهال خوما جهال انتو .. هسة الحجي جاي ويصرف ..اني تعبت منكم .. ضلي ضلي ابجي ..من امداج ..ضلي نوحي .. شلعتي افادي ..بس هذا فهيد ..هم كوي ..ليش هيج وياج يابنت العالم رجعي لهلج ..احسن .. اي ارجع .. كالت كومي غسلي وبدلي الحجي جاي ..هسة .. كتلها اخاف .. لا تخافين ضياء ..كعدهم ..بلديوان .. اخذت بتها ويايه ..وطلعت .. صعدت ..فوك .. طبيت للغرفه ..طلعت ..هدوم .. ورحت ..غسلت اباع .حلكي ..مشكوك .. وجوة عيني احمر مال لطم ..وخدودي مخرمشات .. ادور بجسمي ..ضربه الحزام ..حمرة..ومجمع الدم ع زركه ..دصير ..بدلت وطلعت .. لبست شالي ونزلت .... يم سهام ..طبيت ماكو بلغرفه .. رحت للمطبخ ..تحضر عشا .. كالت اجه الحجي ..نتعشى ..ونحجي .. بيومها بقيت بلمطبخ ..مطلعت ..منه .. وحلا ضلت تبسمر بلحجي .. واني كاعدة وساكته .. لحد ما الحجي ..صاحني .. رحت ..كال فهد ..وليالي .. تعالو ..بلديوان .. رحت ..كعد هوة واني ..كعدت مقابيله ..واجه فهد كعد بصف الحجي الحجي كومه ..كله كوم اكعد بصف مريتك .. كام فهد ..كعد يمي ..بس مسافه بينه .. الحجي ..يشرب جاي ويفر بسبحه .. طبت سهام .. كلها سدي ..الباب .. واكعدي ..
