ماحسيت بروحي ..زحلكت ..ووكعت .. بوكعتي كعدت بلكاع احس عظم ظهري كله نطك عطت اخخخخ..... جوي ركض عليه ..فاطمه .. يمه ..عزة شجرالج ..شطيحج ..بويه ..سهامه الحكي طاحت ليله .يمه يمه .. اني فاتحه حلكي عبالك ميت ..ودتلطم عليه .. كالت بيج تكومين ... اي ..مدت اديها كومتني ... خلتتي ع الكرسي ... وتركض ..جتي سهام ..هيه عيونها كبار ..فتحتهن عليه .. يمه ..شبيج ..طاح الولد .. كتلها وكعت .. اني من فشلتي والوجع ..كمت ابجي .. دقيقه الجهال فوك راسي والكل ..حتى حلا ورشا .. كوموني بغرفه الحجيه .. رحت ..مددت ..اني احس الم ..بظهري بس ..مو كلش هوايه ...يعني اتحمله بس الفشله ..خلتني ابجي وانهاريت بجي .. يمعودة البنيه ماتت بجي ..فاطمه تكول .. اني ماعرف اكمل بجي ماعرف اضحك .. الكل يسال شصار وشلون .. سهام ..اندارت ع حلا ..كالت ..حلا ..انه الج اذا ماخلي الحجي يوكفج عند حدة لا ماتنحمل بعد..تصكطن المرة ..هاي عمايلج .. وانه شعلية..قابل انه ..طيحتها ..هي وكعت .. باوعت عليها ..كالت حله ..اخذي هلعكربه ..وطبن بغرفجن ..لا فهد يجي يصكطجن ..وداعه ابو عامر ..لا اسوي الي محد ماسواه .. دقيقه وفهد فوك راسي .. شصار .. كالت اله سهام ..طاحت .. وليش ..طاحت بس اعصاب ..ويحجي بصوت عالي .. كالت جاي تجلف ..الكاع وطاحت شنو ليش ..كل النسوان طيح .. هااا .وماكو فد هيه تجلف ..كومه نسوان بلبيت .وهي فاهيه ..مال جلف ..وحبله ..اكيد الولد طاح ..مو اباع عليه اعصاب ...سهامه تعلميني بفنونهن .. موسونه بيج قبل والله والله ..انه الهن .. سهام ..كالت فهد ...ماصار شي ..لا تعصب ..هسة نشوف .. كال الوادم يمنه .خلي يطلعون ويصير خير .. يمكن احلى احساس حسيته حسيت اب وعينه ع طفلته ..وزدت بجي من الفرحه. . راح ..حتى ماحاجاني ابد .. سهام بقت يمي .. شجاي تحسين .. كتلها ماكو شي .. خايبه ..خوما ..نزل عليج شي .. دمشي وياي طبي غسلي ..مشيت وياها ..رحت للحمام .. طلعت كتلها لا ..ماكو شي . شنو شكو غير نخاف لا طرحين .. شونج هسة .. زينه بس شويه ظهري يوجعي .. ليال يمه ..انه صح عليج ذابه الشغل البيت لان معدله ..بس مو هيج .. كتلها ..مصار شي والله .. خايبه ..يصير خير ..حجايه فهد مابيها خير .. شلون لعد .. والله ماعرف بس ..كليلي ..شصار ..كتلها حلا كالت دهن بلكاع ..عود اني مسويه هيج .. كالت خلص ..شتغل كيد النسا .. كتلها ..ليش حلا هلكد تكرهني ..اموت واعرف .. كالت ..مو المرحومه .. طب فهد ..ها ليله شونج ..خوما طاح الولد .. اني كتله لا اسم الله . كال ..سهام ..شصار.. كالت اله ..ماصار شي .وانت لا تسويلنه هوسه ع الماكو ..طلعو الزلم .. لا ماطلعو .جا شجابك .. خله ايدة ورة راسه ..كال ..ها ..بالي يم الولد .. لا خويه روح خوما مجلب ع شعرة ..هوة .. اندار عليه ليش تبجين .. كتله لا مابيه شي بس اتوجع .. هااا شفتي ..والله اذا يطلع البالي صح لا احركها والله .. فهد روح يم الزلم هسه .. اجه الحجي ..طب علينه .. السلام عليكم هااا خير ..نوديج عمو للمستشفى .. لا لا حجي..ماكو شي .. سهام ..لزمت الحجي كالت اله راحو .. كلها اي راحو .. فهد ..اجه .. وكف بلممر ..كال قسم وتراب ابوي وشيبته امي ..الي يدوس ع ليال بطرف لا احركه حرك ..والي يسمعه كلمه فصليه ..اكسره .. طلع اله الحجي اني كمت من مكاني .. كله شبيك وهاي عليمن جاي تهوس .. كله حجي ..يعرفن روحهن . واحنه من شوكت ..نطب بطلايب النسوان .. فهد نصه حسه ..كله حجي ..اخاف ع الولد وهاي مابيها خير .. الحجي كله شني بس مرتك الحبلت ..وهلجيش العدنه مال جهال شون اجه شو ماحجينه شي .. كله خويه ..كافي انه هيج وكله تعرفني ..هيج .. والله والله ..اخر شي اسمعه وان سمعت لو تكرر ماتلوم اله نفسها .. جرة الحجي طببه ..يمنه .. كله شبيك سودنت .. اي اخاف ع الطفل .. فهد ..عيب ..مايصير هيح .. يعني نعوف طلايبنه ونكابل النسوان .. لا خويه مو هيج بس حلا ورشا ..دايسات بطن ليال ويعيرن بيها .وهي صارت ام ابني ..وماقبل احد يمسها .. الحجي ..ضحك ..ولك فهيدان ..تعلمني بيك انه ربيتك .. سد الموضوع هسة انه راسي مطبل من الكاع .. وانت حير بنسوانك وحدكم .. لا واحد اخوانك يسمع ويزعل عليك من ورة مرة .. حجي .انه راح اعقد ع ليال ..محكمه ..حتى ياهو الي يكول فصليه ..ينخرس .. الحجي ..كعد اني واكفه ..جنت ..احس رجلي مدتشيلني ..من خوف مدري فرح ..اعرف ..الفصل ماتعقد محكمه .. سكت الحجي ..كال ..عوف السالفه خلي نفض سالفه الكاع .. ومن باجر دز ع ولد عمك ..كامل .. ورابطو بليل ..حرس ع البيت ..والكاع .. يمه ..صاحت سهام ..شكو ..ابو عامر .. ماكو شي يامرة ..بس للامان ..انطيناهم مهله اسبوع ونشوف تاليها .. اندار عليه ..عمو ..شونج هسة .. مابيه شي .. سهام كالت انه اخذها .للطبيبة باجر احسن .. يلا اكوم انه .. كام الحجي ..وراحت سهام ويا ..اجه يمي ..فهد كال كومي اصعدج فوك ..كتله اكوم اني .. اني قلبي احسه يريد يطك ..صار..كومه محاسه اكو بظهري احد ..يدافع الي ..من طبيت هذا البيت واني محطة اهانة.. خله ايدة ع جتفي امشي .. كمت امشي ..ويا ...صعدنه ..الدرج .. كال اشيليج .. اني درت وجهي عليه ..شفت لمعه بعيونه غريبه مشايفتها بعمري كله... ليال اشيلج .. هاااا .. وجعا اشيلج .. لا .اني اصعد شنو السالفه خوما معوقه ..رفع ايدة لسما ..ويضحك .. انداريت علية شنو هاي ..تدعي عليه ... يضحك .... الدرج يصير مقابيل غرفه رشا ...درت وجهي شفت ..رشا ..فاتحه الباب ..وتباع .. اني ..تقربت شاورته ..فهد شيليني ..ماكدر اصعد .. كال عليمن تلوعين كلبي ..كولي شيلني شالني ..وصعد ..حسيت روحي طفله بين ايدة ..اني بس اضحك ..هوة يكولي اسكتي خزتينه ..ولج لا يطلعنه الحجي يطكنه بلعكال ... وصلنه للغرفه كتله نزلني ..نزلت .. ومشيت ..عادي .. طبيت ..للغرفه ..ماعدا فرحتي بتصرفه اليوم بكل شي ..زاد الفرح ..من شالني كدام رشا ..هسة تموت قهر ..اكيد ....بس هيه شنو ذنبها ..حالها من حالي .. يعني عشت تناقض صعب ساعه احن اله وساعه لا .. تعب الاحساس تعبني كلش .. طبيت ..كعدت وساعه اكرهه رشا وساعه اانقهر .. هوة بدل هدومه .. اني اتحرك عادي ..يعني وكعتي مو قويه وتخوف .... بس خلي هيج احسن واحلى .... اجه يمي ..كال تريدين امرغلج بزيت خاف يوجعج ظهرج .. ا ..زينه هيج مرتاحه .. متاكدة اي .. كال يلا نامي ارتاحي وبعد مالج شغل بلجلف .. فهد لا دخل روحك الحجي يكلب عليك .. كال لا مالج شغل ..هسة راسنه مدوش من الكاع .. كولي شنو سالفتها .. كال شرينة ..كاع .. وتكاتبنه عليها والحجي دفع من فلوسها ورة يومين طلعو ربع كال النه نص الكاع .. والي شرينه منة الكاع مايرضى يرجع فلوسنه .. اووو سالفه طويله لليله لا تهمين روحج بيها .. لعد شنو ..الحجي كال ..ولد عمك ..وهيج .. اجة ..نام يمي ..ع الجربايه .. كال جا شون ..غدروبينه ..طكونه ..احنة نحضر روحنه للامان .. يمه ..شكو .. ماكو شي الحجي يحلها .. كال متكوليلي شطيحج .. هاا ي احجي .. جنت اسمع اغنيه .. بله شكلج هسة ..من ورة اغنيه .. اي هاي الكلت سمعيها .. باوع عليه ..رفع حاجبه سمعتيها .. ندكت الباب .. فهد صاح منو.. انه فاطمه .. فتح الباب فهد خيرج خوما صار شي ..طبت لا ماكو شي .. طب ابنها وياها ..اني كمت عدلت ورحي .. كالت ..خوما زاحمتكم .. لا احجي شبي ضياء .. لا ماكو شي بس بروح ابيك لا تكول انه الي كلت .. كالت احجي حمودي .. حمودي ابنها صغير .. شكو يا فاطمه لا ..تحيرينه .. ابنها كال ..عمو انه جنت واكف يم ..المجمدة ... طبن عماتي ..حلا وشا .. اييي .. اني هم ..كمت .. انه اكل ثلج. جنت من المجمدة ..امه كفخته انه مو اكلك لا تاكل ثلج مزين .. عوفي كمل .. كال ..شفتهن ذبن ..الدهن بلكاع.كله ذبنه ..وكالن من تجي ..صيحيها ..وهيه تزلك .. اني بقيت .فاكه حلكي ع الحجي .. فاطمه كالت خويه فهد لا تسويها اطلابه انه ردت اكولك حتى تاخذ حذرها ليله هذا كيد نسا يابعد اخيتك .. وهذا قويسم فقير كلنه نعرف بي .. فهد كعد ..وضل يحرك برجله ... كلها خوش خويه روحي انه احلها ..اصلا مو وكتها هسه .. طلعت فاطمه. .فهد جاب جكارة واجه .. كال هاي رشا انه الها .. كمت عليه كتله شتريد اتسوي ..فهد .. كال اهدها .لاهلها ....وانعل يومها ..وانعل عشيرتها .. وضل يغلط عليها .. وهاي حلا انه ..اعرف شكول لقاسم .. وتتوقع هذا حل .. اي حل .. فهد اذا ابالك الضرب مراح يسوي شي وهيه هم مرة وتريد تحس بيك وبحبك .. ليال انتي صغيرة ماتعرفين هذني .. فهد العمر ميحكم الاحساس .. عمي ماتعرفين شيسون هاي سهامه جاهدت ..يلا كدرت الهم انتي بكفخه وحدة اطيحين .. اجه ..نام ع الفراش يمي .. كال ليال ..اني تعبان ..وسرعت بزواجي منها بس مامنه ردة ..وماعرف شسوي وياها .. حسيت روحي نعصرت .. كتله اتقرب منها .. باوع عليه .. وانتي .. شبيه اني فهد عايشة حياتي ..وهيه مرتك مو اني .. هااا جا انتي شنو جاريه ..يمي .. ماعرف شلون تفكر بيها . ليال حيرتيني ..وتعبتيني وضيعتيني ..شسوي الج ..حتى تعرفين انه حبيتج ..هوايه ليال ..مابعيني بس انتي دنجت راسي كتله فهد ..جيب قطعه قماش ..وشكها وارجع خيطها ..وارجع شكها ..اني هيج وياك ..الف جرح بيه خليت وكل هذا وصابرة .. ليش صابرة ويايه .. لخاطر ابويه ماريد فديوم انعاب بي .. هااا ابوج ..وانه شنو.. سكتت...كتلة..ابو ابني ..وبس .. خوش يابنت العالم انه هم ماتعب روحي بعد شنو ذله هيه الي سواج ماسوة غيرج انه ابن دله. وهيل ماطاطي الج راس ضحكت ..عفيه عليك هذا فهد الي اعرفه .. اكولها الك بصريح العبارة ..من يوم كصيت شعري انت انتهيت ويا ..من كلبي وروحي من يوم الي ضربتني ع ذنب مسويته انت انتهيت الي تريدي شنو ..ليال .. اني اخذت نفس كمت منه اذا ابقى ابجي ..سويت نفسي اكلب بثلاجه .. بس انتي مرة ..ماشفت مثلج ..سويت روحي اكلب بثلاجه .. كال مثلج مرة ماشفت ...ليال جاي احاجيج انه تعبت ..منج ..وعقلج يابس .. التردي شنو .. اريد اعيش..ارجع لاهلي ..واذا ع ابنك اخذة جا انتي يمي ميته ..واهلج الحياه اي ميته ..وياك وماحسيت بلحياه .كل شي انسلب مني حتى روحي .. اي وسيف هم انسلب منج ..كملي كملي هذا الي تردي ..هذا الي جنتي الليل كله تونين عليه مو سيف ..باعي لليله انه جنت ماضان هيج بس .وحك هل شارب اله افني حظ سيف ..صبري علي الا اروح واطلعه من بيتهم واصكطه ..وانتي ضلين ..لا مزوجه ولا مطلكه ..وانعل ابو الي يطلع من وراج .. شجاب سيف ..بلنص ليش الكلام بس الك ..اسمع مني .. اني ممرتاحه وياك ..وع لحضه تطردني برة .. سمعي ..شنو ماتفهمين انتي بس اتنكين انطي مجال ..جا شسوي الج ابوس ايدج ..لو ابجي عليج ..ليله ..كافي ..انه الي علي سويته وانتي ابقي ..ماضارتني بشي..ابقي هنا وانتي الي تحلمين صيرين لغيري من اموت روحي .. خلص يابنت العالم ماكو كلام وطفي الضوة خل انطمر وراي طلايب .. جيت يمه .نمت ..كتله ماحب سيف ..اني احبك الك ..بس ..بس انت بنفسك تاذيني .. انه اذيتج صح ..بس كافي .. كافي ..ي ..علمود اني مرة كافي واتحمل يومين وتمل وترجع ..نفس الشي .. خرب ..راح تبزعني يابه ماتفهمين والله .انتي لا تلحين ..اخ الله كون هيج اطكج واطلع نار كلبي بيج راح اشرد منا ..نامي بروحج وشمر عليه المخدة وطلع .... سد الباب حيل ..فزيت ..بفراشي .. بقيت وحدي اريد اوصل لقرار مداعرف شنو اريدة بس اكابر كافي ليال خطيه ..لا تلحين ويا ..كافي يبوو مو كال اعقد عليج شفتي شلون ..حجه عليهم .. احساس غريب ..اريد احضنه ..وانام بحضنه ..وارتاح من يبعد عليه .. لا كافي ..ليال روحي صالحي ..ورجعي لحضنج .. تخبل من وكعتي ....انتي ليلته ..صح ليلته ...وايامه ..كلها .... فتحت الباب ونزلت .ركض ..نسيت نفسي وظهري ....كلت اكيد نايم يم الحجيه .. اروح اصيحه .. نزلت ع كيف وبيدي ..الفون اضوي بي ..طبيت لغرفه.ع كيف لغرفه الحجيه ماكو .هوة . ضليت حايرة وين راح .. طلعت .معقوله يدخن برة لا رحت فتحت الستارة ظلمه وماكو احد ..رجعت مشيت ع طرف اصابيعي .رحت للمطبخ ..شفتة فاتح الثلاجه .. وكفت ..بلباب ..بدايه المطبخ نص تخم وثلاجه ومجمدة وتلفيزيون كعدة ..وبي مطبخ حار وبارد .. كتله شدسوي .. فز العن يومج ..شنزلج .. اشتاقيت الك ونزلت .. بقى ساكت .... طلعت رشا من المطبخ الحار ...وكفت .. اني نصقعت مو انصدمت شنو يحجي عليها وشنو نزل مني راح الها ..بقيت واكفه ..اباع عليه ..والحقد بداخلي طغى .عيوني كامت متشوف ..كلبي يباع ...صح مرته ...بس مو هيج....هذا موت بارد ..الي ..باوعت عليه بستهزاء ... كتله .تصبح ع خير فهد .. درت روحي اجه جرني من ايدي شبيح انتي مخبله .. لا بس ..شفت كلشي .. شبس شفتهمتي .. مفتهمت شي ولا اريد افهم .. جا شفتينه مصاليخ ....ويضحك ..تعاي .حبيبه .. حسيت بقوة ايدة وحرارتها ..حسيت منها بدفو .. مشيت ويا .. اكعدي ..كعدت وكعد بصفي .. شاورني ..جاي سويلي عشا .. اني خنزرت عليه .. يمه باع العيون ..صدك اشتاكيتي الي .. فهد ..ليش ماكلت اني اسويلك .. يمه باع الاني ..غير تسحل الروح سحل .. ضحكت شاورني ..اخاف عليج ..رجع كال وانتي بس زن زن عبالك ماطور مجيم ويون براسي .. اني .. اي يابعد الاني وان فكيتي حلكج ..ها ..بلسبحه .. بس اسمعي ..تعاي جاي يمي .. هوة اني بصفك .. بعد بعد ..اجيت .. اي سمعي كلام .. جتي رشا جابت الاكل ..كالت تريد شي ..لو انام .. كلها اكعدي .. كعدت كبالنه ..شكلها معبس .. اكلي ليال ..انتي هم ازوهري .. رشا كالت لا اكوم اني مزوهرة من حالي .. اكعدي ..سمعي ..يابنت الشيخ .حجايتين ..اكولها ..انتي مرتي وليال مرتي .. اكعدي ..ماريد اسمع حجي زايد وكال وكلت ومشاكل .. اتصافو كدامي ..العدها حاجه يم وحدة تكولها اهنا .. اني اسمع .. رشا كالت ..فهد ..انت مو عادل بينه ..وهذا حرام عليك .. محد ماطك ع ايد كلك تعال .اخذني ..وانت ماتريدني انه .. سكت ..وضل يلعب بلحيته .. كملي .. ماعندي شي. اكمله بس انه من طبيت لليوم انت ..تتعارك وياي وماطيقني ..واذا انت تحب ليال ..ومكفيه وياك ليش زوجت .. تغير ذاك فهد ..بكلمه ..مو هوة موقف ..صعب من رشا.. رشا ..شي ..خاص ماعندي وياج ... يابنت العالم ..باعي الكرهه بعينج ..م اول يوم طبيتي ليال ليال فصليه ..عمها خالها ..نسيتي .. كالت انه بنت شيوخ وعز وخير .. كال ..اي ونعم ...بس كليلي ..ابوج الشيخ ..او امج علموج ..طيحيم العالم ..لو طبحين ولدهم .. سكتت ..ابوج يرضاها الج ..هسة .. جاوبي بالله عليج ..انه اسمعكم .. مو انه ..هيه طاحت .... اي صح بس من شافكم وحجه كل شي . لا مو انه.. رفع ايده خلص ..انه فهمت .. رشا ..هاي سوالف الخبث ..ماريدها بلبيت ..واعرف منو وياج ويوزج .وقسم بالله ان شفتج او سمعت عندج حجي وي حلا ماتولمين الا روحج. وسالفه فصليه ونص مرة ..شلج بيها .جا انتي الي فصلتيها لو انتي الي خذيتيها ..ومن طكيتج هذاك اايوم ..تجين تهدين عليها ليش انه ماشفت منها اي ..شكوى عليج ..الحجي يمج بس ...هاي عود انتي نزلتي عليها ..احجي يابنت الشيخ والاكابر ...قبل لا تحاسبيني ع اهمالي الج راجعي نفسج ..والكلام الكم اثنينكم ..اذا ما تنعدلن اطك الثالثه والرابعه هم ...ماسمع بعد ..شي .. يلا سمو باسم الله خل ناكل لكمه .. رشا ماحجت شي ..واني هم سكتت... اني اكلت ..ويا ...ورشا كاعدة ويانه .... كملنه الاكل ..كمت ..لميت الغراض .. كعدني فهد ..كال اكعدي انتي.. كعدت . كال انه نايم يم ..ليال ..لان مالها خلك ..وانتي راجعي نفسج ..رشا .. وصعدنه فوك ... بس طبينه كال ما شالله وينه وجع ضهرج ..ولا جنج طايحه والله بس قليل .. رحت بدلت هدومي .. ليال الكلام الج هم .. منا وغاد ..ماريد رشا ورشا .هذا شي ..وصار .ومجبورة تتحملي وياي ...شون انه جاي اتحملج .. باوعت عليه .. كال انتي ..تبطين ..عشاير ..مو انه ..بس . كتله تريدة شنو .. مو انه الي اريد ..انتي ..وديتي علي .. المن ..وديت .. جا منو عمي خلف نزل كال مشتاقلك .. ضحكت .. كال بدون اعتاب ..ولا حجي ..انه احبح وانتي همات اتحبيني ..خلينه ...نعيش ليله ..هوة العمر كم ليله مو حيرتيني كتله محد ..الي ..لعب بيه غير هاي الاغتيه بس ذوقك حلو ..والله جا شعبالح .. اجه يمي ..حضني ..وهمس باذني ..ليلتي ..الي وحدي احبج .اتنفسج بعدج ضايع كافي دلال .نسيت كل شي غمضت عيني ..حسيت ..بدفو جسمه ..انفاسه جانت ..موسيقى اتناغي روحي ..حسيت اني طفله .اني ..ملكه ..بين ايدة ..عفت كل شي ورايه .من عتاب والم ..وغركت بحضنه ..وهمساته وبوساته ...كل شي بي حلو كل شي ..يخليني اعيش واحس جسمي وروحي ..احتيت من جديد احبج . درت وجهي عليه اني اكثر ..اني اموت عليك ... بس كويه انتي وورث جكارة ... ضحكت ليش كويه شوفي حالي ..هسة ردت الروح بيه .. جيت خليت ..راسي ع صدرة .. فهد وعد ..متعوفني ولا تاذيني . ليال ..انه تعبت ..بدونج ...تاخذين مني وعد اعوف روحي .انتي روحي .يعني اني روحك .. اي ..واكثر بعد .. اي سمعني سمعني .. اي حبيبي اسمعج بس باجر عندي شغله الصبح اروح عليها .. كتله هم الكاع مو عوفوها وحدها تصفه .. هذا حكنه وليش نعوفه .. الحجي ساكت بس ..هذا الرجال الي يكول الكاع الي هم .. مايرضى ..بشي ..وعاف الطلابه وي شريكه وجلب بينه اطلع ماطلع من الكاع .. عمي عالم باطله شايفه انتي.. اي والله ..باطلة شون ابويه راح يصير سنه ..ومطلع .يوميه ياوراقك ناقصة ويا مغيرين القاضي الله كريم تهون .. تقربت منه بسته ونمت بحضنه ..وماحسيت بشي كعدت الصبح هوة طالع واني نايمه .. نزلت مثل كل يوم . بس رشا ..فاكه شويه اني ماحاجيتها ولا هي
