وصلنه ..لمنطقه مفتوحه ..طبت السيارة بلشارع زراعي .. ع الصفحتين ..اكو ..شجر ..فتحت الشباك ..شويه .. ريحه ..الهوى ..تخبل ..وبيها ..نسمه .برودة .. فكري ..صفى ..وارتاح .. الطريق ..اظلم ..طبينه ..ع اليمن .. مسافة ..اكو ضوة ..جان .. وشفنه ..كومه رياجيل ..واكفه .المنطقه جانت .بيها اضويه ..كدرت اشوف ..كم بيت والباقي كله مزارع .. فتحونه الباب طبينه ....مساحه جبيرة واكو بيت ...بنص ..مزرعه .. وجوة ..هم اكو رياجيل .. وكفت السيارة ... انداريت السيارات ورايه وكفت ..فهد طفه السيارة ..وجوي عليه ..نزل .. نزلو ..الكل .. اني الله ..ذب علية الرجيف كله ماعرف..ليش ..وسيارة جانت بيكب ..دبل قمارة ..حديثه عاليه .. بنزلتي .العباية صارت جوة رجلي ...وكعت .. ... الكل ركض ..عليه الله ..الله ..شجاج .. اجه فهد ..جرني ..وكومني .. كمت .نفضت ..روحي ... فهد ..يحجي بصوت ناصي ..متكليلي ..شجاج ..ماوكعتي الا يم الزلم ... اني حتى بحلكي ..طب التراب.. الوكعه صارت ..ع وجهي وكدرت الزم روحي بايدي ..لوما لازمه روحي جان تفلشت .. ..الفشله موتتني ..سويت روحي ..دانفض ..بهدومي .. وعيوني دمعن كومه عالم واكفه .. طبيت ..جوة تلكونه ..سعاد وبناتها ..كبار .. وياها ويمهم مرة ماعرفتها .. سلمت ..عليهم .وطبيت وكتلهم عفيه اريد اروح ..للحمام ..غسلت ..وجهي .. مضمضت ..حلكي متروس تراب ..ودم شويه .. غسلت ..اريد اطلع استحي ...بقيت مترددة تاليها طلعت .. ها..خوما بيج شي .. لا مابيه ..بس شويه وجهي ..نضرب .. سلامات ..سلامات .. هاي من الخوف اكيد .. طبو ..ورايه النسوان والجهال ..وسلمو عليهم .. وكعدو ..اني هم كعدت .. سهام من يوم السالفه ..تغيرت ..لا كامت تحجي وتسولف .. وبس ضايجة .وعصبيه .خايفه ع الحجي .. شويه وطب فهد ..كال ليال تعاي صاحني ..برة بممر ..رحت يمه .. كال ليال..خوما تعورتي .. لا اني راجع .. وين .. للبيت يم اخواني .. واني .. انتي هنا بامان ..هذا بيت اخوي وهنا كلها اهلنه ..وخوالنه طب ضياء ..ها خويه شونج خوما الطيحه اذتج ..ومدنج .. كتله لا مابيه شي ..الحمدلله .. طب واحد وراه ..اني واكفه يم فهد ..اباع .. السلام عليكم .. جاوبت وعليكم السلام .. راح الولد طب ..جوة..بلمطبخ اني واكفه يم فهد .. فهد اندار ع ضياء ..كله ..شني السالفه ..شو طب للبيت .. فيصل .. كله ..يباتون هنا ..جا غير خوال الجهال ..وخوالك فهد ..كال ضياء ..صدك تحجي ونسوانه .. لا عمي امن ..يباتون بلربعه مو هنا .. ميخالف ياخوي ..مايصير اذا هيج اخذهن وارجع .. لا خويه ع بختك .مايبقون ..بس ماخذ ع البيت .. اندر فهد استغفر الله ..وتالي .. ضياء .كال ..عمي توكل بالله ..وروح ..لا تحسب .. وانه من الصبح يمكم .. اي..تجي يمنا ويضلون الزم ..بلبيت .. لا خوي مو كتلك مو هنا .. يلا انه طالع ..برة .. فهد جر ايدي بقوة ..ويباع بعيونه يمنه ويسرى .. ليال ..لا طلعه لا حوش ولا حديقه ولا سطح .. اكعدي يم النسوان .. اني اهز براسي اي .. رد..كام يشمر ..بايدة ..اووف.. طلع الولد ..مدنج ..وطلع برة .. فهد كال لا لا هاي مو حاله جتي ..فاطمه ..ها خيركم شو لبدتو هنا .. لا ماكو شي .. احجي فهيد ..شمالك .. هجي ..ماكو شي .. اني ساكته ..عفيه فهد ع كل شي يعصب ..وضايج .. جرني من ايدي ..اكو غرفه ..جوة .. كال ليله ..عقل ماكو براسي ...والله ان سمعت ..احد شايفج ماتلومين الا روحج .. فهد مو حاله هاي شنو يعني اخنك روحي .. هااا تريدين تفرجين روحج ع الزلم .. اهوو اني مكلت ..هيج ..بس انت تخنك الي ميختنك هسة العالم بيا حال وانت حاير منو يشوفني .. ليال ..حجايتين ميصيرن اكثر .طلعه ماكو .. جاوبته بعصبية ..اي خلص ..الله خلقني ووكف ماكو بنات ورايه .. ضلي لاسني وعاندي ..انتي ليش ..تحركين بدمي .. فهد عفيه اذا تريد تتعارك اني كلبي خلصان .. جا خوش ..صرت اريد اتعارك هسة .. غمضت عيني واخذت نفس .. فهد بدون متحجي اني ماطلع بس انت تحسسني عبالك اني راح افرفر ..والزم واحد واحد احجي ويا .. خوش ..عافني وطلع .. اهوو ياربي شلون بي اني هذا لشوكت يبقى هيج .. هسة مو عندة مصيبه .وحاير بيه .. ضجت ..منه .. طلعت صارت بوجهي ..حلا .. ضلت تباع الي من فوك ليجوة .. كتلها خير اكو شي ..مضيعه شي بوجهي .. ع كيفج عيني ديلا عود حور عين واباع بشكولج .. حلا ..شكد فارغه ..االناس بيا حال وانتي بيا حال.. كالت ارتاحيتي ..مو هسة .. ع شنو .. تعرفين ع شنو ..طيرتي المرة ..وحلالج الجو ..بوحيدج . اجه فهد ..كال ..يلا .. شنو فهد ..كال باقي ..هنا انه اليوم ..وباجر الصبح ..رايح .. حلا ..راحت .. كال شبيها هلمسمومه .. كتله هيج مخبله .. كتله صدك ..راح تبقى اي ..ويحجي ..معلك ..ضايج .. شبيك .. ماكو ... سعاد ..صاحتنه ..بلاستقبال .. كال امشي ..هيج من هيج ..ضل يغلط ..سامعه الله من يطك بحجار..انه ..الله طكني بيج .. باوعت عليه ..اعصاب ..مو مال احجي .. طبيت ..الاستقبال كعدة عربيه ديوان .. رحت كعدت ..جانت مسويه جاي ..وعروك .... شويه وطب ضياء وياه ولد ..وكعد .. اباع ع فهد عيونه طلعت.. فهد متربع وكاعد ..يدخن .اني كعدت يم ..فاطمه .. ام عامر وسهام وحلا ماكو .. والحجيه ...كاعدة ع كرسي ..يم البوفيه .. صاحت فهيدان يمه تعال .. راح فهد يمها .. ضلت تبوس بي وشم ..وتكوله يابعد امك ..يايمه .. وهوه يبوس باديها ..يمه انه اموت بدونكم .. كلها يمه انه لخاطرج ضليت ..والحجي كال ابقى ..خاف امك تتخربط .. ويباع عليه .. ردت صاحت ضياء يمه ..تعال وهم نفس الشي .. ضلو يسولفون .. اني كاعدة لا حجيت ولا شي ..قدمولي جاي وخبز ..اكلت شويه ..لان اعرف فهد راح يطلع عيني ..جنت لابسه ..العبايه ولافه جسمي كله بيها .. الي عرفته ..فيصل ابن خاله الفهد ..يعني ماعرف ليش هيج..ضايج ويغار ع شنو .. لان الحجيه ..تترحم لابو فيصل ..وتكول اخوي هذا .وتبجي .. بهلايام الحجيه كلش تعبت ..من صارت الطلابه .. وضغطها دائما معلك ..وعلاج لو يودوها للمستشفى ..يضربوها ابر .. بقيت بيناتهم مثل الاطرش بلزفه .. مو كل الكلام افهمه ولا كل السوالف افهمها منهم.. خاصتا الفصول .. فهد اشر الي .براسه كومي او روحي مفتهمت ضليت اباع عليه خنزر .. اني كمت اني وعباتي ..كوة لابستها ..وثابته ع راسي .. امشي واتعثر بيها .. طلعت ..من الاستقبال ..وين اروح كومني .. كامت ورايه ..سعاد .. كالت ..تعاي .. جيبي غراضج وتعاي ..جنطتي بايدي ..رحت وراها .. ودتني ..بغرف ارضيه ..شفت غرفتين وحدة مقابيل الثانيه .. فتحت الباب ..كالت هنا نامي انتي وفهد ..هاي غرفه البنات نامو بيها بين مالله يحل الطلابه خوش يمه .. اي ..مشكورة حبي.. شونج وي فهيد بعدكم تتناكرون ..لو من حبلتي هدت .. كتلها الحمدلله .. وهاي ..رشيوة ام الدكايك ..شصفى منها الدهر .. كتلها ماعرف ..والله شي عنها .. وبقت تسولف وتحجي.. عدنان اصغر من الحجي ..جان .. الغرفه ..صغيرة.بيها كنتور ابو 3بوب ..وفوكاه فرش.. وبلوسط ..بوفيه ..خشب صغيرة وتلفيزيون .وستلايت .. وفارشه بلكاع مدات .. اني ..كعدت .. وكعدت ..تسولف الي ..هاي مرت اخوها فيصل .. والبيت مالتهم بي ..تعمير وجاين يمنه ..لان قريب ..ع الكاع مالتهم .... اني بس ابتسم واهز براسي ..الها .. كالت تحللي. محد يطب لهنا .. ونامي وارتاحي لان نكعد من الغبشه .نسوي اكل لزلم .. اي .. يلا ..وداعةالله .. وطلعت ... ضليت ..كاعدة ..ماعرف شسوي .. ذبيت العبايه ..ونزعت الشال ..وفتحت شعري شعري جان مبلل..لان قبل لا اطلع سبحت .. جانت فارشه النه ..بلكاع .. ورحت مددت ... تعبانه ومنايمه ..ونعسانه وبنفس الوكت ماكدر انام من التفكير والقلق .. ضليت اباع ع السكف وافكر .. شلون تاليها .. فهد يكول .جذب مامضروبه عيونه بس يردون ياكلون علينه الكاع. .والفلوس .. والحجي ميقبل ينطي الكاع .. انفتحت الباب ..طب فهد .. سد الباب .. كال منا وغاد من طبين سركي الباب وراج.. ولا تنسين روحج وتتبطحين ..اكو زلم غربه وهاي مو غرفتج .. اي .ميخالف .. ودرت ..وجهي ع الحايط اريد انام ..اعرفه مراح يسكت ويمكن يطلع قهر المشكله بيه .. طفه الضوة ..وحسيت بي اجه يمي ..ونام ... هسة يحجي ويايه ..هسة يكولي تعاي .. انداريت خال ايدة جوة راسه .. اجيت يمه خليت راسي ع حظنه .. كال ..من شفتي ماكو مرة كاعدة ..ضليتي مرابطه يمنه ليش..لو الا احجي واكول كومي ..موشفتي طب الزلمه .. اني كعدت ..كتله وين اروح لا اندل ولا اعرف شي .. ماعرف ..مضلين كاعدة ..يمنه .. كتله عفية ..كافي .. رجعت ..خليت راسي ع الفراش ..وحاولت انام ..الليل كله منمت زين ..منا افكر بابويه ومنا الهوسه ..ومنا مغثه فهد .. انام وافز .. سمعت صاح الله اكبر .. فتحت عيوني ..كمت ..من الفراش ع كيف لا يحس عليه .. اذكر الحمام .وين .. لبست ..شال .. وطلعت ..للحمام ..طبيت غسلت وتوضيت ..وطلعت سمعت صوت ..بلمطبخ ... حت مديت راسي ..كلها كاعدة .. وخالين ..بريمزات ..والجدورة تغلي .. طبيت ..صباح الخير .. صباح الانوار .. ها شكعدج ..من وكت .. حلا كالت ..عجيبه ..هيه هناك ..مسعدة ماتكعد الا تالي ..الصبح .. سعاد..كالت ..هاي بعدج مابطلتي سوالفج ..بناتج راح يعرسن وانتي ..ع هاي سوالفج .. سكتت.. طبيت .حلا وفاطمه وام عامر والبنات ..بس سهام ماكو .. سالت عليها ..كالو ...فاطمه كالت نايمه .. سويتو ريوك .. لا بعد ..هسة نبلش..بس ذبينه اللحم ع النار نحضر اكل للزلم ..بين مايخبزن البنات ..الريوك يكمل .. ساعدتهم ..اني ..بليريوك ..واشتغلت ..وياهم .. حضرنه الريوك..النسوان فرشو الهم بلمطبخ والرياجيل ..بلاستقبال .. كالت ..سعاد كعدي ..زلمتح ..حتى يتريك .. اني ..هم رحت كعدته ..وطلعت ..ماريد احجي ويا غثني هوايه .. تريكنه وكملنه ...وبدة الشغل نسوي اكل ..للغدة .. تمن ولحم ..يسمو هبيط .. بصواني ..مناسف .. ولبن ..وخبز وزلاطه ..غدة عشا ..متنه من الشغل .. فهد واخونه طلعو من الصبح ورة الريوك مشفته بعد .. وبقو برة عالم مثل الحرس ماعرفهم .. احنه..بس نطبخ جنه ..وشغل ..من التعب احس رجلي صارت خيوط ..ع وكفه وحدة ..نكمل الغدة نبلش بلعشا .. وغسل مواعين وشغل .. من الفجر ..لحد ساعه ..اربعه ..العصر ..يلا كدرت اطب ..بلغرفه واحط ..راسي ..وشويه ارتاح .. طبيت شفت ..4مكالمات من امي .ضل بالي ...دكيت عليها..جاوبني ..الو..بقيت ساكته ..هذا حس ابوية ..هلو بابا شلونك حبيبي حمدلله ع سلامتك ..الحمدلله انتي شلونج ..الله يسلمج اني بخير الحمدلله ..كلي ليلو احجيلي ..شصار منج شلونج بنيتي مرتاحة ..كتله بابا الحمدلله زينه ومرتاحه وزينين ويايه كلهم .ليلو اني يومين وجايج اخذج .. سكتت بابا شتاخذني رجلي زين ويايه واني حامل منه واحبه ..بابا ..لا تفكر هيج ..اذا تجي مارجع وياك .. كلش زين ويايه ويحبني .. كال مالج دخل اني يومين وجاي يمج ..اشوفج ..بقيت احجي وياه .. وختمت المكالمه ويا فرحانه وخايفه ..لا صدك .. يجي وياخذني ..واذا فهد عرف هيج لا يكلب الدنيا عليه هوة بلا شي اعصاب .. بقيت اتكلب حتة النوم طار من عيوني .. وافكر .. طلعت ..طبيت ع سهام ..شفتها .. مددة ونايمه بلفراش سهام .وفاطمه بلغرفة المقابيلي كاعدين .. كتلها شبيج سهومه ابد مو ع بعضج .. كامت عدلت روحها ولمت شعرها .. كالت لا خيه ماكو شي .. بس فايتتني ودايخة بس لا حبلى .. يالله مبروك ..ع الخير .. كالت ماكو فرحه لحد ماتفض الطلابه ..ليله .. ليش هلكد خايفه ..سهام .. ليال اتمنى مثلج وماعرف شي ..هاي وراها مصايب ..عمام رشا معاندين ..والحجي معاند ..واهل رشا جنهم مو خوش اوادم ..ويردون الكاع والفلوس خاوة .. يااا. اي خيه يااا ..هنياله لكلبج ع فهاوتج .. كتلها اني مو فاهيه بس ماججي واكثر سوالفكم ماعرفها .. كالت تتعلمين سهله خيه .. كتلها اريد ارجع ..طكت روحي هنا صح يوم بس مامتعلمه ..ابد هناك اريح .. كالت اي والله ليال ..هناك جنه ..فدوة سويلي جاي ..بلكي هلدوخه تروح مني وارتاح .. اي حبي هسة اسويلج واحضر العشا ..صارت غروب ..هسة يجون ياخذون الاكل اي حبيبه .... طلعت ..شفت ..النسوان كلها ..بلمطبخ وتحضر .. وكفت وياهم ..وكعدت اسوي الاكل وذبيت جاي ع النار .. فاطمه كالت ..جوي الولد ..ليله سوي جاي زايد بين مايودون العشا بسيارة .. سويت ..وصبيت الجاي بلاستكانات .. وحضرت الصينيه .. اركض منا ومنا ..اصب جاي ..واثرد خبز .. رفعت ..دشداشتي والردن ..ورفعت الحجاب شويه ع شعري .. لان احتريت من الجدورة والطبخ ..المطبخ صار فرن كملت كلشي ..اني مندارة ..اسمع صوت رجال .. اندار اشوف ..فيصل ..راسا نزلت الردن والحجاب .. وعدلت هدومي ..درت وجهي شفت فهد واكف باب المطبخ ..ويا ضياءوفيصل اني من شفت فهد يمكن دم مابقى بجسمي ..خال ايدة ع حافه الباب ويباع عليه .. ااني سويت روحي اشتغل .. محجة شي ويايه .. بس يباع عليه .. اني كملت شغلي وياهم .. والظاهر شربو جاي واخذو الاكل وراحو .. بس ..دقايق ..مرت رعب ..عليه .. اني بس حجل رجلي طالع ..وايدي شوية رفعت الردن.. يعني الف ..سالفه وحسبه ابالي شراح يسوي .. بعدين هديت من شفته ماكو ولا اجه ..كلت راح يبات .. هناك ..وينسى كملنه العشا وغسلنه الجدورة ..وتعشينه . رحت للغرفه تعبت كلش ..لا اعرف بحياتهم ولا اكدر ع هذا تعبهم ..احس ..كلش انضغطت ..بهل يومين .. مددت ..نمت ..حسيت الباب ادك لان قفلتها .. كمت فتحتها ..فهد ..بوجهي .. فتحتها وطبيت.. طب ورايه ..ذب هدومه ..وكعد ..وتجة ..ظهره ع الحايط .. كال ..جنتي شجاي سوين وساعه ادك ..ومتفتحين نايمه ..والله .. والي .والي شفته شنو تفسيرة ..احجي .. اشفت فهد .. ها اشفت مفرعه كدام الزلم . فهد اختنكت وشويه رفعت حجابي بلا مغثة فدوة. كام يعيط ..اني الدنيا محروكه براسي هنوب انتي ..صدك انتي مو كد واحد يعتمد عليج ولا كد ..مرة وبيت .. يعني شنو .. شنو انتي طايحه حظ ..وماعدج غيرة ع نفسج ..قابل انه اشريها الج ..يصفك بايدة احجي وللعدم كلامي ..راسج فارغ تربات ولايه ومتعلمه ع هلسوالف ..التعبانه بقيت صافنه بوجهها .. فهد كافي حرام عليك لا اني جرمت ولا طلعت مصلخه .. كافي انت هيج ويايه ..خانكني عبالك عبدة عندك ..واشتريتني بفلوسك .. كام عليه ..اني كاعدة ..كام ياشر باصبعه ..مايوم حجيت شي اذا مو لسانج يطلع متر ..ليال ..مجاي تعدلين وياي اعيد واحجي وانتي ماكو .. رفعت راسي الي تريدة شنو فهد اني موخوش مرة ..مثل متكول انت ..حقك ومتعبتك ..الي تريدة شنوانت ادور المشاكل ويايه ادوارة ..عبالك تشتريها بفلوس ..الغلط مو مني الغلط منكم ..انتو المفروض مطبون راسا .. ليااال..انجبي .. اي هذا هوة انجب واسد الموضوع وانت ابو الحق ... اكولج انتي عليمن هيج ..نافخه روحج ..وتحجين ..نسيتي انتي شنو ..انتي فصلية ليال يعني الي اريدة منج اسوي وغصبا ماعليج والا اربيج من جديد .. صفنت عليه ..رفعت راسي ..كتله صح راح ابقى بعينك فصليه .. اهوووو .. لا اهو ولا غيرها ..عيني انت ..اصلا انت ..موطبيعي ..وهاي مو غيرة ولا شك هذا مرض بيك . لان الكل ..كاعدات وماكو شي بس انت سويتها عليه فلم ورجعت ع الفصليه .. كال ليش حاسبه نفسج صدك فصليه..انتي ..شوفي فصول العالم وشوفي نفسج انتي مدللة ..ترة..اسكتي هيج حجيتها موقصد ..لا جلبين بيها ..انه اغار عليج وتعرفين شنو مطلعه شعرج وايدج ..وتباع عليج العالم ..ماتحمل هجي ..انه ..واذا ماتعدلين راسج اكسرة واطلع دلال اهلج من عينج ... كتله يومين ..بس ..رجعت زين ..وراها رجعت ع نفس سالفتك ..ومن احجي اطلع موخوش ادميه ..روح شوف نسوان اخوانك ..مثلي ترة .. كال مالي دخل بيهن عليه بيج .. كمت ..من يمه ورم قلبي .. وين رايحه .. اطلع اشتم هوى اختنكت .. اكعدي ..اكو زلم برة وفيصل راح جاي .. كتله كافي فهد ..ترة ماكو هيج ..كمت احجي بصوت عالي ..الا ..انت تفكيرك وسخ بلعالم وتشوف كل الناس مثلك .. بعدني ماممكملة حجايتي ..ضربني راشدي .. لزمت خدي ..وضليت اباع عليه .. هوة عافني وطلع ..وسد الباب حيل .. بقيت ..كاعدة ..ابجي ع حظي الي ماشاف راحه غير يومين وطلعن من عيني ..وفهد جاي يطلع قهره بيه .. اختنكت كلش..منه ومن تصرفاته وعصبيته ..وخنكته الي .. عرفته مراح يتغير ويايه هذا طبعه وراح ابقى بعينه فصليه اني ..لهنا وخلص ويا ..بقيت كاعدة وخاله راسي ..بين رجلي وابجي ..كافي ياربي ..قهر .. كافي ..اريد احد ينصفني ان جنت غلط طبني الف مرض وان جنت حق الله ياخذ حقي منه .. طب عليه ..مارفعت راسي ..اله .. كال ليال ..بس صوته تغير ..نبرته نصت وبيها دفو ..وندم.. كال ..اني تعبان ..من الطلابه ..موقصدي اطكج..وانتي دوسين ابطني .. رفعت راسي ..كتله .. طلكني ..والله يحسبها الك ..اجر .. طلكني وخلصني منك ..ومن الفصل ومن كلشي يربطني ..بيك .. مو هو. بكيفج واطلكج.. مافيدك اني ..موخوش انسانه .. سكت .. كال ..بلا حجي زايد لا من حقج تطلكين ولا تروحين لاهلج .. هذا مصيرج هنا يمي .. هزيت. راسي ..خوش يابن الشيخ ..هاي قوانينكم .. دمرت حياتي .. اوف ..رجعت تنك ..وتحجي ومن اطكها تبجي .. انه طالع ..منا مارجع بعد .. طلع ..من يمي .. بقيت وحدي .ابجي قلبي محروك شكد اريد اتعب وياه ابقى فصل وموخوش. انسانه .. .اقل الساعه ..وسمعت اعياط .. طلعت ..ركض ..برة .. يعيطون ويصيحون عبالي الحجيه ماتت .. كالو ..فهد رمو ..عليه طلق ...
